Ovafimaneki voikalunga nava handukilwe
1 “Omwene Kalunga koye ino mu yambela ongobe ile odi i noshipo shokolutu ile owii washa, osheshi sho oixuna koshipala shOmwene Kalunga koye.
2 “Mokati keni, meni leenhu doilando, oyo Omwene Kalunga koye te ku pe, ngeenge mu nomulumenhu ile omukainhu, ou ta longo sha showii momesho Omwene Kalunga koye, ta nyono po ehangano laye, 3 ndele ta i okulongela oikalunga imwe noku i linyongamena, ile etango ile ohani ile ongudu aishe yokeulu, Ame inandi shi tonga, 4 ndele eshi to shi hepaululilwa ndele ove to shi udu, opo nee ove u noku shi konakona shili. Ndele sho ngeenge oshoshili ndele ope nomalimbililo nokutya, oixuna i fike opo oya ningwa muIsrael, 5 ove u nokutwala omulumenhu ou ile omukainhu ou a ninga owii u fike opo, komesho yeenhu doye, omulumenhu ile omukainhu u mu dipae nomamanya. 6 Paundobwedi wovahepaululi vavali ile vatatu omutokolwa e nokudipawa. Ye aha dipawe pahepaululo lomuhepaululi umwe aeke. 7 Ovahepaululi nave mu yelulile tete omake avo oku mu dipaa po, opo nee omake ovanhu aveshe. Dima po owii mokati keni.
Ovatokoli veendjovo novakulunhu
8 “Ngeenge ope neendjovo deemhata ile dedipao, ile eemhata domapulafano oinima ile domahepekafano ile keshe eendjovo deemhata dopeenhu doye, ndele tadi ku nyenge oku di tokola, opo nee to fikama ndele to i konhele oyo tai ka hoololwa kOmwene Kalunga koye, 9 ndele u nokuya kovapristeli Ovalevi nokomutokoli ou e li po pefimbo olo. Va pula owino. Opo nee vo otave ku shiivifile etokolo. 10 Ndele ove u nokuninga patokolo lavo, vo ve li ku shiivifila monhele ei, Omwene te ke i hoolola, ndele ove u nokuninga naanaa ngaashi venya ve ku lombwela. 11 Pamhango vo tave i ku longo nopatokolo tave li ku lombwele, osho u nokuninga, ino yapuka nande kolulyo ile kolumosho meendjovo odo, vo tave di ku shiivifile. 12 Ndelenee omulumenhu ou ita dulika komupristeli, ou ta kala ofika mokulongela Omwene Kalunga koye ile kovatokoli, ye e nokufya. Ove u nokudima po owii muIsrael. 13 Noshiwana ashishe tashi ke shi uda nokutila ndele itashi kala nokuhadulika vali.
Omhango yeehamba
14 “Ove ngeenge to uya moshilongo, osho Omwene Kalunga koye te ke shi ku pa, ndele to shi nangala nokukala mo, ndele to ti: Ame nda hala okulihoololela ohamba ngaashi oiwana aishe ei tai tu dingilile, 15 opo nee ove u nokulihoololela ohamba ei Omwene Kalunga koye te i hoolola. Umwe womoovakweni u noku mu hoolola. Ino lihoololela omunailongo, ou ehe fi omukweni. 16 Ndelenee yo ihe likongele eenghambe dihapu, ndele inai shunifa ovanhu kuEgipiti, yo i likongele eenghambe dihapu, osheshi Omwene okwe mu lombwelele: Inamu shuna vali nande nondjila tuu ei. 17 Nosho yo ihe likongele ovalikadi vahapu, omwenyo waye uhe liteeke po. Yo ihe liongelele oshisiliveli noshingoldo shihapu unene. 18 Ndele yo ngeenge tai kala omutumba kolukalwapangelo layo, yo i nokulishangela omushangululwamhango womomhango ei womembo li li momake ovapristeli Ovalevi. 19 Ndele oo u nokukala puyo, ndele yo i noku u lesha omafiku aeshe omokukala kwayo, opo i shiive okutila Omwene Kalunga kayo omolweendjovo adishe domomhango ei nokudiinina eenghedimhango edi noku di wanifa, 20 opo omutima wayo uhe linenepekele vakwao ndele yo itai yapuka mo momhango nande kolulyo ile kolumosho, opo i hapupalife omafiku ayo novana vayo ovamati mouhamba wayo muIsrael.
Ovafimaneki voikalunga nava handukilwe
1 “Omwene Kalunga koye ino mu yambela ongobe ile odi i noshipo shokolutu ile owii washa, osheshi sho oixuna koshipala shOmwene Kalunga koye.
2 “Mokati keni, meni leenhu doilando, oyo Omwene Kalunga koye te ku pe, ngeenge mu nomulumenhu ile omukainhu, ou ta longo sha showii momesho Omwene Kalunga koye, ta nyono po ehangano laye, 3 ndele ta i okulongela oikalunga imwe noku i linyongamena, ile etango ile ohani ile ongudu aishe yokeulu, Ame inandi shi tonga, 4 ndele eshi to shi hepaululilwa ndele ove to shi udu, opo nee ove u noku shi konakona shili. Ndele sho ngeenge oshoshili ndele ope nomalimbililo nokutya, oixuna i fike opo oya ningwa muIsrael, 5 ove u nokutwala omulumenhu ou ile omukainhu ou a ninga owii u fike opo, komesho yeenhu doye, omulumenhu ile omukainhu u mu dipae nomamanya. 6 Paundobwedi wovahepaululi vavali ile vatatu omutokolwa e nokudipawa. Ye aha dipawe pahepaululo lomuhepaululi umwe aeke. 7 Ovahepaululi nave mu yelulile tete omake avo oku mu dipaa po, opo nee omake ovanhu aveshe. Dima po owii mokati keni.
Ovatokoli veendjovo novakulunhu
8 “Ngeenge ope neendjovo deemhata ile dedipao, ile eemhata domapulafano oinima ile domahepekafano ile keshe eendjovo deemhata dopeenhu doye, ndele tadi ku nyenge oku di tokola, opo nee to fikama ndele to i konhele oyo tai ka hoololwa kOmwene Kalunga koye, 9 ndele u nokuya kovapristeli Ovalevi nokomutokoli ou e li po pefimbo olo. Va pula owino. Opo nee vo otave ku shiivifile etokolo. 10 Ndele ove u nokuninga patokolo lavo, vo ve li ku shiivifila monhele ei, Omwene te ke i hoolola, ndele ove u nokuninga naanaa ngaashi venya ve ku lombwela. 11 Pamhango vo tave i ku longo nopatokolo tave li ku lombwele, osho u nokuninga, ino yapuka nande kolulyo ile kolumosho meendjovo odo, vo tave di ku shiivifile. 12 Ndelenee omulumenhu ou ita dulika komupristeli, ou ta kala ofika mokulongela Omwene Kalunga koye ile kovatokoli, ye e nokufya. Ove u nokudima po owii muIsrael. 13 Noshiwana ashishe tashi ke shi uda nokutila ndele itashi kala nokuhadulika vali.
Omhango yeehamba
14 “Ove ngeenge to uya moshilongo, osho Omwene Kalunga koye te ke shi ku pa, ndele to shi nangala nokukala mo, ndele to ti: Ame nda hala okulihoololela ohamba ngaashi oiwana aishe ei tai tu dingilile, 15 opo nee ove u nokulihoololela ohamba ei Omwene Kalunga koye te i hoolola. Umwe womoovakweni u noku mu hoolola. Ino lihoololela omunailongo, ou ehe fi omukweni. 16 Ndelenee yo ihe likongele eenghambe dihapu, ndele inai shunifa ovanhu kuEgipiti, yo i likongele eenghambe dihapu, osheshi Omwene okwe mu lombwelele: Inamu shuna vali nande nondjila tuu ei. 17 Nosho yo ihe likongele ovalikadi vahapu, omwenyo waye uhe liteeke po. Yo ihe liongelele oshisiliveli noshingoldo shihapu unene. 18 Ndele yo ngeenge tai kala omutumba kolukalwapangelo layo, yo i nokulishangela omushangululwamhango womomhango ei womembo li li momake ovapristeli Ovalevi. 19 Ndele oo u nokukala puyo, ndele yo i noku u lesha omafiku aeshe omokukala kwayo, opo i shiive okutila Omwene Kalunga kayo omolweendjovo adishe domomhango ei nokudiinina eenghedimhango edi noku di wanifa, 20 opo omutima wayo uhe linenepekele vakwao ndele yo itai yapuka mo momhango nande kolulyo ile kolumosho, opo i hapupalife omafiku ayo novana vayo ovamati mouhamba wayo muIsrael.
