Eelamba domoshikwatelwalamba
1 NOmwene okwa popya naMoses ndee ta ti: 2 “Lombwela Aron u tye kuye: Nye ngeenge tamu tenheke eelamba, eelamba heyali di nokuminikila ombinga yokomesho yoshikwatelwalamba.” 3 Ndele Aron osho a ninga: ye okwa tenheka eelamba kombinga yokomesho yoshikwatelwalamba, ngaashi Omwene a lombwela Moses. 4 Oshikwatelwalamba osha hambulwa ngaha: sho oshihambulwalonga shoshingoldo. Omhadi yasho yovene neenhemo dasho oda hambulwa; pafano Omwene e li ulikila Moses, osho ye a ninga oshikwatelwalamba.
Elifetifo lOvalevi
5 NOmwene okwa popya naMoses ndee ta ti: 6 “Ovalevi vomokati kovana vaIsrael, va tongola mo u va fetife. 7 Opo u va fetife u nokuninga navo ngaha: va shamina omeva okufeta po omanyonauno. Vo ove nokulikululifa noshimbi olutu alishe nokukosha oikutu yavo nokulifeta voovene. 8 Opo nee tava ka kufa ongobe onyasha yomhedi neendjayambo dayo nokutya, oufila wa nakwa ndele wa pilulilwa omaadi. Ndee vo ve nokukufa ongobe imwe yomhedi etimbayambo. 9 Ndele ove u noku ehenifa Ovalevi popepi komesho yetwali leongalo nokushiva eongalo alishe lovana vaIsrael. 10 Opo nee ove u nokweehenifa Ovalevi koshipala shOmwene novana vaIsrael ve nokutenheka omake avo kOvalevi. 11 Ndee Aron e nokudungadungifa Ovalevi koshipala shOmwene edungadungifwayambo ponhele yovana vaIsrael, opo venya va shiive okukala mo mokuyakula moilonga yOmwene. 12 NOvalevi ve nokutenheka omake avo komitwe deengobe deemhedi. Imwe u noku i yamba etimbayambo naikwao exwikiloyambo lOmwene, u kwatakanife Ovalevi. 13 Opo nee ove ho kaleke Ovalevi moipafi yaAron novana vaye ovamati ho va dungadungifile Omwene edungadungifwayambo. 14 Ndele Ovalevi u noku va tongola mo movana vaIsrael, opo Ovalevi va kale vange mwene.”
15 Opo nee Ovalevi ve nokuuya va yakule metwali leongalo. Osho ngaha hano u noku va fetifa noku va dungadungifa edungadungifwayambo. 16 Osheshi vo aveshe va yandjelwa nge va tongolwa mo movana vaIsrael ponhele yaaveshe ava hava yeulula oshidalelo shaina, ponhele yoiveli aishe yomovana vaIsrael, Ame onde ve likufila. 17 Shaashi oiveli aishe yovana vaIsrael noyoimuna oyange. Ame nde i liyapulila mefiku linya Ame nda dipaa oiveli yomoshilongo shaEgipiti. 18 Ndele Ovalevi Ame nde va kufa ponhele yoiveli aishe yovana vaIsrael, 19 nOvalevi nde va yandja, heeno, vo va yandjelwa Aron novana vaye ovamati mokati kovana vaIsrael, opo venya va wanife eyakulwalonga lovana vaIsrael metwali leongalo nokukwatakanifa ovana vaIsrael, paha holoke nande oshiponga mokati kovana vaIsrael, ovana vaIsrael eshi tave uya ketwali liyapuki.
20 Ndele Moses naAron neongalo alishe lovana vaIsrael va ningila Ovalevi naanaa Omwene ngaashi a lombwela Moses mokutonga Ovalevi. Osho hano ovana vaIsrael ve va ningila. 21 NOvalevi ove lifeta po omanyonauno avo ndele va kosha oikutu yavo, ndele Aron okwe va dungadungifila koshipala shOmwene edungadungifwayambo. Ndele Aron e va kwatakanifa, opo vo va yele. 22 Opo nee Ovalevi ve uya va ka longe eyakulwalonga lavo metwali leongalo moipafi yaAron novana vaye ovamati. Omwene ngaashi a lombwela Moses mokutonga Ovalevi, osho hano vo ve va ningila.
Omhango youlefimbo yOvalevi
23 NOmwene okwa lombwela Moses ndee ta ti: 24 “Hano odedi tadi tongo Ovalevi: Ye eshi a wanifa omido omilongo mbali nanhano ile a koya po, e nokuuya a ka wanife oiwanifwalonga yaye meyakulwalonga lometwali leongalo. 25 Ndelenee ngeenge a wanifa omido omilongo nhano, e nokumangululwa mokulonga ndee ina longa vali. 26 Oye na yakulile vakwao metwali liyapuki moilonga yavo. Oilonga yoovene ke noku i longa. Hano osho ngaha u nokuyukifila Ovalevi oilonga yavo.”
Eelamba domoshikwatelwalamba
1 NOmwene okwa popya naMoses ndee ta ti: 2 “Lombwela Aron u tye kuye: Nye ngeenge tamu tenheke eelamba, eelamba heyali di nokuminikila ombinga yokomesho yoshikwatelwalamba.” 3 Ndele Aron osho a ninga: ye okwa tenheka eelamba kombinga yokomesho yoshikwatelwalamba, ngaashi Omwene a lombwela Moses. 4 Oshikwatelwalamba osha hambulwa ngaha: sho oshihambulwalonga shoshingoldo. Omhadi yasho yovene neenhemo dasho oda hambulwa; pafano Omwene e li ulikila Moses, osho ye a ninga oshikwatelwalamba.
Elifetifo lOvalevi
5 NOmwene okwa popya naMoses ndee ta ti: 6 “Ovalevi vomokati kovana vaIsrael, va tongola mo u va fetife. 7 Opo u va fetife u nokuninga navo ngaha: va shamina omeva okufeta po omanyonauno. Vo ove nokulikululifa noshimbi olutu alishe nokukosha oikutu yavo nokulifeta voovene. 8 Opo nee tava ka kufa ongobe onyasha yomhedi neendjayambo dayo nokutya, oufila wa nakwa ndele wa pilulilwa omaadi. Ndee vo ve nokukufa ongobe imwe yomhedi etimbayambo. 9 Ndele ove u noku ehenifa Ovalevi popepi komesho yetwali leongalo nokushiva eongalo alishe lovana vaIsrael. 10 Opo nee ove u nokweehenifa Ovalevi koshipala shOmwene novana vaIsrael ve nokutenheka omake avo kOvalevi. 11 Ndee Aron e nokudungadungifa Ovalevi koshipala shOmwene edungadungifwayambo ponhele yovana vaIsrael, opo venya va shiive okukala mo mokuyakula moilonga yOmwene. 12 NOvalevi ve nokutenheka omake avo komitwe deengobe deemhedi. Imwe u noku i yamba etimbayambo naikwao exwikiloyambo lOmwene, u kwatakanife Ovalevi. 13 Opo nee ove ho kaleke Ovalevi moipafi yaAron novana vaye ovamati ho va dungadungifile Omwene edungadungifwayambo. 14 Ndele Ovalevi u noku va tongola mo movana vaIsrael, opo Ovalevi va kale vange mwene.”
15 Opo nee Ovalevi ve nokuuya va yakule metwali leongalo. Osho ngaha hano u noku va fetifa noku va dungadungifa edungadungifwayambo. 16 Osheshi vo aveshe va yandjelwa nge va tongolwa mo movana vaIsrael ponhele yaaveshe ava hava yeulula oshidalelo shaina, ponhele yoiveli aishe yomovana vaIsrael, Ame onde ve likufila. 17 Shaashi oiveli aishe yovana vaIsrael noyoimuna oyange. Ame nde i liyapulila mefiku linya Ame nda dipaa oiveli yomoshilongo shaEgipiti. 18 Ndele Ovalevi Ame nde va kufa ponhele yoiveli aishe yovana vaIsrael, 19 nOvalevi nde va yandja, heeno, vo va yandjelwa Aron novana vaye ovamati mokati kovana vaIsrael, opo venya va wanife eyakulwalonga lovana vaIsrael metwali leongalo nokukwatakanifa ovana vaIsrael, paha holoke nande oshiponga mokati kovana vaIsrael, ovana vaIsrael eshi tave uya ketwali liyapuki.
20 Ndele Moses naAron neongalo alishe lovana vaIsrael va ningila Ovalevi naanaa Omwene ngaashi a lombwela Moses mokutonga Ovalevi. Osho hano ovana vaIsrael ve va ningila. 21 NOvalevi ove lifeta po omanyonauno avo ndele va kosha oikutu yavo, ndele Aron okwe va dungadungifila koshipala shOmwene edungadungifwayambo. Ndele Aron e va kwatakanifa, opo vo va yele. 22 Opo nee Ovalevi ve uya va ka longe eyakulwalonga lavo metwali leongalo moipafi yaAron novana vaye ovamati. Omwene ngaashi a lombwela Moses mokutonga Ovalevi, osho hano vo ve va ningila.
Omhango youlefimbo yOvalevi
23 NOmwene okwa lombwela Moses ndee ta ti: 24 “Hano odedi tadi tongo Ovalevi: Ye eshi a wanifa omido omilongo mbali nanhano ile a koya po, e nokuuya a ka wanife oiwanifwalonga yaye meyakulwalonga lometwali leongalo. 25 Ndelenee ngeenge a wanifa omido omilongo nhano, e nokumangululwa mokulonga ndee ina longa vali. 26 Oye na yakulile vakwao metwali liyapuki moilonga yavo. Oilonga yoovene ke noku i longa. Hano osho ngaha u nokuyukifila Ovalevi oilonga yavo.”
