Oipewa yovapristeli noyOvalevi
1 “Ovapristeli Ovalevi, epata alishe laLevi, lihe nefyuululo pamwe naIsrael. Osheshi oshipewa shavo omaxwikiloyambo Omwene ove nokulya moshitukulwafyuululwa shaye. 2 Ndele vehe noshitukulwafyuululwa mokati kavakwao. Omwene Ye oshitukulwafyuululwa shavo, ngaashi e va udanekela.
3 “Oshipewa shovapristeli, osho ve noku shi pewa kovanhu, kwaava hava eta etomenoyambo ile ongobe ile odi: vo ve nokuyandja komupristeli ombeyo nomaluhamama avali neteta. 4 Oshipe shoilya yoye noshomaviinyu oye noshomaadi oye nolududi leedi doye mokukulula kwotete ove u noku mu pa. 5 Osheshi Omwene Kalunga koye okwe mu hoolola mo momapata oye aeshe, opo ye novana vaye ovamati va shiive okukala ofika mokulonga medina lOmwene.
6 “Ngeenge ope nOmulevi womoshilando shonhumba shomuIsrael ashishe, omo ha kala ngaashi omunailongo, ndele a hala shili okuya monhele oyo Omwene ta ka hoolola, 7 opo nee ye na longe medina lOmwene Kalunga kaye ngaashi vakwao aveshe Ovalevi, ava hava kala ko ofika koshipala shOmwene. 8 Vo aveshe nava pewe eendja davo oshipewa shi fike pamwe, ponho yaasho, umwe e shi likola mokulanda po sha shomefyuululo laye.
Ovanyanekeli tava handukilwa
9 “Ove ngeenge wa fiki moshilongo, to ka pewa kOmwene Kalunga koye, ino shikula u longe oixuna yoiwana inya. 10 Mokati keni muha kale nande umwe, ou ta endifa omona waye omumati ile okakadona momundilo, ile ou ha diinine oundudu ile enyanekelo ile ta xunganeke omadidiliko ile ta pulike 11 ile ta longifa oupule ile ta pula keemhepo dovafi ile komhepo yovashitukifi ile ta kongo omapukululo kovafi. 12 Osheshi keshe ou ta longo oinima oyo, oye oixuna koshipala shOmwene Kalunga koye, ndele molwoixuna oyo Omwene Kalunga koye te va hanauna po komesho oye. 13 Omwene Kalunga koye u noku mu diinina shili.
14 “Osheshi ovanhu ovo ove to va taataa mo moshilongo shavo, ohava pwilikine ovaxunganeki hava xunganeke omadidiliko novanyanekeli. Ndelenee Omwene Kalunga koye okwe ku shilika oinima ya tya ngaha.
Omuxunganeki omunene ta udanekwa
15 “Mokati keni, movakweni, Omwene Kalunga koye ote ke ku pendulila mo omuxunganeki ngaashi ame. Mu udeni. 16 Naanaa ove ngaashi wa indila kOmwene Kalunga koye puHoreb, ove eshi wa tongele, efiku loshiongalele, to ti: Ame ihandi dulu okupwilikina vali ondaka yOmwene Kalunga kange, nokutala omundilo ou munene, ndi fye po! 17 Opo nee Omwene okwa lombwela nge: ‘Vo ova popya eendjovo da twa. 18 Omuxunganeki ngaashi ove Ame nda hala oku mu pendulila mokati kavakwao, ndele Ame handi ka tula eendjovo dange mokanya kaye, ndele Ye ote ke mu tongela adishe odo Ame ohandi mu lombwele. 19 Ndele omulumenhu ou ita dulika keendjovo dange, odo Ye te di tongo medina lange, Ame mwene ohandi ke mu twifa eemhata. 20 Ndelenee omuxunganeki ou te livondo okupopya sha medina lange, Ame nande inandi mu lombwela ile ta popi medina loikalunga imwe, omuxunganeki a tya ngaha e nokufya.’ 21 Ndele ove ngeenge to lipopile momwenyo woye, to ti: ‘Ohatu ka shiiva ngahelipi eendjovo dOmwene ine di popya?’ 22 Tala, u kale u shi shii: omuxunganeki ngeenge ta popi medina lOmwene ndele eendjovo tadi wanifwa, do itadi ka twa, hano eendjovo odo, Omwene ine di popya. Omuxunganeki okwe di popya nokuhe nohoni, ino mu tila.
Oipewa yovapristeli noyOvalevi
1 “Ovapristeli Ovalevi, epata alishe laLevi, lihe nefyuululo pamwe naIsrael. Osheshi oshipewa shavo omaxwikiloyambo Omwene ove nokulya moshitukulwafyuululwa shaye. 2 Ndele vehe noshitukulwafyuululwa mokati kavakwao. Omwene Ye oshitukulwafyuululwa shavo, ngaashi e va udanekela.
3 “Oshipewa shovapristeli, osho ve noku shi pewa kovanhu, kwaava hava eta etomenoyambo ile ongobe ile odi: vo ve nokuyandja komupristeli ombeyo nomaluhamama avali neteta. 4 Oshipe shoilya yoye noshomaviinyu oye noshomaadi oye nolududi leedi doye mokukulula kwotete ove u noku mu pa. 5 Osheshi Omwene Kalunga koye okwe mu hoolola mo momapata oye aeshe, opo ye novana vaye ovamati va shiive okukala ofika mokulonga medina lOmwene.
6 “Ngeenge ope nOmulevi womoshilando shonhumba shomuIsrael ashishe, omo ha kala ngaashi omunailongo, ndele a hala shili okuya monhele oyo Omwene ta ka hoolola, 7 opo nee ye na longe medina lOmwene Kalunga kaye ngaashi vakwao aveshe Ovalevi, ava hava kala ko ofika koshipala shOmwene. 8 Vo aveshe nava pewe eendja davo oshipewa shi fike pamwe, ponho yaasho, umwe e shi likola mokulanda po sha shomefyuululo laye.
Ovanyanekeli tava handukilwa
9 “Ove ngeenge wa fiki moshilongo, to ka pewa kOmwene Kalunga koye, ino shikula u longe oixuna yoiwana inya. 10 Mokati keni muha kale nande umwe, ou ta endifa omona waye omumati ile okakadona momundilo, ile ou ha diinine oundudu ile enyanekelo ile ta xunganeke omadidiliko ile ta pulike 11 ile ta longifa oupule ile ta pula keemhepo dovafi ile komhepo yovashitukifi ile ta kongo omapukululo kovafi. 12 Osheshi keshe ou ta longo oinima oyo, oye oixuna koshipala shOmwene Kalunga koye, ndele molwoixuna oyo Omwene Kalunga koye te va hanauna po komesho oye. 13 Omwene Kalunga koye u noku mu diinina shili.
14 “Osheshi ovanhu ovo ove to va taataa mo moshilongo shavo, ohava pwilikine ovaxunganeki hava xunganeke omadidiliko novanyanekeli. Ndelenee Omwene Kalunga koye okwe ku shilika oinima ya tya ngaha.
Omuxunganeki omunene ta udanekwa
15 “Mokati keni, movakweni, Omwene Kalunga koye ote ke ku pendulila mo omuxunganeki ngaashi ame. Mu udeni. 16 Naanaa ove ngaashi wa indila kOmwene Kalunga koye puHoreb, ove eshi wa tongele, efiku loshiongalele, to ti: Ame ihandi dulu okupwilikina vali ondaka yOmwene Kalunga kange, nokutala omundilo ou munene, ndi fye po! 17 Opo nee Omwene okwa lombwela nge: ‘Vo ova popya eendjovo da twa. 18 Omuxunganeki ngaashi ove Ame nda hala oku mu pendulila mokati kavakwao, ndele Ame handi ka tula eendjovo dange mokanya kaye, ndele Ye ote ke mu tongela adishe odo Ame ohandi mu lombwele. 19 Ndele omulumenhu ou ita dulika keendjovo dange, odo Ye te di tongo medina lange, Ame mwene ohandi ke mu twifa eemhata. 20 Ndelenee omuxunganeki ou te livondo okupopya sha medina lange, Ame nande inandi mu lombwela ile ta popi medina loikalunga imwe, omuxunganeki a tya ngaha e nokufya.’ 21 Ndele ove ngeenge to lipopile momwenyo woye, to ti: ‘Ohatu ka shiiva ngahelipi eendjovo dOmwene ine di popya?’ 22 Tala, u kale u shi shii: omuxunganeki ngeenge ta popi medina lOmwene ndele eendjovo tadi wanifwa, do itadi ka twa, hano eendjovo odo, Omwene ine di popya. Omuxunganeki okwe di popya nokuhe nohoni, ino mu tila.
