Josua ta findi eehamba ndee ta nangala Kaanan
1 Ndele Jabin, ohamba yaHasor, eshi ye shi uda, oya tuma kuJobab, ohamba yaMadon nokohamba yaSimron nokohamba yaAksaf, 2 navali keehamba dokoumbangalanhu, keemhunda nokepumbu kombinga yokoumbuwanhu kuKinneret nokEfuta Loluhaela nokomutune waDor mouninginino, 3 kOvakaanan vomoushilo novomouninginino nokOvaamori nokOvaheti nokOvaperesi nokOvajebusi ava ve li keemhunda, nokOvahevi va kalele keemhadi deemhunda daHermon medu laMispa. 4 Opo nee do oda fikama nomatanga ado aeshe ovakwaita pamwe nado, ovanhu vahapu ve fike pedu lokomunghulo wefuta pamwe neenghambe dihapu nomatemba oita. 5 Neehamba adishe odo de lipa oshilaye di ongale kumwe ndele da onga onhanda pomeva aMerom opo di lwife Ovaisraeli. 6 Opo nee Omwene okwa lombwela Josua: “Ino va tila, osheshi mongula mefimbo tuu eli Ame ohandi ke va taataa aveshe noku va yandja kOvaisraeli. Nye mu nokuteta omifipa deemhando deenghambe davo nokuxwika po omatemba avo nomundilo.” 7 Ndele Josua nomatanga aye aeshe ovakwaita ove va dudulukila pomeva aMerom ndele ve va vakela. 8 NOmwene okwe va yandja momake Ovaisraeli, opo vo ove va ta noku va shikula fiyo okuSidon-Shinene nofiyo okuMisrefot-Maim nofiyo okoluhaela laMispa shomoushilo, ndele vo ve va dipaa fiyo inapa xupa nande umwe womuvo. 9 Ndele Josua okwe va ningila ngaashi Omwene e mu lombwela: okwa teta omifipa deemhando deenghambe davo nokwa xwika po omatemba avo oita nomundilo.
10 Ndele mefimbo tuu linya Josua okwa shuna nokwa nangala Hasor. Ndele okwa dipaa ohamba yasho neongamukonda. Hasor sha li nale onhele yepangelo loilongo inya aishe. 11 Ndele vo ova dipaa neongamukonda eemwenyo adishe da li mo ndele ve di yapulila ehanauno. Nande umwe ou a li e nomufudo a xupa po; ndele ye okwa xwika po Hasor nomundilo. 12 Noilando aishe inya yeehamba pamwe neehamba dayo adishe Josua okwa kufa ndele e di dipaa neongamukonda. Ye okwe di yapulila ehanauno ngaashi Moses, omupiya wOmwene e mu lombwela. 13 Noilando aishe inya aike ya li keemhunda, Ovaisraeli inave i xwika po; Hasor ashike, osho sha xwikwa po kuJosua. 14 Noixuulwa aishe yoilando inya noimuna, Ovaisraeli ve i litinhila ngaashi oihakanwa. Ovanhu aveke ve va dipaa keongamukonda fiyo ve va mana po. Inava efa nande umwe ou e nomufudo a kale nomwenyo. 15 Omwene ngaashi a lombwela omupiya waye Moses, osho Moses a lombwela Josua ndele osho ngaha Josua okwa ninga. Ye ina efa nande sha eshi ashishe Omwene a lombwela Moses.
16 Osho ngaha hano Josua okwa nangala edu olo alishe: eemhunda noshilongo ashishe shokoumbuwanhu nedu alishe laGosen nepumbu nEfuta Loluhaela neemhunda daIsrael nepumbu lado. 17 Oshitukulwa osha tandavela okudja kOmhunda yaHalak ei tai litumbu langhele kuSeir fiyo okuBaal-Gad, fiyo okefilu laLibanon pefina lomhunda yaHermon. 18 Josua okwa lwifa eehamba edi efimbo lile. Neehamba dayo adishe okwe di kwata nokwe di dipaa. 19 Kapa li nande oshilando shimwe sha ninga ombili novana vaIsrael, Ovahevi aveke, oonakukalamo muGibeon. Aishe ve i nangala neenghono dokulwa. 20 Osheshi Omwene osho a tokola va kale ve likukutika nokulwifa Ovaisraeli, opo va hangike kehanauno, paha kale kuvo nande onghenda, ndelenee va manwe po ngaashi Omwene a lombwela Moses.
21 Ndele mefimbo tuu olo Josua e uya nokwa taataa Ovaanaki keemhunda kuHebron, kuDebir, kuAnab, keemhunda adishe daJuda nokeemhunda adishe daIsrael. Josua okwe va yapulila ehanauno pamwe noilando yavo. 22 Omuanaki nande umwe a xupa po medu lovana vaIsrael. Ashike muGasa nomuGat nomuAsdod, ova fyaala po.
23 Osho ngaha hano Josua okwa nangala edu alishe ngaashi Omwene lombwela Moses. Ndele Josua okwe li yandja kOvaisraeli efyuululo keshe epata oshitukulwa shalo. Nedu ola tulumukwa koita.
Josua ta findi eehamba ndee ta nangala Kaanan
1 Ndele Jabin, ohamba yaHasor, eshi ye shi uda, oya tuma kuJobab, ohamba yaMadon nokohamba yaSimron nokohamba yaAksaf, 2 navali keehamba dokoumbangalanhu, keemhunda nokepumbu kombinga yokoumbuwanhu kuKinneret nokEfuta Loluhaela nokomutune waDor mouninginino, 3 kOvakaanan vomoushilo novomouninginino nokOvaamori nokOvaheti nokOvaperesi nokOvajebusi ava ve li keemhunda, nokOvahevi va kalele keemhadi deemhunda daHermon medu laMispa. 4 Opo nee do oda fikama nomatanga ado aeshe ovakwaita pamwe nado, ovanhu vahapu ve fike pedu lokomunghulo wefuta pamwe neenghambe dihapu nomatemba oita. 5 Neehamba adishe odo de lipa oshilaye di ongale kumwe ndele da onga onhanda pomeva aMerom opo di lwife Ovaisraeli. 6 Opo nee Omwene okwa lombwela Josua: “Ino va tila, osheshi mongula mefimbo tuu eli Ame ohandi ke va taataa aveshe noku va yandja kOvaisraeli. Nye mu nokuteta omifipa deemhando deenghambe davo nokuxwika po omatemba avo nomundilo.” 7 Ndele Josua nomatanga aye aeshe ovakwaita ove va dudulukila pomeva aMerom ndele ve va vakela. 8 NOmwene okwe va yandja momake Ovaisraeli, opo vo ove va ta noku va shikula fiyo okuSidon-Shinene nofiyo okuMisrefot-Maim nofiyo okoluhaela laMispa shomoushilo, ndele vo ve va dipaa fiyo inapa xupa nande umwe womuvo. 9 Ndele Josua okwe va ningila ngaashi Omwene e mu lombwela: okwa teta omifipa deemhando deenghambe davo nokwa xwika po omatemba avo oita nomundilo.
10 Ndele mefimbo tuu linya Josua okwa shuna nokwa nangala Hasor. Ndele okwa dipaa ohamba yasho neongamukonda. Hasor sha li nale onhele yepangelo loilongo inya aishe. 11 Ndele vo ova dipaa neongamukonda eemwenyo adishe da li mo ndele ve di yapulila ehanauno. Nande umwe ou a li e nomufudo a xupa po; ndele ye okwa xwika po Hasor nomundilo. 12 Noilando aishe inya yeehamba pamwe neehamba dayo adishe Josua okwa kufa ndele e di dipaa neongamukonda. Ye okwe di yapulila ehanauno ngaashi Moses, omupiya wOmwene e mu lombwela. 13 Noilando aishe inya aike ya li keemhunda, Ovaisraeli inave i xwika po; Hasor ashike, osho sha xwikwa po kuJosua. 14 Noixuulwa aishe yoilando inya noimuna, Ovaisraeli ve i litinhila ngaashi oihakanwa. Ovanhu aveke ve va dipaa keongamukonda fiyo ve va mana po. Inava efa nande umwe ou e nomufudo a kale nomwenyo. 15 Omwene ngaashi a lombwela omupiya waye Moses, osho Moses a lombwela Josua ndele osho ngaha Josua okwa ninga. Ye ina efa nande sha eshi ashishe Omwene a lombwela Moses.
16 Osho ngaha hano Josua okwa nangala edu olo alishe: eemhunda noshilongo ashishe shokoumbuwanhu nedu alishe laGosen nepumbu nEfuta Loluhaela neemhunda daIsrael nepumbu lado. 17 Oshitukulwa osha tandavela okudja kOmhunda yaHalak ei tai litumbu langhele kuSeir fiyo okuBaal-Gad, fiyo okefilu laLibanon pefina lomhunda yaHermon. 18 Josua okwa lwifa eehamba edi efimbo lile. Neehamba dayo adishe okwe di kwata nokwe di dipaa. 19 Kapa li nande oshilando shimwe sha ninga ombili novana vaIsrael, Ovahevi aveke, oonakukalamo muGibeon. Aishe ve i nangala neenghono dokulwa. 20 Osheshi Omwene osho a tokola va kale ve likukutika nokulwifa Ovaisraeli, opo va hangike kehanauno, paha kale kuvo nande onghenda, ndelenee va manwe po ngaashi Omwene a lombwela Moses.
21 Ndele mefimbo tuu olo Josua e uya nokwa taataa Ovaanaki keemhunda kuHebron, kuDebir, kuAnab, keemhunda adishe daJuda nokeemhunda adishe daIsrael. Josua okwe va yapulila ehanauno pamwe noilando yavo. 22 Omuanaki nande umwe a xupa po medu lovana vaIsrael. Ashike muGasa nomuGat nomuAsdod, ova fyaala po.
23 Osho ngaha hano Josua okwa nangala edu alishe ngaashi Omwene lombwela Moses. Ndele Josua okwe li yandja kOvaisraeli efyuululo keshe epata oshitukulwa shalo. Nedu ola tulumukwa koita.
