Jeriko tashi hanaunwa po
1 Ndelenee Jeriko osha idila po oshivelo ndele sha kala sha idilwa molwovana vaIsrael. Inamu pita nande omunhu ndele inamu ya nande omunhu. 2 Opo nee Omwene okwa lombwela Josua ndele ta ti: “Tala, Ame ohandi yandje Jeriko pamwe nohamba yasho novakwanyati meke loye. 3 Nye ovakwaita amushe, omu nokudingilila oshilando. Oshilando shi dingilileni lumwe. Osho ngaha mu nokuninga omafiku ahamano.Nye ovakwaita omu na okudingilila oshilando efiku keshe omafiku ahamano. 4 Novapristeli vaheyali ve nokuhumbata omanghuma aheyali eembinga deedi deemhedi komesho yoshikefa. Ndelenee efiku etiheyali nye mu nokudingilila oshilando luheyali. Novapristeli ve nokushika omanghuma. 5 Ndele vo ngeenge tava shiki omanghuma eembinga deedi deemhedi mokutwaalela, nye ngeenge tamu udu ondaka yomanghuma, ovanhu aveshe ve nokuyelula ondaka nokwiingida pombada. Opo nee ohotekuma yoshilando tai ka ngumauka po monhele yayo. Novanhu ve nokutotela mo, keshe umwe ta yukilile.” 6 Opo nee Josua yaNun okwa ifana ovapristeli ndele okwe va lombwela ta ti: “Kufeni oshikefa shehangano, novapristeli vaheyali nava humbate omanghuma aheyali eembinga deedi deemhedi komesho yoshikefa shOmwene.” 7 Ndele okwa lombwela ovanhu: “Indeni mu ka dingilile oshilando. Ndelenee ava va ve nokutetekela oshikefa shOmwene.” 8 Opa ningwa, Josua eshi a lombwela ovanhu, ovapristeli vaheyali va humbata omanghuma aheyali eembinga deedi deemhedi ova enda koshipala shOmwene ndele va shika omanghuma, fimbo oshikefa shehangano lOmwene she va shikula. 9 Ovakwaita ova enda yo komesho yovapristeli ava va shika omanghuma, fimbo ongudu yovanhu ya enda konima yoshikefa, ndele omanghuma a shikwa efimbo alishe. 10 Ndele Josua okwa lombwela ovanhu ndele ta ti: “Nye inamu ingida ile ondaka yeni iha udike, nondjovo nande imwe iha pite mo mokanya keni fiyo efiku tuu olo ame handi mu lombwele: Ingideni! Opo nee tamu ingida. 11 Ndele ve nokudingililifa oshikefa shOmwene oshilando lumwe.” Opo nee va shuna monhanda, nomo va nangala. 12 Ndele Josua okwa meneka novapristeli va humbata oshikefa shOmwene. 13 Novapristeli vaheyali ava va humbata omanghuma aheyali eembinga deedi deemhedi ova enda komesho yoshikefa shOmwene efimbo alishe ndele va shika omanghuma fimbo ovakwaita va enda komesho yavo. Nongudu yovanhu oya enda konima yoshikefa shOmwene, fimbo omanghuma a shikwa efimbo alishe. 14 Osho ngaha va dingilila oshilando lumwe mefiku etivali. Opo nee va shuna monhanda. Osho ngaha va ninga momafiku ahamano. 15 Ndelenee mefiku etiheyali ova meneka, eluwa eshi tali tende, ndele va dingilila oshilando panghedi tuu ei luheyali. Mefiku olo tuu alike va dingilila oshilando luheyali. 16 Novapristeli eshi va shika omanghuma olutiheyali, Josua okwa lombwela ovanhu: “Ingideni! Osheshi Omwene ta yandje oshilando momake eni. 17 Ndelenee oshilando naashishe shi li mo, shi nokuninga omundiloyambo kOmwene. Rahab, ombwada, ye aeke na xupe, ye pamwe naaveshe ava ve li puye mongulu yaye, osheshi oye okwa holeka eendadi twe di tuma ko. 18 Ndelenee lungameni shili mu kukume eshi sha yapulilwa ehanauno, muha hangike ketulomutima, ngeenge tamu kufa sha shomoinima ya yapulilwa okuhanaunwa po, nena otamu twala onhanda yaIsrael koshi yetulomutima ndele tamu i etele omupya. 19 Ndelenee oshisiliveli ashishe noshingoldo noinima yoshikushu noyoshivela, oya yapulilwa Omwene, nai tulwe memona lOmwene.” 20 Opo nee ovanhu va ingida unene ndele va shika omanghuma. Oshiwana eshi sha uda ondaka yenghuma, osha lokosha pombada. Nohotekuma ya ngumauka po monhele yayo, ndele ovanhu va londa va ya moshilando, keshe umwe a yukilila, ndele va nangala oshilando. 21 Naashishe eshi sha li moshilando, ove shi dipaa neongamukonda, omulumenhu nomukainhu, omunyasha nomukulunhu fiyo okongobe nodi nondongi.
Rahab neumbo laye tava xupifwa
22 Ndele Josua okwa lombwela ovalumenhu venya vavali va lavele oshilongo ta ti: “Indeni meumbo lombwada ndele pitifeni mo omukainhu naaveshe ava ve li puye, ngaashi mwe mu anena.” 23 Ovalumenhu ovanyasha, eendadi, ova ya mo, ndele va pitifa mo Rahab naxe naina novamwaina naaveshe va li puye, novakwapata vaye aveshe ove va pitifa mo ndele ve va kaleka pondje yonhanda yaIsrael. 24 Noshilando naashishe sha li mo ve shi xwika po nomundilo. Oshisiliveli ashike noshingoldo noinima yoshikushu noyoshivela ve i weda kemona lOmwene. 25 Ndelenee Josua okwa efa Rahab neumbo laye naaveshe va li puye va kale nomwenyo. Opo ye a kala mokati kaIsrael fiyo onena eli, shaashi okwa holeka eendadi dinya da tuminwe kuJosua okulava Jeriko. 26 Mefimbo tuu olo Josua okwa anifa eano neendjovo edi: “Na fingwe koshipala shOmwene omulumenhu ou ta ka hovela okutungulula oshilando eshi shaJeriko.
Mokutunga kwaye ekanghameno
oshiveli shaye nashi fye
ndele mokutula mo oivelo
onghelo nai fye.”
27 NOmwene okwa li pamwe naJosua. Netumbalo laye ola ya nedu alishe.
Jeriko tashi hanaunwa po
1 Ndelenee Jeriko osha idila po oshivelo ndele sha kala sha idilwa molwovana vaIsrael. Inamu pita nande omunhu ndele inamu ya nande omunhu. 2 Opo nee Omwene okwa lombwela Josua ndele ta ti: “Tala, Ame ohandi yandje Jeriko pamwe nohamba yasho novakwanyati meke loye. 3 Nye ovakwaita amushe, omu nokudingilila oshilando. Oshilando shi dingilileni lumwe. Osho ngaha mu nokuninga omafiku ahamano.Nye ovakwaita omu na okudingilila oshilando efiku keshe omafiku ahamano. 4 Novapristeli vaheyali ve nokuhumbata omanghuma aheyali eembinga deedi deemhedi komesho yoshikefa. Ndelenee efiku etiheyali nye mu nokudingilila oshilando luheyali. Novapristeli ve nokushika omanghuma. 5 Ndele vo ngeenge tava shiki omanghuma eembinga deedi deemhedi mokutwaalela, nye ngeenge tamu udu ondaka yomanghuma, ovanhu aveshe ve nokuyelula ondaka nokwiingida pombada. Opo nee ohotekuma yoshilando tai ka ngumauka po monhele yayo. Novanhu ve nokutotela mo, keshe umwe ta yukilile.” 6 Opo nee Josua yaNun okwa ifana ovapristeli ndele okwe va lombwela ta ti: “Kufeni oshikefa shehangano, novapristeli vaheyali nava humbate omanghuma aheyali eembinga deedi deemhedi komesho yoshikefa shOmwene.” 7 Ndele okwa lombwela ovanhu: “Indeni mu ka dingilile oshilando. Ndelenee ava va ve nokutetekela oshikefa shOmwene.” 8 Opa ningwa, Josua eshi a lombwela ovanhu, ovapristeli vaheyali va humbata omanghuma aheyali eembinga deedi deemhedi ova enda koshipala shOmwene ndele va shika omanghuma, fimbo oshikefa shehangano lOmwene she va shikula. 9 Ovakwaita ova enda yo komesho yovapristeli ava va shika omanghuma, fimbo ongudu yovanhu ya enda konima yoshikefa, ndele omanghuma a shikwa efimbo alishe. 10 Ndele Josua okwa lombwela ovanhu ndele ta ti: “Nye inamu ingida ile ondaka yeni iha udike, nondjovo nande imwe iha pite mo mokanya keni fiyo efiku tuu olo ame handi mu lombwele: Ingideni! Opo nee tamu ingida. 11 Ndele ve nokudingililifa oshikefa shOmwene oshilando lumwe.” Opo nee va shuna monhanda, nomo va nangala. 12 Ndele Josua okwa meneka novapristeli va humbata oshikefa shOmwene. 13 Novapristeli vaheyali ava va humbata omanghuma aheyali eembinga deedi deemhedi ova enda komesho yoshikefa shOmwene efimbo alishe ndele va shika omanghuma fimbo ovakwaita va enda komesho yavo. Nongudu yovanhu oya enda konima yoshikefa shOmwene, fimbo omanghuma a shikwa efimbo alishe. 14 Osho ngaha va dingilila oshilando lumwe mefiku etivali. Opo nee va shuna monhanda. Osho ngaha va ninga momafiku ahamano. 15 Ndelenee mefiku etiheyali ova meneka, eluwa eshi tali tende, ndele va dingilila oshilando panghedi tuu ei luheyali. Mefiku olo tuu alike va dingilila oshilando luheyali. 16 Novapristeli eshi va shika omanghuma olutiheyali, Josua okwa lombwela ovanhu: “Ingideni! Osheshi Omwene ta yandje oshilando momake eni. 17 Ndelenee oshilando naashishe shi li mo, shi nokuninga omundiloyambo kOmwene. Rahab, ombwada, ye aeke na xupe, ye pamwe naaveshe ava ve li puye mongulu yaye, osheshi oye okwa holeka eendadi twe di tuma ko. 18 Ndelenee lungameni shili mu kukume eshi sha yapulilwa ehanauno, muha hangike ketulomutima, ngeenge tamu kufa sha shomoinima ya yapulilwa okuhanaunwa po, nena otamu twala onhanda yaIsrael koshi yetulomutima ndele tamu i etele omupya. 19 Ndelenee oshisiliveli ashishe noshingoldo noinima yoshikushu noyoshivela, oya yapulilwa Omwene, nai tulwe memona lOmwene.” 20 Opo nee ovanhu va ingida unene ndele va shika omanghuma. Oshiwana eshi sha uda ondaka yenghuma, osha lokosha pombada. Nohotekuma ya ngumauka po monhele yayo, ndele ovanhu va londa va ya moshilando, keshe umwe a yukilila, ndele va nangala oshilando. 21 Naashishe eshi sha li moshilando, ove shi dipaa neongamukonda, omulumenhu nomukainhu, omunyasha nomukulunhu fiyo okongobe nodi nondongi.
Rahab neumbo laye tava xupifwa
22 Ndele Josua okwa lombwela ovalumenhu venya vavali va lavele oshilongo ta ti: “Indeni meumbo lombwada ndele pitifeni mo omukainhu naaveshe ava ve li puye, ngaashi mwe mu anena.” 23 Ovalumenhu ovanyasha, eendadi, ova ya mo, ndele va pitifa mo Rahab naxe naina novamwaina naaveshe va li puye, novakwapata vaye aveshe ove va pitifa mo ndele ve va kaleka pondje yonhanda yaIsrael. 24 Noshilando naashishe sha li mo ve shi xwika po nomundilo. Oshisiliveli ashike noshingoldo noinima yoshikushu noyoshivela ve i weda kemona lOmwene. 25 Ndelenee Josua okwa efa Rahab neumbo laye naaveshe va li puye va kale nomwenyo. Opo ye a kala mokati kaIsrael fiyo onena eli, shaashi okwa holeka eendadi dinya da tuminwe kuJosua okulava Jeriko. 26 Mefimbo tuu olo Josua okwa anifa eano neendjovo edi: “Na fingwe koshipala shOmwene omulumenhu ou ta ka hovela okutungulula oshilando eshi shaJeriko.
Mokutunga kwaye ekanghameno
oshiveli shaye nashi fye
ndele mokutula mo oivelo
onghelo nai fye.”
27 NOmwene okwa li pamwe naJosua. Netumbalo laye ola ya nedu alishe.
