Eimbilokemo molwaTirus
1 Ondjovo yOmwene ye uya vali kwaame ndele tai ti: 2 “Ndelenee ove, kaana komunhu, imba eimbilokemo molwaTirus, 3 ndele lombwela Tirus, osho tashi kala poivelo yefuta, osho tashi shingifile oiwana yokominghulo dihapu defuta, u tye: Omwene Kalunga ota ti ngaha:
Akutu Tirus, ove to ti:
Ame nda wana nda wanenena mewapalo.
4 Onhele yoye i li mokati kefuta.
Ovatungi voye ove ku tunga wa wapala, wa wapalelela.
5 Oipilangi yoye aishe va pangelifa
oyomuti wasipresi wa dja muSenir.
Omuti womwoove wokukwata ofaila yoskepa
vo ve u kufa mokati komiti domisederi muLibanon.
6 Oipilulifo yoye vo ve i honga momyandi domuBasan.
Oshituvikondudu ve shi ninga nomiti domihongo
da dja kominghulo dokuKipro nosha fewekwa nekipa londjaba.
7 Ofaila yoye oya li oshiyata sholiina iwa noutotone,
sha dja muEgipiti,
oyo ya li epandela loye.
Onduda yoye yofaila
oya li oshiyata shimbulau noshitilyana opurpuri
koshilongo shaElisha pominghulo defuta.
8 Ovanhu vomuSidon naArvad va li ovapiluli voye.
Ovashingi voye vo ovanongo vomwoove, Tirus.
9 Ovakulunhu vokuGebal novanongo vasho
ova li ovavandeki veenhongo doye.
Eeskepa adishe domefuta novashingi vado ova li mwoove
okukumaanafana oipindi yoye.
10 Ovapersia nOvaludi nOvaputi ova li momatanga oye ovakwaita,
vo ovakwaita voye.
Oshikelelifo nembale loshivela vo va endjelelifa mwoove.
Vo ove ku pa etumbalo.
11 Ovaarvadi nOvaheleki nomatanga oye ovakwaita
ova li keehotekuma doye,
nOvagammati va kala meeshungo doye.
Oikelelifo yavo ve i endjelelifa kohotekuma ya dingilila.
Vo ova wanifa ewapalo loye.
12 “Tarsis mwa landakanifa naye oipindi ihapu i lili noi lili: oshisiliveli, oshivela, oholo noshikesha, venya ove ku landifila ngaashi oipindi yavo. 13 Javan, Tubal naMesek, vo ova li va landakanifa naave. Vo ove ku landifila ovapika noinima yoshikushu. 14 Mepata laTogarma ve ku landifila eenghambe neenghambe dokulondwa, nomamula. 15 Ovadedan mwa landakanifa navo. Oilongo ihapu yopominghulo defuta ya li mepangelo loye nomwa landakanifa navo. Mokufuta ova eta kwoove omayoo eendjaba nomuti ulaula. 16 Edom mwa landakanifa naye molwouhapu woinima yovanongo: oumanya vasmaragidi nopurpuri noiyata i noutotone noshiyata sholiina iwa nomakorali nomamanya oyaspis vo ove ku landifile ngaashi oipindi. 17 Juda noshilongo shaIsrael mwa landakanifa navo. Oilya yomuMinnit noufila nomaadi eenyiki nomaadi, nomaadi abalsam okuvava vo ove ku landifila ngaashi oipindi. 18 Damaskus mwa landakanifa naye molwouhapu woinima yovanongo, molwouhapu woinima i lili noi lili: omaviinyu omuHelbon nolududi litoka leedi. 19 Vedan naJavan ove ku landifile oivela yokuhambula yomuUsal ngaashi oipindi: oipindi yedimba lakassia nakalmus. 20 Dedan mwa landakanifa naye, ye e ku landifile oikailifo yomitumba. 21 Arabia novakulunhu aveshe vaKedar mwa landakanifa navo mepangelo loye: oudjona needi eendume noikombo vo ve ku landifile. 22 Ovashingifi vomuSheba naRaama mwa landakanifa navo. Mokufuta oinima yoye ve ku etela omaadi e lili noku lili mawa unene abalsam nomamanya e lili noku lili mawa e nondilo, noshingoldo. 23 Haran naKanne naEden novalandifi vomuSheba, Assur naKilmad mwa landakanifa navo. 24 Vo ve ku landifile oiyata iwa ya wapalelela, oikutu yopurpuri noyoutotone, nomalapi a hondjelwa omapando oulenga, neengodi deenyemba da dingwa.
25 “Eeskepa dokuTarsis da endifa oipindi yoye. Osho ngaha ove wa yadifwa unene nowa djuupalekwa komitengi doye mokati kefuta. 26 Ovapiluli voye otave ku twala komeva manene. Omhepo yokoushilo oye ku teyela mokati komafuta. 27 Oupuna woye, noinima yoye noipindi yoye, novanaskepa voye novashingi voye veeskepa novavandeki veenhongo doye, novalandakanifi voye novakwaita voye aveshe ava ve li mwoove pamwe neemhunga doye adishe di li mwoove, vo aveshe otava ka ya moule mokati kefuta mefiku lehanauko loye. 28 Molwokukuwa onghuwo kwovanaskepa voye, venya vopoukukutu tava kakama.
29 “Ndele aveshe ava hava longifa oipilulifo, tava ka londoloka mo meeskepa davo. Novanaskepa novashingi aveshe veeskepa tava ka dja mo va kale ofika poukukutu 30 ndele omolwoye vo otava ka kuwa onghuwo nokulila unene. Ndele vo otave ke litilila ondwi yedu komitwe davo notava alangatele momute. 31 Nomolwoye vo otave likululifa omapalu nokudjala eeshako, ndele tave ku lili nomwenyo u udite oululu nokukema unene. 32 Ndele vo mokunyika oluhodi lavo otava ka imba eimbilokemo molwoye, tave ku lili eenghali: ‘Olyelye a li ngaashi Tirus, sha mwenenena filu mokati kefuta? 33 Oipindi yoye eshi ya dile komafuta, ove wa kutifa oiwana ihapu. Nomolwouhapu woinima yoye noipindi yoye ove wa punika eehamba dokombada yedu. 34 Paife ove wa teka, wa pepuka mefuta, wa ningina mo moule womeva, noipindi yoye nongudu yoye aishe oya ningina mo pamwe naava.’ 35 Ovanhu aveshe vomoilongo yopomunghulo wefuta otava kala ofika nokutumhauka omaxwilili omolwoye, neehamba davo oda tyololoka noipala ya limbililwa. 36 Ove to yolwa kovalandifi voipindi mokati koiwana. Ove wa ninga oshihalukifo ndele ito ka kala vali fiyo alushe.”
Eimbilokemo molwaTirus
1 Ondjovo yOmwene ye uya vali kwaame ndele tai ti: 2 “Ndelenee ove, kaana komunhu, imba eimbilokemo molwaTirus, 3 ndele lombwela Tirus, osho tashi kala poivelo yefuta, osho tashi shingifile oiwana yokominghulo dihapu defuta, u tye: Omwene Kalunga ota ti ngaha:
Akutu Tirus, ove to ti:
Ame nda wana nda wanenena mewapalo.
4 Onhele yoye i li mokati kefuta.
Ovatungi voye ove ku tunga wa wapala, wa wapalelela.
5 Oipilangi yoye aishe va pangelifa
oyomuti wasipresi wa dja muSenir.
Omuti womwoove wokukwata ofaila yoskepa
vo ve u kufa mokati komiti domisederi muLibanon.
6 Oipilulifo yoye vo ve i honga momyandi domuBasan.
Oshituvikondudu ve shi ninga nomiti domihongo
da dja kominghulo dokuKipro nosha fewekwa nekipa londjaba.
7 Ofaila yoye oya li oshiyata sholiina iwa noutotone,
sha dja muEgipiti,
oyo ya li epandela loye.
Onduda yoye yofaila
oya li oshiyata shimbulau noshitilyana opurpuri
koshilongo shaElisha pominghulo defuta.
8 Ovanhu vomuSidon naArvad va li ovapiluli voye.
Ovashingi voye vo ovanongo vomwoove, Tirus.
9 Ovakulunhu vokuGebal novanongo vasho
ova li ovavandeki veenhongo doye.
Eeskepa adishe domefuta novashingi vado ova li mwoove
okukumaanafana oipindi yoye.
10 Ovapersia nOvaludi nOvaputi ova li momatanga oye ovakwaita,
vo ovakwaita voye.
Oshikelelifo nembale loshivela vo va endjelelifa mwoove.
Vo ove ku pa etumbalo.
11 Ovaarvadi nOvaheleki nomatanga oye ovakwaita
ova li keehotekuma doye,
nOvagammati va kala meeshungo doye.
Oikelelifo yavo ve i endjelelifa kohotekuma ya dingilila.
Vo ova wanifa ewapalo loye.
12 “Tarsis mwa landakanifa naye oipindi ihapu i lili noi lili: oshisiliveli, oshivela, oholo noshikesha, venya ove ku landifila ngaashi oipindi yavo. 13 Javan, Tubal naMesek, vo ova li va landakanifa naave. Vo ove ku landifila ovapika noinima yoshikushu. 14 Mepata laTogarma ve ku landifila eenghambe neenghambe dokulondwa, nomamula. 15 Ovadedan mwa landakanifa navo. Oilongo ihapu yopominghulo defuta ya li mepangelo loye nomwa landakanifa navo. Mokufuta ova eta kwoove omayoo eendjaba nomuti ulaula. 16 Edom mwa landakanifa naye molwouhapu woinima yovanongo: oumanya vasmaragidi nopurpuri noiyata i noutotone noshiyata sholiina iwa nomakorali nomamanya oyaspis vo ove ku landifile ngaashi oipindi. 17 Juda noshilongo shaIsrael mwa landakanifa navo. Oilya yomuMinnit noufila nomaadi eenyiki nomaadi, nomaadi abalsam okuvava vo ove ku landifila ngaashi oipindi. 18 Damaskus mwa landakanifa naye molwouhapu woinima yovanongo, molwouhapu woinima i lili noi lili: omaviinyu omuHelbon nolududi litoka leedi. 19 Vedan naJavan ove ku landifile oivela yokuhambula yomuUsal ngaashi oipindi: oipindi yedimba lakassia nakalmus. 20 Dedan mwa landakanifa naye, ye e ku landifile oikailifo yomitumba. 21 Arabia novakulunhu aveshe vaKedar mwa landakanifa navo mepangelo loye: oudjona needi eendume noikombo vo ve ku landifile. 22 Ovashingifi vomuSheba naRaama mwa landakanifa navo. Mokufuta oinima yoye ve ku etela omaadi e lili noku lili mawa unene abalsam nomamanya e lili noku lili mawa e nondilo, noshingoldo. 23 Haran naKanne naEden novalandifi vomuSheba, Assur naKilmad mwa landakanifa navo. 24 Vo ve ku landifile oiyata iwa ya wapalelela, oikutu yopurpuri noyoutotone, nomalapi a hondjelwa omapando oulenga, neengodi deenyemba da dingwa.
25 “Eeskepa dokuTarsis da endifa oipindi yoye. Osho ngaha ove wa yadifwa unene nowa djuupalekwa komitengi doye mokati kefuta. 26 Ovapiluli voye otave ku twala komeva manene. Omhepo yokoushilo oye ku teyela mokati komafuta. 27 Oupuna woye, noinima yoye noipindi yoye, novanaskepa voye novashingi voye veeskepa novavandeki veenhongo doye, novalandakanifi voye novakwaita voye aveshe ava ve li mwoove pamwe neemhunga doye adishe di li mwoove, vo aveshe otava ka ya moule mokati kefuta mefiku lehanauko loye. 28 Molwokukuwa onghuwo kwovanaskepa voye, venya vopoukukutu tava kakama.
29 “Ndele aveshe ava hava longifa oipilulifo, tava ka londoloka mo meeskepa davo. Novanaskepa novashingi aveshe veeskepa tava ka dja mo va kale ofika poukukutu 30 ndele omolwoye vo otava ka kuwa onghuwo nokulila unene. Ndele vo otave ke litilila ondwi yedu komitwe davo notava alangatele momute. 31 Nomolwoye vo otave likululifa omapalu nokudjala eeshako, ndele tave ku lili nomwenyo u udite oululu nokukema unene. 32 Ndele vo mokunyika oluhodi lavo otava ka imba eimbilokemo molwoye, tave ku lili eenghali: ‘Olyelye a li ngaashi Tirus, sha mwenenena filu mokati kefuta? 33 Oipindi yoye eshi ya dile komafuta, ove wa kutifa oiwana ihapu. Nomolwouhapu woinima yoye noipindi yoye ove wa punika eehamba dokombada yedu. 34 Paife ove wa teka, wa pepuka mefuta, wa ningina mo moule womeva, noipindi yoye nongudu yoye aishe oya ningina mo pamwe naava.’ 35 Ovanhu aveshe vomoilongo yopomunghulo wefuta otava kala ofika nokutumhauka omaxwilili omolwoye, neehamba davo oda tyololoka noipala ya limbililwa. 36 Ove to yolwa kovalandifi voipindi mokati koiwana. Ove wa ninga oshihalukifo ndele ito ka kala vali fiyo alushe.”
