Etwikilo lehepaululo laMoses
1 “Opo nee fye twa piluka ndele twa ya kombuwa nondjila yokEfuta Litilyana, Omwene ngaashi a lombwela nge. Ndele fye twa dingilila eemhunda daSeir omafiku mahapu. 2 Opo nee Omwene okwa lombwela nge ndele ta ti: 3 ‘Nye mwa dingilila eemhunda edi efimbo lile nokuli. Indeni langhele koumbangalanhu,’ 4 ndele lombwela ovanhu u tye: ‘Nye otamu ka tauluka oshilongo shovamwanyoko, ovana vaEsau, ava ve li muSeir, ndele vo otave ke mu tila. Ndele lungameni! 5 Inamu lidenga navo, osheshi Ame itandi mu pe nande okanhele ke fike poule womhadi. Osheshi onda yandja kuEsau eemhunda daSeir efyuululo. 6 Eendja mu noku di landa kuvo noimaliwa, mu shiive okulya; ndele mu nokulanda yo omeva noimaliwa, mu shiive okunwa.’ 7 Osheshi Omwene Kalunga koye e ku nangeka noupuna moilonga aishe yomake oye. Ye okwa shiiva okweenda kwoye mombuwa ei inene. Omido omilongo nhee nokuli Omwene Kalunga koye a kala naave. Ove ino pumbwa nande osha. 8 Opo nee fye twe lishilila komesho okudja kovamwameme, ovana vaEsau ava ve li muSeir, okudja mondjila yedu la lalakana, tai di kuElat nokuEsion-Geber. Fye otwa dja ko ndele twa enda nondjila yokombuwa yaMoab. 9 Opo nee Omwene okwa lombwela nge: ‘Ovamoab ino va shinda, ino va lwifa, osheshi Ame ihandi ke ku pa sha shomoshilongo shavo shi kale ngeno shoye, osheshi Ame nda yandja Ar kovana vaLot, shi ninge shavo.’ 10 Ovaemim ova li ko nale, ovanhu vanene novahapu ovatongolume ngaashi Ovaanaki. 11 Vo ova ifanwa yo Ovarefai ngaashi yo Ovaanaki! Ndelenee Ovamoab ve va ifana Ovaemim. 12 NOvahori ova li yo nale muSeir. Ndelenee ovana vaEsau, ve va taataa moshilongo shavo, ndele ve va halakanifa po ndele va tula monhele yavo, naanaa ngaashi Ovaisraeli va ninga edu olo ve li pewa oshilongo shavo kOmwene. 13 Lilongekideni mu tauluke okamulonga kaSered. Opo nee fye twa tauluka okamulonga Sered. 14 Ndele efimbo twa kala nokweenda okudja kuKades-Barnea fiyo okokamulonga kaSered, ola li omido omilongo nhatu nahetatu, fiyo epupi alishe lovakwaita vomonhanda la fya po, Omwene ngaashi e shi va anena. 15 Neke lOmwene yo ola li li nondubo navo oku va mana po monhanda fiyo va xula po.
16 “Ndelenee ovakwaita aveshe vomoshiwana eshi va fya, 17 Omwene okwa popya naame ndele ta ti: 18 ‘Onena eli tamu tauluka ongaba yaMoab puAr, 19 ndele nye otamu uya popepi novana vaAmmoni. Vo ino va shinda ndele ino va lwifa. Osheshi Ame itandi ke ku pa sha shomoshilongo shovana vaAmmoni, shi kale ngeno shoye, shaashi Ame nde shi yandja kovana vaLot shi ninge oshilongo shavo.’ 20 Sho osha ifanwa yo oshilongo shOvarefai. Ovarefai ova li ko nale, nOvaammoni ve va ifana Ovasamusumi, 21 ovanhu vanene novahapu, ovatongolume ngaashi Ovaanaki, ndelenee Omwene okwe va dima po moipafi yavo; vo ove va taataa ndele va tula monhele yavo, 22 Ye ngaashi a ninga ovana vaEsau, ava tava kala muSeir, eshi Ye a dima po Ovahori, opo venya ve va taataa moshilongo shavo, ndele va tula monhele yavo fiyo onena eli. 23 Ovakaftori yo, ava va dja kuKaftor, ova mana po Ovaavvim ava va li momikunda fiyo okuGasa, ndele va tula meenhele davo. 24 ‘Lilongekideni, fikameni mu tauluke omulonga waArnon. Taleni, Ame ohandi yandje Sihon, ohamba yaHesbon, Omuamori noshilongo shaye meke loye. Hoveleni okuhomona mu shi nangale. 25 Onena Ame ohandi hovele okuhalwifa nokutilifa oiwana aishe yokoshi yeulu omolweni. Opo vo, eshi tava udu eenghundana tadi mu tongo, otava ka kakama nokudekweta moipafi yeni omolwokutila.’
26 “Opo nee ame nda tuma ovatumwa va dja kombuwa yaKedemot kuSihon, ohamba yaHesbon, neendjovo dombili tadi ti: 27 ‘Itavela ndi taulule moshilongo shoye. Ame ohandi ende ashike nondjila. Itandi kandukile nande kolulyo ile kolumosho. 28 Eendja ame ohandi di lande kwoove noimaliwa, ndi shiive okulya. Nomeva ame ohandi a lande kwoove noimaliwa, ndi shiive okunwa. Nandi ende ashike kolupadi ndi taulule moshilongo, 29 ngaashi ovana vaEsau ava ve li muSeir nOvamoab, ava ve li muAr, va ninga nge fiyo ame handi tauluka Jordan nokuya medu Omwene Kalunga ketu te ke li tu pa.’ 30 Ndelenee Sihon, ohamba yaHesbon, okwa li ina hala fye tu tauluke moshilongo shaye. Osheshi Omwene Kalunga koye okwa kukutika omhepo yaye nokwa kukutika omutima waye, opo e mu yandje momake oye nongaashi a tonga yo. 31 NOmwene okwa lombwela nge: ‘Tala, Ame ohandi hovele oku ku pa Sihon noshilongo shaye. Hovela oku shi tondokela noshilongo shaye u shi nangale.’ 32 Opo nee Sihon okwa fikama e tu shakeneke, ye novanhu vaye aveshe, a lwe puJahas. 33 NOmwene Kalunga ketu okwe mu yandja kufye, opo fye twe mu ta novanhu vaye ovamati noshiwana shaye ashishe. 34 Ndele mefimbo tuu olo fye twa nangala oilando yaye aishe, ndele twa hanauna po oshilando keshe, ndele twa dipaa ovalumenhu novakainhu nounona. Inatu xupifa nande umwe. 35 Oimuna aike twe i xuula noitinhwa yomoilando ei twe i nangala. 36 Okudja kuAroer pomunghulo womulonga waArnon nokoshilando shomefilu fiyo okuGilead, inamu kala nande eenhele deehotekuma, fye inatu di teya, Omwene Kalunga ketu, okwe di tu pa adishe. 37 Moshilongo shOvaammoni ove ino ya mo nokutya, komunghulo aushe womulonga waJabbok nomoilando yokeemhunda, naaishe ei twa kelelwa kOmwene Kalunga ketu.
Etwikilo lehepaululo laMoses
1 “Opo nee fye twa piluka ndele twa ya kombuwa nondjila yokEfuta Litilyana, Omwene ngaashi a lombwela nge. Ndele fye twa dingilila eemhunda daSeir omafiku mahapu. 2 Opo nee Omwene okwa lombwela nge ndele ta ti: 3 ‘Nye mwa dingilila eemhunda edi efimbo lile nokuli. Indeni langhele koumbangalanhu,’ 4 ndele lombwela ovanhu u tye: ‘Nye otamu ka tauluka oshilongo shovamwanyoko, ovana vaEsau, ava ve li muSeir, ndele vo otave ke mu tila. Ndele lungameni! 5 Inamu lidenga navo, osheshi Ame itandi mu pe nande okanhele ke fike poule womhadi. Osheshi onda yandja kuEsau eemhunda daSeir efyuululo. 6 Eendja mu noku di landa kuvo noimaliwa, mu shiive okulya; ndele mu nokulanda yo omeva noimaliwa, mu shiive okunwa.’ 7 Osheshi Omwene Kalunga koye e ku nangeka noupuna moilonga aishe yomake oye. Ye okwa shiiva okweenda kwoye mombuwa ei inene. Omido omilongo nhee nokuli Omwene Kalunga koye a kala naave. Ove ino pumbwa nande osha. 8 Opo nee fye twe lishilila komesho okudja kovamwameme, ovana vaEsau ava ve li muSeir, okudja mondjila yedu la lalakana, tai di kuElat nokuEsion-Geber. Fye otwa dja ko ndele twa enda nondjila yokombuwa yaMoab. 9 Opo nee Omwene okwa lombwela nge: ‘Ovamoab ino va shinda, ino va lwifa, osheshi Ame ihandi ke ku pa sha shomoshilongo shavo shi kale ngeno shoye, osheshi Ame nda yandja Ar kovana vaLot, shi ninge shavo.’ 10 Ovaemim ova li ko nale, ovanhu vanene novahapu ovatongolume ngaashi Ovaanaki. 11 Vo ova ifanwa yo Ovarefai ngaashi yo Ovaanaki! Ndelenee Ovamoab ve va ifana Ovaemim. 12 NOvahori ova li yo nale muSeir. Ndelenee ovana vaEsau, ve va taataa moshilongo shavo, ndele ve va halakanifa po ndele va tula monhele yavo, naanaa ngaashi Ovaisraeli va ninga edu olo ve li pewa oshilongo shavo kOmwene. 13 Lilongekideni mu tauluke okamulonga kaSered. Opo nee fye twa tauluka okamulonga Sered. 14 Ndele efimbo twa kala nokweenda okudja kuKades-Barnea fiyo okokamulonga kaSered, ola li omido omilongo nhatu nahetatu, fiyo epupi alishe lovakwaita vomonhanda la fya po, Omwene ngaashi e shi va anena. 15 Neke lOmwene yo ola li li nondubo navo oku va mana po monhanda fiyo va xula po.
16 “Ndelenee ovakwaita aveshe vomoshiwana eshi va fya, 17 Omwene okwa popya naame ndele ta ti: 18 ‘Onena eli tamu tauluka ongaba yaMoab puAr, 19 ndele nye otamu uya popepi novana vaAmmoni. Vo ino va shinda ndele ino va lwifa. Osheshi Ame itandi ke ku pa sha shomoshilongo shovana vaAmmoni, shi kale ngeno shoye, shaashi Ame nde shi yandja kovana vaLot shi ninge oshilongo shavo.’ 20 Sho osha ifanwa yo oshilongo shOvarefai. Ovarefai ova li ko nale, nOvaammoni ve va ifana Ovasamusumi, 21 ovanhu vanene novahapu, ovatongolume ngaashi Ovaanaki, ndelenee Omwene okwe va dima po moipafi yavo; vo ove va taataa ndele va tula monhele yavo, 22 Ye ngaashi a ninga ovana vaEsau, ava tava kala muSeir, eshi Ye a dima po Ovahori, opo venya ve va taataa moshilongo shavo, ndele va tula monhele yavo fiyo onena eli. 23 Ovakaftori yo, ava va dja kuKaftor, ova mana po Ovaavvim ava va li momikunda fiyo okuGasa, ndele va tula meenhele davo. 24 ‘Lilongekideni, fikameni mu tauluke omulonga waArnon. Taleni, Ame ohandi yandje Sihon, ohamba yaHesbon, Omuamori noshilongo shaye meke loye. Hoveleni okuhomona mu shi nangale. 25 Onena Ame ohandi hovele okuhalwifa nokutilifa oiwana aishe yokoshi yeulu omolweni. Opo vo, eshi tava udu eenghundana tadi mu tongo, otava ka kakama nokudekweta moipafi yeni omolwokutila.’
26 “Opo nee ame nda tuma ovatumwa va dja kombuwa yaKedemot kuSihon, ohamba yaHesbon, neendjovo dombili tadi ti: 27 ‘Itavela ndi taulule moshilongo shoye. Ame ohandi ende ashike nondjila. Itandi kandukile nande kolulyo ile kolumosho. 28 Eendja ame ohandi di lande kwoove noimaliwa, ndi shiive okulya. Nomeva ame ohandi a lande kwoove noimaliwa, ndi shiive okunwa. Nandi ende ashike kolupadi ndi taulule moshilongo, 29 ngaashi ovana vaEsau ava ve li muSeir nOvamoab, ava ve li muAr, va ninga nge fiyo ame handi tauluka Jordan nokuya medu Omwene Kalunga ketu te ke li tu pa.’ 30 Ndelenee Sihon, ohamba yaHesbon, okwa li ina hala fye tu tauluke moshilongo shaye. Osheshi Omwene Kalunga koye okwa kukutika omhepo yaye nokwa kukutika omutima waye, opo e mu yandje momake oye nongaashi a tonga yo. 31 NOmwene okwa lombwela nge: ‘Tala, Ame ohandi hovele oku ku pa Sihon noshilongo shaye. Hovela oku shi tondokela noshilongo shaye u shi nangale.’ 32 Opo nee Sihon okwa fikama e tu shakeneke, ye novanhu vaye aveshe, a lwe puJahas. 33 NOmwene Kalunga ketu okwe mu yandja kufye, opo fye twe mu ta novanhu vaye ovamati noshiwana shaye ashishe. 34 Ndele mefimbo tuu olo fye twa nangala oilando yaye aishe, ndele twa hanauna po oshilando keshe, ndele twa dipaa ovalumenhu novakainhu nounona. Inatu xupifa nande umwe. 35 Oimuna aike twe i xuula noitinhwa yomoilando ei twe i nangala. 36 Okudja kuAroer pomunghulo womulonga waArnon nokoshilando shomefilu fiyo okuGilead, inamu kala nande eenhele deehotekuma, fye inatu di teya, Omwene Kalunga ketu, okwe di tu pa adishe. 37 Moshilongo shOvaammoni ove ino ya mo nokutya, komunghulo aushe womulonga waJabbok nomoilando yokeemhunda, naaishe ei twa kelelwa kOmwene Kalunga ketu.
