Ovafindani novaengeli ve noiyaxahandu iheyali
1 Ndele onda mona edidiliko likwao meulu, linene nolikumwifa: Ovaengeli vaheyali ava ve kwete omahepeko aheyali axuuninwa, omo mwa wanifwa ehandu laKalunga.
2 Ndele nda mona shimwe sha fa efuta lekende la lumbakanifwa nomundilo, naava va finda oshilyani noshiyelekela shasho nomuvalu wedina lasho, ova kala ofika mefuta eli lekende ve neenyalilo daKalunga. 3 Ndele vo ova imba eimbilo laMoses, omupiya waKalunga neimbilo lOdjona, tava ti:
“Oilonga yoye oinene noikumwifa,
Omwene Kalunga, Omunaenghono adishe,
eendjila doye oda yuka nodoshili,
Oove ohamba yoiwana aishe.
4 Olyelye ou ite ku tila, Omwene, ndele ita fimaneke edina loye?
Osheshi Oove auke omuyapuki;
osheshi oiwana aishe otai uya ndele tai ku linyongamene,
osheshi omatokolo oye omayuki a holoka.”
5 Konima yoinima ei, onda mona otembeli ya yeululwa, oyo etwali lehepaululo lomeulu; 6 novaengeli venya vaheyali, va li ve nomahepeko aa aheyali, ova dja motembeli va djala oikutu itoka ya vilima, nokeenhulo ova mangwa nomakwamo oshingoldo. 7 Ndele shimwe shomoinamwenyo oyo ine sha pa ovaengeli venya vaheyali oiyaxa yoshingoldo iheyali i yadi ehandu laKalunga, ou e nomwenyo alushe fiyo alushe. 8 Notembeli oya yada omwifi woshinge shaKalunga noweenghonopangelo daye, ndele kape na nande umwe a dula okuya motembeli, manga omahepeko aheyali ovaengeli vaheyali inaa wanifwa.
Ovafindani novaengeli ve noiyaxahandu iheyali
1 Ndele onda mona edidiliko likwao meulu, linene nolikumwifa: Ovaengeli vaheyali ava ve kwete omahepeko aheyali axuuninwa, omo mwa wanifwa ehandu laKalunga.
2 Ndele nda mona shimwe sha fa efuta lekende la lumbakanifwa nomundilo, naava va finda oshilyani noshiyelekela shasho nomuvalu wedina lasho, ova kala ofika mefuta eli lekende ve neenyalilo daKalunga. 3 Ndele vo ova imba eimbilo laMoses, omupiya waKalunga neimbilo lOdjona, tava ti:
“Oilonga yoye oinene noikumwifa,
Omwene Kalunga, Omunaenghono adishe,
eendjila doye oda yuka nodoshili,
Oove ohamba yoiwana aishe.
4 Olyelye ou ite ku tila, Omwene, ndele ita fimaneke edina loye?
Osheshi Oove auke omuyapuki;
osheshi oiwana aishe otai uya ndele tai ku linyongamene,
osheshi omatokolo oye omayuki a holoka.”
5 Konima yoinima ei, onda mona otembeli ya yeululwa, oyo etwali lehepaululo lomeulu; 6 novaengeli venya vaheyali, va li ve nomahepeko aa aheyali, ova dja motembeli va djala oikutu itoka ya vilima, nokeenhulo ova mangwa nomakwamo oshingoldo. 7 Ndele shimwe shomoinamwenyo oyo ine sha pa ovaengeli venya vaheyali oiyaxa yoshingoldo iheyali i yadi ehandu laKalunga, ou e nomwenyo alushe fiyo alushe. 8 Notembeli oya yada omwifi woshinge shaKalunga noweenghonopangelo daye, ndele kape na nande umwe a dula okuya motembeli, manga omahepeko aheyali ovaengeli vaheyali inaa wanifwa.
