Oiwana ei ya fyaala mo manga
1 Oiwana oyo tuu ei Omwene e i fiya po, opo Ye a yeleke Ovaisraeli nayo, aveshe ava inava shiiva oita aishe yomuKaanan, 2 opo omapupi Ovaisraeli e i shiive, oku va longa okulwa, vo aveke inava shiiva olwoodi nale: 3 eehamba nhano dOvafilisti nOvakaanan aveshe nOvasidoni nOvahevi, ava va kala keemhunda daLibanon okudja komhunda yaBaal-Hermon fiyo okomhito yokuya kuHamat. 4 Yo oya fyaala po, opo Ovaisraeli va yelekwe nayo, opo a shiive ngeenge tava ka pwilikina oipango yOmwene, oyo Ye e i lombwela ooxe nokanya kaMoses.
Otniel
5 Osho ngaha hano ovana vaIsrael va kala mokati kOvakaanan nOvaheti nOvaamori nOvaperesi nOvahevi nOvajebusi, 6 ndele vo va kufa ovana vavo oukadona va ninge ovalikadi vavo, novana vavo vene oukadona ve va yandja kovana vavo ovamati ndele va longela oikalunga yavo.
7 Novana vaIsrael va ninga eshi shii momesho Omwene, nOmwene Kalunga kavo ve mu dimbwa, ndele va longela ooBaal nomalupwelele mayapuki. 8 Onghee hano ehandu lOmwene la xwamena Ovaisraeli, ndele Ye okwe va landifa po momake aKusan Risataim, ohamba yaMesopotamia, novana vaIsrael va longela Kusan Risataim omido hetatu. 9 Ndelenee ovana vaIsrael eshi va kuwa kOmwene, Omwene okwa pendulila ovana vaIsrael omuxupifi ou e va xupifa nokutya, Otniel yaKenas, ondenge yaKaleb. 10 NOmhepo yOmwene ye uya kombada yaye, ndele ye okwa li omutokolipangeli wOvaisraeli ndele okwa fikama a ka homone. NOmwene okwa yandja momake aye Kusan-Risataim, ohamba yaMesopotamia, opo ye a taataa Kusan Risataim. 11 Opo nee oshilongo sha tulumukwa omido omilongo nhee. Ndele Otniel yaKenas okwa fya.
Ehud naSamgar
12 Novana vaIsrael ova ninga vali eshi shii momesho Omwene. Onghee hano Omwene okwa pameka Eglon, ohamba yaMoab, okulwifa Israel, shaashi vo ova ninga eshi shii momesho Omwene. 13 Ndele ye okwa ongela puye ovana vaAmmoni nOvaamaleki. Opo nee va fikama ndele va taataa Ovaisraeli, ndele va nangala oshilando shomilunga. 14 Novana vaIsrael va longela Eglon, ohamba yaMoab, omido omulongo nahetatu. 15 Ndelenee ovana vaIsrael eshi va kuwa kOmwene, Omwene e va pendulila Ehud yaGera Omukwabenjamin omuxupifi, omulumenhu wolumosho. Ovana vaIsrael ve mu tuma a twale oifendelwa kuEglon, ohamba yaMoab. 16 Ndele Ehud okwe liningila eongamukonda li neememo akushe, oule walo oludimbo limwe, ndele e li manga ponho yaye yokolulyo koshi yoikutu yaye. 17 Nokwa twala kuEglon, ohamba yaMoab, oifendela. Ndele Eglon okwa li omulumenhu a ondoka unene. 18 Ndele Ehud eshi a yandja oifendelwa, okwa shunifa ovanhu ava va humbata oifendelwa; 19 ndelenee ye mwene okwa aluka poihongwafano oyo i li muGilgal, ndele ta ti: “Akutu ohamba, ame ndi neenghundafana doiholekwa.” Opo winya ta ti: “Mweneni!” Ndele aveshe ava va li puye va dja po puye. 20 Ndele Ehud eshi e uya kuye, fimbo a li omutumba mondjuwo yomhepo italala yopombada, ei ya li ye i litongolela, Ehud ta ti: “Ndi nondjovo yaKalunga kwoove.” Ndele ye eshi a fikama kolukalwa laye, 21 Ehud okwa shitika eke laye lokolumosho, ndele okwa kwata eongamukonda la li ponho yokolulyo, ndele te li tu medimo laye, 22 la ya mo fiyo oshikwatelo, noinghene oya umhuka moshiveta, osheshi ye ina pweya mo eongamukonda medimo. 23 Opo nee Ehud okwa ya kehale, ndelenee okwa li a idila oivelo yondjuwo yopombada konima yaye nokwe i pata. 24 Opo tuu opo ye eshi a dja po, ovapiya vayo ve uya. Ndele vo eshi va mona oivelo yondjuwo yopombada ya patwa, vo va tya: Kashuude ye ta i koixwa mondjuwo yomhepo italala. 25 Ndele vo ova teelela fiyo va loloka. Ndelenee ye ina patulula oivelo yondjuwo yopombada! Ndele vo eshi va ka tala oshapi, ndele tava yeulula, omwene wavo okwa kangavala poshi a fya. 26 Ndelenee fimbo tava ongaonga natango, Ehud okwa ya onhapo nokwa koya oihongwafano nokwa ya onhapo kuSeira. 27 Ndele ye eshi a fika ko, okwa shika enghuma lodi omhedi keemhunda daEfraim novana vaIsrael va londoloka keemhunda pamwe naye, ye okwe va kwatela komesho. 28 Opo nee ye ta ti kuvo: “Shikulei nge, osheshi Omwene ta yandje ovatondadi veni Ovamoab momake eni.” Ndele vo ove mu shikula, ndele va teta ko Ovamoab keeshau daJordan ndele inava itavela nande oumwe a yauke mo. 29 Ndele mefimbo tuu linya va taataa Moab, ovalumenhu ngeno ve fike pomayovi omulongo, aveshe ovalumenhu ve neenghono naaveshe ve nonyati, inapa xupa nande umwe. 30 Osho ngaha hano Moab osha li shi nokufidimikwa koshi yeke lOvaisraeli, noshilongo sha tulumukwa omido omilongo hetatu.
31 Konima yaye Samgar yaAnat e uya. Ye okwa dipaa ovalumenhu omafele ahamano Ovafilisti neonga lokushovelifa eengobe. Naye yo okwa mangulula Israel.
Oiwana ei ya fyaala mo manga
1 Oiwana oyo tuu ei Omwene e i fiya po, opo Ye a yeleke Ovaisraeli nayo, aveshe ava inava shiiva oita aishe yomuKaanan, 2 opo omapupi Ovaisraeli e i shiive, oku va longa okulwa, vo aveke inava shiiva olwoodi nale: 3 eehamba nhano dOvafilisti nOvakaanan aveshe nOvasidoni nOvahevi, ava va kala keemhunda daLibanon okudja komhunda yaBaal-Hermon fiyo okomhito yokuya kuHamat. 4 Yo oya fyaala po, opo Ovaisraeli va yelekwe nayo, opo a shiive ngeenge tava ka pwilikina oipango yOmwene, oyo Ye e i lombwela ooxe nokanya kaMoses.
Otniel
5 Osho ngaha hano ovana vaIsrael va kala mokati kOvakaanan nOvaheti nOvaamori nOvaperesi nOvahevi nOvajebusi, 6 ndele vo va kufa ovana vavo oukadona va ninge ovalikadi vavo, novana vavo vene oukadona ve va yandja kovana vavo ovamati ndele va longela oikalunga yavo.
7 Novana vaIsrael va ninga eshi shii momesho Omwene, nOmwene Kalunga kavo ve mu dimbwa, ndele va longela ooBaal nomalupwelele mayapuki. 8 Onghee hano ehandu lOmwene la xwamena Ovaisraeli, ndele Ye okwe va landifa po momake aKusan Risataim, ohamba yaMesopotamia, novana vaIsrael va longela Kusan Risataim omido hetatu. 9 Ndelenee ovana vaIsrael eshi va kuwa kOmwene, Omwene okwa pendulila ovana vaIsrael omuxupifi ou e va xupifa nokutya, Otniel yaKenas, ondenge yaKaleb. 10 NOmhepo yOmwene ye uya kombada yaye, ndele ye okwa li omutokolipangeli wOvaisraeli ndele okwa fikama a ka homone. NOmwene okwa yandja momake aye Kusan-Risataim, ohamba yaMesopotamia, opo ye a taataa Kusan Risataim. 11 Opo nee oshilongo sha tulumukwa omido omilongo nhee. Ndele Otniel yaKenas okwa fya.
Ehud naSamgar
12 Novana vaIsrael ova ninga vali eshi shii momesho Omwene. Onghee hano Omwene okwa pameka Eglon, ohamba yaMoab, okulwifa Israel, shaashi vo ova ninga eshi shii momesho Omwene. 13 Ndele ye okwa ongela puye ovana vaAmmoni nOvaamaleki. Opo nee va fikama ndele va taataa Ovaisraeli, ndele va nangala oshilando shomilunga. 14 Novana vaIsrael va longela Eglon, ohamba yaMoab, omido omulongo nahetatu. 15 Ndelenee ovana vaIsrael eshi va kuwa kOmwene, Omwene e va pendulila Ehud yaGera Omukwabenjamin omuxupifi, omulumenhu wolumosho. Ovana vaIsrael ve mu tuma a twale oifendelwa kuEglon, ohamba yaMoab. 16 Ndele Ehud okwe liningila eongamukonda li neememo akushe, oule walo oludimbo limwe, ndele e li manga ponho yaye yokolulyo koshi yoikutu yaye. 17 Nokwa twala kuEglon, ohamba yaMoab, oifendela. Ndele Eglon okwa li omulumenhu a ondoka unene. 18 Ndele Ehud eshi a yandja oifendelwa, okwa shunifa ovanhu ava va humbata oifendelwa; 19 ndelenee ye mwene okwa aluka poihongwafano oyo i li muGilgal, ndele ta ti: “Akutu ohamba, ame ndi neenghundafana doiholekwa.” Opo winya ta ti: “Mweneni!” Ndele aveshe ava va li puye va dja po puye. 20 Ndele Ehud eshi e uya kuye, fimbo a li omutumba mondjuwo yomhepo italala yopombada, ei ya li ye i litongolela, Ehud ta ti: “Ndi nondjovo yaKalunga kwoove.” Ndele ye eshi a fikama kolukalwa laye, 21 Ehud okwa shitika eke laye lokolumosho, ndele okwa kwata eongamukonda la li ponho yokolulyo, ndele te li tu medimo laye, 22 la ya mo fiyo oshikwatelo, noinghene oya umhuka moshiveta, osheshi ye ina pweya mo eongamukonda medimo. 23 Opo nee Ehud okwa ya kehale, ndelenee okwa li a idila oivelo yondjuwo yopombada konima yaye nokwe i pata. 24 Opo tuu opo ye eshi a dja po, ovapiya vayo ve uya. Ndele vo eshi va mona oivelo yondjuwo yopombada ya patwa, vo va tya: Kashuude ye ta i koixwa mondjuwo yomhepo italala. 25 Ndele vo ova teelela fiyo va loloka. Ndelenee ye ina patulula oivelo yondjuwo yopombada! Ndele vo eshi va ka tala oshapi, ndele tava yeulula, omwene wavo okwa kangavala poshi a fya. 26 Ndelenee fimbo tava ongaonga natango, Ehud okwa ya onhapo nokwa koya oihongwafano nokwa ya onhapo kuSeira. 27 Ndele ye eshi a fika ko, okwa shika enghuma lodi omhedi keemhunda daEfraim novana vaIsrael va londoloka keemhunda pamwe naye, ye okwe va kwatela komesho. 28 Opo nee ye ta ti kuvo: “Shikulei nge, osheshi Omwene ta yandje ovatondadi veni Ovamoab momake eni.” Ndele vo ove mu shikula, ndele va teta ko Ovamoab keeshau daJordan ndele inava itavela nande oumwe a yauke mo. 29 Ndele mefimbo tuu linya va taataa Moab, ovalumenhu ngeno ve fike pomayovi omulongo, aveshe ovalumenhu ve neenghono naaveshe ve nonyati, inapa xupa nande umwe. 30 Osho ngaha hano Moab osha li shi nokufidimikwa koshi yeke lOvaisraeli, noshilongo sha tulumukwa omido omilongo hetatu.
31 Konima yaye Samgar yaAnat e uya. Ye okwa dipaa ovalumenhu omafele ahamano Ovafilisti neonga lokushovelifa eengobe. Naye yo okwa mangulula Israel.
