Kristus e dule Moses
1 Onghee hano, ovamwatate ovayapuki naava mwa ifanwa keifano lomeulu, omadiladilo eni a kanyatelifeni komuyapostoli nokomupristeli omukulunhu wehepaululo letu, Kristus Jesus, 2 ou e li po omudiinini kwaau e mu lenga ongaashi naMoses yo okwa li omudiinini meumbo laye alishe. 3 Osheshi Jesus a talwa e lilongela efimano linene li dule laMoses, ongaashi omutungi weumbo e nefimano linene li dule leumbo laye. 4 Osheshi keshe tuu eumbo oli nomutungi walo, ndelenee omutungi waaishe oKalunga. 5 Ndele Moses okwa li omudiinini meumbo laye alishe ngaashi omupiya, opo a kale ondobwedi yoipopiwa yokomesho, 6 ndelenee Kristus ngaashi Omona meumbo laye. Neumbo laye ofye, ngeenge hatu diinine shili eyombamo nelitango leteelelo fiyo okexulilo.
Inamu likukutika
7 Onghee hano Omhepo Iyapuki ngaashi ta ti:
“Nena eli ngeenge tamu udu ondaka yaye,
8 inamu kukutika omitima deni,
ngaashi sha ningilwe meluliko
mefiku leyeleko mombuwa,
9 omo ooxo va shindile nge nova yelekele nge,
nande va mona oilonga yange oule womido omilongo ine.
10 Onghee hano onda handukila epupi olo
ndele nda tile: ‘Alushe momitima davo otava puka,
ndelenee vo inava shiiva eendjila dange,’
11 opo nee mehandu lange onda anene nda tya:
‘Ovo itava fiki metulumuko lange.’ ”
12 Shi pashukileni hano, ovamwatate, paha kale nande umwe womunye e nomutima mwii uhe neitavelo ndele ta efa Kalunga omunamwenyo. 13 Ndelenee kumaidafaneni keshe efiku manga tapa tiwa “nena,” paha kale nande oumwe womunye ta kukutikwa kekotokelo loulunde. 14 Osheshi fye otwa ningwa ovakwao vaKristus, shamha tuu hatu diinine elineekelo letu fiyo okexulilo ngaashi pehovelo. 15 Eshi tapa tiwa:
“Nena eli ngeenge tamu udu ondaka yaye,
inamu kukutika omitima deni ngaashi sha ningilwe meluliko.”
16 Oolyelye hano ava va udile ndele ve mu handukifa? Havaava aveshe va tembulwa kuMoses muEgipiti? 17 Oolyelye ava e va uditile ehandu omido omilongo ine? Havaava va nyona, noimhu yavo ya nyonaukila mombuwa? 18 Noolyelye e va anena: “Itave ke uya mo metulumuko laye? Havo tuu venya va li inava dulika?” 19 Ndele fye otu wete kutya, omolwokuhaitavela kwavo inava dula okuya mo.
Kristus e dule Moses
1 Onghee hano, ovamwatate ovayapuki naava mwa ifanwa keifano lomeulu, omadiladilo eni a kanyatelifeni komuyapostoli nokomupristeli omukulunhu wehepaululo letu, Kristus Jesus, 2 ou e li po omudiinini kwaau e mu lenga ongaashi naMoses yo okwa li omudiinini meumbo laye alishe. 3 Osheshi Jesus a talwa e lilongela efimano linene li dule laMoses, ongaashi omutungi weumbo e nefimano linene li dule leumbo laye. 4 Osheshi keshe tuu eumbo oli nomutungi walo, ndelenee omutungi waaishe oKalunga. 5 Ndele Moses okwa li omudiinini meumbo laye alishe ngaashi omupiya, opo a kale ondobwedi yoipopiwa yokomesho, 6 ndelenee Kristus ngaashi Omona meumbo laye. Neumbo laye ofye, ngeenge hatu diinine shili eyombamo nelitango leteelelo fiyo okexulilo.
Inamu likukutika
7 Onghee hano Omhepo Iyapuki ngaashi ta ti:
“Nena eli ngeenge tamu udu ondaka yaye,
8 inamu kukutika omitima deni,
ngaashi sha ningilwe meluliko
mefiku leyeleko mombuwa,
9 omo ooxo va shindile nge nova yelekele nge,
nande va mona oilonga yange oule womido omilongo ine.
10 Onghee hano onda handukila epupi olo
ndele nda tile: ‘Alushe momitima davo otava puka,
ndelenee vo inava shiiva eendjila dange,’
11 opo nee mehandu lange onda anene nda tya:
‘Ovo itava fiki metulumuko lange.’ ”
12 Shi pashukileni hano, ovamwatate, paha kale nande umwe womunye e nomutima mwii uhe neitavelo ndele ta efa Kalunga omunamwenyo. 13 Ndelenee kumaidafaneni keshe efiku manga tapa tiwa “nena,” paha kale nande oumwe womunye ta kukutikwa kekotokelo loulunde. 14 Osheshi fye otwa ningwa ovakwao vaKristus, shamha tuu hatu diinine elineekelo letu fiyo okexulilo ngaashi pehovelo. 15 Eshi tapa tiwa:
“Nena eli ngeenge tamu udu ondaka yaye,
inamu kukutika omitima deni ngaashi sha ningilwe meluliko.”
16 Oolyelye hano ava va udile ndele ve mu handukifa? Havaava aveshe va tembulwa kuMoses muEgipiti? 17 Oolyelye ava e va uditile ehandu omido omilongo ine? Havaava va nyona, noimhu yavo ya nyonaukila mombuwa? 18 Noolyelye e va anena: “Itave ke uya mo metulumuko laye? Havo tuu venya va li inava dulika?” 19 Ndele fye otu wete kutya, omolwokuhaitavela kwavo inava dula okuya mo.
