Eendjovo daxuuninwa daDavid
1 Edi eendjovo daxuuninwa daDavid. David yaIsai,
omulumenhu ou a lengwa unene kuKalunga,
omuvaekwa waKalunga kaJakob,
nomwiimbi womapsalome muwa waIsrael:
2 “Omhepo yOmwene tai popi mwaame,
neendjovo daye di li kelaka lange.
3 Kalunga kaIsrael okwa tya,
Emanya laIsrael la lombwela nge:
“Omupangeli wovanhu, omuyuki,
ou ta pangele metilokalunga,
4 oye ngaashi etendo leluwa mepito letango,
ngaashi ongula ihe noilemo tai vadima
edu eshi tali eta oxuluxulu, odula eshi ya loka.
5 Epata lange osho tuu li li koshipala shaKalunga?
Osheshi Ye a ninga ehangano laalushe naame lashili,
li shii okulineekelwa.
Heeno, Ye ta tutuminifile nge exupifo alishe nelao alishe.
6 Ndelenee ovapilalali aveshe ve li ngaashi omaano a ekelwashi,
itaa kwatwa neke,
7 ndele keshe ou a hala oku a kuma,
te lidilile noshivela ile noshiti sheonga,
opo nee oo taa xwikwa po nomundilo monhele tuu oyo e li.”
Ovaladi vaDavid
8 Omadina ovaladi vaDavid oyaa: Josef-Bassebet, Omutakmoni, omukulunhu waava vatatu, okwa dungadunga eonga laye kombada yoonakudipawa omafele ahetatu efiku limwe alike. 9 Nokwa shikulwa kuEliaser yaDodo, Omuahohi. Oye umwe womovakwanyati vovaladi vatatu naDavid; eshi va fikamene Ovafilisti, ovo va ongala okulwa, novalumenhu vaIsrael va dja po, 10 ye okwa fikama nokwa dipaa Ovafilisti fiyo eke laye la loloka neke laye la kanyatela keongamukonda, onghee hano mefiku tuu olo Omwene e va pa efindano linene. Novakwaita va aluka ve mu shikula ashike okwoongela oixuulwa. 11 Nokwa shikulwa kuSamma yaAge, Omuharari. Ovafilisti eshi va ongala puLehi, oko kwa li oshipambu shepya shi yadi omakunde novanhu va ya onhapo yOvafilisti, 12 ye okwa fikama pokati koshipambu shepya e shi kufa nokwa taataa Ovafilisti. Osho hano Omwene e va pa efindano linene.
13 Ndele vatatu vomovakulunhu venya omilongo nhatu va ya ndele ve uya mefimbo leteyo kuDavid kekololo laAdullam, fimbo onhanda yOvafilisti ya li mefilu laRefaim. 14 Ndele pefimbo olo David okwa li mohotemhunda. Nongudu yovanangeli Ovafilisti ya li muBetlehem. 15 Ndele David okwa li a hala omeva ndele ta ti: “Ngeno ndi pewe okunwa omeva omondungu oyo i li poshivelo shaBetlehem.” 16 Opo nee ovakwanyati vatatu va honyaeka monhanda yOvafilisti ndele va teka omeva mondungu yaBetlehem ya li poshivelo, ndele ve a humbata nove a eta kuDavid. Ndele ye ina hala oku a nwa. Okwe a tilashi poshi, kokufimaneka Omwene, 17 ndele ta ti: “Omwene, itandi dulu ndi nwe omeva aa, osheshi onda fa handi nu ohonde yovalumenhu ava, ve ke a talele mokweekelashi eemwenyo davo!” Ndele okwa anya oku a nwa. Ei oilonga youpenda yovakwanyati vatatu.
18 Ndele Abisai, omumwaina waJoab, ina oSeruja, oye omukulunhu womapenda omilongo nhatu. Nokwa lwifa neonga laye ovalumenhu omafele atatu, nokwe va dipaa. Osho ngaha okwa mona efimano mokati komapenda omilongo nhatu. 19 Okwa li a fimana mokati kaava omilongo nhatu, onghee a ninga omukwatelikomesho wavo, ashike efimano laye inali fika pu laavenya vatatu. 20 Benaja yaJehoiada womuKabseel okwa li omukwaita omuladi; moilonga yaye youladi okwa dipaa eendjai mbali dOvamoab. Nokwa dipaa yo onghoshi mekololo mefiku lombabi. 21 Ye okwa dipaa yo Omuegipiti omutongolume, nokwa li neonga lefo linene. Benaja okwe mu ponokela nodibo yaye yomutwe wakula, ndele te mu nyeka eonga laye, nokwa dipaa Omuegipiti neonga laye mwene. 22 Ei oyo oilonga youpenda yaBenaja yaJehoiada umwe womapenda enya omilongo nhatu. 23 Okwa li a fimana komesho yaava omilongo nhatu, ndelenee efimano laye inali fika pulaavenya vatatu. David okwe mu ninga omukulunhu wovanangeli vaye.
24 Asahel, omumwaina waJoab okwa li mwaava omilongo nhatu. Elhanan yaDodo womuBetlehem, 25 Samma, Omuharodi, Elika, Omuharodi, 26 Heles, Omupalti, Ira yaIkkes, Omutekoa, 27 Abieser, Omuanatot, Mebunnai, Omuhusai, 28 Salmon, Omuahohi, Maharai, Omunetofa, 29 Heleb yaBaana, Omunetofa, Ittai yaRibai womuGibea shovana vaBenjamin, 30 Benaja, Omupiratoni, Hiddai womuNahab-Gaas, 31 Abialbon, Omuarba, Asmavet, Omubahurim, 32 na Eliaba, Omusalboni. Ovana ovamati vaJashen Jonatan, 33 Samma, Omuharari, Ahiam yaSarar, Omuharari. 34 Elifelet yaAhasbai waMaaka, Eliam yaAhitofel, Omugiloni, 35 Hesro, Omukarmel, Paarai, Omuarba. 36 Igal yaNatan womuSoba, Bani Omugad. 37 Selek, Omuammoni, Naharai, Omubeerot, omuhumbati woiti yaJoab yaSeruja. 38 Ira, Omuiitri, Gareb, Omuiitri. 39 Uria, Omuheti, aveshe kumwe omilongo nhatu navaheyali.
Eendjovo daxuuninwa daDavid
1 Edi eendjovo daxuuninwa daDavid. David yaIsai,
omulumenhu ou a lengwa unene kuKalunga,
omuvaekwa waKalunga kaJakob,
nomwiimbi womapsalome muwa waIsrael:
2 “Omhepo yOmwene tai popi mwaame,
neendjovo daye di li kelaka lange.
3 Kalunga kaIsrael okwa tya,
Emanya laIsrael la lombwela nge:
“Omupangeli wovanhu, omuyuki,
ou ta pangele metilokalunga,
4 oye ngaashi etendo leluwa mepito letango,
ngaashi ongula ihe noilemo tai vadima
edu eshi tali eta oxuluxulu, odula eshi ya loka.
5 Epata lange osho tuu li li koshipala shaKalunga?
Osheshi Ye a ninga ehangano laalushe naame lashili,
li shii okulineekelwa.
Heeno, Ye ta tutuminifile nge exupifo alishe nelao alishe.
6 Ndelenee ovapilalali aveshe ve li ngaashi omaano a ekelwashi,
itaa kwatwa neke,
7 ndele keshe ou a hala oku a kuma,
te lidilile noshivela ile noshiti sheonga,
opo nee oo taa xwikwa po nomundilo monhele tuu oyo e li.”
Ovaladi vaDavid
8 Omadina ovaladi vaDavid oyaa: Josef-Bassebet, Omutakmoni, omukulunhu waava vatatu, okwa dungadunga eonga laye kombada yoonakudipawa omafele ahetatu efiku limwe alike. 9 Nokwa shikulwa kuEliaser yaDodo, Omuahohi. Oye umwe womovakwanyati vovaladi vatatu naDavid; eshi va fikamene Ovafilisti, ovo va ongala okulwa, novalumenhu vaIsrael va dja po, 10 ye okwa fikama nokwa dipaa Ovafilisti fiyo eke laye la loloka neke laye la kanyatela keongamukonda, onghee hano mefiku tuu olo Omwene e va pa efindano linene. Novakwaita va aluka ve mu shikula ashike okwoongela oixuulwa. 11 Nokwa shikulwa kuSamma yaAge, Omuharari. Ovafilisti eshi va ongala puLehi, oko kwa li oshipambu shepya shi yadi omakunde novanhu va ya onhapo yOvafilisti, 12 ye okwa fikama pokati koshipambu shepya e shi kufa nokwa taataa Ovafilisti. Osho hano Omwene e va pa efindano linene.
13 Ndele vatatu vomovakulunhu venya omilongo nhatu va ya ndele ve uya mefimbo leteyo kuDavid kekololo laAdullam, fimbo onhanda yOvafilisti ya li mefilu laRefaim. 14 Ndele pefimbo olo David okwa li mohotemhunda. Nongudu yovanangeli Ovafilisti ya li muBetlehem. 15 Ndele David okwa li a hala omeva ndele ta ti: “Ngeno ndi pewe okunwa omeva omondungu oyo i li poshivelo shaBetlehem.” 16 Opo nee ovakwanyati vatatu va honyaeka monhanda yOvafilisti ndele va teka omeva mondungu yaBetlehem ya li poshivelo, ndele ve a humbata nove a eta kuDavid. Ndele ye ina hala oku a nwa. Okwe a tilashi poshi, kokufimaneka Omwene, 17 ndele ta ti: “Omwene, itandi dulu ndi nwe omeva aa, osheshi onda fa handi nu ohonde yovalumenhu ava, ve ke a talele mokweekelashi eemwenyo davo!” Ndele okwa anya oku a nwa. Ei oilonga youpenda yovakwanyati vatatu.
18 Ndele Abisai, omumwaina waJoab, ina oSeruja, oye omukulunhu womapenda omilongo nhatu. Nokwa lwifa neonga laye ovalumenhu omafele atatu, nokwe va dipaa. Osho ngaha okwa mona efimano mokati komapenda omilongo nhatu. 19 Okwa li a fimana mokati kaava omilongo nhatu, onghee a ninga omukwatelikomesho wavo, ashike efimano laye inali fika pu laavenya vatatu. 20 Benaja yaJehoiada womuKabseel okwa li omukwaita omuladi; moilonga yaye youladi okwa dipaa eendjai mbali dOvamoab. Nokwa dipaa yo onghoshi mekololo mefiku lombabi. 21 Ye okwa dipaa yo Omuegipiti omutongolume, nokwa li neonga lefo linene. Benaja okwe mu ponokela nodibo yaye yomutwe wakula, ndele te mu nyeka eonga laye, nokwa dipaa Omuegipiti neonga laye mwene. 22 Ei oyo oilonga youpenda yaBenaja yaJehoiada umwe womapenda enya omilongo nhatu. 23 Okwa li a fimana komesho yaava omilongo nhatu, ndelenee efimano laye inali fika pulaavenya vatatu. David okwe mu ninga omukulunhu wovanangeli vaye.
24 Asahel, omumwaina waJoab okwa li mwaava omilongo nhatu. Elhanan yaDodo womuBetlehem, 25 Samma, Omuharodi, Elika, Omuharodi, 26 Heles, Omupalti, Ira yaIkkes, Omutekoa, 27 Abieser, Omuanatot, Mebunnai, Omuhusai, 28 Salmon, Omuahohi, Maharai, Omunetofa, 29 Heleb yaBaana, Omunetofa, Ittai yaRibai womuGibea shovana vaBenjamin, 30 Benaja, Omupiratoni, Hiddai womuNahab-Gaas, 31 Abialbon, Omuarba, Asmavet, Omubahurim, 32 na Eliaba, Omusalboni. Ovana ovamati vaJashen Jonatan, 33 Samma, Omuharari, Ahiam yaSarar, Omuharari. 34 Elifelet yaAhasbai waMaaka, Eliam yaAhitofel, Omugiloni, 35 Hesro, Omukarmel, Paarai, Omuarba. 36 Igal yaNatan womuSoba, Bani Omugad. 37 Selek, Omuammoni, Naharai, Omubeerot, omuhumbati woiti yaJoab yaSeruja. 38 Ira, Omuiitri, Gareb, Omuiitri. 39 Uria, Omuheti, aveshe kumwe omilongo nhatu navaheyali.
