Oshitukulwafyuululwa shaManasse
1 Natango oshihoololifo shoshitukulwa shepata laManasse, ou a li oshiveli shaJosef: Makir, oshiveli shaManasse, xe yaGilead, ou a li omukwaita, okwa pewa Gilead naBasan.
2 Novana vakwao vaManasse ova pewa yo oshitukulwa pamaludi avo: ovana vaAbieser novana vaHelek novana vaAsriel novana vaSekem novana vaHefer novana vaSemida. Ovo hano ovana ovamati vaManasse yaJosef pamaludi avo.
3 Ndelenee Selofhad yaHefer yaGilead yaMakir yaManasse, okwa li ehe novana ovamati, ndelenee ovana oukadona aveke. Nomadina ovana oukadona oo aa: Mahla naNoa, Hogla, Milka naTirsa. 4 Ndele ava ve uya koshipala shomupristeli Eliaser nokoshipala shaJosua yaNun nomoipafi yovakulunhu, ndele tava ti: “Omwene okwa lombwela Moses tu pewe oshitukulwafyuululwa mokati kovamwameme ovalumenhu.” Onghee ye e va pa oshitukulwafyuululwa palombwelo lOmwene mokati kovamwaina ovalumenhu vaxe.
5 Osho ngaha hano Manasse a pewa oitukulwa omulongo, nokwa wedelwa oilongo yaGilead naBasan i li langhele kwinya yaJordan. 6 Osheshi ovana oukadona vaManasse va pewa oshitukulwafyuululwa mokati kovamwaina vavo ovalumenhu, ndelenee oshilongo shaGilead sha ninga shovana vamwe vaManasse. 7 Ndele omufinda wongaba waManasse oyou: okudja kuAsser, tau i kuMigmetat, sha ama koushilo waSekem. Opo nee omufinda tau ende koumbuwanhu wa kwatela mo ovanhu vomuEn-Tappuah. 8 Onhele yedu laTappuah oya li yaManasse, ndelenee Tappuah osho shi li pongaba yaManasse, osha ninga shovana vaEfraim; 9 Opo nee omufinda tau i kokamulonga kaKana, kombinga yokoumbuwanhu wokamulonga. Oilando inya mokati koilando yaManasse oya ninga yaEfraim. Nomufinda waManasse u li kombinga yaumbangalanhu yokamulonga ndele tau xulile mEfuta Lopokati. 10 Edu lokoumbuwanhu wako ola ninga laEfraim, ndelenee edu lokoumbangalanhu la ninga laManasse. Efuta Lopokati olo omufinda wongaba. Kombinga yokoumbangalanhu tau tu kuAsser, ndelenee kombinga yokoushilo oIsaskar. 11 Ndele muIsaskar nomuAsser eenhele edi da ninga daManasse: Bet-Sean naJibleam naDor naEndor naTaanak naMegido nomikunda domomukulambo. 12 Ndelenee ovana vaManasse va nyengwa okunangala oilando oyo, nOvakaanan va mona ngaha omhito okukala moshilongo osho. 13 Ndelenee ovana vaIsrael eshi va mona eenghono, ova fininika Ovakaanan oku va longela, ndelenee inave va taataa mo sheke.
14 Opo nee ovana vaJosef va popya naJosua, ndele tava ti: “Omolwashike wa pa nge oshihoololwatukulwa shimwe ashike oshitukulwa shimwe ngaashi oshitukulwafyuululwa, nande aame oshiwana shinene, osheshi Omwene okwa nangeka nge noupuna fiyo onena eli?” 15 Ndele Josua okwe va lombwela: “Eshi oove oshiwana shinene, inda hano komufitu ndele likokoleleni onhele moshilongo shOvaperesi noshOvarefai, eshi u nofina keemhunda daEfraim.” 16 Ndelenee ovana vaJosef tava ti: “Eemhunda itadi ke tu wanena, nOvakaanan aveshe ava hava kala medu la lalakana ve nomatemba oivela, vo ava hava kala muBetshan nomikunda dasho naava hava kala mefilu laJisreel.” 17 Opo nee Josua okwa popya neumbo laJosef naEfraim naManasse ndele ta ti: “Oove oshiwana shinene ndele ove u neenghono dinene; ito ka kala u noshihoololwatukulwa shimwe ashike, 18 eemhunda tadi ka ninga doye. Odo omifitu u noku di kokola, opo nee eenhele dokominghulo dado tadi ningi doye. Osheshi u nokutaataa Ovakaanan, nande vo ve nomatemba oivela nonande vo ve neenghono.”
Oshitukulwafyuululwa shaManasse
1 Natango oshihoololifo shoshitukulwa shepata laManasse, ou a li oshiveli shaJosef: Makir, oshiveli shaManasse, xe yaGilead, ou a li omukwaita, okwa pewa Gilead naBasan.
2 Novana vakwao vaManasse ova pewa yo oshitukulwa pamaludi avo: ovana vaAbieser novana vaHelek novana vaAsriel novana vaSekem novana vaHefer novana vaSemida. Ovo hano ovana ovamati vaManasse yaJosef pamaludi avo.
3 Ndelenee Selofhad yaHefer yaGilead yaMakir yaManasse, okwa li ehe novana ovamati, ndelenee ovana oukadona aveke. Nomadina ovana oukadona oo aa: Mahla naNoa, Hogla, Milka naTirsa. 4 Ndele ava ve uya koshipala shomupristeli Eliaser nokoshipala shaJosua yaNun nomoipafi yovakulunhu, ndele tava ti: “Omwene okwa lombwela Moses tu pewe oshitukulwafyuululwa mokati kovamwameme ovalumenhu.” Onghee ye e va pa oshitukulwafyuululwa palombwelo lOmwene mokati kovamwaina ovalumenhu vaxe.
5 Osho ngaha hano Manasse a pewa oitukulwa omulongo, nokwa wedelwa oilongo yaGilead naBasan i li langhele kwinya yaJordan. 6 Osheshi ovana oukadona vaManasse va pewa oshitukulwafyuululwa mokati kovamwaina vavo ovalumenhu, ndelenee oshilongo shaGilead sha ninga shovana vamwe vaManasse. 7 Ndele omufinda wongaba waManasse oyou: okudja kuAsser, tau i kuMigmetat, sha ama koushilo waSekem. Opo nee omufinda tau ende koumbuwanhu wa kwatela mo ovanhu vomuEn-Tappuah. 8 Onhele yedu laTappuah oya li yaManasse, ndelenee Tappuah osho shi li pongaba yaManasse, osha ninga shovana vaEfraim; 9 Opo nee omufinda tau i kokamulonga kaKana, kombinga yokoumbuwanhu wokamulonga. Oilando inya mokati koilando yaManasse oya ninga yaEfraim. Nomufinda waManasse u li kombinga yaumbangalanhu yokamulonga ndele tau xulile mEfuta Lopokati. 10 Edu lokoumbuwanhu wako ola ninga laEfraim, ndelenee edu lokoumbangalanhu la ninga laManasse. Efuta Lopokati olo omufinda wongaba. Kombinga yokoumbangalanhu tau tu kuAsser, ndelenee kombinga yokoushilo oIsaskar. 11 Ndele muIsaskar nomuAsser eenhele edi da ninga daManasse: Bet-Sean naJibleam naDor naEndor naTaanak naMegido nomikunda domomukulambo. 12 Ndelenee ovana vaManasse va nyengwa okunangala oilando oyo, nOvakaanan va mona ngaha omhito okukala moshilongo osho. 13 Ndelenee ovana vaIsrael eshi va mona eenghono, ova fininika Ovakaanan oku va longela, ndelenee inave va taataa mo sheke.
14 Opo nee ovana vaJosef va popya naJosua, ndele tava ti: “Omolwashike wa pa nge oshihoololwatukulwa shimwe ashike oshitukulwa shimwe ngaashi oshitukulwafyuululwa, nande aame oshiwana shinene, osheshi Omwene okwa nangeka nge noupuna fiyo onena eli?” 15 Ndele Josua okwe va lombwela: “Eshi oove oshiwana shinene, inda hano komufitu ndele likokoleleni onhele moshilongo shOvaperesi noshOvarefai, eshi u nofina keemhunda daEfraim.” 16 Ndelenee ovana vaJosef tava ti: “Eemhunda itadi ke tu wanena, nOvakaanan aveshe ava hava kala medu la lalakana ve nomatemba oivela, vo ava hava kala muBetshan nomikunda dasho naava hava kala mefilu laJisreel.” 17 Opo nee Josua okwa popya neumbo laJosef naEfraim naManasse ndele ta ti: “Oove oshiwana shinene ndele ove u neenghono dinene; ito ka kala u noshihoololwatukulwa shimwe ashike, 18 eemhunda tadi ka ninga doye. Odo omifitu u noku di kokola, opo nee eenhele dokominghulo dado tadi ningi doye. Osheshi u nokutaataa Ovakaanan, nande vo ve nomatemba oivela nonande vo ve neenghono.”
