Eilikano moudu
Epsalme laDavid, la pewa enyakwa lolwiimbo.
1 Omunelao ou, ha yavele oshingone;
oye ta xupifwa kOmwene mefiku loiponga.
2 Omwene ote mu amene, a kale nomwenyo,
ta ifanwa omunelao kombada yedu,
ndele Ove ito mu yandje omuhanga
monya yovatondi vaye.
3 Ngeenge ta nangala ta vele,
Omwene ote mu pendula po,
onhala yaye yokuvela oto i lundulula.
4 Ame onda tya: “Omwene, file nge onghenda!
Akutu, velule nge, osheshi onda nyona kwoove.”
5 Ovayelani vange otava popi nge nai tava ti:
“Onaini mbela ta fi, nedina laye li xule po?”
6 Ngeenge umwe te uya okutalela nge po,
ota tongo oipupulu;
omutima waye otau likola oumbudi;
ngeenge a pita mo,
otau shi mu hepaululifa mondjila.
7 Aveshe hava tondo nge, otava shashala nge,
otava diladilile nge omupya, tava ti:
8 “Ekolamudo ihali veluka, ole mu dama;
eshi a nangala ngaha, ita penduka po vali nande.”
9 Neume lange nokuli, eli nde lineekela nomutima aushe,
nola li hali li eendja dange,
olo la yelulila nge oshififinwa, li fangule nge.
10 Ndelenee Omwene, Oove, file nge onghenda,
u yambule nge po vali,
ame ndi va shunifile oushima wavo.
11 Mwaashi ohandi shiiva, nokutya owa hokwa nge,
ngeenge omutondi wange ita mono omhito yokuhafela nge.
12 Osheshi ame molwokuhenambudi kwange
oto pamekele nge ofika,
ndele to pe nge, ndi kale koshipala shoye fiyo alushe.
13 Omwene, Kalunga kaIsrael,
na hambelelwe alushe fiyo alushe!
Amen, heeno, Amen.
Eilikano moudu
Epsalme laDavid, la pewa enyakwa lolwiimbo.
1 Omunelao ou, ha yavele oshingone;
oye ta xupifwa kOmwene mefiku loiponga.
2 Omwene ote mu amene, a kale nomwenyo,
ta ifanwa omunelao kombada yedu,
ndele Ove ito mu yandje omuhanga
monya yovatondi vaye.
3 Ngeenge ta nangala ta vele,
Omwene ote mu pendula po,
onhala yaye yokuvela oto i lundulula.
4 Ame onda tya: “Omwene, file nge onghenda!
Akutu, velule nge, osheshi onda nyona kwoove.”
5 Ovayelani vange otava popi nge nai tava ti:
“Onaini mbela ta fi, nedina laye li xule po?”
6 Ngeenge umwe te uya okutalela nge po,
ota tongo oipupulu;
omutima waye otau likola oumbudi;
ngeenge a pita mo,
otau shi mu hepaululifa mondjila.
7 Aveshe hava tondo nge, otava shashala nge,
otava diladilile nge omupya, tava ti:
8 “Ekolamudo ihali veluka, ole mu dama;
eshi a nangala ngaha, ita penduka po vali nande.”
9 Neume lange nokuli, eli nde lineekela nomutima aushe,
nola li hali li eendja dange,
olo la yelulila nge oshififinwa, li fangule nge.
10 Ndelenee Omwene, Oove, file nge onghenda,
u yambule nge po vali,
ame ndi va shunifile oushima wavo.
11 Mwaashi ohandi shiiva, nokutya owa hokwa nge,
ngeenge omutondi wange ita mono omhito yokuhafela nge.
12 Osheshi ame molwokuhenambudi kwange
oto pamekele nge ofika,
ndele to pe nge, ndi kale koshipala shoye fiyo alushe.
13 Omwene, Kalunga kaIsrael,
na hambelelwe alushe fiyo alushe!
Amen, heeno, Amen.
