Odjuulufi yokuya meulu
1 Osheshi otu shi shii, olutu letu, etwali eli lopedu, ngeenge tali hanaunwa po, fye otu netungaumbo kuKalunga, eumbo laalushe meulu, inali tungwa nomake. 2 Onghee hano hatu keme nokudjuulukwa fye tu dikwe eumbo ekwaulu, 3 osheshi ngeenge twe li dikwa, itatu monika tu li hamunghele. 4 Osheshi ofye ava tu li natango metwali eli, ohatu keme tu noudjuu, osheshi inatu hala okudulwa, ndelenee okudjalekwa tuu, opo eshi shi nokufya shi ponwe po komwenyo. 5 Ndelenee ou e tu longekidila oshinima eshi, Oye Kalunga, ou e tu pa ombabyona yOmhepo.
6 Onghee otu neyombamo alushe ndele otu shi shii, fimbo tu li mombuletu, molutu eli letu, katu li mOmwene, 7 osheshi ohatu ende meitavelo, hamokumona, 8 ndelenee fye otu neyombamo shili notwa djuulukwa okutembuka mo molutu nokufika mombuletu kOmwene. 9 Onghee hano otwa hala oku mu wapalela ngeenge tu li mombuletu ile katu mo. 10 Osheshi ofyeni atusheni tu nokuholoka kolukalwatokolo laKristus, opo keshe tuu ou a pewe osho e shi longa molutu, ngeenge ouwa ile owii.
Eudifo lekwatakanifo
11 Hano etilo lOmwene eshi tu li shii, ohatu kendabala okwiitavelifa ovanhu, ndelenee kuKalunga otwa shiivika nawa; ndele ondi neteelelo nokutya, nanye yo omu tu shii momaliudo eni. 12 Osheshi ihatu lihokwifa fye vene kunye, ndelenee otwa hala tu mu pe omhito mu litange molwetu, nye mu kale mu na sha okutomhifa venya have litangele osho hashi monika nomesho, hasheshi shi li momutima. 13 Osheshi ngeenge otwa li twa piyaana, otwe shi ninga omolwaKalunga; ndele ngeenge otu nombili otu i kwete molweni. 14 Osheshi ohole yaKristus otai tu fininike ofye ava twa tokola ngaha: umwe okwa fya omolwaaveshe, hano aveshe ova fya; 15 ndele Oye okwa fya ponhele yaaveshe, opo ovo ve nomwenyo vehe likalele vali voovene, ndelenee Oye ou e va fila nokwe va nyumukila.
16 Onghee hano mokudja paife kape na ou tu mu shii pambelela; nonande twa li twa shiiva Kristus pambelela, katu mu shii vali ngaha. 17 Hano ngeenge ope na ou e li muKristus, oye omushitwa mupe; eshi shikulu osha xula po, tala, aishe ya ninga ipe. 18 Ndelenee ashishe eshi tashi di muKalunga, ou e tu hanganifa naye mwene muKristus nokwe tu pa oshilongayakulo shehanganifo. 19 Osheshi Kalunga okwa kala muKristus nokwa hanganifa ounyuni naye mwene, ndele ine va valulila omatauluko avo, ndele okwe tu pa ondjovo yehanganifo.
20 Ponhele yaKristus ofye hano ovatumwa, ndele Kalunga ote tu kumaidifa. Ponhele yaKristus ohatu mu ilikana: Itaveleni mu hanganifwe naKalunga. 21 Oye ou ina shiiva nande oulunde, okwe mu ninga oulunde molwetu, opo tu ninge ouyuki waKalunga muye.
Odjuulufi yokuya meulu
1 Osheshi otu shi shii, olutu letu, etwali eli lopedu, ngeenge tali hanaunwa po, fye otu netungaumbo kuKalunga, eumbo laalushe meulu, inali tungwa nomake. 2 Onghee hano hatu keme nokudjuulukwa fye tu dikwe eumbo ekwaulu, 3 osheshi ngeenge twe li dikwa, itatu monika tu li hamunghele. 4 Osheshi ofye ava tu li natango metwali eli, ohatu keme tu noudjuu, osheshi inatu hala okudulwa, ndelenee okudjalekwa tuu, opo eshi shi nokufya shi ponwe po komwenyo. 5 Ndelenee ou e tu longekidila oshinima eshi, Oye Kalunga, ou e tu pa ombabyona yOmhepo.
6 Onghee otu neyombamo alushe ndele otu shi shii, fimbo tu li mombuletu, molutu eli letu, katu li mOmwene, 7 osheshi ohatu ende meitavelo, hamokumona, 8 ndelenee fye otu neyombamo shili notwa djuulukwa okutembuka mo molutu nokufika mombuletu kOmwene. 9 Onghee hano otwa hala oku mu wapalela ngeenge tu li mombuletu ile katu mo. 10 Osheshi ofyeni atusheni tu nokuholoka kolukalwatokolo laKristus, opo keshe tuu ou a pewe osho e shi longa molutu, ngeenge ouwa ile owii.
Eudifo lekwatakanifo
11 Hano etilo lOmwene eshi tu li shii, ohatu kendabala okwiitavelifa ovanhu, ndelenee kuKalunga otwa shiivika nawa; ndele ondi neteelelo nokutya, nanye yo omu tu shii momaliudo eni. 12 Osheshi ihatu lihokwifa fye vene kunye, ndelenee otwa hala tu mu pe omhito mu litange molwetu, nye mu kale mu na sha okutomhifa venya have litangele osho hashi monika nomesho, hasheshi shi li momutima. 13 Osheshi ngeenge otwa li twa piyaana, otwe shi ninga omolwaKalunga; ndele ngeenge otu nombili otu i kwete molweni. 14 Osheshi ohole yaKristus otai tu fininike ofye ava twa tokola ngaha: umwe okwa fya omolwaaveshe, hano aveshe ova fya; 15 ndele Oye okwa fya ponhele yaaveshe, opo ovo ve nomwenyo vehe likalele vali voovene, ndelenee Oye ou e va fila nokwe va nyumukila.
16 Onghee hano mokudja paife kape na ou tu mu shii pambelela; nonande twa li twa shiiva Kristus pambelela, katu mu shii vali ngaha. 17 Hano ngeenge ope na ou e li muKristus, oye omushitwa mupe; eshi shikulu osha xula po, tala, aishe ya ninga ipe. 18 Ndelenee ashishe eshi tashi di muKalunga, ou e tu hanganifa naye mwene muKristus nokwe tu pa oshilongayakulo shehanganifo. 19 Osheshi Kalunga okwa kala muKristus nokwa hanganifa ounyuni naye mwene, ndele ine va valulila omatauluko avo, ndele okwe tu pa ondjovo yehanganifo.
20 Ponhele yaKristus ofye hano ovatumwa, ndele Kalunga ote tu kumaidifa. Ponhele yaKristus ohatu mu ilikana: Itaveleni mu hanganifwe naKalunga. 21 Oye ou ina shiiva nande oulunde, okwe mu ninga oulunde molwetu, opo tu ninge ouyuki waKalunga muye.
