Ovabenjamin tava pewa ovalikadi ovaJabes novaSilo
1 Ndelenee ovalumenhu vaIsrael va ana muMispa tava ti: “Nande umwe mufye aha yandje omona okakadona kOmukwabenjamin, a ninge omwalikadi waye.” 2 Novakwaita eshi ve uya muBetel, va kala ko fiyo onguloshi koshipala shaKalunga, ndele tava yelula ondaka yavo nokulila unene 3 ndele tava ti: “Akutu Omwene Kalunga kaIsrael, omolwashike sha ningwa nokutya, nena eli epata limwe lomuIsrael kali po?” 4 Ndele mefiku la shikula, ovakwaita va fikama ndele tava tungile ko oaltari ndele tava yambe omaxwikiloyambo nomapanduloyambo. 5 Novana vaIsrael tava ti: “Momapata aeshe omuIsrael omu na tuu umwe ou ine uya pamwe neongalo oku koshipala shOmwene? Osheshi ou ite uya koshipala shOmwene kuMispa”, ye a anenwa eaneno lidjuu, nokutya e nokudipawa shili. 6 Opo nee ovana vaIsrael va li ve uditile ovakwao, Ovabenjamin, olukeno, ndele tava ti: “Onena eli muIsrael mwa tetwa mo epata limwe. 7 Ava va xupa po ohatu dulu oku va ningila shike, va mone ovalikadi? Osheshi fye otwa ana koshipala shOmwene nokutya, fye itatu va pe ovana vetu oukadona va ninge ovalikadi vavo.” 8 Opo nee tava ti: “Momapata aIsrael omu na limwe inali uya koshipala shOmwene kuMispa?” Ndele tala, muJabes shomuGilead inamu dja nande umwe e uya konhanda koshiongalele. 9 Novanhu va ongelwa ndele inamu monika nande umwe a dja muJabes shomuGilead. 10 Opo nee oshiongalele sha tuma ovalumenhu omayovi omulongo nomayovi avali vomovakwanyatielela, ndele tashi va lombwele ndele tashi ti: “Indeni ko mu ka dipae oonakukalamo muJabes shomuGilead neongamukonda novalikadi yo nounona. 11 Noshinima osho tuu eshi mu noku shi ninga: Ovalumenhu aveshe novakainhu aveshe ava va nangala novalumenhu, mu noku va yapulila efyo.” 12 Ndele va mona moonakukalamo muJabes shomuGilead oukadona omafele ane, oukadona inava nangala novalumenhu, ndele vo ve va eta konhanda muSilo shi li medu laKaanan. 13 Opo nee oshiongalele ashishe sha tuma ovatumwa okukundafana nOvabenjamin venya va li kemanya laRimmon ndele ve va lombwela ombili. 14 Opo nee Ovabenjamin va aluka ndele ve va pa ovakainhu venya vomuJabes shomuGilead, ndelenee vo inave va wanena.
15 Novanhu ve uditile Ovabenjamin olukeno, shaashi Omwene okwa kufa po epata limwe lomomapata aIsrael. 16 Opo nee ovakulunhu voshiongalele tava ti: “Ava va xupa po ohatu dulu oku va ningila shike, va mone ovalikadi?” Osheshi ovakainhu va dipawa muBenjamin. 17 Vo tava ti vali: Oshitukulwafyuululwa shaava va xupa po oshaBenjamin, muha kane nande epata limwe muIsrael. 18 Ndelenee fye ihatu dulu oku va pa movana vetu oukadona va ninge ovalikadi vavo; osheshi ovana vaIsrael va ana tava ti: “Na tulwe omutima ou ta pe Omukwabenjamin omwalikadi.” 19 Opo nee tava ti: “Taleni, tamu danenwa Omwene oshivilo keshe omudo muSilo”, shi li koumbangalanhu waBetel koushilo welila lakula, tali di kuBetel tali i kuSekem kombinga yokoumbuwanhu waLebona. 20 Ndele vo va lombwela ovana vaBenjamin ndele tava ti: “Indeni mu ka nangele koikokola yomiviinyu. 21 Ndele taleni, ngeenge tamu mono oukadona vomuSilo tave uya va ka dane, opo nee nye mu nokudja mo moikokola yomiviinyu ndele mu nokukwata, keshe umwe, omwalikadi waye moukadona vomuSilo nokuya koshilongo shaBenjamin. 22 Ndele ooxe ile ovamwaina ngeenge tave uya pufye oku tu hokololifa, fye ohatu ke va lombwela: ‘Ve tu peni oshali, osheshi nande umwe womufye a kwata omwalikadi moita. Nye vene inamu ve va pa. Ngeno osho ngaha, ngeno mwa pewa etimba.’ ” 23 Ovana vaBenjamin osho va ninga. Vo ova kwata pamuvalo wavo ovalikadi movatanhi voudano, ava ve va nyeka po. Ndele vo ova ya ndele tava shuna koshitukulwafyuululwa shavo, ndele va tungulula oilando ndele tava kala mo. 24 Mefimbo olo ovana vaIsrael va dja ko, keshe umwe kepata lavo nokoludi lavo, ndelenee vo va dja ko keshe umwe koshitukulwafyuululwa shavo. 25 Momafiku enya muIsrael inamu kala ohamba. Keshe umwe a ninga eshi she mu wapalela.
Ovabenjamin tava pewa ovalikadi ovaJabes novaSilo
1 Ndelenee ovalumenhu vaIsrael va ana muMispa tava ti: “Nande umwe mufye aha yandje omona okakadona kOmukwabenjamin, a ninge omwalikadi waye.” 2 Novakwaita eshi ve uya muBetel, va kala ko fiyo onguloshi koshipala shaKalunga, ndele tava yelula ondaka yavo nokulila unene 3 ndele tava ti: “Akutu Omwene Kalunga kaIsrael, omolwashike sha ningwa nokutya, nena eli epata limwe lomuIsrael kali po?” 4 Ndele mefiku la shikula, ovakwaita va fikama ndele tava tungile ko oaltari ndele tava yambe omaxwikiloyambo nomapanduloyambo. 5 Novana vaIsrael tava ti: “Momapata aeshe omuIsrael omu na tuu umwe ou ine uya pamwe neongalo oku koshipala shOmwene? Osheshi ou ite uya koshipala shOmwene kuMispa”, ye a anenwa eaneno lidjuu, nokutya e nokudipawa shili. 6 Opo nee ovana vaIsrael va li ve uditile ovakwao, Ovabenjamin, olukeno, ndele tava ti: “Onena eli muIsrael mwa tetwa mo epata limwe. 7 Ava va xupa po ohatu dulu oku va ningila shike, va mone ovalikadi? Osheshi fye otwa ana koshipala shOmwene nokutya, fye itatu va pe ovana vetu oukadona va ninge ovalikadi vavo.” 8 Opo nee tava ti: “Momapata aIsrael omu na limwe inali uya koshipala shOmwene kuMispa?” Ndele tala, muJabes shomuGilead inamu dja nande umwe e uya konhanda koshiongalele. 9 Novanhu va ongelwa ndele inamu monika nande umwe a dja muJabes shomuGilead. 10 Opo nee oshiongalele sha tuma ovalumenhu omayovi omulongo nomayovi avali vomovakwanyatielela, ndele tashi va lombwele ndele tashi ti: “Indeni ko mu ka dipae oonakukalamo muJabes shomuGilead neongamukonda novalikadi yo nounona. 11 Noshinima osho tuu eshi mu noku shi ninga: Ovalumenhu aveshe novakainhu aveshe ava va nangala novalumenhu, mu noku va yapulila efyo.” 12 Ndele va mona moonakukalamo muJabes shomuGilead oukadona omafele ane, oukadona inava nangala novalumenhu, ndele vo ve va eta konhanda muSilo shi li medu laKaanan. 13 Opo nee oshiongalele ashishe sha tuma ovatumwa okukundafana nOvabenjamin venya va li kemanya laRimmon ndele ve va lombwela ombili. 14 Opo nee Ovabenjamin va aluka ndele ve va pa ovakainhu venya vomuJabes shomuGilead, ndelenee vo inave va wanena.
15 Novanhu ve uditile Ovabenjamin olukeno, shaashi Omwene okwa kufa po epata limwe lomomapata aIsrael. 16 Opo nee ovakulunhu voshiongalele tava ti: “Ava va xupa po ohatu dulu oku va ningila shike, va mone ovalikadi?” Osheshi ovakainhu va dipawa muBenjamin. 17 Vo tava ti vali: Oshitukulwafyuululwa shaava va xupa po oshaBenjamin, muha kane nande epata limwe muIsrael. 18 Ndelenee fye ihatu dulu oku va pa movana vetu oukadona va ninge ovalikadi vavo; osheshi ovana vaIsrael va ana tava ti: “Na tulwe omutima ou ta pe Omukwabenjamin omwalikadi.” 19 Opo nee tava ti: “Taleni, tamu danenwa Omwene oshivilo keshe omudo muSilo”, shi li koumbangalanhu waBetel koushilo welila lakula, tali di kuBetel tali i kuSekem kombinga yokoumbuwanhu waLebona. 20 Ndele vo va lombwela ovana vaBenjamin ndele tava ti: “Indeni mu ka nangele koikokola yomiviinyu. 21 Ndele taleni, ngeenge tamu mono oukadona vomuSilo tave uya va ka dane, opo nee nye mu nokudja mo moikokola yomiviinyu ndele mu nokukwata, keshe umwe, omwalikadi waye moukadona vomuSilo nokuya koshilongo shaBenjamin. 22 Ndele ooxe ile ovamwaina ngeenge tave uya pufye oku tu hokololifa, fye ohatu ke va lombwela: ‘Ve tu peni oshali, osheshi nande umwe womufye a kwata omwalikadi moita. Nye vene inamu ve va pa. Ngeno osho ngaha, ngeno mwa pewa etimba.’ ” 23 Ovana vaBenjamin osho va ninga. Vo ova kwata pamuvalo wavo ovalikadi movatanhi voudano, ava ve va nyeka po. Ndele vo ova ya ndele tava shuna koshitukulwafyuululwa shavo, ndele va tungulula oilando ndele tava kala mo. 24 Mefimbo olo ovana vaIsrael va dja ko, keshe umwe kepata lavo nokoludi lavo, ndelenee vo va dja ko keshe umwe koshitukulwafyuululwa shavo. 25 Momafiku enya muIsrael inamu kala ohamba. Keshe umwe a ninga eshi she mu wapalela.
