Eemhango domayambo
1 Omwene okwa popya vali naMoses ndee ta ti: 2 “Lombwela ovana vaIsrael u tye kuvo: ‘Dimbulukweni shili okweetela nge pefimbo la pangelwa omayambo, eendja dange domindiloyambo dange edimba liwa kwaame.’
3 “Ndele u noku va lombwela: Omundiloyambo mu noku u etela Omwene oyou: Oudjona vavali vomudo umwe vehe noshipo, efiku keshe exwikiloyambo lomafiku aeshe. 4 Odjona imwe mu noku i yamba ongula, nodjona ikwao mu noku i yamba onguloshi, 5 pamwe noufila wa nakwa okilograma imwe wa pilulilwa omaadi a yengwa e fike polita imwe. 6 Olo hano exwikiloyambo lomafiku aeshe la dikwa komhunda yaSinai ngaashi edimba liwa omundiloyambo kOmwene. 7 Ndele pamwe nalo oikunwayambo, yo olita limwe kodjona keshe. Metwali liyapuki u nokuyambela Omwene oikunwayambo yomaviinyu e neenghono. 8 Ndele odjona u noku i yamba onguloshi. U noku i yamba panghedi yeendjayambo dongula noikunwayambo yado, ngaashi edimba liwa kOmwene.”
Omayambo efiku lEshabata naa ohani ipe
9 “Ndelenee mefiku lEshabata oudjona vavali vomudo umwe vehe noshipo, noufila wa nakwa weekilograma mbali, eendjayambo mwa pilulilwa omaadi, pamwe noikunwayambo yado. 10 Olo hano exwikiloyambo lEshabata mEshabata keshe la wedwa kexwikiloyambo lomafiku aeshe noikunwayambo yalo.
11 “Ndele pehovelo leehani deni dipe nye mu nokweetela Omwene exwikiloyambo: eengobe eenyasha mbali deemhedi nodi imwe yomhedi, oudjona vaheyali vomudo umwe vehe noipo. 12 Noufila wa nakwa weekilograma nhatu, mwa pilulilwa omaadi, eendjayambo kongobe keshe; oufila weekilograma mbali mwa pilulilwa omaadi, kodi imwe yomhedi. 13 Noufila wa nakwa wokilograma imwe mwa pilulilwa omaadi, eendjayambo kodjona keshe. Lo exwikiloyambo, edimba liwa, omundiloyambo wOmwene. 14 Ndele oikunwayambo yavo i nomaviinyu eelita mbali kongobe imwe yomhedi olita netata kodi imwe nolita limwe kodjona imwe. Lo exwikiloyambo kohani keshe ipe meehani domudo. 15 Omwene e nokuyambelwa yo oshikombo shimwe oshipedi etimbayambo, ponho yexwikiloyambo yomefiku keshe noikunwayambo yalo.
Omayambo Opaasa
16 “Ndelenee mohani yotete mefiku etimulongo netine lohani oku nOpaasa yOmwene. 17 Ndele mefiku etimulongo netitano mohani tuu oyo oku na oshivilo. Momafiku aheyali mu nokulya omingome dihe nonhafi. 18 Mefiku lotete oku nokukala oshiongalele shiyapuki. Inamu longa sha shomoilonga yeni. 19 Ndelenee mu nokweetela Omwene exwikiloyambo: eengobe eenyasha deemhedi nodi imwe yomhedi noudjona vaheyali vomudo umwe. Ove nokukala vehe noipo kunye. 20 Noufila weendjayambo deni mwa pilulilwa omaadi. Mu nokuyamba eekilograma nhatu kongobe imwe yomhedi, neekilograma mbali kodi imwe. 21 Okilograma imwe mu nokuyamba kodjona keshe yomoudjona vaheyali. 22 Navali oshikombo shimwe oshipedi etimbayambo oku mu kwatakanifa. 23 Ponho yexwikiloyambo longula nokutya, exwikiloyambo lomafiku aeshe mu noku di yamba. 24 Panghedi tuu oyo nye mu nokuyamba efiku keshe momafiku aheyali eendja domundiloyambo wedimba liwa kOmwene. Olo li nokuyambwa pexwikiloyambo lomafiku aeshe noikunwayambo yalo. 25 Ndele mefiku etiheyali pu na okukala oshiongalele sheni shiyapuki. Inamu longa sha shomoilonga yeni.
Omayambo efiku loshipe
26 “Ndelenee mefiku loshipe nye ngeenge tamu etele Omwene eendjayambo dipe moshivilo sheni shoshivike, omu nokwoongala moshiongalele sheni shiyapuki. Inamu longa sha shomoilonga yeni. 27 Opo nee mu nokweetela Omwene exwikiloyambo edimba liwa: ongobe imwe onyasha yomhedi odi imwe yomhedi, oudjona vaheyali vomudo umwe; 28 neendjayambo davo: oufila wa nakwa mwa pilulilwa omaadi, eekilograma nhatu kongobe keshe, eekilograma mbali kodi imwe, 29 nokilograma imwe kodjona keshe yomoudjona vaheyali. 30 Noshikombo shimwe oshipedi shoku mu kwatakanifa. 31 Ponho yexwikiloyambo lomafiku aeshe pamwe neendjayambo dalo, noikunwayambo yeni oyo nye mu noku i yamba. Oimuna i nokukala ihe noipo.
Eemhango domayambo
1 Omwene okwa popya vali naMoses ndee ta ti: 2 “Lombwela ovana vaIsrael u tye kuvo: ‘Dimbulukweni shili okweetela nge pefimbo la pangelwa omayambo, eendja dange domindiloyambo dange edimba liwa kwaame.’
3 “Ndele u noku va lombwela: Omundiloyambo mu noku u etela Omwene oyou: Oudjona vavali vomudo umwe vehe noshipo, efiku keshe exwikiloyambo lomafiku aeshe. 4 Odjona imwe mu noku i yamba ongula, nodjona ikwao mu noku i yamba onguloshi, 5 pamwe noufila wa nakwa okilograma imwe wa pilulilwa omaadi a yengwa e fike polita imwe. 6 Olo hano exwikiloyambo lomafiku aeshe la dikwa komhunda yaSinai ngaashi edimba liwa omundiloyambo kOmwene. 7 Ndele pamwe nalo oikunwayambo, yo olita limwe kodjona keshe. Metwali liyapuki u nokuyambela Omwene oikunwayambo yomaviinyu e neenghono. 8 Ndele odjona u noku i yamba onguloshi. U noku i yamba panghedi yeendjayambo dongula noikunwayambo yado, ngaashi edimba liwa kOmwene.”
Omayambo efiku lEshabata naa ohani ipe
9 “Ndelenee mefiku lEshabata oudjona vavali vomudo umwe vehe noshipo, noufila wa nakwa weekilograma mbali, eendjayambo mwa pilulilwa omaadi, pamwe noikunwayambo yado. 10 Olo hano exwikiloyambo lEshabata mEshabata keshe la wedwa kexwikiloyambo lomafiku aeshe noikunwayambo yalo.
11 “Ndele pehovelo leehani deni dipe nye mu nokweetela Omwene exwikiloyambo: eengobe eenyasha mbali deemhedi nodi imwe yomhedi, oudjona vaheyali vomudo umwe vehe noipo. 12 Noufila wa nakwa weekilograma nhatu, mwa pilulilwa omaadi, eendjayambo kongobe keshe; oufila weekilograma mbali mwa pilulilwa omaadi, kodi imwe yomhedi. 13 Noufila wa nakwa wokilograma imwe mwa pilulilwa omaadi, eendjayambo kodjona keshe. Lo exwikiloyambo, edimba liwa, omundiloyambo wOmwene. 14 Ndele oikunwayambo yavo i nomaviinyu eelita mbali kongobe imwe yomhedi olita netata kodi imwe nolita limwe kodjona imwe. Lo exwikiloyambo kohani keshe ipe meehani domudo. 15 Omwene e nokuyambelwa yo oshikombo shimwe oshipedi etimbayambo, ponho yexwikiloyambo yomefiku keshe noikunwayambo yalo.
Omayambo Opaasa
16 “Ndelenee mohani yotete mefiku etimulongo netine lohani oku nOpaasa yOmwene. 17 Ndele mefiku etimulongo netitano mohani tuu oyo oku na oshivilo. Momafiku aheyali mu nokulya omingome dihe nonhafi. 18 Mefiku lotete oku nokukala oshiongalele shiyapuki. Inamu longa sha shomoilonga yeni. 19 Ndelenee mu nokweetela Omwene exwikiloyambo: eengobe eenyasha deemhedi nodi imwe yomhedi noudjona vaheyali vomudo umwe. Ove nokukala vehe noipo kunye. 20 Noufila weendjayambo deni mwa pilulilwa omaadi. Mu nokuyamba eekilograma nhatu kongobe imwe yomhedi, neekilograma mbali kodi imwe. 21 Okilograma imwe mu nokuyamba kodjona keshe yomoudjona vaheyali. 22 Navali oshikombo shimwe oshipedi etimbayambo oku mu kwatakanifa. 23 Ponho yexwikiloyambo longula nokutya, exwikiloyambo lomafiku aeshe mu noku di yamba. 24 Panghedi tuu oyo nye mu nokuyamba efiku keshe momafiku aheyali eendja domundiloyambo wedimba liwa kOmwene. Olo li nokuyambwa pexwikiloyambo lomafiku aeshe noikunwayambo yalo. 25 Ndele mefiku etiheyali pu na okukala oshiongalele sheni shiyapuki. Inamu longa sha shomoilonga yeni.
Omayambo efiku loshipe
26 “Ndelenee mefiku loshipe nye ngeenge tamu etele Omwene eendjayambo dipe moshivilo sheni shoshivike, omu nokwoongala moshiongalele sheni shiyapuki. Inamu longa sha shomoilonga yeni. 27 Opo nee mu nokweetela Omwene exwikiloyambo edimba liwa: ongobe imwe onyasha yomhedi odi imwe yomhedi, oudjona vaheyali vomudo umwe; 28 neendjayambo davo: oufila wa nakwa mwa pilulilwa omaadi, eekilograma nhatu kongobe keshe, eekilograma mbali kodi imwe, 29 nokilograma imwe kodjona keshe yomoudjona vaheyali. 30 Noshikombo shimwe oshipedi shoku mu kwatakanifa. 31 Ponho yexwikiloyambo lomafiku aeshe pamwe neendjayambo dalo, noikunwayambo yeni oyo nye mu noku i yamba. Oimuna i nokukala ihe noipo.
