Boas ta hombola Rut
1 Ndele Boas okwa ya koshivelo shoshilando ndele ta kala omutumba. Nomufyuululi wepya, ou a tongwa kuBoas, eshi a enda po opo, Boas ta ti kuye: Ila tu kale omutumba apa! Ye e uya po ndele ta kala omutumba. 2 Opo nee Boas a kufa ovalumenhu omulongo vomovakulunhu voshilando, ndele te va lombwele: “Kaleni omutumba apa.” Vo ova kala omutumba. 3 Ndele ye okwa lombwela omufyuululi wepya, ndele ta ti: “Epya olo, ola li lomukwetu Elimelek, Naomi ou a aluka koshilongo shaMoab ote li landifa po. 4 Onghee hano nda diladila: Ame ohandi ke shi ku hepaululila nokutya, li landa hano momesho aava hava kala omutumba apa nomoipafi yovakulunhu vovanhu vakwetu. Ngeenge wa hala oku li fyuulula, li fyuulula hano. Ndelenee ngeenge ino hala oku li fyuulula, shiivifile nge, osheshi kape nomufyuululi umwe ponho yoye, kakele kaame konima yoye.” Ndele ye okwa nyamukula ta ti: “Ame ohandi ke li fyuulula.” 5 Opo nee Boas ta ti: “Efiku olo to lande epya momake aNaomi, ove to mono yo Rut, Omumoabi, omwalikadi wanakufya, opo u dalele edina lanakufya omufyuululi.” 6 Opo nee omufyuululi wepya ta ti: “Ihandi dulu oku li fyuulula, osheshi handi nyono po oshitukulwafyuululwa shange. Hano lifyuulula olo ame nda li ndi nokufyuulula, osheshi ame itandi shi dulu.”
7 Ndele muIsrael mwa li nale onghedi ei mokufyuulula epya nomokulandakanifa oshinima, opo shi kale sha pama, nokutya umwe oha dula ko onghaku yaye noku i pa mukwao. Onghedi oyo hano ya li epameko leendjovo muIsrael. 8 Onghee hano omufyuululi wepya a lombwela Boas: “Li lilandela.” Ndele okwa dula ko onghaku yaye. 9 Opo nee Boas ta ti kovakulunhu nokovanhu aveshe: “Nye eendobwedi hano nena nokutya, ame ohandi lande aishe yaElimelek naaishe yaKiljon noyaMahlon, meke laNaomi. 10 Nosho yo Rut, Omumoabi, omwalikadi waMahlon, ame ohandi mu lilandele ta ningi omwalikadi wange ndi dalele oshitukulwafyuululwa shaye edina lanakufya, opo edina lanakufya liha dimwe mo muvakwao nomoshivelo shonhele yaye. Onye hano nena eendobwedi.” 11 Opo nee ovanhu aveshe ava va li moshivelo shoshilando novakulunhu tava ti: “Fye eendobwedi. Omwalikadi ou te uya meumbo loye na ningilwe kOmwene ngaashi Rakel nongaashi Lea, ovo aveshe vavali ova tunga eumbo laIsrael. Ninga oilonga yeenghono muEfrata, edina loye li ninge linene muBetlehem! 12 Ndele moludalo olo to pewa kOmwene momwalikadi ou omunyasha, namu holoke eumbo li ninge ngaashi eumbo laPeres, Tamar e mu dalela Juda.”
Epata laDavid
13 Osho ngaha hano Boas a kufa Rut, ndele ye a ninga omwalikadi waye. Ndele ye okwa ya mo kuye, nOmwene okwe mu pa oufimba nokwa dala okaana okamati. 14 Opo nee ovalikadi va lombwela Naomi, tava ti: Omwene na hambelelwe ou e ku pa nena omufyuululi wepya! Edina laye nali kale la fimana muIsrael. 15 Ye ote ke ku hekeleka ndele ta ningi omuyambididi woye moukulupe woye. Osheshi oshitenya shoye, oshi ku hole, sha dala, ou e ku wapalela, e dule ovamati vaheyali. 16 Ndele Naomi a kufa okaana nokwe ka tula mekolo laye, ndele ye a ninga omutekuli wako. 17 Novalikadi ovashiinda ve ka luka ndele tava ti: “Naomi a dalelwa okaana okamati!”
Ndele ve ka luka Obed. Ye oye xe yaIsai, xe yaDavid.
18 Epata laPeres oleli: Peres okwa li xe yaHesron. 19 Hesron okwa li xe yaRam, ndele Ram okwa li xe yaAminadab, 20 Ndele Aminadab, oye xe yaNashon, naNashon oxe yaSalmon, 21 Ndele Salmon oye xe yaBoas, naBoas oye xe yaObed, 22 naObed oye xe yaIsai, naIsai oxe yaDavid.
Boas ta hombola Rut
1 Ndele Boas okwa ya koshivelo shoshilando ndele ta kala omutumba. Nomufyuululi wepya, ou a tongwa kuBoas, eshi a enda po opo, Boas ta ti kuye: Ila tu kale omutumba apa! Ye e uya po ndele ta kala omutumba. 2 Opo nee Boas a kufa ovalumenhu omulongo vomovakulunhu voshilando, ndele te va lombwele: “Kaleni omutumba apa.” Vo ova kala omutumba. 3 Ndele ye okwa lombwela omufyuululi wepya, ndele ta ti: “Epya olo, ola li lomukwetu Elimelek, Naomi ou a aluka koshilongo shaMoab ote li landifa po. 4 Onghee hano nda diladila: Ame ohandi ke shi ku hepaululila nokutya, li landa hano momesho aava hava kala omutumba apa nomoipafi yovakulunhu vovanhu vakwetu. Ngeenge wa hala oku li fyuulula, li fyuulula hano. Ndelenee ngeenge ino hala oku li fyuulula, shiivifile nge, osheshi kape nomufyuululi umwe ponho yoye, kakele kaame konima yoye.” Ndele ye okwa nyamukula ta ti: “Ame ohandi ke li fyuulula.” 5 Opo nee Boas ta ti: “Efiku olo to lande epya momake aNaomi, ove to mono yo Rut, Omumoabi, omwalikadi wanakufya, opo u dalele edina lanakufya omufyuululi.” 6 Opo nee omufyuululi wepya ta ti: “Ihandi dulu oku li fyuulula, osheshi handi nyono po oshitukulwafyuululwa shange. Hano lifyuulula olo ame nda li ndi nokufyuulula, osheshi ame itandi shi dulu.”
7 Ndele muIsrael mwa li nale onghedi ei mokufyuulula epya nomokulandakanifa oshinima, opo shi kale sha pama, nokutya umwe oha dula ko onghaku yaye noku i pa mukwao. Onghedi oyo hano ya li epameko leendjovo muIsrael. 8 Onghee hano omufyuululi wepya a lombwela Boas: “Li lilandela.” Ndele okwa dula ko onghaku yaye. 9 Opo nee Boas ta ti kovakulunhu nokovanhu aveshe: “Nye eendobwedi hano nena nokutya, ame ohandi lande aishe yaElimelek naaishe yaKiljon noyaMahlon, meke laNaomi. 10 Nosho yo Rut, Omumoabi, omwalikadi waMahlon, ame ohandi mu lilandele ta ningi omwalikadi wange ndi dalele oshitukulwafyuululwa shaye edina lanakufya, opo edina lanakufya liha dimwe mo muvakwao nomoshivelo shonhele yaye. Onye hano nena eendobwedi.” 11 Opo nee ovanhu aveshe ava va li moshivelo shoshilando novakulunhu tava ti: “Fye eendobwedi. Omwalikadi ou te uya meumbo loye na ningilwe kOmwene ngaashi Rakel nongaashi Lea, ovo aveshe vavali ova tunga eumbo laIsrael. Ninga oilonga yeenghono muEfrata, edina loye li ninge linene muBetlehem! 12 Ndele moludalo olo to pewa kOmwene momwalikadi ou omunyasha, namu holoke eumbo li ninge ngaashi eumbo laPeres, Tamar e mu dalela Juda.”
Epata laDavid
13 Osho ngaha hano Boas a kufa Rut, ndele ye a ninga omwalikadi waye. Ndele ye okwa ya mo kuye, nOmwene okwe mu pa oufimba nokwa dala okaana okamati. 14 Opo nee ovalikadi va lombwela Naomi, tava ti: Omwene na hambelelwe ou e ku pa nena omufyuululi wepya! Edina laye nali kale la fimana muIsrael. 15 Ye ote ke ku hekeleka ndele ta ningi omuyambididi woye moukulupe woye. Osheshi oshitenya shoye, oshi ku hole, sha dala, ou e ku wapalela, e dule ovamati vaheyali. 16 Ndele Naomi a kufa okaana nokwe ka tula mekolo laye, ndele ye a ninga omutekuli wako. 17 Novalikadi ovashiinda ve ka luka ndele tava ti: “Naomi a dalelwa okaana okamati!”
Ndele ve ka luka Obed. Ye oye xe yaIsai, xe yaDavid.
18 Epata laPeres oleli: Peres okwa li xe yaHesron. 19 Hesron okwa li xe yaRam, ndele Ram okwa li xe yaAminadab, 20 Ndele Aminadab, oye xe yaNashon, naNashon oxe yaSalmon, 21 Ndele Salmon oye xe yaBoas, naBoas oye xe yaObed, 22 naObed oye xe yaIsai, naIsai oxe yaDavid.
