Omafimbo mayapuki Omudo wetulumuko
1 Omwene okwa popya vali naMoses komhunda yaSinai, 2 a lombwele ovana vaIsrael a tye kuvo: “Nye ngeenge tamu fiki medu Ame handi mu pe, edu oli nokutulumukwa kefimaneko lOmwene. 3 Omido hamano mu nokukuna omapya eni nomido hamano mu nokuteta oikokola yeni yomiviinyu nokutoola eeviinyu domuyo. 4 Ndelenee momudo omutihamano owo efimbo letulumuko lashili ledu nokutya, Eshabata lOmwene. Inamu kuna omapya eni noinamu teta omiviinyu deni. 5 Eemhelelungu ino di teya noino teta omashila omiviinyu inadi tetwa. Ou ou nokukala omudo wetulumuko ledu. 6 Ndelenee eshi tashi mene medu momudo wEshabata nashi kale eendja deni. Eendja deni nodomupika omulumenhu nomukainhu nodomulongeli woye nodomwiidililwa woye, 7 nodoimuna yoye nodoifitukuti yomoshilongo sheni, keshe osho tashi mene mo nashi ninge eendja dayo.
Omudo wekuwililo
8 “Ove u nokuvala oivike iheyali yomido nokutya, omido heyali luheyali, opo di ninge omido omilongo nhee nomugoi. 9 Opo nee mohani onhiheyali mefiku etimulongo lohani u nokushikifa enghuma. Mefiku lekwatakanifo ondaka yenghuma nai udike moshilongo sheni ashishe. 10 Ndele mu nokuyapula omudo omutimilongo nhano ndele mu nokuvilikila oonakukalamo aveshe emangululo. Oo omudo weni wekuwililo. Opo nee keshe umwe womunye na shune konhele yaye yefyuululo nakeshe umwe kepata lavo. 11 Oo, nokutya omudo omutimilongo nhano u nokukala omudo weni wekuwililo. Inamu kuna sha no inamu teya eemhelelungu ile inamu teta eeviinyu domiviinyu inadi tetwa. 12 Osheshi oo omudo wekuwililo. Oo u nokukala omuyapuki kunye. Lyeni eemhelelungu domomapya eni.
13 “Momudo tuu ou wekuwililo keshe umwe munye na shune konhele yefyuululo laye. 14 Ove ngeenge ho landifa po sha komukweni ile ho lilandele sha komukweni, inamu nyekafana. 15 Pamuvalo womido tadi shikula omudo wekuwililo ove u nokufuta komukweni. Pakuvalwa kwomido deteyo ye na pewe kwoove ofuto. 16 Omido ngeenge odihapu, ofuto tai hapupala. Omido ngeenge dinini, ofuto tai ninipala, osheshi ye ota landifile kwoove omivalo domateyo. 17 Inamu nyekafana, ndelenee kala nokutila Kalunga koye. Osheshi Aame Omwene Kalunga keni. 18 Ndele wanifeni eenghedimhango dange, diinineni omalombwelo ange, opo mu shiive okukala moshilongo mu nombili. 19 Nedu tali mu pe oiimati yalo, ndele nye otamu ka kuta nokukala nombili mulo. 20 Ndele ngeenge tamu ti: ‘Ohatu ka lya shike momudo omutiheyali, fye eshi itatu kunu no itatu teya?’ 21 Opo nee Ame ohandi mu nangeke noupuna momudo omutihamano, oo otau mu pe oilya tai wana omido nhatu kunye. 22 Ndele momudo omutihetatu kuneni, ndele tamu li fiyo okomudo omutimugoi oilya ikulu. Fiyo oilya ya kunwa tai teywa, mu nokulya ei ikulu.
Eemhango dokulikulilila epya novapika
23 “Edu yo itali landwa po fiyo alushe, osheshi edu olange, nye ovanailongo novaidililwa pwaame. 24 Onghee hano nye medu linya tamu ke li pewa efyuululo, nye mu nokwiitavelelwa okukulila onhele yedu.
25 “Omukweni ngeenge ta ningi ohepele ndele ta landifa po sha shomonhele yedu laye, opo nee ou omukwaoelela omumangululi, na kulile eshi omukwao e shi landifa po. 26 Ndelenee umwe ngeenge ehe nomumangululi omukwaoelela, ndele ye mwene ta dulu okukonga shi fike pwaashi sha pumbiwa pekulilo, 27 na vale omido di fike peni da pita, onhele yedu eshi ya landwa po, ndele na fute hano komulumenhu ou a landa naye shi fike pomido di li ko, opo nee ta shuna konhele yedu lefyuululo laye. 28 Ndelenee ye ngeenge ta nyengwa okulikongela ofuto, oyo ye ei landifa po, nai kale komulandi washo fiyo okomudo wekuwililo. Ndelenee momudo wekuwililo yo otai shunifwa kuye, itai kulilwa, oye na shune monhele yedu laye.
29 “Umwe ngeenge ta landifa po ongulu i li moshilando shi nohotekuma, na itavelelwe oku i landulula ko mefimbo lomudo umwe ngeenge la pita okudja kefimbo ye e i landifa po. Efimbo li fike pomudo umwe e li pewa oku i kulila. 30 Ndelenee yo ngeenge inai kulilwa eshi omudo aushe wa pita po, ongulu ei i li moshilando shi nohotekuma, tai kala fiyo alushe yaau e i lilandela noyepata laye. Momudo wekuwililo itai ka shunifwa vali komulandifi. 31 Ndelenee eengulu domomikunda edi dihe neehotekuma, otadi talwa di li mumwe nomapya. Do odi nokukulilwa ndele tadi shuna koovene momudo wekuwililo. 32 Ndelenee Ovalevi nava itavelelwe alushe okukulila eengulu moilando ei i li monhele yefyuululo lOvalevi. 33 Ngeenge ope na ou womOvalevi ite i kulile, ongulu ei ya landwa po, ei i li moshilando shavo, i nokushunifwa momudo wekuwililo. Osheshi eengulu domoilando yOvalevi odavo mokati kovana vaIsrael. 34 Ndelenee oulifilo wavo u li popepi noilando, itau landwa po, osheshi owo onhele yefyuululo lavo fiyo alushe.
35 “Omukweni ou e li pwoove ngeenge ta xutuka ndele ita dulu vali okulikwafa, ove u noku mu yambidida ngaashi omunailongo ile omwiidililwa, opo a shiive okukala nawa pwoove. 36 Ino tambula kuye oishoshela yoimaliwa ei we i mu pele, ndelenee u nokutila Kalunga koye, opo omukweni a shiive okukala pwoove. 37 Ino mu pa oimaliwa yoye u i limonene noishoshela, neendja doye ino di yandja moku mu nyeka. 38 Aame Omwene Kalunga keni, ou e mu pitifa mo medu laEgipiti, opo ndi mu pe edu laKaanan, nondi kale Kalunga keni.
39 “Nomukweni ngeenge ta xutuka pwoove ndele te lilandifa po kwoove, ino mu longifa ngaashi omupika. 40 Ye e nokukala pwoove ngaashi omulongeli wondjabi, ngaashi omwiidililwa fiyo okomudo wekuwililo. 41 Opo nee ye ta di po pwoove ngaashi omumangululwa, ye mwene noludalo laye pamwe naye. Ndele ye e nokushuna kepata lavo nokonhele yedu laxe. 42 Osheshi vo ovapiya vange ndele Ame nde va pitifa mo medu laEgipiti. Vo itava dulu okulandwa po ngaashi ovapika tava landwa po. 43 Ino va pangela nonyanya, ndelenee u nokutila Kalunga koye. 44 Mokulilandela kwoye omupika omulumenhu ile omupika omukainhu, ve lilandela moiwana tai ku dingilile, omuyo u lilandela omupika omulumenhu ile omukainhu. 45 Nosho yo lilandeleni vomovana voonakukala punye nomomapata avo naava vomuvo va dalelwa medu leni. Vo nava ninge efyuululo leni. 46 Ndele nye mu va fyuululifile ovana veni efyuululo. Nava ninge ovapika veni fiyo alushe. Ndelenee movakweni, ovana vaIsrael umwe aha pangele omukwao nonyanya.
47 “Omunailongo ile onakukala pwoove ngeenge te likongele emona, nomukweni ota xutuka puye, ndele te lilandifa po komunailongo ile kunakukala pwoove ile kuumwe womepata lomunailongo, 48 hano ye ngeenge a hangika e lilandifa po, ye ota shiiva okukulilwa ko. Umwe womovakwao ne mu kulile, 49 ile xekulu ile omona waxekulu ne mu kulile ile umwe womovakwaoelela vomepata laye ta dulu oku mu kulila ile ngeenge ye mwene ta dulu oku lifutila ne likulile ye mwene. 50 Ndele ye pamwe nomulandi e nokuvala omido okudja komudo winya ye e lilandifa po fiyo okomudo wekuwililo. Nokuyeleka ondado yokulandwa po kwaye ku nokukala ku fike pomuvalu womido. Ngaashi efimbo lomulongi wondjabi osho efimbo tali ka kala. 51 Ngeenge pa xupa omido dihapu na alule oikulila imwe yondado ye a landwa nayo. 52 Ndelenee omido dimwe adike ngeenge da xupa po fiyo okomudo wekuwililo, omulandi ne di vale yo, ndele ne mu futile oikulila i fike pomido odo. 53 Ngaashi omulongeli wondjabi osho ye e nokukala puye. Ndelenee ehe mu pangele nonyanya komesho yoye. 54 Ndele ngeenge ita kulilwa panghedi ei, ye e nokumangululwa momudo wekuwililo, ye mwene novana vaye. 55 Osheshi ovana vaIsrael vo ovapiya vange. Vo ovapiya vange nde va pitifa mo medu laEgipiti. Aame Omwene Kalunga keni.
Omafimbo mayapuki Omudo wetulumuko
1 Omwene okwa popya vali naMoses komhunda yaSinai, 2 a lombwele ovana vaIsrael a tye kuvo: “Nye ngeenge tamu fiki medu Ame handi mu pe, edu oli nokutulumukwa kefimaneko lOmwene. 3 Omido hamano mu nokukuna omapya eni nomido hamano mu nokuteta oikokola yeni yomiviinyu nokutoola eeviinyu domuyo. 4 Ndelenee momudo omutihamano owo efimbo letulumuko lashili ledu nokutya, Eshabata lOmwene. Inamu kuna omapya eni noinamu teta omiviinyu deni. 5 Eemhelelungu ino di teya noino teta omashila omiviinyu inadi tetwa. Ou ou nokukala omudo wetulumuko ledu. 6 Ndelenee eshi tashi mene medu momudo wEshabata nashi kale eendja deni. Eendja deni nodomupika omulumenhu nomukainhu nodomulongeli woye nodomwiidililwa woye, 7 nodoimuna yoye nodoifitukuti yomoshilongo sheni, keshe osho tashi mene mo nashi ninge eendja dayo.
Omudo wekuwililo
8 “Ove u nokuvala oivike iheyali yomido nokutya, omido heyali luheyali, opo di ninge omido omilongo nhee nomugoi. 9 Opo nee mohani onhiheyali mefiku etimulongo lohani u nokushikifa enghuma. Mefiku lekwatakanifo ondaka yenghuma nai udike moshilongo sheni ashishe. 10 Ndele mu nokuyapula omudo omutimilongo nhano ndele mu nokuvilikila oonakukalamo aveshe emangululo. Oo omudo weni wekuwililo. Opo nee keshe umwe womunye na shune konhele yaye yefyuululo nakeshe umwe kepata lavo. 11 Oo, nokutya omudo omutimilongo nhano u nokukala omudo weni wekuwililo. Inamu kuna sha no inamu teya eemhelelungu ile inamu teta eeviinyu domiviinyu inadi tetwa. 12 Osheshi oo omudo wekuwililo. Oo u nokukala omuyapuki kunye. Lyeni eemhelelungu domomapya eni.
13 “Momudo tuu ou wekuwililo keshe umwe munye na shune konhele yefyuululo laye. 14 Ove ngeenge ho landifa po sha komukweni ile ho lilandele sha komukweni, inamu nyekafana. 15 Pamuvalo womido tadi shikula omudo wekuwililo ove u nokufuta komukweni. Pakuvalwa kwomido deteyo ye na pewe kwoove ofuto. 16 Omido ngeenge odihapu, ofuto tai hapupala. Omido ngeenge dinini, ofuto tai ninipala, osheshi ye ota landifile kwoove omivalo domateyo. 17 Inamu nyekafana, ndelenee kala nokutila Kalunga koye. Osheshi Aame Omwene Kalunga keni. 18 Ndele wanifeni eenghedimhango dange, diinineni omalombwelo ange, opo mu shiive okukala moshilongo mu nombili. 19 Nedu tali mu pe oiimati yalo, ndele nye otamu ka kuta nokukala nombili mulo. 20 Ndele ngeenge tamu ti: ‘Ohatu ka lya shike momudo omutiheyali, fye eshi itatu kunu no itatu teya?’ 21 Opo nee Ame ohandi mu nangeke noupuna momudo omutihamano, oo otau mu pe oilya tai wana omido nhatu kunye. 22 Ndele momudo omutihetatu kuneni, ndele tamu li fiyo okomudo omutimugoi oilya ikulu. Fiyo oilya ya kunwa tai teywa, mu nokulya ei ikulu.
Eemhango dokulikulilila epya novapika
23 “Edu yo itali landwa po fiyo alushe, osheshi edu olange, nye ovanailongo novaidililwa pwaame. 24 Onghee hano nye medu linya tamu ke li pewa efyuululo, nye mu nokwiitavelelwa okukulila onhele yedu.
25 “Omukweni ngeenge ta ningi ohepele ndele ta landifa po sha shomonhele yedu laye, opo nee ou omukwaoelela omumangululi, na kulile eshi omukwao e shi landifa po. 26 Ndelenee umwe ngeenge ehe nomumangululi omukwaoelela, ndele ye mwene ta dulu okukonga shi fike pwaashi sha pumbiwa pekulilo, 27 na vale omido di fike peni da pita, onhele yedu eshi ya landwa po, ndele na fute hano komulumenhu ou a landa naye shi fike pomido di li ko, opo nee ta shuna konhele yedu lefyuululo laye. 28 Ndelenee ye ngeenge ta nyengwa okulikongela ofuto, oyo ye ei landifa po, nai kale komulandi washo fiyo okomudo wekuwililo. Ndelenee momudo wekuwililo yo otai shunifwa kuye, itai kulilwa, oye na shune monhele yedu laye.
29 “Umwe ngeenge ta landifa po ongulu i li moshilando shi nohotekuma, na itavelelwe oku i landulula ko mefimbo lomudo umwe ngeenge la pita okudja kefimbo ye e i landifa po. Efimbo li fike pomudo umwe e li pewa oku i kulila. 30 Ndelenee yo ngeenge inai kulilwa eshi omudo aushe wa pita po, ongulu ei i li moshilando shi nohotekuma, tai kala fiyo alushe yaau e i lilandela noyepata laye. Momudo wekuwililo itai ka shunifwa vali komulandifi. 31 Ndelenee eengulu domomikunda edi dihe neehotekuma, otadi talwa di li mumwe nomapya. Do odi nokukulilwa ndele tadi shuna koovene momudo wekuwililo. 32 Ndelenee Ovalevi nava itavelelwe alushe okukulila eengulu moilando ei i li monhele yefyuululo lOvalevi. 33 Ngeenge ope na ou womOvalevi ite i kulile, ongulu ei ya landwa po, ei i li moshilando shavo, i nokushunifwa momudo wekuwililo. Osheshi eengulu domoilando yOvalevi odavo mokati kovana vaIsrael. 34 Ndelenee oulifilo wavo u li popepi noilando, itau landwa po, osheshi owo onhele yefyuululo lavo fiyo alushe.
35 “Omukweni ou e li pwoove ngeenge ta xutuka ndele ita dulu vali okulikwafa, ove u noku mu yambidida ngaashi omunailongo ile omwiidililwa, opo a shiive okukala nawa pwoove. 36 Ino tambula kuye oishoshela yoimaliwa ei we i mu pele, ndelenee u nokutila Kalunga koye, opo omukweni a shiive okukala pwoove. 37 Ino mu pa oimaliwa yoye u i limonene noishoshela, neendja doye ino di yandja moku mu nyeka. 38 Aame Omwene Kalunga keni, ou e mu pitifa mo medu laEgipiti, opo ndi mu pe edu laKaanan, nondi kale Kalunga keni.
39 “Nomukweni ngeenge ta xutuka pwoove ndele te lilandifa po kwoove, ino mu longifa ngaashi omupika. 40 Ye e nokukala pwoove ngaashi omulongeli wondjabi, ngaashi omwiidililwa fiyo okomudo wekuwililo. 41 Opo nee ye ta di po pwoove ngaashi omumangululwa, ye mwene noludalo laye pamwe naye. Ndele ye e nokushuna kepata lavo nokonhele yedu laxe. 42 Osheshi vo ovapiya vange ndele Ame nde va pitifa mo medu laEgipiti. Vo itava dulu okulandwa po ngaashi ovapika tava landwa po. 43 Ino va pangela nonyanya, ndelenee u nokutila Kalunga koye. 44 Mokulilandela kwoye omupika omulumenhu ile omupika omukainhu, ve lilandela moiwana tai ku dingilile, omuyo u lilandela omupika omulumenhu ile omukainhu. 45 Nosho yo lilandeleni vomovana voonakukala punye nomomapata avo naava vomuvo va dalelwa medu leni. Vo nava ninge efyuululo leni. 46 Ndele nye mu va fyuululifile ovana veni efyuululo. Nava ninge ovapika veni fiyo alushe. Ndelenee movakweni, ovana vaIsrael umwe aha pangele omukwao nonyanya.
47 “Omunailongo ile onakukala pwoove ngeenge te likongele emona, nomukweni ota xutuka puye, ndele te lilandifa po komunailongo ile kunakukala pwoove ile kuumwe womepata lomunailongo, 48 hano ye ngeenge a hangika e lilandifa po, ye ota shiiva okukulilwa ko. Umwe womovakwao ne mu kulile, 49 ile xekulu ile omona waxekulu ne mu kulile ile umwe womovakwaoelela vomepata laye ta dulu oku mu kulila ile ngeenge ye mwene ta dulu oku lifutila ne likulile ye mwene. 50 Ndele ye pamwe nomulandi e nokuvala omido okudja komudo winya ye e lilandifa po fiyo okomudo wekuwililo. Nokuyeleka ondado yokulandwa po kwaye ku nokukala ku fike pomuvalu womido. Ngaashi efimbo lomulongi wondjabi osho efimbo tali ka kala. 51 Ngeenge pa xupa omido dihapu na alule oikulila imwe yondado ye a landwa nayo. 52 Ndelenee omido dimwe adike ngeenge da xupa po fiyo okomudo wekuwililo, omulandi ne di vale yo, ndele ne mu futile oikulila i fike pomido odo. 53 Ngaashi omulongeli wondjabi osho ye e nokukala puye. Ndelenee ehe mu pangele nonyanya komesho yoye. 54 Ndele ngeenge ita kulilwa panghedi ei, ye e nokumangululwa momudo wekuwililo, ye mwene novana vaye. 55 Osheshi ovana vaIsrael vo ovapiya vange. Vo ovapiya vange nde va pitifa mo medu laEgipiti. Aame Omwene Kalunga keni.
