Oshiwana shi noshityani Ovapiya vOmwene
1 Ame onda itavela va konge nge ovo inava pula nge, ndelenee nda monika kwaava inava konga nge; Ame onda lombwela oshiwana eshi inashi ifana edina lange, nda tya: “Aame ou, Aame ou!” 2 Omutenya aushe onda twala omaoko ange kovanhu ve noshityani, nokwaava va enda nondjila ii, va shikula omadiladilo avo vene, 3 kovanhu hava handukifa nge alushe, koshipala shange, hava yambe moikunino yomiti, ndele hava twimine keealtari deedopi; 4 ohava kala omutumba meembila, nohava nangala meenhele da hondama, ohava li ombelela yoshingulu, nomunghoka woixuna u li momatiti avo, 5 ava tava ti: “Kala nge kokule, ino ehena nge popepi, osheshi Aame omuyapuki kwoove.” Ovanhu ava ovo omwifi momayulu ange, nomundilo hau tema omutenya aushe. 6 Tala osha shangwa, shi li koshipala shange: Ame itandi ka mwena, ohandi shi va alulile, heeno, Ame handi shi va pe mekolo lavo; 7 oulunde weni noulunde wooxo mumwe, Omwene osho ta ti, eshi va twimina keemhunda nova shekela nge koikulundudu, heeno, komesho yaaishe ohandi ke va yelekela ondjabi mekolo lavo.
8 Omwene osho ota ti ngaha: Ngaashi omeva a monika meshila lomuviinyu, ndele tapa tiwa: Ino li nyona po, omu nenangeko noupuna, osho yo handi ningi molwovapiya vange, ndihe va nyone po aveshe. 9 Ndele muJakob onda hala ndi ka menife mo ombuto nomuJuda omufyuululi weemhunda dange, novahoololwa vange otave ke shi nangala ngaashi oshifyuululwa, novapiya vange omo tava ka kala. 10 Ndele Saron otashi ka ninga oulifilo weedi, nefilu laAkor otali ka ninga onhele yokwoomba eengobe, oloshiwana shange eshi sha konga nge. 11 Ndelenee onye ava tamu efa Omwene, ndele tamu dimbwa omhunda yange iyapuki, ndele hamu dikile oshikalunga shelao oshililo, ndele tamu pindile ongudu yoikalunga oikunwayambo. 12 Ame ohandi ke mu valela keongamukonda nanye amushe omu na okunangeka eefingo deni koshidipaelo, osheshi inamu itavela nge, eshi nde mu ifana, inamu pwilikina, eshi handi popi, ndelenee omwa ninga eshi handi tondo, nomwe lihoololela eshi inashi wapala momesho ange. 13 Opo nee Omwene, Kalunga ota ti ngaha: Tala, ovapiya vange otava ka lya, ndelenee nye otamu ka fya ondjala, tala, ovapiya vange otava ka nwa, ndelenee nye otamu ka fya enota, tala, ovapiya vange otava ka hafa, ndelenee nye otamu ka fifwa ohoni. 14 Tala, ovapiya vange otava ka kuwilila ehafo lokomutima, ndelenee nye otamu ka kuwaana komahepeko omomutima, ndele tamu kwena molwomhepo ya teyauka. 15 Ndele nye, edina leni otamu ke li fiila ovahoololwa vange li ninge ondjovo yefingo, ndele Omwene Kalunga ote ke ku hanauna po. Ndelenee ovapiya vaye ote va lukulula edina limwe. 16 Opo nee moshilongo keshe ou te linangeke noupuna, oye ote linangekele noupuna muKalunga koshili, naau ta ane moshilongo, ote lianene muKalunga koshili. Osheshi omahepeko enya onale okwa dimbuwa nokwa holekwa omesho ange.
Eulu lipe nedu lipe
17 Osheshi tala, Ame ohandi shiti omaulu mape nedu lipe. Inya yonale itai dimbulukiwa vali, nongaashi kape na ou te i diladila momutima waye. 18 Ndelenee otamu ka kala alushe nokukuwililila nokunyakukilwa ei handi ke i shita. Osheshi tala, Jerusalem ohandi shi shiti enyaku linene, ovanhu vasho va kale tava hafe. 19 Ndele Ame ohandi ka kala nokuhafela Jerusalem nokuhafela pombada ovanhu vange; ndele musho itamu monika nande ondaka yokulila noyekemo. 20 Musho itamu hangika okahanana komafiku manini nomushamane ina wanifa omafiku aye, osheshi okaana otaka ka fya ke na omido efele, nomunyoni ota ka hangika kefingo, nonande a wanife omido efele limwe. 21 Ndele vo otava ka dika omaumbo ndele tava kala mo, ndele tava twike oikokola yomiviinyu, ndele tava li oiimati yayo 22 itava ka tunga mu kale vamwe, ihava ka twika, vamwe ngeno va lye oiimati yavo, osheshi ngaashi omafiku omiti e li, osho tashi ka kala yo omafiku ovanhu vange. Ovahoololwa vange ovo vene tava ka shambukilwa oilonga yomake avo. 23 Vo itave ke lihepeka epwanga noludalo lavo itave ke li dalela vali efyo lohangelela, osheshi ovo oludalo laava va nangekwa noupuna kOmwene ndele oitutuma yavo oi li puvo. 24 Ndele fimbo inava ifana nge, Ame ohandi ke va itavela, nomanga tava popi, Ame onda uda ko. 25 Embungu nodi otadi ka ombela pamwe, onghoshi otai li omwiidi ngaashi ongobe, neyoka otali li ondwi yedu; kombada yomhunda yange iyapuki itapa ningwa vali nande owii ile oshiponga, Omwene osho ta ti.
Oshiwana shi noshityani Ovapiya vOmwene
1 Ame onda itavela va konge nge ovo inava pula nge, ndelenee nda monika kwaava inava konga nge; Ame onda lombwela oshiwana eshi inashi ifana edina lange, nda tya: “Aame ou, Aame ou!” 2 Omutenya aushe onda twala omaoko ange kovanhu ve noshityani, nokwaava va enda nondjila ii, va shikula omadiladilo avo vene, 3 kovanhu hava handukifa nge alushe, koshipala shange, hava yambe moikunino yomiti, ndele hava twimine keealtari deedopi; 4 ohava kala omutumba meembila, nohava nangala meenhele da hondama, ohava li ombelela yoshingulu, nomunghoka woixuna u li momatiti avo, 5 ava tava ti: “Kala nge kokule, ino ehena nge popepi, osheshi Aame omuyapuki kwoove.” Ovanhu ava ovo omwifi momayulu ange, nomundilo hau tema omutenya aushe. 6 Tala osha shangwa, shi li koshipala shange: Ame itandi ka mwena, ohandi shi va alulile, heeno, Ame handi shi va pe mekolo lavo; 7 oulunde weni noulunde wooxo mumwe, Omwene osho ta ti, eshi va twimina keemhunda nova shekela nge koikulundudu, heeno, komesho yaaishe ohandi ke va yelekela ondjabi mekolo lavo.
8 Omwene osho ota ti ngaha: Ngaashi omeva a monika meshila lomuviinyu, ndele tapa tiwa: Ino li nyona po, omu nenangeko noupuna, osho yo handi ningi molwovapiya vange, ndihe va nyone po aveshe. 9 Ndele muJakob onda hala ndi ka menife mo ombuto nomuJuda omufyuululi weemhunda dange, novahoololwa vange otave ke shi nangala ngaashi oshifyuululwa, novapiya vange omo tava ka kala. 10 Ndele Saron otashi ka ninga oulifilo weedi, nefilu laAkor otali ka ninga onhele yokwoomba eengobe, oloshiwana shange eshi sha konga nge. 11 Ndelenee onye ava tamu efa Omwene, ndele tamu dimbwa omhunda yange iyapuki, ndele hamu dikile oshikalunga shelao oshililo, ndele tamu pindile ongudu yoikalunga oikunwayambo. 12 Ame ohandi ke mu valela keongamukonda nanye amushe omu na okunangeka eefingo deni koshidipaelo, osheshi inamu itavela nge, eshi nde mu ifana, inamu pwilikina, eshi handi popi, ndelenee omwa ninga eshi handi tondo, nomwe lihoololela eshi inashi wapala momesho ange. 13 Opo nee Omwene, Kalunga ota ti ngaha: Tala, ovapiya vange otava ka lya, ndelenee nye otamu ka fya ondjala, tala, ovapiya vange otava ka nwa, ndelenee nye otamu ka fya enota, tala, ovapiya vange otava ka hafa, ndelenee nye otamu ka fifwa ohoni. 14 Tala, ovapiya vange otava ka kuwilila ehafo lokomutima, ndelenee nye otamu ka kuwaana komahepeko omomutima, ndele tamu kwena molwomhepo ya teyauka. 15 Ndele nye, edina leni otamu ke li fiila ovahoololwa vange li ninge ondjovo yefingo, ndele Omwene Kalunga ote ke ku hanauna po. Ndelenee ovapiya vaye ote va lukulula edina limwe. 16 Opo nee moshilongo keshe ou te linangeke noupuna, oye ote linangekele noupuna muKalunga koshili, naau ta ane moshilongo, ote lianene muKalunga koshili. Osheshi omahepeko enya onale okwa dimbuwa nokwa holekwa omesho ange.
Eulu lipe nedu lipe
17 Osheshi tala, Ame ohandi shiti omaulu mape nedu lipe. Inya yonale itai dimbulukiwa vali, nongaashi kape na ou te i diladila momutima waye. 18 Ndelenee otamu ka kala alushe nokukuwililila nokunyakukilwa ei handi ke i shita. Osheshi tala, Jerusalem ohandi shi shiti enyaku linene, ovanhu vasho va kale tava hafe. 19 Ndele Ame ohandi ka kala nokuhafela Jerusalem nokuhafela pombada ovanhu vange; ndele musho itamu monika nande ondaka yokulila noyekemo. 20 Musho itamu hangika okahanana komafiku manini nomushamane ina wanifa omafiku aye, osheshi okaana otaka ka fya ke na omido efele, nomunyoni ota ka hangika kefingo, nonande a wanife omido efele limwe. 21 Ndele vo otava ka dika omaumbo ndele tava kala mo, ndele tava twike oikokola yomiviinyu, ndele tava li oiimati yayo 22 itava ka tunga mu kale vamwe, ihava ka twika, vamwe ngeno va lye oiimati yavo, osheshi ngaashi omafiku omiti e li, osho tashi ka kala yo omafiku ovanhu vange. Ovahoololwa vange ovo vene tava ka shambukilwa oilonga yomake avo. 23 Vo itave ke lihepeka epwanga noludalo lavo itave ke li dalela vali efyo lohangelela, osheshi ovo oludalo laava va nangekwa noupuna kOmwene ndele oitutuma yavo oi li puvo. 24 Ndele fimbo inava ifana nge, Ame ohandi ke va itavela, nomanga tava popi, Ame onda uda ko. 25 Embungu nodi otadi ka ombela pamwe, onghoshi otai li omwiidi ngaashi ongobe, neyoka otali li ondwi yedu; kombada yomhunda yange iyapuki itapa ningwa vali nande owii ile oshiponga, Omwene osho ta ti.
