Eulu lipe nedu lipe
1 Ndele nda mona eulu lipe nedu lipe, osheshi eulu eli lotete nedu lotete la xula po, nefuta kali ko vali. 2 Ndele ame nda mona oshilando shiyapuki, Jerusalem Shipe, sha kulukila pedu, sha dja meulu kuKalunga, sha wapalekwa ngaashi omuvalekwa a djalekelwa omulumenhu waye. 3 Ndele nda uda ondaka inene ya dja meulu, tai ti: “Tala, etwali laKalunga oli li povanhu, Oye ta tula puvo, vo otava ningi ovanhu vaye, Kalunga mwene ota kala pamwe navo, Kalunga kavo; 4 ndele ota feta po omahodi momesho avo, nefyo itali kala po vali ile oluhodi ile okulila ile ouyehame itau kala po vali, osheshi eshi shotete osha xula po.”
5 Nomukalimutumba kolukalwapangelo ta ti: “Tala, aishe ohandi i shitukifa i ninge ipe.” Ndele okwa lombwela nge: “Shanga, osheshi eendjovo edi odo doshili nodi shii okulineekelwa.” 6 Ye okwa tya kwaame: “Sha wanifwa. Aame Alfa naOmega, ehovelo nexulilo, ou ta fi enota, ohandi mu pe a nwe oshali mofifiya yomeva omwenyo. 7 Ou omufindani ota ka fyuulula ei, Ame ohandi kala Kalunga kaye, ye ota ningi omona wange. 8 Ndelenee ovambadanhu naava vehe na eitavelo novalinyateki novadipai novahaeli novakomeni voudiyo novafimaneki voikalunga novanaipupulu aveshe, oshipewa shavo otashi kala mombwili ya xwama omundilo nosulfuri, olo efyo etivali.”
Jerusalem Shipe
9 Ndele umwe womovaengeli ava vaheyali ve noiyaxa iheyali i yadi omahepeko aheyali axuuninwa, okwe uya ndele ta popi naame, ta ti: “Ila oku, ohandi ku ulikile omuhombolwa, omukainhu wOdjona.” 10 Ndele momhepo okwa twala nge komhunda inene noile unene, ndele okwa ulikila nge Oshilando shiyapuki, Jerusalem, sha kuluka sha dja meulu kuKalunga. 11 Shi noshinge shaKalunga; evilimo lasho la fa emanya li nondilo, ngaashi yaspis tali vilima la fa kristali. 12 Oli nohote inene ile, i noivelo omulongo naivali, nopoivelo ovaengeli omulongo navavali; nomadina a shangelwa ko, aa omapata omulongo naavali ovana vaIsrael. 13 Kombinga yokoushilo oivelo itatu, koumbangalanhu oivelo itatu, koumbuwanhu oivelo itatu, nokouninginino oivelo itatu. 14 Nohote yoshilando i nomamanya omakanghameno omulongo naavali e nomadina omulongo naavali ovayapostoli omulongo navavali vOdjona.
15 Naau a popya naame okwa li e noshiyelekifo sholumbungu loshingoldo shokuyeleka oshilando noivelo nohote yasho. 16 Noshilando osha li shi neekolonela nhee, omukokomoko washo ou fike pamwe nomutamo washo. Ye okwa yeleka oshilando nolumbungu olo, eekilometa omayovi avali nomafele atatu; nomukokomoko washo ou fike pamwe nomutamo noulembada washo. 17 Ndele okwa yeleka ekuma loshilando, nola li li fike peemeta omafele hamano pashiyelekifo shomunhu noshomweengeli yo. 18 Noitungifo yekuma oyaspis, noshilando shoovene oshingoldoelela shi yela ngaashi ekende. 19 Nomomakanghameno ohote yoshilando a wapekwa nomamanya mawa e nondilo oludi keshe; ekanghameno lotete oyaspis, etivali safir, etitatu agaat, etine smaragidi, 20 etitano oniks, etihamano karneli, etiheyali krisolit, etihetatu berili, etimugoi topas, etimulongo krisoprasi, etimulongo nalimwe hiasint, etimulongo netivali ametisti. 21 Ndele oivelo oyo omulongo naivali oyo omawe omulongo naavali, keshe oshivelo osho ewe limwe, ndele omapandavanda oshilando oo oshingoldoelela shi yela ngaashi ekende hali piti omesho.
22 Ndele otembeli inandi i mona mo, osheshi Omwene Kalunga Omunaenghono adishe, Oye otembeli yasho nOdjona. 23 Noshilando eshi inashi pumbwa etango ile ohani oku shi minikila, osheshi oshinge shaKalunga otashi shi minikile, onyika yasho oyo Odjona. 24 Oiwana otai ka enda nouyelele washo neehamba dopedu tadi twala mo efimano lado. 25 Noivelo yasho itai idilwa nande omutenya, osheshi oufiku kau mo musho. 26 Ndele tamu etwa oshinge nemona loiwana. 27 Ndele keshe eshi sha nyata itashi i mo nande okanini, naau ta longo oixuna nomunaipupulu, ovovo aveke va shangelwa membo lomwenyo lOdjona.
Eulu lipe nedu lipe
1 Ndele nda mona eulu lipe nedu lipe, osheshi eulu eli lotete nedu lotete la xula po, nefuta kali ko vali. 2 Ndele ame nda mona oshilando shiyapuki, Jerusalem Shipe, sha kulukila pedu, sha dja meulu kuKalunga, sha wapalekwa ngaashi omuvalekwa a djalekelwa omulumenhu waye. 3 Ndele nda uda ondaka inene ya dja meulu, tai ti: “Tala, etwali laKalunga oli li povanhu, Oye ta tula puvo, vo otava ningi ovanhu vaye, Kalunga mwene ota kala pamwe navo, Kalunga kavo; 4 ndele ota feta po omahodi momesho avo, nefyo itali kala po vali ile oluhodi ile okulila ile ouyehame itau kala po vali, osheshi eshi shotete osha xula po.”
5 Nomukalimutumba kolukalwapangelo ta ti: “Tala, aishe ohandi i shitukifa i ninge ipe.” Ndele okwa lombwela nge: “Shanga, osheshi eendjovo edi odo doshili nodi shii okulineekelwa.” 6 Ye okwa tya kwaame: “Sha wanifwa. Aame Alfa naOmega, ehovelo nexulilo, ou ta fi enota, ohandi mu pe a nwe oshali mofifiya yomeva omwenyo. 7 Ou omufindani ota ka fyuulula ei, Ame ohandi kala Kalunga kaye, ye ota ningi omona wange. 8 Ndelenee ovambadanhu naava vehe na eitavelo novalinyateki novadipai novahaeli novakomeni voudiyo novafimaneki voikalunga novanaipupulu aveshe, oshipewa shavo otashi kala mombwili ya xwama omundilo nosulfuri, olo efyo etivali.”
Jerusalem Shipe
9 Ndele umwe womovaengeli ava vaheyali ve noiyaxa iheyali i yadi omahepeko aheyali axuuninwa, okwe uya ndele ta popi naame, ta ti: “Ila oku, ohandi ku ulikile omuhombolwa, omukainhu wOdjona.” 10 Ndele momhepo okwa twala nge komhunda inene noile unene, ndele okwa ulikila nge Oshilando shiyapuki, Jerusalem, sha kuluka sha dja meulu kuKalunga. 11 Shi noshinge shaKalunga; evilimo lasho la fa emanya li nondilo, ngaashi yaspis tali vilima la fa kristali. 12 Oli nohote inene ile, i noivelo omulongo naivali, nopoivelo ovaengeli omulongo navavali; nomadina a shangelwa ko, aa omapata omulongo naavali ovana vaIsrael. 13 Kombinga yokoushilo oivelo itatu, koumbangalanhu oivelo itatu, koumbuwanhu oivelo itatu, nokouninginino oivelo itatu. 14 Nohote yoshilando i nomamanya omakanghameno omulongo naavali e nomadina omulongo naavali ovayapostoli omulongo navavali vOdjona.
15 Naau a popya naame okwa li e noshiyelekifo sholumbungu loshingoldo shokuyeleka oshilando noivelo nohote yasho. 16 Noshilando osha li shi neekolonela nhee, omukokomoko washo ou fike pamwe nomutamo washo. Ye okwa yeleka oshilando nolumbungu olo, eekilometa omayovi avali nomafele atatu; nomukokomoko washo ou fike pamwe nomutamo noulembada washo. 17 Ndele okwa yeleka ekuma loshilando, nola li li fike peemeta omafele hamano pashiyelekifo shomunhu noshomweengeli yo. 18 Noitungifo yekuma oyaspis, noshilando shoovene oshingoldoelela shi yela ngaashi ekende. 19 Nomomakanghameno ohote yoshilando a wapekwa nomamanya mawa e nondilo oludi keshe; ekanghameno lotete oyaspis, etivali safir, etitatu agaat, etine smaragidi, 20 etitano oniks, etihamano karneli, etiheyali krisolit, etihetatu berili, etimugoi topas, etimulongo krisoprasi, etimulongo nalimwe hiasint, etimulongo netivali ametisti. 21 Ndele oivelo oyo omulongo naivali oyo omawe omulongo naavali, keshe oshivelo osho ewe limwe, ndele omapandavanda oshilando oo oshingoldoelela shi yela ngaashi ekende hali piti omesho.
22 Ndele otembeli inandi i mona mo, osheshi Omwene Kalunga Omunaenghono adishe, Oye otembeli yasho nOdjona. 23 Noshilando eshi inashi pumbwa etango ile ohani oku shi minikila, osheshi oshinge shaKalunga otashi shi minikile, onyika yasho oyo Odjona. 24 Oiwana otai ka enda nouyelele washo neehamba dopedu tadi twala mo efimano lado. 25 Noivelo yasho itai idilwa nande omutenya, osheshi oufiku kau mo musho. 26 Ndele tamu etwa oshinge nemona loiwana. 27 Ndele keshe eshi sha nyata itashi i mo nande okanini, naau ta longo oixuna nomunaipupulu, ovovo aveke va shangelwa membo lomwenyo lOdjona.
