Ouhapu woludalo laJakob
1 Ndele Rakel eshi a mona nokutya, ye ita dalele Jakob ounona, okwa twila mumwaina ondubo ndele ta lombwele Jakob: “Pe nge oludalo, ngeenge hasho ohandi fi.” 2 Opo nee Jakob okwa handukila Rakel ndele ta pula: “Ame omuponhele waKalunga mbela, ou ine ku pa oludalo?” 3 Ndele ye okwa nyamukula ta ti: “Omupika wange Bilha ou; inda muye, opo ye a shiive okudalela mekolo lange, naame ndi mone oludalo muye.” 4 Opo nee ye okwe mu pa omupika waye Bilha ongomwalikadi waye, ndele Jakob okwa ya muye. 5 Ndele Bilha okwa ninga oufimba nokwa dalela Jakob okaana okamati. 6 Opo nee Rakel okwa tya: “Kalunga okwa yukifa oshinima shange nokwa uda nge nokwa pa nge okaana okamati.” Onghee e ka luka Dan. 7 Ndele Bilha, omupika waRakel, okwa ninga vali oufimba nokwa dalela Jakob okaana okamati okativali. 8 Opo nee Rakel okwa tya: “Ame nda kondja nomumwameme neenghono, ndele nda findana.” Nokwe ka luka Naftali.
9 Ndelenee Lea eshi a mona nokutya ye okwa ka oludalo, okwa kufa omupika waye omukainhu, Silpa, ndele te mu pe Jakob ongomwalikadi waye. 10 Ndele Silpa, omupika waLea, okwa dalela Jakob okaana okamati. 11 Opo nee Lea okwa tya: “Elao!” Ndele e ka luka Gad. 12 Opo nee Silpa, omupika waLea, okwa dalela Jakob okaana okamati okativali. 13 Opo nee Lea okwa tya: “Ame omunelao, osheshi oukadona tava ka ifana nge omunelao!” Ndele ye e ka luka Asser.
14 Ndele efiku limwe Ruben okwa ya ko mefimbo leteyo loilya nokwa mona moixwa omidi dohole ndele e di twaalela ina Lea. Opo nee Rakel okwa tya kuLea: “Pe nge momidi dohole domumwoye.” 15 Ndelenee ye okwa nyamukula ndele ta ti kuye: “Inashi wana ngeno, eshi wa kufa nge omulumenhu wange, eshi wa hala okukufa vali oiimati yohole yomumwange?” Ndele Rakel okwa tya: “Ondi na shike, na nangale naave oufiku wonena molwomidi dohole yomumwoye.” 16 Jakob eshi a aluka kepya onguloshi, Lea okwa ya e ke mu shakeneke neendjovo edi: “Ou na okuuya kwaame, osheshi pauyuki onde ku lilandela nomidi dohole domumwange.” Ndele ye okwa nangala naye oufiku oo. 17 Ndele Kalunga okwa uda Lea. Ye okwa ninga oufimba nokwa dalela Jakob okaana okamati okatitano. 18 Opo nee Lea ta ti: “Omwene okwa pa nge ondjabi, eshi nda pa omulumenhu wange omupika wange.” Ndele ye okwe ka luka Isaskar. 19 Ndele Lea okwa ninga vali oufimba nokwa dalela Jakob okaana okamati okatihamano. 20 Opo Lea okwa tya: “Kalunga okwa pa nge ondjabi ya wapala. Paife omulumenhu wange ota ka kala pwaame, shaashi onde mu dalela ovana ovamati vahamano.” Nokwe ka luka Sebulon. 21 Konima yaava ye a dala okaana okakadona nokwe ka luka Dina. 22 Ndelenee Kalunga okwa dimbulukwa yo Rakel, e mu uda ndele e mu pa oludalo. 23 Ye okwa ninga oufimba nokwa dala okaana okamati. Opo ye okwa tya: “Kalunga okwa kufa po odino yange.” 24 Nokwe ka luka Josef, ndele ta ti: “Omwene na wedele nge vali okaana okamati!”
Oupuna waJakob
25 Ndele Rakel eshi a dala Josef, Jakob okwa tya kuLaban: “Lekele nge, ndi shiive okuya keumbo lange nokoshilongo shetu. 26 Pe nge ovalikadi vange novana vange molwavo nde ku longela, ndi shiive okuya, osheshi ove mwene ou shi shii nhumbi nde ku longela.” 27 Opo nee Laban e mu nyamukula ndele ta ti: “Ngeno ndi filwe onghenda momesho oye, osheshi ame onde shi koneka nokutya, Omwene okwa nangeka nge noupuna molwoye.” 28 Ndele okwa tya vali: “Pule nge ondjabi ei wa hala, naame ohandi i ku pe.” 29 Opo nee Jakob okwe mu nyamukula ta ti: “Ove mwene ou shi shii nhumbi nde ku longela noimuna yoye nhumbi ya hapupala momake ange. 30 Osheshi oyo ya li inini fimbo ame inandi uya, ndele yo oya hapupala unene. Ndele Omwene okwe ku nangeka noupuna keshe apa ame nda enda. Onaini handi ka longela yo eumbo lange mwene?” 31 Ndele ye okwa pula: “Oshike ndi na oku ku pa hano?” Opo nee Jakob okwa nyamukula: “Ino pumbwa okupa nge nande osha. Ngeenge oto itavelele nge eshi, ame nda hala komesho yo okulifa eedi noikombo yoye, heeno, okukala noshisho shayo, 32 onena eli ame ohandi ka ya meedi doye adishe nohandi tongola mo odo doimbafifi nodomavala, noudjona valaula nosho yo oikombo aishe oimbafifi noyomavala, oyo i ninge ondjabi yange. 33 Ndele ouyuki wange otau ka holoka opo: Ove ngeenge to uya okutala nomesho oye mwene ondjabi yange. Keshe eshi shihe na ouvala nomavala moikombo yange, noudjona vehe fi valaula moudjona vange, ovomoulunga.” 34 Opo nee Laban a nyamukula ta ti: “Eewa, nashi ningwe paendjovo doye!” 35 Mefiku tuu olo Laban okwa tongola mo oikombo yoindume youtotone noyomavala, noikombo aishe yoikadi youtotone noyomavala. Aishe oyo ya li i na ouvala nande ovanini, noudjona valaula, ndele te va yandje momake ovana vaye. 36 Ndele pokati kavo naJakob okwa kaleka po onhele yondjila yokweendwa omafiku atatu. Ndele Jakob okwa lifa eedi dikwao daLaban.
37 Opo nee Jakob okwa kufa outi vatalala vomiti domipopel novomiamandel novomiplatani, ndele te va ningi omakonda matoka moku va yuuna oipeta. 38 Outi ava va yuunwa okwe va tula momatemba okuxwiila, omo oimuna hai uya okunwa opo i kale i va wete eshi tai nu. Ndele outi ava ova feka oudjona vaadi di fimba eshi tadi nu. 39 Hano osho ngaha da dala oudjona vomavala, voutotone novomapolo va fekwa kouti. 40 Opo nee Jakob okwa tongola mo oudjona noipala yeedi okwe i taalelifa odo douvala nodomavala malaula domeedi daLaban. Hano osho ngaha e di tongolela oyuunda, ye ine di tula meedi daLaban. 41 Ndele keshe efimbo lokukulifa kweedi edi da pama, Jakob okwe di shingila komatemba omo mu na outi opo oudjona va fekwe. 42 Ndele odo inadi pama ye ine va tula komesho yado. Osho ngaha odo inadi pama da ninga daLaban, naado da pama odaJakob. 43 Osho ngaha omulumenhu okwa punapala unene nokwe lilikolela eedi dihapu novapika ovakainhu novalumenhu neengamelo neendongi.
Ouhapu woludalo laJakob
1 Ndele Rakel eshi a mona nokutya, ye ita dalele Jakob ounona, okwa twila mumwaina ondubo ndele ta lombwele Jakob: “Pe nge oludalo, ngeenge hasho ohandi fi.” 2 Opo nee Jakob okwa handukila Rakel ndele ta pula: “Ame omuponhele waKalunga mbela, ou ine ku pa oludalo?” 3 Ndele ye okwa nyamukula ta ti: “Omupika wange Bilha ou; inda muye, opo ye a shiive okudalela mekolo lange, naame ndi mone oludalo muye.” 4 Opo nee ye okwe mu pa omupika waye Bilha ongomwalikadi waye, ndele Jakob okwa ya muye. 5 Ndele Bilha okwa ninga oufimba nokwa dalela Jakob okaana okamati. 6 Opo nee Rakel okwa tya: “Kalunga okwa yukifa oshinima shange nokwa uda nge nokwa pa nge okaana okamati.” Onghee e ka luka Dan. 7 Ndele Bilha, omupika waRakel, okwa ninga vali oufimba nokwa dalela Jakob okaana okamati okativali. 8 Opo nee Rakel okwa tya: “Ame nda kondja nomumwameme neenghono, ndele nda findana.” Nokwe ka luka Naftali.
9 Ndelenee Lea eshi a mona nokutya ye okwa ka oludalo, okwa kufa omupika waye omukainhu, Silpa, ndele te mu pe Jakob ongomwalikadi waye. 10 Ndele Silpa, omupika waLea, okwa dalela Jakob okaana okamati. 11 Opo nee Lea okwa tya: “Elao!” Ndele e ka luka Gad. 12 Opo nee Silpa, omupika waLea, okwa dalela Jakob okaana okamati okativali. 13 Opo nee Lea okwa tya: “Ame omunelao, osheshi oukadona tava ka ifana nge omunelao!” Ndele ye e ka luka Asser.
14 Ndele efiku limwe Ruben okwa ya ko mefimbo leteyo loilya nokwa mona moixwa omidi dohole ndele e di twaalela ina Lea. Opo nee Rakel okwa tya kuLea: “Pe nge momidi dohole domumwoye.” 15 Ndelenee ye okwa nyamukula ndele ta ti kuye: “Inashi wana ngeno, eshi wa kufa nge omulumenhu wange, eshi wa hala okukufa vali oiimati yohole yomumwange?” Ndele Rakel okwa tya: “Ondi na shike, na nangale naave oufiku wonena molwomidi dohole yomumwoye.” 16 Jakob eshi a aluka kepya onguloshi, Lea okwa ya e ke mu shakeneke neendjovo edi: “Ou na okuuya kwaame, osheshi pauyuki onde ku lilandela nomidi dohole domumwange.” Ndele ye okwa nangala naye oufiku oo. 17 Ndele Kalunga okwa uda Lea. Ye okwa ninga oufimba nokwa dalela Jakob okaana okamati okatitano. 18 Opo nee Lea ta ti: “Omwene okwa pa nge ondjabi, eshi nda pa omulumenhu wange omupika wange.” Ndele ye okwe ka luka Isaskar. 19 Ndele Lea okwa ninga vali oufimba nokwa dalela Jakob okaana okamati okatihamano. 20 Opo Lea okwa tya: “Kalunga okwa pa nge ondjabi ya wapala. Paife omulumenhu wange ota ka kala pwaame, shaashi onde mu dalela ovana ovamati vahamano.” Nokwe ka luka Sebulon. 21 Konima yaava ye a dala okaana okakadona nokwe ka luka Dina. 22 Ndelenee Kalunga okwa dimbulukwa yo Rakel, e mu uda ndele e mu pa oludalo. 23 Ye okwa ninga oufimba nokwa dala okaana okamati. Opo ye okwa tya: “Kalunga okwa kufa po odino yange.” 24 Nokwe ka luka Josef, ndele ta ti: “Omwene na wedele nge vali okaana okamati!”
Oupuna waJakob
25 Ndele Rakel eshi a dala Josef, Jakob okwa tya kuLaban: “Lekele nge, ndi shiive okuya keumbo lange nokoshilongo shetu. 26 Pe nge ovalikadi vange novana vange molwavo nde ku longela, ndi shiive okuya, osheshi ove mwene ou shi shii nhumbi nde ku longela.” 27 Opo nee Laban e mu nyamukula ndele ta ti: “Ngeno ndi filwe onghenda momesho oye, osheshi ame onde shi koneka nokutya, Omwene okwa nangeka nge noupuna molwoye.” 28 Ndele okwa tya vali: “Pule nge ondjabi ei wa hala, naame ohandi i ku pe.” 29 Opo nee Jakob okwe mu nyamukula ta ti: “Ove mwene ou shi shii nhumbi nde ku longela noimuna yoye nhumbi ya hapupala momake ange. 30 Osheshi oyo ya li inini fimbo ame inandi uya, ndele yo oya hapupala unene. Ndele Omwene okwe ku nangeka noupuna keshe apa ame nda enda. Onaini handi ka longela yo eumbo lange mwene?” 31 Ndele ye okwa pula: “Oshike ndi na oku ku pa hano?” Opo nee Jakob okwa nyamukula: “Ino pumbwa okupa nge nande osha. Ngeenge oto itavelele nge eshi, ame nda hala komesho yo okulifa eedi noikombo yoye, heeno, okukala noshisho shayo, 32 onena eli ame ohandi ka ya meedi doye adishe nohandi tongola mo odo doimbafifi nodomavala, noudjona valaula nosho yo oikombo aishe oimbafifi noyomavala, oyo i ninge ondjabi yange. 33 Ndele ouyuki wange otau ka holoka opo: Ove ngeenge to uya okutala nomesho oye mwene ondjabi yange. Keshe eshi shihe na ouvala nomavala moikombo yange, noudjona vehe fi valaula moudjona vange, ovomoulunga.” 34 Opo nee Laban a nyamukula ta ti: “Eewa, nashi ningwe paendjovo doye!” 35 Mefiku tuu olo Laban okwa tongola mo oikombo yoindume youtotone noyomavala, noikombo aishe yoikadi youtotone noyomavala. Aishe oyo ya li i na ouvala nande ovanini, noudjona valaula, ndele te va yandje momake ovana vaye. 36 Ndele pokati kavo naJakob okwa kaleka po onhele yondjila yokweendwa omafiku atatu. Ndele Jakob okwa lifa eedi dikwao daLaban.
37 Opo nee Jakob okwa kufa outi vatalala vomiti domipopel novomiamandel novomiplatani, ndele te va ningi omakonda matoka moku va yuuna oipeta. 38 Outi ava va yuunwa okwe va tula momatemba okuxwiila, omo oimuna hai uya okunwa opo i kale i va wete eshi tai nu. Ndele outi ava ova feka oudjona vaadi di fimba eshi tadi nu. 39 Hano osho ngaha da dala oudjona vomavala, voutotone novomapolo va fekwa kouti. 40 Opo nee Jakob okwa tongola mo oudjona noipala yeedi okwe i taalelifa odo douvala nodomavala malaula domeedi daLaban. Hano osho ngaha e di tongolela oyuunda, ye ine di tula meedi daLaban. 41 Ndele keshe efimbo lokukulifa kweedi edi da pama, Jakob okwe di shingila komatemba omo mu na outi opo oudjona va fekwe. 42 Ndele odo inadi pama ye ine va tula komesho yado. Osho ngaha odo inadi pama da ninga daLaban, naado da pama odaJakob. 43 Osho ngaha omulumenhu okwa punapala unene nokwe lilikolela eedi dihapu novapika ovakainhu novalumenhu neengamelo neendongi.
