Ekengelelo lOvagibeon
1 Ndele eehamba adishe odo da kala mouninginino waJordan, keemhunda nokepumbu nomomunghulo aushe wEfuta Lopokati kombinga yokuLibanon nokutya, Ovaheti, Ovaamori, Ovakaanan, Ovaperesi, Ovahevi nOvajebusi, eshi ve shi uda, 2 ova ongala kumwe va ka lwife Josua naIsrael ngaashi omulumenhu umwe.
3 Ndelenee oonakukalamo muGibeon, eshi va uda eshi Josua a ningila Jeriko naAi, 4 navo yo ova kengelela: vo ova ya ve liningifa ovatumwa ndele va mangela keendongi omakutu a kulupa nomakutu a kulupa omaviinyu aa a pombauka ndele a vandekwa, 5 ndele va djala keemhadi davo eenghaku da kulupa da vandekwa nokomalutu avo oikutu ya kulupa. Nomingome davo adishe nonghuta oda kukuta noda ninga oupambu. 6 Osho ngaha ova ya kuJosua konhanda yomuGilgal ndele va lombwela Josua novalumenhu vaIsrael ndele tava ti: “Fye ohatu di koshilongo shokokule. Ninga paife ehangano nafye.” 7 Ndelenee ovalumenhu vaIsrael va lombwela Ovahevi: “Kashiimba tamu kala mokati ketu, ohatu dulu ngahelipi okuninga ehangano nanye?” 8 Opo nee vo va lombwela Josua: “Fye ovapiya voye!” Opo nee Josua okwe va pula ta ti: “Onye oolyelye, otamu di peni?” 9 Ndele vo ove mu lombwela: “Ovapiya voye otava di moshilongo shokokule unene omolwedina lOmwene Kalunga koye. Osheshi fye otwa uda eenghundana daye naashishe Ye e shi ningile muEgipiti, 10 naashishe Ye e shi ningila eehamba odo mbali dOvaamori langhele kwinya yaJordan nokutya, Sihon, ohamba yaHesbon, naOg, ohamba yaBasan, ei ya li muAstarot. 11 Onghee hano ovakulunhu vetu noonakukalamo aveshe vomoshilongo shetu va popya nafye ndele tava ti: Kufeni onghuta, indeni mu ke va shakeneke ndele va lombweleni: Fye ovapiya veni, ningeni hano paife ehangano nafye. 12 Tala, omungome wetu, oo wa li upyu, eshi twe u kufa onghuta momaumbo etu, eshi twa fikama tu uye kunye, ndelenee tala, paife oo wa kukuta ndele wa ninga oupambu. 13 Nomakutu omaviinyu aa a li mape, eshi twe a yadifa, ndelenee tala, oyaa a pombauka. Noikutu ei yetu neenghaku detu, oda kulupa omolwolweendo lile unene.” 14 Opo nee ovalumenhu va kufa monghuta yavo. Ndelenee vo inava pula omayele kOmwene. 15 Ndele Josua okwa panga ombili navo nokwa ninga ehangano navo, nokutya ye e va efa va kale nomwenyo. Novakulunhu veongalo ove shi va udanekela nokwaana.
16 Ndelenee omafiku atatu eshi a pita, ehangano navo eshi la ningwa, ovanhu va uda nokutya, venya ohava kala moushiinda wavo nomokati kavo. 17 Osheshi ovana vaIsrael ova dja po ndele va fika koilando yaavenya mefiku etitatu. Oilando yaavenya ya li: Gibeon naKefira naBeerot naKiriat-Jearim. 18 Ndelenee ovana vaIsrael inave va dipaa, osheshi ovakulunhu veongalo ve va anena kOmwene Kalunga kaIsrael. Eongalo alishe ola ngongotela ovakulunhu. 19 Opo nee ovakulunhu aveshe va lombwela eongalo alishe: “Fye vene twe va anena kOmwene Kalunga kaIsrael. Onghee ihatu dulu oku va kuma paife. 20 Ndelenee natu va ningeni ngaha, fye eshi twe va efa va kale nomwenyo, opo ehandu lihe tu hange molweano twe li va anena. 21 Novakulunhu ve va tonga, tava ti: Nava kale nomwenyo, ndelenee nava ninge ovatyavi voikuni novateki vomeva keongalo alishe,” ovakulunhu ngaashi ve va lombwelela. 22 Opo nee Josua e va shiva ndele a tonga navo ndele ta ti: “Omolwashike nye mwe tu kengelela eshi mwe tu lombwela: Fye ohatu kala kokule nanye, nande tamu kala mokati ketu? 23 Hano paife nye mwa tulwa omutima! Ndele fiyo alushe tamu ka kala okulongela ongulu yaKalunga kange, ovapiya ovatyavi voikuni novateki vomeva.” 24 Opo nee va nyamukula Josua ndele tava ti: “Ovapiya voye va hepaululilwa nokutya, Omwene Kalunga koye a lombwela Moses, omupiya waye, e mu pe edu alishe eli nokuhanauna po oonakukalamo aveshe komesho yeni, onghee hano fye otwa li twe mu tila unene molwokukalamwenyo kwetu ndele twa ninga oshinima eshi. 25 Ndelenee apa tu li po hano momake oye, tu ningila hano osho shiwa nosha yuka momesho oye.” 26 Ye osho e va ningila nokwe va xupifa momake ovana vaIsrael vo vehe va dipae po. 27 Osho ngaha hano Josua e va ninga ovatyavi voikuni novateki vomeva keongalo nokoaltari yOmwene fiyo onena eli monhele tuu oyo Ye e nokuhoolola.
Ekengelelo lOvagibeon
1 Ndele eehamba adishe odo da kala mouninginino waJordan, keemhunda nokepumbu nomomunghulo aushe wEfuta Lopokati kombinga yokuLibanon nokutya, Ovaheti, Ovaamori, Ovakaanan, Ovaperesi, Ovahevi nOvajebusi, eshi ve shi uda, 2 ova ongala kumwe va ka lwife Josua naIsrael ngaashi omulumenhu umwe.
3 Ndelenee oonakukalamo muGibeon, eshi va uda eshi Josua a ningila Jeriko naAi, 4 navo yo ova kengelela: vo ova ya ve liningifa ovatumwa ndele va mangela keendongi omakutu a kulupa nomakutu a kulupa omaviinyu aa a pombauka ndele a vandekwa, 5 ndele va djala keemhadi davo eenghaku da kulupa da vandekwa nokomalutu avo oikutu ya kulupa. Nomingome davo adishe nonghuta oda kukuta noda ninga oupambu. 6 Osho ngaha ova ya kuJosua konhanda yomuGilgal ndele va lombwela Josua novalumenhu vaIsrael ndele tava ti: “Fye ohatu di koshilongo shokokule. Ninga paife ehangano nafye.” 7 Ndelenee ovalumenhu vaIsrael va lombwela Ovahevi: “Kashiimba tamu kala mokati ketu, ohatu dulu ngahelipi okuninga ehangano nanye?” 8 Opo nee vo va lombwela Josua: “Fye ovapiya voye!” Opo nee Josua okwe va pula ta ti: “Onye oolyelye, otamu di peni?” 9 Ndele vo ove mu lombwela: “Ovapiya voye otava di moshilongo shokokule unene omolwedina lOmwene Kalunga koye. Osheshi fye otwa uda eenghundana daye naashishe Ye e shi ningile muEgipiti, 10 naashishe Ye e shi ningila eehamba odo mbali dOvaamori langhele kwinya yaJordan nokutya, Sihon, ohamba yaHesbon, naOg, ohamba yaBasan, ei ya li muAstarot. 11 Onghee hano ovakulunhu vetu noonakukalamo aveshe vomoshilongo shetu va popya nafye ndele tava ti: Kufeni onghuta, indeni mu ke va shakeneke ndele va lombweleni: Fye ovapiya veni, ningeni hano paife ehangano nafye. 12 Tala, omungome wetu, oo wa li upyu, eshi twe u kufa onghuta momaumbo etu, eshi twa fikama tu uye kunye, ndelenee tala, paife oo wa kukuta ndele wa ninga oupambu. 13 Nomakutu omaviinyu aa a li mape, eshi twe a yadifa, ndelenee tala, oyaa a pombauka. Noikutu ei yetu neenghaku detu, oda kulupa omolwolweendo lile unene.” 14 Opo nee ovalumenhu va kufa monghuta yavo. Ndelenee vo inava pula omayele kOmwene. 15 Ndele Josua okwa panga ombili navo nokwa ninga ehangano navo, nokutya ye e va efa va kale nomwenyo. Novakulunhu veongalo ove shi va udanekela nokwaana.
16 Ndelenee omafiku atatu eshi a pita, ehangano navo eshi la ningwa, ovanhu va uda nokutya, venya ohava kala moushiinda wavo nomokati kavo. 17 Osheshi ovana vaIsrael ova dja po ndele va fika koilando yaavenya mefiku etitatu. Oilando yaavenya ya li: Gibeon naKefira naBeerot naKiriat-Jearim. 18 Ndelenee ovana vaIsrael inave va dipaa, osheshi ovakulunhu veongalo ve va anena kOmwene Kalunga kaIsrael. Eongalo alishe ola ngongotela ovakulunhu. 19 Opo nee ovakulunhu aveshe va lombwela eongalo alishe: “Fye vene twe va anena kOmwene Kalunga kaIsrael. Onghee ihatu dulu oku va kuma paife. 20 Ndelenee natu va ningeni ngaha, fye eshi twe va efa va kale nomwenyo, opo ehandu lihe tu hange molweano twe li va anena. 21 Novakulunhu ve va tonga, tava ti: Nava kale nomwenyo, ndelenee nava ninge ovatyavi voikuni novateki vomeva keongalo alishe,” ovakulunhu ngaashi ve va lombwelela. 22 Opo nee Josua e va shiva ndele a tonga navo ndele ta ti: “Omolwashike nye mwe tu kengelela eshi mwe tu lombwela: Fye ohatu kala kokule nanye, nande tamu kala mokati ketu? 23 Hano paife nye mwa tulwa omutima! Ndele fiyo alushe tamu ka kala okulongela ongulu yaKalunga kange, ovapiya ovatyavi voikuni novateki vomeva.” 24 Opo nee va nyamukula Josua ndele tava ti: “Ovapiya voye va hepaululilwa nokutya, Omwene Kalunga koye a lombwela Moses, omupiya waye, e mu pe edu alishe eli nokuhanauna po oonakukalamo aveshe komesho yeni, onghee hano fye otwa li twe mu tila unene molwokukalamwenyo kwetu ndele twa ninga oshinima eshi. 25 Ndelenee apa tu li po hano momake oye, tu ningila hano osho shiwa nosha yuka momesho oye.” 26 Ye osho e va ningila nokwe va xupifa momake ovana vaIsrael vo vehe va dipae po. 27 Osho ngaha hano Josua e va ninga ovatyavi voikuni novateki vomeva keongalo nokoaltari yOmwene fiyo onena eli monhele tuu oyo Ye e nokuhoolola.
