Okweenda pahalo laKalunga
1 Hano Kristus eshi a yehamenwa mombelela, nanye yo tambuleni omadiladilo aa ngaashi oshilwifo, osheshi ou ta yehamenwa mombelela, oye ta efa oulunde, 2 opo momafiku aa a xupa ko mokukala natango mombelela, muha kale vali pauhalu wovanhu, ndelenee opahalo laKalunga, 3 osheshi osha wana eshi mwa wanifa ehalo lovapaani mefimbo eli la pita, eshi mwa li mwa kala moluhaelo, momalwisho, moukolwe, moivilo youfiku, moufukenhu woikunwa nomoixuna yokulongela oikalunga. 4 Osho tashi va kumwifa, eshi ihamu tondokele vali mumwe navo monhata youmbwada ndele hava sheke. 5 Shimwe ashike, ve noku ke lihepaulula kwaau a fikama nokuli, a tokole ovanamwenyo novafi. 6 Onghee hano evaengeli ola udifilwa ovafi yo, opo nande otava tokolwa pambelela ngaashi ovanhu, va kale ve nomwenyo momhepo pakukala kwaKalunga.
Lidilikeni, ilikaneni, holafaneni, yakulafaneni
7 Ndelenee exulilo loinima aishe oli li popepi; kaleni hano mu nelididimiko nelidiliko mu shiive okwiindila. 8 Komesho yaaishe ohole yeni yokuholafana nai kale ya xwama, osheshi ohole ohai fufile onduba yomatimba. 9 Kaleni hamu yakula ovaenda nokuyakulafana hakungongotola. 10 Yakulafaneni keshe tuu noshalinghenda e i pewa ngaashi omalenga mawa efilonghenda lopandjovo yaKalunga. 11 Ou ta popi, na popye ngaashi eendjovo daKalunga; ou ha yakula, ne shi ninge keenghono te di pewa kuKalunga; Kalunga opo a fimanekwe moinima aishe omolwaJesus Kristus. Oye e nefimano neenghono fiyo alushe. Amen.
Mokuhepekelwa kweni Kristus nyakukweni
12 Ovaholike, inamu kuminwa oupyu ou mu li mo woku mu hepeka, wa foshinima inashi monika nale, 13 ndelenee nyakukweni nehafo li fike poshipewa sheni shomahepeko aKristus, opo mu shiive okuhafa yo nokushambukwa peholoko loshinge shaye. 14 Onye ngeenge tamu shekelwa edina laKristus, onye ovanelao, osheshi Omhepo yoshinge noyaKalunga otai kala kombada yeni. 15 Ndele muha kale nande umwe mokati keni ta hepekwa shaashi ye omudipai ile omulunga ile omukolokoshi ile omunhukili meendjovo dovanhu; 16 ndelenee ngeenge pe na ou ta hepekwa shaashi oye Omukriste, ina fya ohoni, ndelenee na fimaneke Kalunga omolwedina olo.
Etokolo tali hovele meumbo laKalunga
17 Osheshi efimbo la fika, etokolo li hovele meumbo laKalunga; hano ngeenge tali hovele mufye, opo nee exulilo laavenya ihava dulika kevaengeli laKalunga, otali kala la tya ngahelipi? 18 Ndele:
“Ngeenge omuyuki ota xupifwa konyala,
opo nee omuhenakalunga nomulunde ota ka yuka peni?”
19 Onghee hano ava tava hepekwa pahalo laKalunga, eemwenyo davo nave di yandje kOmushiti omudiinini omokulonga ouwa.
Okweenda pahalo laKalunga
1 Hano Kristus eshi a yehamenwa mombelela, nanye yo tambuleni omadiladilo aa ngaashi oshilwifo, osheshi ou ta yehamenwa mombelela, oye ta efa oulunde, 2 opo momafiku aa a xupa ko mokukala natango mombelela, muha kale vali pauhalu wovanhu, ndelenee opahalo laKalunga, 3 osheshi osha wana eshi mwa wanifa ehalo lovapaani mefimbo eli la pita, eshi mwa li mwa kala moluhaelo, momalwisho, moukolwe, moivilo youfiku, moufukenhu woikunwa nomoixuna yokulongela oikalunga. 4 Osho tashi va kumwifa, eshi ihamu tondokele vali mumwe navo monhata youmbwada ndele hava sheke. 5 Shimwe ashike, ve noku ke lihepaulula kwaau a fikama nokuli, a tokole ovanamwenyo novafi. 6 Onghee hano evaengeli ola udifilwa ovafi yo, opo nande otava tokolwa pambelela ngaashi ovanhu, va kale ve nomwenyo momhepo pakukala kwaKalunga.
Lidilikeni, ilikaneni, holafaneni, yakulafaneni
7 Ndelenee exulilo loinima aishe oli li popepi; kaleni hano mu nelididimiko nelidiliko mu shiive okwiindila. 8 Komesho yaaishe ohole yeni yokuholafana nai kale ya xwama, osheshi ohole ohai fufile onduba yomatimba. 9 Kaleni hamu yakula ovaenda nokuyakulafana hakungongotola. 10 Yakulafaneni keshe tuu noshalinghenda e i pewa ngaashi omalenga mawa efilonghenda lopandjovo yaKalunga. 11 Ou ta popi, na popye ngaashi eendjovo daKalunga; ou ha yakula, ne shi ninge keenghono te di pewa kuKalunga; Kalunga opo a fimanekwe moinima aishe omolwaJesus Kristus. Oye e nefimano neenghono fiyo alushe. Amen.
Mokuhepekelwa kweni Kristus nyakukweni
12 Ovaholike, inamu kuminwa oupyu ou mu li mo woku mu hepeka, wa foshinima inashi monika nale, 13 ndelenee nyakukweni nehafo li fike poshipewa sheni shomahepeko aKristus, opo mu shiive okuhafa yo nokushambukwa peholoko loshinge shaye. 14 Onye ngeenge tamu shekelwa edina laKristus, onye ovanelao, osheshi Omhepo yoshinge noyaKalunga otai kala kombada yeni. 15 Ndele muha kale nande umwe mokati keni ta hepekwa shaashi ye omudipai ile omulunga ile omukolokoshi ile omunhukili meendjovo dovanhu; 16 ndelenee ngeenge pe na ou ta hepekwa shaashi oye Omukriste, ina fya ohoni, ndelenee na fimaneke Kalunga omolwedina olo.
Etokolo tali hovele meumbo laKalunga
17 Osheshi efimbo la fika, etokolo li hovele meumbo laKalunga; hano ngeenge tali hovele mufye, opo nee exulilo laavenya ihava dulika kevaengeli laKalunga, otali kala la tya ngahelipi? 18 Ndele:
“Ngeenge omuyuki ota xupifwa konyala,
opo nee omuhenakalunga nomulunde ota ka yuka peni?”
19 Onghee hano ava tava hepekwa pahalo laKalunga, eemwenyo davo nave di yandje kOmushiti omudiinini omokulonga ouwa.
