Enyonauko laIsrael nehanauno lasho
1 Woo, ovatulumukwi muSion naava vehe noshisho keemhunda daSamaria, ovafimanekwa komesho moiwana, ovo kuvo eumbo laIsrael tali uya! 2 Indeni muKalne, nye mu tale, djeni ko mu ye kuHamat, oshilando shinene, ndele indeni kuGat shOvafilisti! Oyo iwa i dule tuu oilongo ei? Ile oshitukulwanhele shavo shi dule ngeno oshitukulwanhele sheni? 3 Nye tamu undulile kokule efiku lomupya, ndele tamu ehenifa popepi olukalwapangelo loukolokoshi. 4 Onye ava hamu nangala meembete domayoo eendjaba nokwaalangata moipundi yetulumukilo, ndele hamu kala nokulya oudjona noukombwena neenhana domoshuunda sheni. 5 Onye ava hamu imbi omaimbilo pakwafo leshiko lonyalilo, ndele hamu uku ngaashi David mu tote ouxumbafeta. 6 Onye ava hamu nwine omaviinyu momaholo ndele tamu vava omaadi mawa unene, ndelenee ihamu kala noshisho molwenyonauko laJosef. 7 Onghee hano ve nokuya paife moukwatwa, tava kwatele eenghwate dimwe komesho. Opo nee eengovela denyaku lovaalangati tadi xulu po.
8 Omwene Kalunga okwa ana muye mwene, Omwene Kalunga komatanga ovakwaita ta ti: “Ame handi nyonyodola elinenepeko laJakob, ndele handi tondo eengulu daye doupuna. Onghee hano handi efa oshilando nakeshe eshi shi li mo.”
9 Nongeenge opa fyaala ovalumenhu omulongo meumbo limwe, vo otava ka fya. 10 Ndele ngeenge umwe womepata limwe, nokutya ou a hala oku mu xwika, te uya a ka kufe mo omakipa meumbo, ndele ta ti kwaau e li kedimo lokonima: “Pwoove ope na tuu vali umwe?” Ndele ye ta nyamukula: “Ahowe.” Opo nee ou wotete ta ka tya: “Mwena! Osheshi itashi dulika okutonga edina lOmwene!” 11 Osheshi tala, Omwene ota yandje ondaka, ndele vo ohava denge ongulu inene tai ningi onduba yomakuma, nongulu inini oshala shoimbodi.
12 Eenghambe otadi dulu tuu okulonda eemhunda domamanya ile omunhu ota dulu tuu okupulula ko neengobe? Osheshi etokolo la yuka nye mwe li lundulula oudiyo noshiimati shouyuki mwe shi lundululila edimba. 13 Onye ava hamu hafele muLodebar oinima yongaho, hamu ti: “Inatu likwatela Karnaim keenghono detu vene.” 14 Omwene Kalunga komatanga ovakwaita ta ti: “Osheshi taleni nye, eumbo laIsrael, Ame ohandi ke mu pendulila oshiwana, ndele vo otave ke mu fininika kokudja kuHamat fiyo okomulonga wokedu la yelakana.”
Enyonauko laIsrael nehanauno lasho
1 Woo, ovatulumukwi muSion naava vehe noshisho keemhunda daSamaria, ovafimanekwa komesho moiwana, ovo kuvo eumbo laIsrael tali uya! 2 Indeni muKalne, nye mu tale, djeni ko mu ye kuHamat, oshilando shinene, ndele indeni kuGat shOvafilisti! Oyo iwa i dule tuu oilongo ei? Ile oshitukulwanhele shavo shi dule ngeno oshitukulwanhele sheni? 3 Nye tamu undulile kokule efiku lomupya, ndele tamu ehenifa popepi olukalwapangelo loukolokoshi. 4 Onye ava hamu nangala meembete domayoo eendjaba nokwaalangata moipundi yetulumukilo, ndele hamu kala nokulya oudjona noukombwena neenhana domoshuunda sheni. 5 Onye ava hamu imbi omaimbilo pakwafo leshiko lonyalilo, ndele hamu uku ngaashi David mu tote ouxumbafeta. 6 Onye ava hamu nwine omaviinyu momaholo ndele tamu vava omaadi mawa unene, ndelenee ihamu kala noshisho molwenyonauko laJosef. 7 Onghee hano ve nokuya paife moukwatwa, tava kwatele eenghwate dimwe komesho. Opo nee eengovela denyaku lovaalangati tadi xulu po.
8 Omwene Kalunga okwa ana muye mwene, Omwene Kalunga komatanga ovakwaita ta ti: “Ame handi nyonyodola elinenepeko laJakob, ndele handi tondo eengulu daye doupuna. Onghee hano handi efa oshilando nakeshe eshi shi li mo.”
9 Nongeenge opa fyaala ovalumenhu omulongo meumbo limwe, vo otava ka fya. 10 Ndele ngeenge umwe womepata limwe, nokutya ou a hala oku mu xwika, te uya a ka kufe mo omakipa meumbo, ndele ta ti kwaau e li kedimo lokonima: “Pwoove ope na tuu vali umwe?” Ndele ye ta nyamukula: “Ahowe.” Opo nee ou wotete ta ka tya: “Mwena! Osheshi itashi dulika okutonga edina lOmwene!” 11 Osheshi tala, Omwene ota yandje ondaka, ndele vo ohava denge ongulu inene tai ningi onduba yomakuma, nongulu inini oshala shoimbodi.
12 Eenghambe otadi dulu tuu okulonda eemhunda domamanya ile omunhu ota dulu tuu okupulula ko neengobe? Osheshi etokolo la yuka nye mwe li lundulula oudiyo noshiimati shouyuki mwe shi lundululila edimba. 13 Onye ava hamu hafele muLodebar oinima yongaho, hamu ti: “Inatu likwatela Karnaim keenghono detu vene.” 14 Omwene Kalunga komatanga ovakwaita ta ti: “Osheshi taleni nye, eumbo laIsrael, Ame ohandi ke mu pendulila oshiwana, ndele vo otave ke mu fininika kokudja kuHamat fiyo okomulonga wokedu la yelakana.”
