Ovafilisti tava kwata ko oshikefa shehangano, nefyo laEli novana vaye
1 Nondjovo yaSamuel ya ya kuIsrael ashishe. NOvaisraeli va fikama va homone Ovafilisti ndele va onga onhanda puEben-Eser, ndelenee Ovafilisti va onga onhanda puAfek. 2 Ovafilisti eshi va tanda ombinga ve ke lidenge nOvaisraeli, nolwoodi la li linene, Ovaisraeli va tewa kOvafilisti. Ndele va dipaa monhele yolwoodi ovalumenhu ve fike ngeno pomayovi ane. 3 Ovakwaita fimbo tave uya monhanda, ovakulunhu vOvaisraeli tava ti: Omolwashike Omwene e tu taataifa nena kOvafilisti? Natu ka taleni oshikefa shehangano shOmwene muSilo shi kale mokati ketu ndele tashi tu xupifa momake ovatondadi vetu. 4 Opo nee ovakwaita va tuma ko kuSilo, ndele va eta ko oshikefa shehangano lOmwene womatanga ovakwaita, ou ta kala kombada yovakerubi. Novana ovamati vavali vaEli, Hofni naPinehas, va li poshikefa shehangano laKalunga. 5 Ndele nee oshikefa shehangano lOmwene eshi she uya monhanda, Ovaisraeli aveshe va yelula ondaka tava ingida va hafa, nedu la kakama. 6 NOvafilisti va uda ondaka yehafo ndee tava ti: “Ondaka inene yeuyaano tai udika monhanda yOvaheberi oyashike?” Opo nee va shiivifilwa nokutya, oshikefa shOmwene she uya monhanda, 7 nOvafilisti va tila, osheshi va tya: “Kalunga e uya monhanda! Woo fye, osheshi oshinima sha tya ngaha inashi ningwa shito. 8 Woo fye! Olyelye te ke tu xupifa momake oikalunga ei oinaenghono? Oikalunga oyo tuu oyo ya hepeka Ovaegipiti mombuwa noiponga i lili nai lili. 9 Nye Ovafilisti, kaleni mwa nyatipala, kaleni ngaashi ovalumenhweelela, nye muha longele kaude Ovaheberi, ngaashi vo ve tu longela. Kaleni hano nokulwa ngaashi ovalumenhweelela!” 10 Opo nee Ovafilisti va lwa, nOvaisraeli va tewa fiyo va ya onhapo, keshe umwe kofaila yaye. Nolwoodi la li linene shili. Ovakwaita voposhi Ovaisraeli omayovi omilongo nhatu va dipawa. 11 Oshikefa shaKalunga sha iwa yo nasho, novana ovamati vavali vaEli, Hofni naPinehas, va dipawa.
12 Opo nee Omubenjamin umwe a dja monhele yolwoodi nokwa tondoka ndele ta fiki efiku tuu olo kuSilo, oikutu ya pombauka nedu komutwe waye. 13 Fimbo ye te uya, Eli okwa li omutumba kolukalwa pondjila ndele ta tale, osheshi okwa li e noshisho shoshikefa shaKalunga. Nomulumenhu e uya ndele ta hepaulula moshilando osho sha ningwa, noshilando ashishe sha weelela. 14 Eli eshi a uda ondaka yeweelelo, ye ta ti: “Eweelelo olo olashike?” Nomulumenhu e uya diva ndele te shi lombwele Eli. 15 Omido daEli da li 98, nomesho aye a kulupa, ye ke wete ko vali. 16 Nomulumenhu okwa lombwela Eli: “Ame nda dja konhele yolwoodi. Heeno, onena eli nda dja onhapo konhele yolwoodi.” Ndele ye ota pula: “Omumwange, oshike sha ningwa ko?” 17 Nomutumwa okwa nyamukula ta ti: “Ovaisraeli va tewatewa kOvafilisti, ndele ovakwaita vahapu va dipawa, novana voye vavali, Hofni naPinehas, va dipawa yo, noshikefa shaKalunga sha iwa nasho.” 18 Naanaa winya eshi ta hepaulula ta tongo oshikefa shaKalunga, Eli okwa wa ongali konima kolukalwa poshivelo, ta teka ofingo ndele ta fi, osheshi ye okwa li omulumenhu munene nomudjuu. Ndele ye a pangela Israel omido omilongo nhee. 19 Ndele oshitenya shaye, omwalikadi waPinehas, okwa li popepi nokudala. Ye eshi a uda eenghundana nokutya, oshikefa shaKalunga osha iwa nasho naxemweno nomulumenhu waye va fya, ye okwa wila poshi ndele ta dala, osheshi efeto ledimo le mu hanga. 20 Ndele fimbo e li pokufya, ovakainhu ava va li ofika puye, tava ti: “Ino tila, osheshi owa dala okaana okalume.” Ndelenee ye ine shi yavala, 21 ndelenee okwa luka okaana okalume Ikabod ndele ta ti: “Efimano laIsrael la xula po!” Ye a diladila okwiiwa nako kwoshikefa shaKalunga naxemweno nomulumenhu waye. 22 Ndele okwa tya: “Efimano laIsrael la xula, osheshi oshikefa shaKalunga sha iwa nasho.”
Ovafilisti tava kwata ko oshikefa shehangano, nefyo laEli novana vaye
1 Nondjovo yaSamuel ya ya kuIsrael ashishe. NOvaisraeli va fikama va homone Ovafilisti ndele va onga onhanda puEben-Eser, ndelenee Ovafilisti va onga onhanda puAfek. 2 Ovafilisti eshi va tanda ombinga ve ke lidenge nOvaisraeli, nolwoodi la li linene, Ovaisraeli va tewa kOvafilisti. Ndele va dipaa monhele yolwoodi ovalumenhu ve fike ngeno pomayovi ane. 3 Ovakwaita fimbo tave uya monhanda, ovakulunhu vOvaisraeli tava ti: Omolwashike Omwene e tu taataifa nena kOvafilisti? Natu ka taleni oshikefa shehangano shOmwene muSilo shi kale mokati ketu ndele tashi tu xupifa momake ovatondadi vetu. 4 Opo nee ovakwaita va tuma ko kuSilo, ndele va eta ko oshikefa shehangano lOmwene womatanga ovakwaita, ou ta kala kombada yovakerubi. Novana ovamati vavali vaEli, Hofni naPinehas, va li poshikefa shehangano laKalunga. 5 Ndele nee oshikefa shehangano lOmwene eshi she uya monhanda, Ovaisraeli aveshe va yelula ondaka tava ingida va hafa, nedu la kakama. 6 NOvafilisti va uda ondaka yehafo ndee tava ti: “Ondaka inene yeuyaano tai udika monhanda yOvaheberi oyashike?” Opo nee va shiivifilwa nokutya, oshikefa shOmwene she uya monhanda, 7 nOvafilisti va tila, osheshi va tya: “Kalunga e uya monhanda! Woo fye, osheshi oshinima sha tya ngaha inashi ningwa shito. 8 Woo fye! Olyelye te ke tu xupifa momake oikalunga ei oinaenghono? Oikalunga oyo tuu oyo ya hepeka Ovaegipiti mombuwa noiponga i lili nai lili. 9 Nye Ovafilisti, kaleni mwa nyatipala, kaleni ngaashi ovalumenhweelela, nye muha longele kaude Ovaheberi, ngaashi vo ve tu longela. Kaleni hano nokulwa ngaashi ovalumenhweelela!” 10 Opo nee Ovafilisti va lwa, nOvaisraeli va tewa fiyo va ya onhapo, keshe umwe kofaila yaye. Nolwoodi la li linene shili. Ovakwaita voposhi Ovaisraeli omayovi omilongo nhatu va dipawa. 11 Oshikefa shaKalunga sha iwa yo nasho, novana ovamati vavali vaEli, Hofni naPinehas, va dipawa.
12 Opo nee Omubenjamin umwe a dja monhele yolwoodi nokwa tondoka ndele ta fiki efiku tuu olo kuSilo, oikutu ya pombauka nedu komutwe waye. 13 Fimbo ye te uya, Eli okwa li omutumba kolukalwa pondjila ndele ta tale, osheshi okwa li e noshisho shoshikefa shaKalunga. Nomulumenhu e uya ndele ta hepaulula moshilando osho sha ningwa, noshilando ashishe sha weelela. 14 Eli eshi a uda ondaka yeweelelo, ye ta ti: “Eweelelo olo olashike?” Nomulumenhu e uya diva ndele te shi lombwele Eli. 15 Omido daEli da li 98, nomesho aye a kulupa, ye ke wete ko vali. 16 Nomulumenhu okwa lombwela Eli: “Ame nda dja konhele yolwoodi. Heeno, onena eli nda dja onhapo konhele yolwoodi.” Ndele ye ota pula: “Omumwange, oshike sha ningwa ko?” 17 Nomutumwa okwa nyamukula ta ti: “Ovaisraeli va tewatewa kOvafilisti, ndele ovakwaita vahapu va dipawa, novana voye vavali, Hofni naPinehas, va dipawa yo, noshikefa shaKalunga sha iwa nasho.” 18 Naanaa winya eshi ta hepaulula ta tongo oshikefa shaKalunga, Eli okwa wa ongali konima kolukalwa poshivelo, ta teka ofingo ndele ta fi, osheshi ye okwa li omulumenhu munene nomudjuu. Ndele ye a pangela Israel omido omilongo nhee. 19 Ndele oshitenya shaye, omwalikadi waPinehas, okwa li popepi nokudala. Ye eshi a uda eenghundana nokutya, oshikefa shaKalunga osha iwa nasho naxemweno nomulumenhu waye va fya, ye okwa wila poshi ndele ta dala, osheshi efeto ledimo le mu hanga. 20 Ndele fimbo e li pokufya, ovakainhu ava va li ofika puye, tava ti: “Ino tila, osheshi owa dala okaana okalume.” Ndelenee ye ine shi yavala, 21 ndelenee okwa luka okaana okalume Ikabod ndele ta ti: “Efimano laIsrael la xula po!” Ye a diladila okwiiwa nako kwoshikefa shaKalunga naxemweno nomulumenhu waye. 22 Ndele okwa tya: “Efimano laIsrael la xula, osheshi oshikefa shaKalunga sha iwa nasho.”
