Oshilongo shaIsrael tashi ka tungululwa
1 Ndele oove, kaana komunhu, xunganekela eemhunda daIsrael u tye: “Eemhunda daIsrael, udeni ondjovo yOmwene. 2 Omwene Kalunga ota ti ngaha: Osheshi omutondadi te ku sheke ta ti: ‘Hambaa! Hambaa! Eemhunda daalushe da ninga detu!’ 3 Onghee hano xunganeka u tye: Omwene Kalunga ota ti ngaha: Shaashi vo, heeno, shaashi vo ve mu tokeka nokulyataula keembinga adishe, opo mu ninge eliko loixupe yoiwana, ndele nye mwa lundilwa komalaka mai, 4 onghee hano, eemhunda nye daIsrael, udeni ondjovo yOmwene Kalunga. Omwene Kalunga ta ti ngaha keemhunda nokoikulundudu, komakololo nokomalufilu, komakulukuma nokoilando ya efiwa ya ninga oihakanwa noya ninga esheko koixupe yoiwana tai va dingilile. 5 Onghee hano, Omwene Kalunga ta ti ngaha: Oshili, moupyuhandu wange Ame ohandi popi koixupe yoiwana nokoshilongo ashishe shaEdom, sho she linunina okukufa po edu lange li ninge lasho, nehafo linene lomutima nodino inene, opo oulifilo womulo u ninge oshihakanwa. 6 Onghee hano xunganekela oshilongo shaIsrael u tye keemhunda nokoikulundudu, nokomakololo nokomalufilu: Omwene Kalunga ta ti ngaha: Tala, Ame ohandi popi moupyuhandu wange nomehandu lange, shaashi nye mu nokuhumbata esheko loiwana. 7 Onghee hano, Omwene Kalunga ta ti ngaha: Ame ohandi yelula eke lange, oshili, oiwana ei tai mu dingilile, yo i nokuhumbata elengwa. 8 Ndelenee nye, eemhunda daIsrael, otamu twiyuka nokwiimikila oshiwana shange Israel oiimati. Osheshi vo ove li pokuuya. 9 Osheshi taleni, Ame ohandi uya kunye nohandi mu pungulukile, ndele nye otamu ka longwa nokukunwa. 10 Ndele Ame ohandi ka hapupalifa ovanhu kunye, eumbo alishe laIsrael, aveshe kumwe. Noilando tai ka kala i novanhu nomakulukuma taa ka tungululwa. 11 Heeno, Ame ohandi ka hapupalifa ovanhu noimuna kunye, ndele vo otava ka hapupala nokudala. Ndele nye otamu ka kala mu novanhu ngaashi nale, noku mu ningila ouwa u dule ouwa wopomafimbo onale, ndele nye otamu ka shiiva nokutya, Aame Omwene. 12 Ndele kombada yeni Ame ohandi ka endifila ovanhu, oshiwana shange Israel; ndele vo otave ku tambula u ninge wavo, ndele ove oto ka ninga efyuululo lavo, ndele ito va nyeka vali oludalo lavo. 13 Omwene Kalunga ta ti ngaha: Osheshi vo otave ku lombwele, tava ti: Oove nakulya ovanhu onakunyeka oludalo loshiwana, 14 onghee hano ove ito ka lya vali ovanhu ndele ito pundukifa vali oshiwana shoye, Omwene Kalunga ta ti. 15 Ndele ove ito ka uda vali omasheko oiwana, nelengwa lovanhu ito li humbata vali. Noshiwana shoye ito shi pundukifa vali, Omwene Kalunga ta ti.”
Israel ta ka pewa omwenyo mupe
16 Ondjovo yOmwene ye uya vali kwaame ndele tai ti: 17 “Kaana komunhu, eumbo laIsrael eshi la kala moshilongo shalo, lo ole shi nyateka nokweenda kwavo noilonga yavo. Okweenda kwavo kwa li moipafi yange ngaashi onyata yomukainhu a mona ohani. 18 Onghee hano nda tilashi oupyuhandu wange kombada yavo, omolwohonde ve i tilashi moshilongo shavo, fimbo ve linyateka noikalunga yavo. 19 Ndele Ame onde va halakanifila moiwana, ndele vo va halakanifilwa moilongo. Ame nde va tokola pakweenda kwavo nopailonga yavo. 20 Ndele vo eshi ve uya koiwana, keshe tuu oku ve uya, vo ova shekifa edina lange liyapuki, eshi va tya: ‘Ovanhu ava oshiwana shOmwene, ndele vo va li ve nokudja mo moshilongo shavo.’ 21 Opo nee Ame nda li ndi liuditile edina lange liyapuki olukeno, eumbo laIsrael, eshi le li shekifa mokati koiwana, keshe tuu oku ve uya.
22 “Onghee hano lombwela eumbo laIsrael u tye: Omwene Kalunga ta ti ngaha: Akutu eumbo laIsrael, Ame ihandi shi ningi molweni, ndelenee omolwedina lange liyapuki, mwe li shekifa moiwana, keshe tuu oku mwe uya. 23 Ndele Ame ohandi ka yapula edina lange linene eli la shekifwa moiwana, nye eshi mwe li shekifa mokati kayo. Noiwana tai ka shiiva nokutya, Aame Omwene, Omwene Kalunga ta ti, Ame ngeenge handi mu lihololele momesho avo ngaashi Omuyapuki. 24 Ndele Ame ohandi ke mu kufa mo moiwana ndele handi mu ongele kumwe moilongo aishe, ndele handi ke mu eta moshilongo sheni. 25 Opo nee handi ka tila kombada yeni omeva a yela, opo mu yele. Ame ohandi ke mu yapula eenyata deni adishe noikalunga yeni aishe. 26 Ndele Ame ohandi mu pe omutima mupe, nomeni leni handi mu pe omhepo ipe. Ndele handi ka kufa mo omutima wemanya mombelela yeni nohandi mu pe omutima wonhumba. 27 Ndele meni leni handi pake mo Omhepo yange nohandi mu wapaleke mu ende paenghedimhango dange notamu diinine omalombwelo ange noku a wanifa. 28 Ndele nye otamu ka kala moshilongo, nde shi pa ooxokulu yeni; ndele nye otamu ka ninga oshiwana shange naame handi ka ninga Kalunga keni. 29 Ndele Ame ohandi mu mangulula meenyata deni adishe. Nohandi ka ifana oilya noku i hapupalifa noitandi mu pe ondjala. 30 Noiimati yomiti neloolo lomapya ohandi li hapupalifa, muha humbate vali elengwa omolwondjala mokati koiwana. 31 Opo nee nye otamu ka dimbulukwa okweenda kweni kwii noilonga yeni oyo ihe fi iwa. Ndele nye vene tamu ke linyonyodola omolwoulunde weni noixuna yeni. 32 Ame ihandi shi ningi omolweni, Omwene Kalunga ta ti, kaleni mu shi shii! Fyeni ohoni nokulinyonyodola molwokweenda kweni, eumbo laIsrael.”
Edu la nangekwa noupuna tali udanekelwa
33 Omwene Kalunga ta ti ngaha: “Mefiku tuu olo Ame ohandi mu yapula koulunde weni aushe, oilando handi i nangeke ovanhu nomakulukuma taa tungululwa. 34 Noshilongo sha tokekwa, tashi ka longwa, sha li omuulu momesho aaveshe ava va enda po, 35 ndele vo otava ka tya: ‘Oshilongo eshi sha li sha tokekwa, osha ninga ngaashi oshikunino shaEden. Noilando ya ngumunwa po ya li ngaho ya hanaunwa po, oya pamekwa noi novanhu.’ 36 Opo nee oiwana ei ya xupa po tai mu dingilile otai ka shiiva nokutya, Aame Omwene nda tungulula eshi sha li sha teyaulwa po, nda twika eshi sha tokekwa. Aame Omwene nde shi popya, ndele Ame ohandi ke shi wanifa.”
37 Omwene Kalunga ota ti ngaha: “Noposhinima eshi handi shi itavelele eumbo laIsrael ouwa wange: Ame ohandi hapupalifa ovanhu vavo ngaashi eedi. 38 Ngaashi oyuunda yeedi da yapulilwa, ngaashi eedi domuJerusalem momafimbo oivilo, osho oilando ei ya li ya ngumunwa po, tai ka yada oufita wovanhu. Ndele vo otava ka shiiva nokutya, Aame Omwene.”
Oshilongo shaIsrael tashi ka tungululwa
1 Ndele oove, kaana komunhu, xunganekela eemhunda daIsrael u tye: “Eemhunda daIsrael, udeni ondjovo yOmwene. 2 Omwene Kalunga ota ti ngaha: Osheshi omutondadi te ku sheke ta ti: ‘Hambaa! Hambaa! Eemhunda daalushe da ninga detu!’ 3 Onghee hano xunganeka u tye: Omwene Kalunga ota ti ngaha: Shaashi vo, heeno, shaashi vo ve mu tokeka nokulyataula keembinga adishe, opo mu ninge eliko loixupe yoiwana, ndele nye mwa lundilwa komalaka mai, 4 onghee hano, eemhunda nye daIsrael, udeni ondjovo yOmwene Kalunga. Omwene Kalunga ta ti ngaha keemhunda nokoikulundudu, komakololo nokomalufilu, komakulukuma nokoilando ya efiwa ya ninga oihakanwa noya ninga esheko koixupe yoiwana tai va dingilile. 5 Onghee hano, Omwene Kalunga ta ti ngaha: Oshili, moupyuhandu wange Ame ohandi popi koixupe yoiwana nokoshilongo ashishe shaEdom, sho she linunina okukufa po edu lange li ninge lasho, nehafo linene lomutima nodino inene, opo oulifilo womulo u ninge oshihakanwa. 6 Onghee hano xunganekela oshilongo shaIsrael u tye keemhunda nokoikulundudu, nokomakololo nokomalufilu: Omwene Kalunga ta ti ngaha: Tala, Ame ohandi popi moupyuhandu wange nomehandu lange, shaashi nye mu nokuhumbata esheko loiwana. 7 Onghee hano, Omwene Kalunga ta ti ngaha: Ame ohandi yelula eke lange, oshili, oiwana ei tai mu dingilile, yo i nokuhumbata elengwa. 8 Ndelenee nye, eemhunda daIsrael, otamu twiyuka nokwiimikila oshiwana shange Israel oiimati. Osheshi vo ove li pokuuya. 9 Osheshi taleni, Ame ohandi uya kunye nohandi mu pungulukile, ndele nye otamu ka longwa nokukunwa. 10 Ndele Ame ohandi ka hapupalifa ovanhu kunye, eumbo alishe laIsrael, aveshe kumwe. Noilando tai ka kala i novanhu nomakulukuma taa ka tungululwa. 11 Heeno, Ame ohandi ka hapupalifa ovanhu noimuna kunye, ndele vo otava ka hapupala nokudala. Ndele nye otamu ka kala mu novanhu ngaashi nale, noku mu ningila ouwa u dule ouwa wopomafimbo onale, ndele nye otamu ka shiiva nokutya, Aame Omwene. 12 Ndele kombada yeni Ame ohandi ka endifila ovanhu, oshiwana shange Israel; ndele vo otave ku tambula u ninge wavo, ndele ove oto ka ninga efyuululo lavo, ndele ito va nyeka vali oludalo lavo. 13 Omwene Kalunga ta ti ngaha: Osheshi vo otave ku lombwele, tava ti: Oove nakulya ovanhu onakunyeka oludalo loshiwana, 14 onghee hano ove ito ka lya vali ovanhu ndele ito pundukifa vali oshiwana shoye, Omwene Kalunga ta ti. 15 Ndele ove ito ka uda vali omasheko oiwana, nelengwa lovanhu ito li humbata vali. Noshiwana shoye ito shi pundukifa vali, Omwene Kalunga ta ti.”
Israel ta ka pewa omwenyo mupe
16 Ondjovo yOmwene ye uya vali kwaame ndele tai ti: 17 “Kaana komunhu, eumbo laIsrael eshi la kala moshilongo shalo, lo ole shi nyateka nokweenda kwavo noilonga yavo. Okweenda kwavo kwa li moipafi yange ngaashi onyata yomukainhu a mona ohani. 18 Onghee hano nda tilashi oupyuhandu wange kombada yavo, omolwohonde ve i tilashi moshilongo shavo, fimbo ve linyateka noikalunga yavo. 19 Ndele Ame onde va halakanifila moiwana, ndele vo va halakanifilwa moilongo. Ame nde va tokola pakweenda kwavo nopailonga yavo. 20 Ndele vo eshi ve uya koiwana, keshe tuu oku ve uya, vo ova shekifa edina lange liyapuki, eshi va tya: ‘Ovanhu ava oshiwana shOmwene, ndele vo va li ve nokudja mo moshilongo shavo.’ 21 Opo nee Ame nda li ndi liuditile edina lange liyapuki olukeno, eumbo laIsrael, eshi le li shekifa mokati koiwana, keshe tuu oku ve uya.
22 “Onghee hano lombwela eumbo laIsrael u tye: Omwene Kalunga ta ti ngaha: Akutu eumbo laIsrael, Ame ihandi shi ningi molweni, ndelenee omolwedina lange liyapuki, mwe li shekifa moiwana, keshe tuu oku mwe uya. 23 Ndele Ame ohandi ka yapula edina lange linene eli la shekifwa moiwana, nye eshi mwe li shekifa mokati kayo. Noiwana tai ka shiiva nokutya, Aame Omwene, Omwene Kalunga ta ti, Ame ngeenge handi mu lihololele momesho avo ngaashi Omuyapuki. 24 Ndele Ame ohandi ke mu kufa mo moiwana ndele handi mu ongele kumwe moilongo aishe, ndele handi ke mu eta moshilongo sheni. 25 Opo nee handi ka tila kombada yeni omeva a yela, opo mu yele. Ame ohandi ke mu yapula eenyata deni adishe noikalunga yeni aishe. 26 Ndele Ame ohandi mu pe omutima mupe, nomeni leni handi mu pe omhepo ipe. Ndele handi ka kufa mo omutima wemanya mombelela yeni nohandi mu pe omutima wonhumba. 27 Ndele meni leni handi pake mo Omhepo yange nohandi mu wapaleke mu ende paenghedimhango dange notamu diinine omalombwelo ange noku a wanifa. 28 Ndele nye otamu ka kala moshilongo, nde shi pa ooxokulu yeni; ndele nye otamu ka ninga oshiwana shange naame handi ka ninga Kalunga keni. 29 Ndele Ame ohandi mu mangulula meenyata deni adishe. Nohandi ka ifana oilya noku i hapupalifa noitandi mu pe ondjala. 30 Noiimati yomiti neloolo lomapya ohandi li hapupalifa, muha humbate vali elengwa omolwondjala mokati koiwana. 31 Opo nee nye otamu ka dimbulukwa okweenda kweni kwii noilonga yeni oyo ihe fi iwa. Ndele nye vene tamu ke linyonyodola omolwoulunde weni noixuna yeni. 32 Ame ihandi shi ningi omolweni, Omwene Kalunga ta ti, kaleni mu shi shii! Fyeni ohoni nokulinyonyodola molwokweenda kweni, eumbo laIsrael.”
Edu la nangekwa noupuna tali udanekelwa
33 Omwene Kalunga ta ti ngaha: “Mefiku tuu olo Ame ohandi mu yapula koulunde weni aushe, oilando handi i nangeke ovanhu nomakulukuma taa tungululwa. 34 Noshilongo sha tokekwa, tashi ka longwa, sha li omuulu momesho aaveshe ava va enda po, 35 ndele vo otava ka tya: ‘Oshilongo eshi sha li sha tokekwa, osha ninga ngaashi oshikunino shaEden. Noilando ya ngumunwa po ya li ngaho ya hanaunwa po, oya pamekwa noi novanhu.’ 36 Opo nee oiwana ei ya xupa po tai mu dingilile otai ka shiiva nokutya, Aame Omwene nda tungulula eshi sha li sha teyaulwa po, nda twika eshi sha tokekwa. Aame Omwene nde shi popya, ndele Ame ohandi ke shi wanifa.”
37 Omwene Kalunga ota ti ngaha: “Noposhinima eshi handi shi itavelele eumbo laIsrael ouwa wange: Ame ohandi hapupalifa ovanhu vavo ngaashi eedi. 38 Ngaashi oyuunda yeedi da yapulilwa, ngaashi eedi domuJerusalem momafimbo oivilo, osho oilando ei ya li ya ngumunwa po, tai ka yada oufita wovanhu. Ndele vo otava ka shiiva nokutya, Aame Omwene.”
