Kaleni ovayapuki, osheshi Aame Omuyapuki
1 Omwene okwa popya vali naMoses, 2 a lombwele eongalo alishe lovana vaIsrael a tye: “Mu nokukala ovayapuki, osheshi Aame, Omwene Kalunga keni, omuyapuki. 3 Keshe umwe e nokutila ina naxe nokudiinina omashabata ange. Aame Omwene Kalunga keni. 4 Inamu ama koikalunga no inamu li ningila oitelekwakalunga. Aame Omwene, Kalunga keni.
5 “Ndele ngeenge tamu tomene Omwene epanduloyambo, nye mu noku li yamba ngaha, mu shiive oku mu wapalela: 6 Mefiku tuu olo tamu li yambe ile efiku tali shikula, mu noku li lya. Ndelenee olo tali xupile po efiku etitatu, oli nokuxwikwa momundilo. 7 Ndele ngeenge tali liwa mefiku etitatu, lo ola ninga oshidila. Lo itali ka tambulwa nohokwe. 8 Ndele ou te li li, ota ka humbata etimba laye, osheshi olo la li liyapuki kOmwene, ndelenee ye okwe li nyateka. Onghee hano omwenyo ou u nokudimwa mo movanhu.
9 “Nye ngeenge tamu teya oilya momapya eni, inamu teya unene kominghulo; nomitwe doilya tadi wile po, inamu di toola po. 10 Moshikokola shoye shomiviinyu ino shi yeleka mokuteya; neeviinyu tadi wile poshi komuviinyu woye, ino di toola po. U noku di fiila po ovakwanaluhepo novanailongo. Aame Omwene, Kalunga keni.
11 “Nye inamu vaka noinamu popya oipupulu, ndele inamu kengelelafana. 12 Inamu ana oipupulu medina lange nokushekifa ngaha edina laKalunga koye. Aame Omwene.
13 “Ino hepeka ile okufininika omukweni. Ino kala nondjabi yaau te ku longele fiyo omongula. 14 Ino finga omufitamatwi, no ino tula oshipundukifo mondjila yomupofi; ndelenee u nokutila Kalunga koye. Aame Omwene.
15 “Moihokolola ino popya eshi inashi yuka. Ino kala u nokatongotongo pokati kohepele nomufimanekwa. U nokutokola omukweni pauyuki. 16 Ino endaenda mokati kovanhu ngaashi omupopyaani. Ino nangela omwenyo wamukweni. Aame Omwene.
17 “Omumwanyoko omulumenhu ino mu tonda momutima woye. Omukweni ino tila oku mu vela ombedi, ove opo uha pewe oushima molwaye. 18 Ovanhu vomoshiwana shoye ino va kwatela onghone noino va tonda, ndelenee hola omukweni ngaashi u lihole mwene. Aame Omwene.
19 “Nye mu nokudiinina eenghedimhango dange. Ino hambifa omaludi avali omoimuna yoye. Ino kuna eembuto domaludi avali mepya loye. Ino djala oshikutu sha tungifwa eengodi domaludi avali.
20 “Ndele omulumenhu ngeenge ta nangala nomukainhu omupika womulumenhu umwe, naau ina kulilwa ile ina pikululwa, opo vo ve nokuhandukilwa, ndelenee hakudipawa, osheshi omukainhu ina pikululwa; 21 ndele ye e nokweetela Omwene okuvelombediyambo koshivelo shetwali leongalo odi yomhedi okuvelombediyambo; 22 nomupristeli e noku mu kwatakanifa nodi yomhedi yokuvelombediyambo koshipala shOmwene molwomanyonauno aye, ndele ye ota ka mona edimepo lomanyonauno aye e a nyona.
23 “Nye ngeenge tamu fiki kedu linya ndele tamu twike omiti di lili doiimati, inamu lya oiimati yado, yo ya fa inai pita etanda kunye. Omido nhatu nai kale ya efwa, inamu i lya. 24 Ndelenee momudo omutine yapulileni Omwene oiimati aishe yado eeshalihafo. 25 Ndele momudo omutitano lyeni oiimati yado. Osho ngaha tamu hapupalifa oiimati yomiti. Aame Omwene, Kalunga keni.
26 “Inamu lya ombelela i nohonde. Inamu nyanekela nye inamu kala neemhule. 27 Inamu likulula omixungo, neendjedi doye ino di kulula momunghulo. 28 Nomalutu eni inamu a lengaula molwomufi, ndele inamu ninga omafano moshipa sheni. Aame Omwene.
29 “Nomumwoye okakadona ino mu fifa ohoni oku mu yandja mokuhaelwa, oshilongo opo shiha nyike oluhaelo nedu liha yadifwe oilonga yefifohoni. 30 Diinineni omashabata ange, nokutila etwali lange liyapuki. Aame Omwene.
31 “Inamu ama kovakwamhungu ile keemhule. Inamu di konga muha nyatekwe kudo. Aame Omwene Kalunga keni. 32 Kala ofika moipafi yomukulunhu weenghwakutoka; fimaneka omukulunhu; tila Kalunga. Aame Omwene.
33 “Nomunailongo ngeenge ta kala punye moshilongo sheni, inamu mu fininika. 34 Omunailongo ou ta kala punye, na talwe kunye, oye ngaashi omudalelwa mo womoshilongo, ou e li mokati keni. Ndele mu noku mu hola ngaashi mu lihole nye vene, osheshi nanye yo mwa li ovanailongo medu laEgipiti. Aame Omwene Kalunga keni.
35 “Mokutokola kweni inamu tokola noipupulu, noinamu longifa oiyelekifo inai yuka: oshiyelekifo shoule, noshiyelekifo shoudjuu, noshiyelekifo shoshimbale. 36 Kaleni mu noshiyelekifo sha yuka shoudjuu, nomamanya a yuka okuyelekifa, noshiyelekifo sheefa sha yuka noshiyelekifo shahin sha yuka. Aame Omwene Kalunga keni, ou e mu pitifa mo medu laEgipiti. 37 Onghee hano mu nokudiinina nokuwanifa eenghedimhango dange nomalombwelo ange aeshe. Aame Omwene.”
Kaleni ovayapuki, osheshi Aame Omuyapuki
1 Omwene okwa popya vali naMoses, 2 a lombwele eongalo alishe lovana vaIsrael a tye: “Mu nokukala ovayapuki, osheshi Aame, Omwene Kalunga keni, omuyapuki. 3 Keshe umwe e nokutila ina naxe nokudiinina omashabata ange. Aame Omwene Kalunga keni. 4 Inamu ama koikalunga no inamu li ningila oitelekwakalunga. Aame Omwene, Kalunga keni.
5 “Ndele ngeenge tamu tomene Omwene epanduloyambo, nye mu noku li yamba ngaha, mu shiive oku mu wapalela: 6 Mefiku tuu olo tamu li yambe ile efiku tali shikula, mu noku li lya. Ndelenee olo tali xupile po efiku etitatu, oli nokuxwikwa momundilo. 7 Ndele ngeenge tali liwa mefiku etitatu, lo ola ninga oshidila. Lo itali ka tambulwa nohokwe. 8 Ndele ou te li li, ota ka humbata etimba laye, osheshi olo la li liyapuki kOmwene, ndelenee ye okwe li nyateka. Onghee hano omwenyo ou u nokudimwa mo movanhu.
9 “Nye ngeenge tamu teya oilya momapya eni, inamu teya unene kominghulo; nomitwe doilya tadi wile po, inamu di toola po. 10 Moshikokola shoye shomiviinyu ino shi yeleka mokuteya; neeviinyu tadi wile poshi komuviinyu woye, ino di toola po. U noku di fiila po ovakwanaluhepo novanailongo. Aame Omwene, Kalunga keni.
11 “Nye inamu vaka noinamu popya oipupulu, ndele inamu kengelelafana. 12 Inamu ana oipupulu medina lange nokushekifa ngaha edina laKalunga koye. Aame Omwene.
13 “Ino hepeka ile okufininika omukweni. Ino kala nondjabi yaau te ku longele fiyo omongula. 14 Ino finga omufitamatwi, no ino tula oshipundukifo mondjila yomupofi; ndelenee u nokutila Kalunga koye. Aame Omwene.
15 “Moihokolola ino popya eshi inashi yuka. Ino kala u nokatongotongo pokati kohepele nomufimanekwa. U nokutokola omukweni pauyuki. 16 Ino endaenda mokati kovanhu ngaashi omupopyaani. Ino nangela omwenyo wamukweni. Aame Omwene.
17 “Omumwanyoko omulumenhu ino mu tonda momutima woye. Omukweni ino tila oku mu vela ombedi, ove opo uha pewe oushima molwaye. 18 Ovanhu vomoshiwana shoye ino va kwatela onghone noino va tonda, ndelenee hola omukweni ngaashi u lihole mwene. Aame Omwene.
19 “Nye mu nokudiinina eenghedimhango dange. Ino hambifa omaludi avali omoimuna yoye. Ino kuna eembuto domaludi avali mepya loye. Ino djala oshikutu sha tungifwa eengodi domaludi avali.
20 “Ndele omulumenhu ngeenge ta nangala nomukainhu omupika womulumenhu umwe, naau ina kulilwa ile ina pikululwa, opo vo ve nokuhandukilwa, ndelenee hakudipawa, osheshi omukainhu ina pikululwa; 21 ndele ye e nokweetela Omwene okuvelombediyambo koshivelo shetwali leongalo odi yomhedi okuvelombediyambo; 22 nomupristeli e noku mu kwatakanifa nodi yomhedi yokuvelombediyambo koshipala shOmwene molwomanyonauno aye, ndele ye ota ka mona edimepo lomanyonauno aye e a nyona.
23 “Nye ngeenge tamu fiki kedu linya ndele tamu twike omiti di lili doiimati, inamu lya oiimati yado, yo ya fa inai pita etanda kunye. Omido nhatu nai kale ya efwa, inamu i lya. 24 Ndelenee momudo omutine yapulileni Omwene oiimati aishe yado eeshalihafo. 25 Ndele momudo omutitano lyeni oiimati yado. Osho ngaha tamu hapupalifa oiimati yomiti. Aame Omwene, Kalunga keni.
26 “Inamu lya ombelela i nohonde. Inamu nyanekela nye inamu kala neemhule. 27 Inamu likulula omixungo, neendjedi doye ino di kulula momunghulo. 28 Nomalutu eni inamu a lengaula molwomufi, ndele inamu ninga omafano moshipa sheni. Aame Omwene.
29 “Nomumwoye okakadona ino mu fifa ohoni oku mu yandja mokuhaelwa, oshilongo opo shiha nyike oluhaelo nedu liha yadifwe oilonga yefifohoni. 30 Diinineni omashabata ange, nokutila etwali lange liyapuki. Aame Omwene.
31 “Inamu ama kovakwamhungu ile keemhule. Inamu di konga muha nyatekwe kudo. Aame Omwene Kalunga keni. 32 Kala ofika moipafi yomukulunhu weenghwakutoka; fimaneka omukulunhu; tila Kalunga. Aame Omwene.
33 “Nomunailongo ngeenge ta kala punye moshilongo sheni, inamu mu fininika. 34 Omunailongo ou ta kala punye, na talwe kunye, oye ngaashi omudalelwa mo womoshilongo, ou e li mokati keni. Ndele mu noku mu hola ngaashi mu lihole nye vene, osheshi nanye yo mwa li ovanailongo medu laEgipiti. Aame Omwene Kalunga keni.
35 “Mokutokola kweni inamu tokola noipupulu, noinamu longifa oiyelekifo inai yuka: oshiyelekifo shoule, noshiyelekifo shoudjuu, noshiyelekifo shoshimbale. 36 Kaleni mu noshiyelekifo sha yuka shoudjuu, nomamanya a yuka okuyelekifa, noshiyelekifo sheefa sha yuka noshiyelekifo shahin sha yuka. Aame Omwene Kalunga keni, ou e mu pitifa mo medu laEgipiti. 37 Onghee hano mu nokudiinina nokuwanifa eenghedimhango dange nomalombwelo ange aeshe. Aame Omwene.”
