Isboset ta dipawa novadipai tava endjelelekwa
1 Omona waSaul, Isboset, eshi a uda nokutya Abner a fya muHebron, omake aye a tyololoka nOvaisraeli aveshe va haluka. 2 Nomona waSaul okwa li e novalumenhu vavali ovakulunhu vomatanga ovakwaita. Edina laumwe la li Baana, nedina lomukwao la li Rekab yaRimmon, Omubeerot womovana vaBenjamin, osheshi Beerot sha valulilwa yo moshitukulwalongo shaBenjamin. 3 NOvabeerot va ya onhapo kuGittaim ndele va kala ngaashi ovanailongo fiyo onena eli.
4 Ndele Jonatan yaSaul okwa li e nomona omumati, a lemana omaulu aye aeshe avali. Omido daye da li nhano eenghundana eshi de uya, da dja muJisreel tadi tongo Saul naJonatan. Omuleli waye e mu kufa nokwa ya onhapo, ndelenee fimbo ta i onhapo nokweendelela, okaana ka wila po noka ninga oshingudu. Nedina lako la li Mefiboset.
5 Ndele Rekab naBaana, ovana ovamati vaRimmon, Omubeerot, va ya ndele ve uya keumbo laIsboset moshanga shomutenya, fimbo ye a nangala a omba. 6 Ndele vo ove uya fiyo omeni leumbo va fa tava ka konga oilya, ndele ve mu twa medimo. Ndele Rekab nomumwaina Baana va faduka po. 7 Vo ova ya meumbo laye fimbo ye ta nangala mombete yaye monduda yokunangala, ndele ve mu dipaa ndele va teta ko omutwe waye, ndele tava ende oufiku aushe nondjila yomoluhaela, 8 ndele va etela David muHebron omutwe waIsboset ndele tava ti kohamba: Omutwe ou owaIsboset yaSaul, omutondadi woye, ou a konga omwenyo woye. Ndelenee nena eli Omwene okwa handukila Saul noludalo laye ponhele yomwene wange. 9 Ndelenee David okwa nyamukula Rekab nomumwaina Baana yaRimmon, Omubeerot ndele ta ti: “Oshili, ngaashi Omwene e nomwenyo, ou a xupifa omwenyo wange moudjuu aushe, 10 ou a etela nge ondaka nokwa tya: ‘Tala, Saul okwa fya.’ Fimbo ye a li a diladila ye omweeti wondaka iwa, nde mu kwata ndele nde mu dipaa muSiklag, nde mu futa ondjabi yomutumwa, 11 unene hano paife ovanhu ovakolokoshi, eshi va dipaa omulumenhu omuyuki meumbo laye mombete yaye, ame ndi kale mbela ihandi pula ohonde yaye momake eni ndi mu kombe po kombada yedu?” 12 Opo nee David a lombwela ovamati ndele vo ve va dipaa ndele va teta ko omake neemhadi davo ndele ve va endjelelifa petale laHebron. Ndele omutwe waIsboset ve u kufa po ndele ve u paka mombila yaAbner muHebron.
Isboset ta dipawa novadipai tava endjelelekwa
1 Omona waSaul, Isboset, eshi a uda nokutya Abner a fya muHebron, omake aye a tyololoka nOvaisraeli aveshe va haluka. 2 Nomona waSaul okwa li e novalumenhu vavali ovakulunhu vomatanga ovakwaita. Edina laumwe la li Baana, nedina lomukwao la li Rekab yaRimmon, Omubeerot womovana vaBenjamin, osheshi Beerot sha valulilwa yo moshitukulwalongo shaBenjamin. 3 NOvabeerot va ya onhapo kuGittaim ndele va kala ngaashi ovanailongo fiyo onena eli.
4 Ndele Jonatan yaSaul okwa li e nomona omumati, a lemana omaulu aye aeshe avali. Omido daye da li nhano eenghundana eshi de uya, da dja muJisreel tadi tongo Saul naJonatan. Omuleli waye e mu kufa nokwa ya onhapo, ndelenee fimbo ta i onhapo nokweendelela, okaana ka wila po noka ninga oshingudu. Nedina lako la li Mefiboset.
5 Ndele Rekab naBaana, ovana ovamati vaRimmon, Omubeerot, va ya ndele ve uya keumbo laIsboset moshanga shomutenya, fimbo ye a nangala a omba. 6 Ndele vo ove uya fiyo omeni leumbo va fa tava ka konga oilya, ndele ve mu twa medimo. Ndele Rekab nomumwaina Baana va faduka po. 7 Vo ova ya meumbo laye fimbo ye ta nangala mombete yaye monduda yokunangala, ndele ve mu dipaa ndele va teta ko omutwe waye, ndele tava ende oufiku aushe nondjila yomoluhaela, 8 ndele va etela David muHebron omutwe waIsboset ndele tava ti kohamba: Omutwe ou owaIsboset yaSaul, omutondadi woye, ou a konga omwenyo woye. Ndelenee nena eli Omwene okwa handukila Saul noludalo laye ponhele yomwene wange. 9 Ndelenee David okwa nyamukula Rekab nomumwaina Baana yaRimmon, Omubeerot ndele ta ti: “Oshili, ngaashi Omwene e nomwenyo, ou a xupifa omwenyo wange moudjuu aushe, 10 ou a etela nge ondaka nokwa tya: ‘Tala, Saul okwa fya.’ Fimbo ye a li a diladila ye omweeti wondaka iwa, nde mu kwata ndele nde mu dipaa muSiklag, nde mu futa ondjabi yomutumwa, 11 unene hano paife ovanhu ovakolokoshi, eshi va dipaa omulumenhu omuyuki meumbo laye mombete yaye, ame ndi kale mbela ihandi pula ohonde yaye momake eni ndi mu kombe po kombada yedu?” 12 Opo nee David a lombwela ovamati ndele vo ve va dipaa ndele va teta ko omake neemhadi davo ndele ve va endjelelifa petale laHebron. Ndele omutwe waIsboset ve u kufa po ndele ve u paka mombila yaAbner muHebron.
