Daniel mekololo leenghoshi
1 Ndele osha wapalela Darius okutumbila oshilongo shaye omalenga efele limwe nomilongo mbali, va kale moshilongo ashishe. 2 Ndele okwe va pangelififa komalenga akula atatu, limwe lomuvo oDaniel. Omalenga ova li ve noku a valela evalulo, ohamba iha mone oshiponga. 3 Ndele Daniel okwa li e dule omalenga makwao aa akula nomalenga, osheshi ye okwa li e yadi omhepo yomayele mahapu. Ndele ohamba oya hala oku mu tumba elenga ekulunhu loshilongo ashishe. 4 Opo nee omalenga makwao aa akula nomalenga ova kongela Daniel etimba loku mu popya omolwouteku woshilongo. Ndelenee vo ova nyengwa okumona sha eshi tashi mu kaulifa onyanga ile shimwe inashi yuka, osheshi ye okwa li omudiinini, ndele muye inamu monika oshileda ile oshilonga inashi yuka. 5 Opo ovalumenhu venya va kundafana tava ti: “Daniel ou itatu mu monene sha shoku mu kaulifa onyanga, ngeenge itatu mu monene sha showii mokulongela Kalunga kwaye. 6 Ndele omalenga makula nomalenga ova endelela va ya kohamba, tava ti: Ohamba Darius, kala alushe u nomwenyo! 7 Omalenga aeshe makulu omoshilongo, noongoloneya nookansela novapanguli neekomanda novanambelewa aveshe noovene vomikunda, otwa udafana kutya ohamba oi nokuyandja oshipango nokupameka ondaka yekelelo nokutya, pomafiku omilongo nhatu, ngeenge pe nomunhu ta indile sha kukalunga kamwe ile komunhu mukwao, shapu kwoove akuke ohamba, ye na ekelwe mekololo leenghoshi.” 8 Paife eshi, tatekulu ohamba, pameka ondaka yekelelo, ove u shangife oshipango shihe shii kulundululwa konghedi yomhango yOvamedia noyOvapersia ya pamenena.
9 Omolwaashi ohamba Darius oya shanga oshipango nondaka yekelelo moshinima eshi. 10 Opo tuu Daniel eshi a uda oshipango eshi sha shangwa, okwa ya keumbo laye. Ndele mondjuwo yaye yokombada mwa kala omakende a yeuluka a taalela kuJerusalem. Ndele lutatu mefiku ye a twa eengolo pekende ndele ta ilikana Kalunga noku mu hambelela, ngaashi a kala ha ningi shito. 11 Opo nee ovalumenhu ava va pumina mo, ndele va hanga Daniel ta ilikana, ndele te liindilile onghenda koshipala shaKalunga. 12 Ndele vo ova ya kohamba ndele tave i dimbulukifa ondaka yohamba yekelelo, tava ti: “Tatekulu, hamba ino yandja oshipango tashi ti: ‘Pomafiku omilongo nhatu shamha ou ta ilikana kalunga kamwe ile omunhu mukwao, shapu oove auke, ohamba, ye na ekelwe mekololo leenghoshi?’ Ohamba oya nyamukula ndele tai ti: Oshipango osha pama, konghedi yomhango yOvamedia noyOvapersia, itashi dulu okulundululwa.” 13 Opo vo ova nyamukula ohamba tava ti: “Tatekulu ohamba, Daniel oye umwe womovapika Ovajuda ke na ko nasha naave noshipango shoye, eshi wa shanga, ndelenee oye ha ilikana lutatu keshe efiku.” 14 Ndele ohamba eshi ye shi uda, oya nyika oluhodi shili, ndele ya diladila nhumbi a xupife Daniel. Oye lihepeka fiyo etango la ningina, i mu mangulule. 15 Opo ovalumenhu venya va endelela ve uya kohamba, ndele tave i lombwele: “Tatekulu ohamba, kala u shi shii, omhango yOvamedia noyOvapersia tai ti, kutya ondaka yekelelo ile oshipango shimwe, sha yandjwa kohamba, itashi lundululwa vali.” 16 Opo nee ohamba ya lombwela, ndele vo va eta Daniel, ndele ve mu ekela mekololo leenghoshi. Ndele ohamba oya popifa Daniel tai ti: Kalunga koye, ou ho mu fimaneke alushe, ye ne ku xupife.
17 Ndele emanya ola etwa ndele tali idile oshivelo shekololo, ndele ohamba oye li hakifa noshihako shayo nonoshihako shomalenga aye, opo metokolo laDaniel muha holoke elunduluko. 18 Ohamba oya shuna mouhamba wayo, yo inai lya sha ndele inai hala i etelwe oikumbu, ndele eemhofi de i londoka. 19 Ndele eluwa eshi la tenda, ohamba oya pita mo nokweendelela ya yuka kekololo leenghoshi. 20 Ndele yo eshi ya ehena kekololo, oya ifana Daniel nondaka youfiye. Ohamba oya popifa Daniel tai ti: “Daniel, omupiya waKalunga omunamwenyo. Kalunga koye ho mu longele alushe, okwa shiiva tuu oku ku xupifa keenghoshi?” 21 Opo nee Daniel okwa nyamukula ohamba ta ti: “Tatekulu ohamba, kala alushe u nomwenyo! 22 Kalunga kange okwa tuma omweengeli waye, ndele ta kwata omilungu deenghoshi diha kume nge, osheshi onda monika koshipala shaye ndihe netimba, nokoshipala shoye yo, ohamba, inandi nyona sha.” 23 Opo ohamba oya hafa unene, ndele tai yandje elombwelo, Daniel a shilwe mo mekololo. Osho ngaha Daniel okwa shilwa mo mekololo ndele kuye inaku monika nande oshipute. Osheshi a li e lineekela Kalunga kaye.
24 Ndele ohamba oya lombwela, ndele vo ova eta ovalumenhu ava va popya ko Daniel ndele va ekelwa mekololo leenghoshi, ovo vene novalikadi vavo. Ndele fimbo inava fika poshi mekololo, eenghoshi ode va yakela ndele tadi nyanyaula omakipa avo aeshe. 25 Opo ohamba Darius ya shangela ovanhu aveshe noiwana aishe nomalaka aeshe kombada yedu alishe, tai ti: “Ombili yeni nai kale inene! 26 Ame nda yandja ondaka nokutya, monhele aishe yomepangelo lange ovanhu ve nokutila nokukakama koshipala shaKalunga kaDaniel.
Osheshi Oye Kalunga omunamwenyo,
ndele ota kala fiyo alushe.
Noshilongo shaye kashi shii okuhanaunwa po,
nepangelo laye kali na apa tali xulu po.”
27 Oye ta xupifa ndele ta mangulula,
Ye ta ningi omadidiliko noikumwifa
meulu nokombada yedu.
Oye ou a xupifa Daniel komakasha eenghoshi.
28 Ndele Daniel ou a kala e nefimano mounyuni waDarius nomounyuni waKores Omupersia.
Daniel mekololo leenghoshi
1 Ndele osha wapalela Darius okutumbila oshilongo shaye omalenga efele limwe nomilongo mbali, va kale moshilongo ashishe. 2 Ndele okwe va pangelififa komalenga akula atatu, limwe lomuvo oDaniel. Omalenga ova li ve noku a valela evalulo, ohamba iha mone oshiponga. 3 Ndele Daniel okwa li e dule omalenga makwao aa akula nomalenga, osheshi ye okwa li e yadi omhepo yomayele mahapu. Ndele ohamba oya hala oku mu tumba elenga ekulunhu loshilongo ashishe. 4 Opo nee omalenga makwao aa akula nomalenga ova kongela Daniel etimba loku mu popya omolwouteku woshilongo. Ndelenee vo ova nyengwa okumona sha eshi tashi mu kaulifa onyanga ile shimwe inashi yuka, osheshi ye okwa li omudiinini, ndele muye inamu monika oshileda ile oshilonga inashi yuka. 5 Opo ovalumenhu venya va kundafana tava ti: “Daniel ou itatu mu monene sha shoku mu kaulifa onyanga, ngeenge itatu mu monene sha showii mokulongela Kalunga kwaye. 6 Ndele omalenga makula nomalenga ova endelela va ya kohamba, tava ti: Ohamba Darius, kala alushe u nomwenyo! 7 Omalenga aeshe makulu omoshilongo, noongoloneya nookansela novapanguli neekomanda novanambelewa aveshe noovene vomikunda, otwa udafana kutya ohamba oi nokuyandja oshipango nokupameka ondaka yekelelo nokutya, pomafiku omilongo nhatu, ngeenge pe nomunhu ta indile sha kukalunga kamwe ile komunhu mukwao, shapu kwoove akuke ohamba, ye na ekelwe mekololo leenghoshi.” 8 Paife eshi, tatekulu ohamba, pameka ondaka yekelelo, ove u shangife oshipango shihe shii kulundululwa konghedi yomhango yOvamedia noyOvapersia ya pamenena.
9 Omolwaashi ohamba Darius oya shanga oshipango nondaka yekelelo moshinima eshi. 10 Opo tuu Daniel eshi a uda oshipango eshi sha shangwa, okwa ya keumbo laye. Ndele mondjuwo yaye yokombada mwa kala omakende a yeuluka a taalela kuJerusalem. Ndele lutatu mefiku ye a twa eengolo pekende ndele ta ilikana Kalunga noku mu hambelela, ngaashi a kala ha ningi shito. 11 Opo nee ovalumenhu ava va pumina mo, ndele va hanga Daniel ta ilikana, ndele te liindilile onghenda koshipala shaKalunga. 12 Ndele vo ova ya kohamba ndele tave i dimbulukifa ondaka yohamba yekelelo, tava ti: “Tatekulu, hamba ino yandja oshipango tashi ti: ‘Pomafiku omilongo nhatu shamha ou ta ilikana kalunga kamwe ile omunhu mukwao, shapu oove auke, ohamba, ye na ekelwe mekololo leenghoshi?’ Ohamba oya nyamukula ndele tai ti: Oshipango osha pama, konghedi yomhango yOvamedia noyOvapersia, itashi dulu okulundululwa.” 13 Opo vo ova nyamukula ohamba tava ti: “Tatekulu ohamba, Daniel oye umwe womovapika Ovajuda ke na ko nasha naave noshipango shoye, eshi wa shanga, ndelenee oye ha ilikana lutatu keshe efiku.” 14 Ndele ohamba eshi ye shi uda, oya nyika oluhodi shili, ndele ya diladila nhumbi a xupife Daniel. Oye lihepeka fiyo etango la ningina, i mu mangulule. 15 Opo ovalumenhu venya va endelela ve uya kohamba, ndele tave i lombwele: “Tatekulu ohamba, kala u shi shii, omhango yOvamedia noyOvapersia tai ti, kutya ondaka yekelelo ile oshipango shimwe, sha yandjwa kohamba, itashi lundululwa vali.” 16 Opo nee ohamba ya lombwela, ndele vo va eta Daniel, ndele ve mu ekela mekololo leenghoshi. Ndele ohamba oya popifa Daniel tai ti: Kalunga koye, ou ho mu fimaneke alushe, ye ne ku xupife.
17 Ndele emanya ola etwa ndele tali idile oshivelo shekololo, ndele ohamba oye li hakifa noshihako shayo nonoshihako shomalenga aye, opo metokolo laDaniel muha holoke elunduluko. 18 Ohamba oya shuna mouhamba wayo, yo inai lya sha ndele inai hala i etelwe oikumbu, ndele eemhofi de i londoka. 19 Ndele eluwa eshi la tenda, ohamba oya pita mo nokweendelela ya yuka kekololo leenghoshi. 20 Ndele yo eshi ya ehena kekololo, oya ifana Daniel nondaka youfiye. Ohamba oya popifa Daniel tai ti: “Daniel, omupiya waKalunga omunamwenyo. Kalunga koye ho mu longele alushe, okwa shiiva tuu oku ku xupifa keenghoshi?” 21 Opo nee Daniel okwa nyamukula ohamba ta ti: “Tatekulu ohamba, kala alushe u nomwenyo! 22 Kalunga kange okwa tuma omweengeli waye, ndele ta kwata omilungu deenghoshi diha kume nge, osheshi onda monika koshipala shaye ndihe netimba, nokoshipala shoye yo, ohamba, inandi nyona sha.” 23 Opo ohamba oya hafa unene, ndele tai yandje elombwelo, Daniel a shilwe mo mekololo. Osho ngaha Daniel okwa shilwa mo mekololo ndele kuye inaku monika nande oshipute. Osheshi a li e lineekela Kalunga kaye.
24 Ndele ohamba oya lombwela, ndele vo ova eta ovalumenhu ava va popya ko Daniel ndele va ekelwa mekololo leenghoshi, ovo vene novalikadi vavo. Ndele fimbo inava fika poshi mekololo, eenghoshi ode va yakela ndele tadi nyanyaula omakipa avo aeshe. 25 Opo ohamba Darius ya shangela ovanhu aveshe noiwana aishe nomalaka aeshe kombada yedu alishe, tai ti: “Ombili yeni nai kale inene! 26 Ame nda yandja ondaka nokutya, monhele aishe yomepangelo lange ovanhu ve nokutila nokukakama koshipala shaKalunga kaDaniel.
Osheshi Oye Kalunga omunamwenyo,
ndele ota kala fiyo alushe.
Noshilongo shaye kashi shii okuhanaunwa po,
nepangelo laye kali na apa tali xulu po.”
27 Oye ta xupifa ndele ta mangulula,
Ye ta ningi omadidiliko noikumwifa
meulu nokombada yedu.
Oye ou a xupifa Daniel komakasha eenghoshi.
28 Ndele Daniel ou a kala e nefimano mounyuni waDarius nomounyuni waKores Omupersia.
