Epangelo lohamba Manasse
1 Omido daManasse da li omulongo nambali, ye eshi a ninga ohamba, nokwa pangela omido omilongo nhano nanhano muJerusalem. Nedina laina la li Hefsiba. 2 Ndele ye okwa ninga osho inashi wapala momesho Omwene paixuna yoiwana inya, Omwene e i taataa komesho yovana vaIsrael. 3 Ye okwa tungulula vali oikulundu inya, xe Hiskia a ngumauna po. Nokwa dikila Baal eealtari, nokwa ninga olupwelele laAsera ngaashi Ahab, ohamba yaIsrael, a ninga, ndele te linyongamene koshipala sheengudu adishe dokeulu ndele te di fimaneke. 4 Okwa tunga yo eealtari mongulu yOmwene, oyo ya popiwa kOmwene: “Ame ohandi tula mo edina lange muJerusalem.” 5 Nokwa tungila eengudu adishe dokeulu eealtari moihale aishe ivali yongulu yOmwene. 6 Novana vaye e va endifila yo momundilo nokwa li e noundudu wokunyanekela nokufatulula omadidiliko nokwa tula po ovanhu hava ifana eemhepo dovafi novamonikokule. Nokwa ninga shihapu osho inashi yuka momesho Omwene, nokwe mu handukifa. 7 Nokwa hongifa yo oshihongwafano shaAsera, ndele te shi tula motembeli, oyo Omwene e i lombwela David nomona waye Salomo nokutya: “Ame ohandi ka tula edina lange li kale mo fiyo alushe mongulu tuu ei nomuJerusalem osho nde shi hoolola moiwana aishe yaIsrael. 8 Nomhadi yaIsrael itandi i kufa mo moshilongo osho nde shi pa ooxe, ngeenge hava longo noudiinini painima aishe nde i va lombwela, nopamhango aishe, omupiya wange Moses, e va lombwela.” 9 Ndelenee vo inava pwilikina. Ndele Manasse okwe va hongaula okuninga owii u dule woiwana, Omwene e i taataa komesho yovana vaIsrael.
10 Opo nee Omwene e va popififa ovapiya vaye ovaxunganeki ndele ta ti: 11 “Shaashi Manasse, ohamba yaJuda, ya ninga oixuna oyo, i dule aishe oyo Ovaamori ava ve i tetekela, va ninga, ndele ya hongaula yo Juda okunyona molwoikalunga, 12 onghee hano, Omwene Kalunga kaIsrael, ta ti: Taleni, Ame ohandi ka etela Jerusalem naJuda omupya. Keshe umwe, ou te shi udu, omatwi aye avali taa ka kuwa onghuwo. 13 Ame ohandi ka yeleka Jerusalem noshiyelekifongodi tuu shimwe nda yelekifa nasho Samaria, ndele handi ke shi yeleka noshiyelekifo osho nda yelekifa nasho epata laAhab. Ndele handi ka kosha Jerusalem ngaashi oshiyaxa tashi koshwa. Sho otashi koshwa ndele tashi pwipwikwa. 14 Naame ohandi ka ekelashi oshixupe shoshitukulwafyuululwa shange ndele handi shi yandje momake ovatondadi vavo, opo nee tava ka ninga oihakanwa noitinhwa yovatondadi vavo aveshe. 15 Osheshi va ninga osho inashi yuka momesho ange, ndele va handukifa nge alushe okudja kefiku linya Ame nda pitifa ooxe muEgipiti fiyo onena eli.” 16 Ndele Manasse okwa tilashi ohonde ihapu unene ihe netimba, fiyo a yadifa Jerusalem nayo, ponho yomatimba aye, ye eshi a hongaula Juda okunyona nokuninga osho inashi yuka momesho Omwene. 17 Noinima imwe tai hepaulula Manasse naaishe e i ninga, nomatimba aye e a ninga, inai shangelwa mbela membo lomafimbo eehamba daJuda? 18 Ndele Manasse okwa ka nangala pooxe nokwa pakwa moshikunino shongulu yaye, oshikunino shaUssa. Nomona waye Amon okwa ninga ohamba ponhele yaye.
Amon ohamba yaJuda
19 Omido daAmon da li omilongo mbali nambali, ye eshi a ninga ohamba. Nokwa pangela omido mbali muJerusalem. Nedina laina la li Mesullemet, omona waHarus womuJotba. 20 Nokwa ninga osho inashi yuka momesho Omwene ngaashi xe Manasse a ninga. 21 Nokwa enda nomutima aushe nondjila nayo xe a enda, nokwa fimaneka oikalunga oyo ya fimanekwa kuxe nokwe linyongamena kuyo. 22 Nokwe liteeka Omwene, Kalunga kooxe, ndele ina enda nondjila yOmwene. 23 Novapiya vaAmon ove mu hangakena ndele va dipaa ohamba mongulu yayo. 24 Ndelenee ovanhu vomoshilongo va dipaa ovahangakeni aveshe venya va dipaa ohamba Amon, novanhu vomoshilongo va ninga omona waye Josia ohamba ponhele yayo. 25 Noinima imwe tai hepaulula Amon naai ye e i ninga, inai shangelwa mbela membo lomafimbo eehamba daJuda? 26 Ndele ve mu paka mombila yaye moshikunino shaUssa. Nomona waye Josia okwa ninga ohamba ponhele yaye.
Epangelo lohamba Manasse
1 Omido daManasse da li omulongo nambali, ye eshi a ninga ohamba, nokwa pangela omido omilongo nhano nanhano muJerusalem. Nedina laina la li Hefsiba. 2 Ndele ye okwa ninga osho inashi wapala momesho Omwene paixuna yoiwana inya, Omwene e i taataa komesho yovana vaIsrael. 3 Ye okwa tungulula vali oikulundu inya, xe Hiskia a ngumauna po. Nokwa dikila Baal eealtari, nokwa ninga olupwelele laAsera ngaashi Ahab, ohamba yaIsrael, a ninga, ndele te linyongamene koshipala sheengudu adishe dokeulu ndele te di fimaneke. 4 Okwa tunga yo eealtari mongulu yOmwene, oyo ya popiwa kOmwene: “Ame ohandi tula mo edina lange muJerusalem.” 5 Nokwa tungila eengudu adishe dokeulu eealtari moihale aishe ivali yongulu yOmwene. 6 Novana vaye e va endifila yo momundilo nokwa li e noundudu wokunyanekela nokufatulula omadidiliko nokwa tula po ovanhu hava ifana eemhepo dovafi novamonikokule. Nokwa ninga shihapu osho inashi yuka momesho Omwene, nokwe mu handukifa. 7 Nokwa hongifa yo oshihongwafano shaAsera, ndele te shi tula motembeli, oyo Omwene e i lombwela David nomona waye Salomo nokutya: “Ame ohandi ka tula edina lange li kale mo fiyo alushe mongulu tuu ei nomuJerusalem osho nde shi hoolola moiwana aishe yaIsrael. 8 Nomhadi yaIsrael itandi i kufa mo moshilongo osho nde shi pa ooxe, ngeenge hava longo noudiinini painima aishe nde i va lombwela, nopamhango aishe, omupiya wange Moses, e va lombwela.” 9 Ndelenee vo inava pwilikina. Ndele Manasse okwe va hongaula okuninga owii u dule woiwana, Omwene e i taataa komesho yovana vaIsrael.
10 Opo nee Omwene e va popififa ovapiya vaye ovaxunganeki ndele ta ti: 11 “Shaashi Manasse, ohamba yaJuda, ya ninga oixuna oyo, i dule aishe oyo Ovaamori ava ve i tetekela, va ninga, ndele ya hongaula yo Juda okunyona molwoikalunga, 12 onghee hano, Omwene Kalunga kaIsrael, ta ti: Taleni, Ame ohandi ka etela Jerusalem naJuda omupya. Keshe umwe, ou te shi udu, omatwi aye avali taa ka kuwa onghuwo. 13 Ame ohandi ka yeleka Jerusalem noshiyelekifongodi tuu shimwe nda yelekifa nasho Samaria, ndele handi ke shi yeleka noshiyelekifo osho nda yelekifa nasho epata laAhab. Ndele handi ka kosha Jerusalem ngaashi oshiyaxa tashi koshwa. Sho otashi koshwa ndele tashi pwipwikwa. 14 Naame ohandi ka ekelashi oshixupe shoshitukulwafyuululwa shange ndele handi shi yandje momake ovatondadi vavo, opo nee tava ka ninga oihakanwa noitinhwa yovatondadi vavo aveshe. 15 Osheshi va ninga osho inashi yuka momesho ange, ndele va handukifa nge alushe okudja kefiku linya Ame nda pitifa ooxe muEgipiti fiyo onena eli.” 16 Ndele Manasse okwa tilashi ohonde ihapu unene ihe netimba, fiyo a yadifa Jerusalem nayo, ponho yomatimba aye, ye eshi a hongaula Juda okunyona nokuninga osho inashi yuka momesho Omwene. 17 Noinima imwe tai hepaulula Manasse naaishe e i ninga, nomatimba aye e a ninga, inai shangelwa mbela membo lomafimbo eehamba daJuda? 18 Ndele Manasse okwa ka nangala pooxe nokwa pakwa moshikunino shongulu yaye, oshikunino shaUssa. Nomona waye Amon okwa ninga ohamba ponhele yaye.
Amon ohamba yaJuda
19 Omido daAmon da li omilongo mbali nambali, ye eshi a ninga ohamba. Nokwa pangela omido mbali muJerusalem. Nedina laina la li Mesullemet, omona waHarus womuJotba. 20 Nokwa ninga osho inashi yuka momesho Omwene ngaashi xe Manasse a ninga. 21 Nokwa enda nomutima aushe nondjila nayo xe a enda, nokwa fimaneka oikalunga oyo ya fimanekwa kuxe nokwe linyongamena kuyo. 22 Nokwe liteeka Omwene, Kalunga kooxe, ndele ina enda nondjila yOmwene. 23 Novapiya vaAmon ove mu hangakena ndele va dipaa ohamba mongulu yayo. 24 Ndelenee ovanhu vomoshilongo va dipaa ovahangakeni aveshe venya va dipaa ohamba Amon, novanhu vomoshilongo va ninga omona waye Josia ohamba ponhele yayo. 25 Noinima imwe tai hepaulula Amon naai ye e i ninga, inai shangelwa mbela membo lomafimbo eehamba daJuda? 26 Ndele ve mu paka mombila yaye moshikunino shaUssa. Nomona waye Josia okwa ninga ohamba ponhele yaye.
