1 Petrus, omuyapostoli waJesus Kristus, okovanailongo ovahoololwa ve li ko, ve lihanena muPontus nomuGalatia nomuKappadokia nomuAsia nomuBitinia, 2 ava va hoololelwa pashiivo laKalunga Xe, okudulika meyapulo lOmhepo kuJesus Kristus nokushaminwa ohonde yaye.
Efilonghenda nombili nai mu hapupalele.
Epandulo molweteelelo lexupifo
3 Kalunga naXe yOmwene wetu Jesus Kristus na hambelelwe, Oye ou, e tu dalululila pafilonghenda laye linene eteelelo li nomwenyo okokunyumuka kwaJesus Kristus movafi, 4 opo tu mone efyuululo itali nyonauka ndele inali nyata ndee itali xulu po, twe li tuvikililwa meulu, puye 5 ofye ava hatu amenwa keenghono daKalunga molweitavelo, tu mone exupifo eli la longekidwa li hololwe mefimbo laxuuninwa.
6 Osho tuu eshi hamu li hafele, nande paife, ngeenge shi nokuningwa, tamu nyikifwa oluhodi okafimbo komayeleko mahapu, 7 okupama kweitavelo leni momayeleko ku monike ku nondilo i dule oshingoldo hashi xulu po, ndelenee sha yelekwa momundilo, nokuninga ehambelelo nefimaneko noshinge meholoko laJesus Kristus. 8 Oye ou mu mu hole, nande inamu mu mona, naau mwe mu itavela, nande kamu mu wete paife ndele mwa hafa nokushambukwa nehafo hali nyenge okutumbulwa nola yela shili, 9 fiku tamu ka hanga efikilo leitavelo leni, exupifo leemwenyo deni.
10 Exupifo olo la kongwa nola konakonwa kovaxunganeki ovo va xunganeka efilonghenda olo mwe li nuninwa, 11 va konakona efimbo lilipi ile la tya ngahelipi Omhepo yaKristus yomuvo ye li hepaulula, eshi va xunganeka okuhepekwa kwaKristus nefimano tali shikula. 12 Nashaashi inave liyakula voovene, ndelenee ove tu yakula, ova hololelwa osho mwe shi shiivifilwa paife kwaava ve mu udifila evaengeli omOmhepo Iyapuki a tumwa a dja meulu, nomo tuu omo novaengeli hava djuulukwa okuvandamena mo.
Okweenda mouyapuki
13 Onghee hano mangeni oiya yomadiladilo eni nokulidilika; lineekeleni shili efilonghenda olo tamu ke li pewa peholoko laJesus Kristus. 14 Ngaashi ovana hava dulika, mokukala kweni inamu shikula vali omauhalu mwe a wanifa nale mokuhashiiva kweni. 15 Ndelenee hopaeleleni Omuyapuki ou e mu ifana, nye mu ninge yo ovayapuki mokukala kweni akushe, 16 osheshi pa shangwa: “Kaleni ovayapuki, osheshi Aame omuyapuki.”
17 Ndele ngee ohamu indile noku mu ifana Tate, ou ta tokola omunhu keshe opailonga, hapalupe, kaleni hano hamu ende nokutila mefimbo eli loweenda weni, 18 ngaashi mu shi shii onye inamu kulilwa noinima hai xulu po, oshisiliveli noshingoldo omokukala kweni kwonale mwe ku fyuulula kooxo, 19 ndelenee onohonde yaKristus i nondilo, ngaashi ei yodjona ihe noshipo noihe nonyata. 20 Oye ou a shiivika nale fimbo ounyuni inau shitwa, ndele okwe mu hololelwa mefimbo eli laxuuninwa, 21 onye ava mwa itavelifwa kuye okwiitavela Kalunga, ou e mu nyumuna movafi nokwe mu pa efimano, eitavelo leni neteelelo leni li kale muKalunga.
Holafaneni, osheshi omwa dalululwa
22 Mokudulika koshili eshi mwa yelifa eemwenyo deni kOmhepo okokuhola ovamwatate nohole ihe noihelele, mu nokuholafana nohole ya xwama komutima wa yela, 23 osheshi omwa dalululwa, hakombuto ei tai xulu po, ndelenee okombuto ei ihai xulu po, kondjovo yaKalunga i nomwenyo ndele tai kala fiyo alushe. 24 Osheshi:
“Ombelela aishe oya fa omwiidi
nolupe layo ongaashi onhemo yoshimeno;
omwiidi otau kukuta nonhemo yao tai yaumuka,
25 ndelenee ondjovo yOmwene ohai kala alushe.”
Nondjovo oyo tuu ei mwe i udifilwa, ondaka iwa.
1 Petrus, omuyapostoli waJesus Kristus, okovanailongo ovahoololwa ve li ko, ve lihanena muPontus nomuGalatia nomuKappadokia nomuAsia nomuBitinia, 2 ava va hoololelwa pashiivo laKalunga Xe, okudulika meyapulo lOmhepo kuJesus Kristus nokushaminwa ohonde yaye.
Efilonghenda nombili nai mu hapupalele.
Epandulo molweteelelo lexupifo
3 Kalunga naXe yOmwene wetu Jesus Kristus na hambelelwe, Oye ou, e tu dalululila pafilonghenda laye linene eteelelo li nomwenyo okokunyumuka kwaJesus Kristus movafi, 4 opo tu mone efyuululo itali nyonauka ndele inali nyata ndee itali xulu po, twe li tuvikililwa meulu, puye 5 ofye ava hatu amenwa keenghono daKalunga molweitavelo, tu mone exupifo eli la longekidwa li hololwe mefimbo laxuuninwa.
6 Osho tuu eshi hamu li hafele, nande paife, ngeenge shi nokuningwa, tamu nyikifwa oluhodi okafimbo komayeleko mahapu, 7 okupama kweitavelo leni momayeleko ku monike ku nondilo i dule oshingoldo hashi xulu po, ndelenee sha yelekwa momundilo, nokuninga ehambelelo nefimaneko noshinge meholoko laJesus Kristus. 8 Oye ou mu mu hole, nande inamu mu mona, naau mwe mu itavela, nande kamu mu wete paife ndele mwa hafa nokushambukwa nehafo hali nyenge okutumbulwa nola yela shili, 9 fiku tamu ka hanga efikilo leitavelo leni, exupifo leemwenyo deni.
10 Exupifo olo la kongwa nola konakonwa kovaxunganeki ovo va xunganeka efilonghenda olo mwe li nuninwa, 11 va konakona efimbo lilipi ile la tya ngahelipi Omhepo yaKristus yomuvo ye li hepaulula, eshi va xunganeka okuhepekwa kwaKristus nefimano tali shikula. 12 Nashaashi inave liyakula voovene, ndelenee ove tu yakula, ova hololelwa osho mwe shi shiivifilwa paife kwaava ve mu udifila evaengeli omOmhepo Iyapuki a tumwa a dja meulu, nomo tuu omo novaengeli hava djuulukwa okuvandamena mo.
Okweenda mouyapuki
13 Onghee hano mangeni oiya yomadiladilo eni nokulidilika; lineekeleni shili efilonghenda olo tamu ke li pewa peholoko laJesus Kristus. 14 Ngaashi ovana hava dulika, mokukala kweni inamu shikula vali omauhalu mwe a wanifa nale mokuhashiiva kweni. 15 Ndelenee hopaeleleni Omuyapuki ou e mu ifana, nye mu ninge yo ovayapuki mokukala kweni akushe, 16 osheshi pa shangwa: “Kaleni ovayapuki, osheshi Aame omuyapuki.”
17 Ndele ngee ohamu indile noku mu ifana Tate, ou ta tokola omunhu keshe opailonga, hapalupe, kaleni hano hamu ende nokutila mefimbo eli loweenda weni, 18 ngaashi mu shi shii onye inamu kulilwa noinima hai xulu po, oshisiliveli noshingoldo omokukala kweni kwonale mwe ku fyuulula kooxo, 19 ndelenee onohonde yaKristus i nondilo, ngaashi ei yodjona ihe noshipo noihe nonyata. 20 Oye ou a shiivika nale fimbo ounyuni inau shitwa, ndele okwe mu hololelwa mefimbo eli laxuuninwa, 21 onye ava mwa itavelifwa kuye okwiitavela Kalunga, ou e mu nyumuna movafi nokwe mu pa efimano, eitavelo leni neteelelo leni li kale muKalunga.
Holafaneni, osheshi omwa dalululwa
22 Mokudulika koshili eshi mwa yelifa eemwenyo deni kOmhepo okokuhola ovamwatate nohole ihe noihelele, mu nokuholafana nohole ya xwama komutima wa yela, 23 osheshi omwa dalululwa, hakombuto ei tai xulu po, ndelenee okombuto ei ihai xulu po, kondjovo yaKalunga i nomwenyo ndele tai kala fiyo alushe. 24 Osheshi:
“Ombelela aishe oya fa omwiidi
nolupe layo ongaashi onhemo yoshimeno;
omwiidi otau kukuta nonhemo yao tai yaumuka,
25 ndelenee ondjovo yOmwene ohai kala alushe.”
Nondjovo oyo tuu ei mwe i udifilwa, ondaka iwa.
