Ninive tashi hanaunwa po molwoulunde washo
1 Woo, oshilando shohonde, shi yadi oipupulu nomunyeka. Okutinha itaku xulu. 2 Pwilikina! Etopaano leengola! Pwilikina, ekolokoto lomaulu omatemba! Eenghambe tadi lotoka nomatemba taa filaukile. 3 Eenghambe dovalondi da yakalala! Nomaongamukonda taa taima, nomaonga taa vema! Ongudu inene yoonakudipawa, neenduba dovafi. Oimhu ihapu kai shii kuvalwa. Ovanhu tava pandaulwa koimhu yavo. 4 Omolwouhapu womaluhaelo ombwada omufuuli, ou a ninga omunongo womoundudu, a landififa po oiwana mokuhaelwa kwaye nomapata molwoundudu waye. 5 Tala, Ame ndi nombedi naave, Omwene womatanga ovakwaita osho ta ti; ndele eenyemba doshikutu shoye ohandi ke di yelula nokuuvika oshipala shoye, ndele Ame ohandi talifa olutu loye li li hamunghele koiwana, nohoni yoye koilongo.
6 Ndele Ame ohandi ka ekela onyata kwoove ndele handi ku fifa ohoni nohandi ku ningi omuyolwa, 7 opo keshe ou te ku tale, ote ku i onhapo ndele ta ti: “Ninive sha hanaunwa! Olyelye te shi lilile? Ohandi ke mu monena peni ovahekeleki?” 8 Ninive, oove muwa u dule ngeno No-Amon, sha kala pomulonga waNil, sha dingililwa komeva keembinga adishe, omulonga wa li ohotekuma yasho nomeva engholo lasho? 9 Etiopia (Kus) nOvaegipiti vehe shii kuvalwa, ovo va li eenghono dasho, Ovaputi nOvalibia va li ekwafo loye. 10 Nasho sha ya moupika, moukwatwa. Ovana vasho va nyanyaulilwa pomatukaukilo omapandavanda aeshe, novanenenhu vasho ova nyanekwa novakulunhu vasho aveshe ova mangwa nomalyenge. 11 Naave yo oto ka kolwa ndele to ka ningina momulaulu. Naave oto ka hondama ovatondi voye. 12 Eehotengulu doye adishe odo omikwiyu da ima eedive. Umwe ngeenge ta nyeme, odo tadi wile mokanya kaau te di li. 13 Tala, ovanhu vomwoove ove li ngaashi ovalikadi. Oivelo yoshilongo shoye ya mbwalangadjela ovatondadi voye. Omundilo owa lungwinifa po oiidilifo yoye. 14 Litekela omeva molwokukondekelwa. Pameka eehotengulu doye. Inda monhata, u lyate omunoko. Kwata oshifolomifo sheedopi! 15 Naakwinya omundilo otau ku lungwinifa, eongamukonda otali ku dipaele ko, olo tali ku li ngaashi oshapapa. Nande u hapupale ngaashi oshapapa, heeno, nande u hapupale ngaashi oshipaxu. 16 Nande wa hapupalifa ovashingifi voipindi, ve dule eenyofi dokeulu: oshapapa tashi nyeka ndele tashi tuka po. 17 Ovapangeli voye vahapu ve fike poshapapa, novashangi voye vahapu ve fike peengudu doshipaxu sha wila moluumbo mefiku loutalala. Etango ngeenge tali piti, otashi tuka po, ndele kape na ou e shii, apa sha ya. 18 Ovafita voye hava kofa, ove ohamba yaAsiria. Omalenga oye oko taa ka nangala. Ovanhu voye ve lihanena keemhunda, ndele kape na ou te va ongele. 19 Enyonauko loye lihe shii kulundululwa. Oshipute shoye shihe shii kuhakulwa. Aveshe ovo, tava udu onghundana yoye, otave ku pandulile. Osheshi olyelye ina hepekwa koupwidi woye fiyofiyo?
Ninive tashi hanaunwa po molwoulunde washo
1 Woo, oshilando shohonde, shi yadi oipupulu nomunyeka. Okutinha itaku xulu. 2 Pwilikina! Etopaano leengola! Pwilikina, ekolokoto lomaulu omatemba! Eenghambe tadi lotoka nomatemba taa filaukile. 3 Eenghambe dovalondi da yakalala! Nomaongamukonda taa taima, nomaonga taa vema! Ongudu inene yoonakudipawa, neenduba dovafi. Oimhu ihapu kai shii kuvalwa. Ovanhu tava pandaulwa koimhu yavo. 4 Omolwouhapu womaluhaelo ombwada omufuuli, ou a ninga omunongo womoundudu, a landififa po oiwana mokuhaelwa kwaye nomapata molwoundudu waye. 5 Tala, Ame ndi nombedi naave, Omwene womatanga ovakwaita osho ta ti; ndele eenyemba doshikutu shoye ohandi ke di yelula nokuuvika oshipala shoye, ndele Ame ohandi talifa olutu loye li li hamunghele koiwana, nohoni yoye koilongo.
6 Ndele Ame ohandi ka ekela onyata kwoove ndele handi ku fifa ohoni nohandi ku ningi omuyolwa, 7 opo keshe ou te ku tale, ote ku i onhapo ndele ta ti: “Ninive sha hanaunwa! Olyelye te shi lilile? Ohandi ke mu monena peni ovahekeleki?” 8 Ninive, oove muwa u dule ngeno No-Amon, sha kala pomulonga waNil, sha dingililwa komeva keembinga adishe, omulonga wa li ohotekuma yasho nomeva engholo lasho? 9 Etiopia (Kus) nOvaegipiti vehe shii kuvalwa, ovo va li eenghono dasho, Ovaputi nOvalibia va li ekwafo loye. 10 Nasho sha ya moupika, moukwatwa. Ovana vasho va nyanyaulilwa pomatukaukilo omapandavanda aeshe, novanenenhu vasho ova nyanekwa novakulunhu vasho aveshe ova mangwa nomalyenge. 11 Naave yo oto ka kolwa ndele to ka ningina momulaulu. Naave oto ka hondama ovatondi voye. 12 Eehotengulu doye adishe odo omikwiyu da ima eedive. Umwe ngeenge ta nyeme, odo tadi wile mokanya kaau te di li. 13 Tala, ovanhu vomwoove ove li ngaashi ovalikadi. Oivelo yoshilongo shoye ya mbwalangadjela ovatondadi voye. Omundilo owa lungwinifa po oiidilifo yoye. 14 Litekela omeva molwokukondekelwa. Pameka eehotengulu doye. Inda monhata, u lyate omunoko. Kwata oshifolomifo sheedopi! 15 Naakwinya omundilo otau ku lungwinifa, eongamukonda otali ku dipaele ko, olo tali ku li ngaashi oshapapa. Nande u hapupale ngaashi oshapapa, heeno, nande u hapupale ngaashi oshipaxu. 16 Nande wa hapupalifa ovashingifi voipindi, ve dule eenyofi dokeulu: oshapapa tashi nyeka ndele tashi tuka po. 17 Ovapangeli voye vahapu ve fike poshapapa, novashangi voye vahapu ve fike peengudu doshipaxu sha wila moluumbo mefiku loutalala. Etango ngeenge tali piti, otashi tuka po, ndele kape na ou e shii, apa sha ya. 18 Ovafita voye hava kofa, ove ohamba yaAsiria. Omalenga oye oko taa ka nangala. Ovanhu voye ve lihanena keemhunda, ndele kape na ou te va ongele. 19 Enyonauko loye lihe shii kulundululwa. Oshipute shoye shihe shii kuhakulwa. Aveshe ovo, tava udu onghundana yoye, otave ku pandulile. Osheshi olyelye ina hepekwa koupwidi woye fiyofiyo?
