Yepeni omapukifo ounongo wovanhu
1 Osheshi ame onda hala mu shiive olwoodi linene apa li fike ndi li kwete molweni nomolwaava ve li muLaodikea nomolwaaveshe ava inava mona oshipala shange shopalutu, 2 opo omitima davo da kwatafana mumwe mohole, di tuwe ouladi okutambula oupuna aushe weendunge da wana, nova longwe okushiiva oshiholekwa shaKalunga, osho oKristus. 3 Oye tuu ou muye mwa holekwa omamona aeshe ounongo neshiivo.
4 Edi ohandi di popi opo muha pukifwe nande okomunhu e neendjovo domaheko, 5 osheshi nande nghi li punye palutu, ondi li punye pamhepo, ndele nda hafa mokutala eenghedi deni nepamo leitavelo leni muKristus.
6 Hano ngaashi mwa tambula Kristus Jesus Omwene, osho kaleni nokweenda muye, 7 nokutwama nokulitungila muye nokulipamekela meitavelo, ngaashi mwa longwa, nye mu kale mwa yada omapandulo.
8 Lungameni, paha kale umwe te mu yulifa ounongo wovanhu nomapukifo ongaho, te likwatelele meenghedinghulu nomoihovelanghono younyuni, hamuKristus. 9 Osheshi muye mwa kala ouyadi aushe woukalunga palutu. 10 Nanye yo mwa yada muye, Oye tuu ou omutwe womapangelo aeshe neenghonopangelo adishe. 11 Muye mwa pitifwa etanda, hapitotanda eli hali ningwa nomake, ndelenee oleli lokulidula olutu lombelela, olo epitotanda laKristus, 12 eshi mwa pakwa pamwe naye meshasho, mulo mwa nyumuka yo pamwe naye keitavelo okwiitavela eenghono daKalunga, ou e mu nyumuna movafi. 13 Nanye ava mwa li mwa fila momatauluko nomokuhapitatanda kwombelela yeni, Oye e mu tula omwenyo pamwe naye, eshi e tu dimina po omatauluko aeshe, 14 nokwa dima po eshangelo loipango la li li nondubo nafye, okwe li kufa po nokwe li valela komushiyakano. 15 Ndele komushiyakano Kristus okwe limangulula momapangelo eenghono novapangeli aveshe vopamhepo okwe va kaleka poluhaela noku va endifa molweendo laye lefindano.
Inamu kanyatela keenghedi dovanhu
16 Inamu itavela mu tokolwe hano nande okomunhu omolwokulya nokunwa, ile omolwoshivilo ile omolwohani ipe ile omolwEshabata, 17 osheshi oyo omudidimbe woinima tai uya, ndele olutu olo laKristus. 18 Ondjabi yeni yefindano muhe i nyekwe nande okomunhu a hokwa elininipiko nokulongela ovaengeli note litumbalekele omamoniko nokwa fulalala keendunge daye dopambelela, 19 ndele ite likwatele kOmutwe mwaau olutu alishe la kwatelwa kumwe keengolo nokomifipa, notali kulu opakulifo laKalunga.
20 Onye ngeenge mwa fya mo pamwe naKristus moihovelifonghono younyuni, oshike hano tamu itavele okutwikwa eenghedi ngaashi oonakukala mounyuni nokutya: 21 “Ino shi kwata, ino shi lavela, ino shi kuma!” 22 Nande aishe ei oi li po i longifwe noi xule po paipango nopamalongo ovanhu, 23 ei aishe oi na ngaho efimano lounongo omolwelongelokalunga nelininipiko ve li lihoololela voovene naashi kai na onghenda nolutu; ndelenee oyo kai na nande oshilonga noi li po i hafife ombelela.
Yepeni omapukifo ounongo wovanhu
1 Osheshi ame onda hala mu shiive olwoodi linene apa li fike ndi li kwete molweni nomolwaava ve li muLaodikea nomolwaaveshe ava inava mona oshipala shange shopalutu, 2 opo omitima davo da kwatafana mumwe mohole, di tuwe ouladi okutambula oupuna aushe weendunge da wana, nova longwe okushiiva oshiholekwa shaKalunga, osho oKristus. 3 Oye tuu ou muye mwa holekwa omamona aeshe ounongo neshiivo.
4 Edi ohandi di popi opo muha pukifwe nande okomunhu e neendjovo domaheko, 5 osheshi nande nghi li punye palutu, ondi li punye pamhepo, ndele nda hafa mokutala eenghedi deni nepamo leitavelo leni muKristus.
6 Hano ngaashi mwa tambula Kristus Jesus Omwene, osho kaleni nokweenda muye, 7 nokutwama nokulitungila muye nokulipamekela meitavelo, ngaashi mwa longwa, nye mu kale mwa yada omapandulo.
8 Lungameni, paha kale umwe te mu yulifa ounongo wovanhu nomapukifo ongaho, te likwatelele meenghedinghulu nomoihovelanghono younyuni, hamuKristus. 9 Osheshi muye mwa kala ouyadi aushe woukalunga palutu. 10 Nanye yo mwa yada muye, Oye tuu ou omutwe womapangelo aeshe neenghonopangelo adishe. 11 Muye mwa pitifwa etanda, hapitotanda eli hali ningwa nomake, ndelenee oleli lokulidula olutu lombelela, olo epitotanda laKristus, 12 eshi mwa pakwa pamwe naye meshasho, mulo mwa nyumuka yo pamwe naye keitavelo okwiitavela eenghono daKalunga, ou e mu nyumuna movafi. 13 Nanye ava mwa li mwa fila momatauluko nomokuhapitatanda kwombelela yeni, Oye e mu tula omwenyo pamwe naye, eshi e tu dimina po omatauluko aeshe, 14 nokwa dima po eshangelo loipango la li li nondubo nafye, okwe li kufa po nokwe li valela komushiyakano. 15 Ndele komushiyakano Kristus okwe limangulula momapangelo eenghono novapangeli aveshe vopamhepo okwe va kaleka poluhaela noku va endifa molweendo laye lefindano.
Inamu kanyatela keenghedi dovanhu
16 Inamu itavela mu tokolwe hano nande okomunhu omolwokulya nokunwa, ile omolwoshivilo ile omolwohani ipe ile omolwEshabata, 17 osheshi oyo omudidimbe woinima tai uya, ndele olutu olo laKristus. 18 Ondjabi yeni yefindano muhe i nyekwe nande okomunhu a hokwa elininipiko nokulongela ovaengeli note litumbalekele omamoniko nokwa fulalala keendunge daye dopambelela, 19 ndele ite likwatele kOmutwe mwaau olutu alishe la kwatelwa kumwe keengolo nokomifipa, notali kulu opakulifo laKalunga.
20 Onye ngeenge mwa fya mo pamwe naKristus moihovelifonghono younyuni, oshike hano tamu itavele okutwikwa eenghedi ngaashi oonakukala mounyuni nokutya: 21 “Ino shi kwata, ino shi lavela, ino shi kuma!” 22 Nande aishe ei oi li po i longifwe noi xule po paipango nopamalongo ovanhu, 23 ei aishe oi na ngaho efimano lounongo omolwelongelokalunga nelininipiko ve li lihoololela voovene naashi kai na onghenda nolutu; ndelenee oyo kai na nande oshilonga noi li po i hafife ombelela.
