Kaleni mwa pashuka, osheshi efiku lOmwene otali uya ombadilila
1 Ndelenee omafiku nomafimbo itamu pumbwa oku a shangelwa, ovamwatate, 2 osheshi nye vene omu shi shii nawanawa nokutya, efiku lOmwene otali uya ngaashi omulunga moufiku. 3 Fimbo tava ti: “Ombili, kape na nande ombili,” opo nee ehanauno tali va vakele, ngaashi omufimba ta hangwa koshifeta, ndele kave na apa tava i onhapo. 4 Ndelenee nye ovamwatate, kamu li momulaulu, efiku olo lihe mu hange ngeno ngaashi omulunga; 5 osheshi nye amushe ovana vouyelele novana vomutenya, katu fi ovana voufiku ile vomulaulu.
6 Inatu kofeni hano ngaashi venya vamwe, ndele tu pashukeni tu kale ovalidiliki. 7 Osheshi ovo hava kofa, ohava kofa oufiku, naava hava kolwa, ohava kolwa oufiku. 8 Ndele ofye ava vomutenya, tu kaleni tu nelidiliko ndele twa djala oipakotolwa yoivela yeitavelo noyohole nembale loshivela leteelelo lexupifo; 9 osheshi Kalunga ine tu ufila okuhandukilwa, ndelenee tu xupifwe omolwOmwene wetu Jesus Kristus, 10 ou e tu fila, opo tu kale tu nomwenyo pamwe naye, ngeenge twa pashuka ile twa kofa. 11 Onghee hano hekelekafaneni nye mu tungafane keshe umwe nomukwao, ngaashi hamu shi ningi nokuli shito.
Omufinda weenghedi domeongalo
12 Ndelenee ovamwatate nye, ohatu mu dimbulukifa, mu tale nolupandu ava hava longo mokati keni ndele have mu kwatele komesho mOmwene ndele have mu pukulula, 13 nye mu va fimaneke noku va hola shili molwoshilonga shavo. Kalafaneni nombili!
14 Ohatu mu kumaida, ovamwatate, hanyeneni ava vehe neenghedi, ovambada va tweni ouladi, yakuleni oingone, aveshe va taleni onheni. 15 Taleni paha kale nande umwe ta alulile mukwao owii waye, mu hale alushe okulongelafana ouwa noku u longela aveshe.
16 Hafeni alushe! 17 Ilikaneni muhe nedimbuko. 18 Kaleni nokupandula mwaaishe, osheshi olo ehalo laKalunga muKristus Jesus molweni. 19 Omhepo inamu i dima po, 20 okuxunganeka inamu ku dina. 21 Konakoneni aishe, nye mu diinine eshi shiwa. 22 Kukumeni ashishe sha nyika owii.
Omalilekelo
23 Ndelenee Kalunga kombili, Oye mwene, ne mu yapule shili ounhu aushe, omhepo nomwenyo nolutu i amenwe i kale ihe noshipo fiyo okealuko lOmwene wetu Jesus Kristus. 24 Ou he mu ifana, Oye omudiinini, Oye ote shi wanifa yo. 25 Ovamwatate, tu ilikaneneni!
26 Kundileni po ovamwatate aveshe nefipo liyapuki. 27 Ohandi mu anifa mOmwene, onhumwafo ei mu i leshifile ovamwatate ovayapuki aveshe.
28 Efilonghenda lOmwene wetu Jesus Kristus nali kale nanye! Amen.
Kaleni mwa pashuka, osheshi efiku lOmwene otali uya ombadilila
1 Ndelenee omafiku nomafimbo itamu pumbwa oku a shangelwa, ovamwatate, 2 osheshi nye vene omu shi shii nawanawa nokutya, efiku lOmwene otali uya ngaashi omulunga moufiku. 3 Fimbo tava ti: “Ombili, kape na nande ombili,” opo nee ehanauno tali va vakele, ngaashi omufimba ta hangwa koshifeta, ndele kave na apa tava i onhapo. 4 Ndelenee nye ovamwatate, kamu li momulaulu, efiku olo lihe mu hange ngeno ngaashi omulunga; 5 osheshi nye amushe ovana vouyelele novana vomutenya, katu fi ovana voufiku ile vomulaulu.
6 Inatu kofeni hano ngaashi venya vamwe, ndele tu pashukeni tu kale ovalidiliki. 7 Osheshi ovo hava kofa, ohava kofa oufiku, naava hava kolwa, ohava kolwa oufiku. 8 Ndele ofye ava vomutenya, tu kaleni tu nelidiliko ndele twa djala oipakotolwa yoivela yeitavelo noyohole nembale loshivela leteelelo lexupifo; 9 osheshi Kalunga ine tu ufila okuhandukilwa, ndelenee tu xupifwe omolwOmwene wetu Jesus Kristus, 10 ou e tu fila, opo tu kale tu nomwenyo pamwe naye, ngeenge twa pashuka ile twa kofa. 11 Onghee hano hekelekafaneni nye mu tungafane keshe umwe nomukwao, ngaashi hamu shi ningi nokuli shito.
Omufinda weenghedi domeongalo
12 Ndelenee ovamwatate nye, ohatu mu dimbulukifa, mu tale nolupandu ava hava longo mokati keni ndele have mu kwatele komesho mOmwene ndele have mu pukulula, 13 nye mu va fimaneke noku va hola shili molwoshilonga shavo. Kalafaneni nombili!
14 Ohatu mu kumaida, ovamwatate, hanyeneni ava vehe neenghedi, ovambada va tweni ouladi, yakuleni oingone, aveshe va taleni onheni. 15 Taleni paha kale nande umwe ta alulile mukwao owii waye, mu hale alushe okulongelafana ouwa noku u longela aveshe.
16 Hafeni alushe! 17 Ilikaneni muhe nedimbuko. 18 Kaleni nokupandula mwaaishe, osheshi olo ehalo laKalunga muKristus Jesus molweni. 19 Omhepo inamu i dima po, 20 okuxunganeka inamu ku dina. 21 Konakoneni aishe, nye mu diinine eshi shiwa. 22 Kukumeni ashishe sha nyika owii.
Omalilekelo
23 Ndelenee Kalunga kombili, Oye mwene, ne mu yapule shili ounhu aushe, omhepo nomwenyo nolutu i amenwe i kale ihe noshipo fiyo okealuko lOmwene wetu Jesus Kristus. 24 Ou he mu ifana, Oye omudiinini, Oye ote shi wanifa yo. 25 Ovamwatate, tu ilikaneneni!
26 Kundileni po ovamwatate aveshe nefipo liyapuki. 27 Ohandi mu anifa mOmwene, onhumwafo ei mu i leshifile ovamwatate ovayapuki aveshe.
28 Efilonghenda lOmwene wetu Jesus Kristus nali kale nanye! Amen.
