Moab tashi xunganekwa
1 Moab tashi popiwa: Omwene womatanga ovakwaita, Kalunga kaIsrael, ota ti ngaha: Woo Nebo, osheshi osha nyonaunwa po. Kiriataim sha tewa po, sha fifwa ohoni. Epopilongulu la lengaifwa ndele la haluka. 2 Etumbalo laMoab la xula po. Otashi diladililwa omupya muHesbon ndele tava ti: “Tu yeni tu ke shi ngumauneni po filufilu, shiha kale vali oshiwana.” Naave yo Madmena, oto ka hanaunwa po. Eongamukonda tali ke ku shikula. 3 Pwilikina! MuHoronaim tamu kuwa onghuwo: “Ehanauno nedipao lidjuu!” 4 Moab osha hanaunwa po. Elilaano lounona otali udika. 5 Osheshi omalila aLuhit taa londwa nokuli, osheshi kolwamhati lomhunda yaHoronaim taku udika elilaano lomadipaelo. 6 Fadukeni po! Lixupifeni, ndele kaleni ngaashi ongolo yomombuwa! 7 Osheshi ove eshi ho lineekele oilonga yoye mwene nomamona oye, naave yo oto ka tewa. Ndele Kemosh otashi ka ya moupika novapristeli vasho pamwe novakulunhu vasho. 8 Ndele omuhanauni ote ke uya koshilando keshe, pu ha kale nande oshilando shimwe tashi ka xupa. Ndele efilu otali ka nyonaunwa po nehenene tali ka hanaunwa po, ngaashi Omwene a tonga.
9 Peni Moab omavava, osheshi e nokutuka po. Ndele oilando yasho otai ka ninga ofuka itamu kala nande omunhu. 10 Na fingwe ou ta longo noundede oshilonga shOmwene! Heeno, omufingwa oye ou ta kelele eongamukonda laye mohonde!
11 Okounyasha washo Moab sha kala shihe noshisho nokutulumukwa nombili kombada yehete lasho inashi pimhululilwa moshitoo noshitoo nongaashi inashi ya moupika. Onghee hano musho omwa kala omulyo washo vene nedimba lasho inali lunduluka. 12 Onghee hano tala, omafiku otae uya, Omwene osho ta ti, Ame ohandi mu tumine ovapimhululi, ndele tave shi pimhi notava mane oitoo aishe ndele tava tatula oiyuma yasho. 13 Ndele Moab ota ka fifwa ohoni omolwaKemosh, ngaashi epata laIsrael la fifwa ohoni omolwaBetel la li le shi lineekela.
14 Nye otamu dulu ngahelipi okupopya tamu ti: Fye ovaladi ovalumenhwelela mokulwa? 15 Moab otashi ka hanaunwa po, noilando yasho tai ka tondokelwa, novamati vasho ovahoololwa tava i va ka dipawe po, ohamba osho ta ti, edina layo Omwene womatanga ovakwaita.
16 Okuhanaunwa po kwaMoab ku li popepi okufika nomupya washo tau endelele okuuya. 17 Mu ke mu pendule onye amushe ovashiinda vaye, nanye amushe ava mwa shiiva edina laye, tyeni: Woo, epangelodibo leenghono ola hanaunwa po ngahelipi? Odibo youlenga! 18 Londoloka ko koule wefimbo loye, oove onakukalamo, oove omona okakadona Dibon, ove u kale omutumba medu li nonghange! Osheshi omuhanauni waMoab ote uya oku ku lwifa, ye ta hanauna po eehotengulu doye da pama. 19 Inda u kale ofika pondjila, ove u liamene ko, oove onakukalamo muAroer. Pula koonakufaduka po noonakulixupifa u tye: Oshike sha ningwa ko? 20 Moab osha fifwa ohoni, osheshi sha teka po. Lileni nokukema. Vilikileni pomakuma aArnon: Moab sha tewa! 21 Heeno, etokolo ola hanga oshilongo shomefilu, le uya kombada yaHolon naJahas naMefat 22 nokombada yaDibon naNebo naBet-Diblataim 23 nokombada yaKiriataim, Bet-Gamul naBet-Meon 24 nokombada yaKeriot naBosra, nokombada yoilando aishe yaMoab yokokule naai yopopepi. 25 Oluvinga laMoab la tetwa po nokwooko kwaye okwa teywa po, Omwene osho ta ti.
26 Mu kolwifeni, ye a kolwe, osheshi ye okwe linenepekela Omwene, opo Moab a alangatele meenghungo daye mwene, naye yo a ninge oiyolifa. 27 Ile ove ino yola Israel? Ile okwa hangikile vati mokati kovalunga, eshi ho mu popi keshe efiku, ndele to mu pukapukile komutwe ndele to mu dini?
28 Fiyeni po oilando, nye mu ka kale keemhunda domamanya, onye Ovamoab, kaleni ngaashi onghuti tai litungile oshihadi shayo komunghulo wombwili. 29 Fye otwa uda ounhwa waMoab. Ye e linenepeka unene. Twa uda elitumbo laye, elitango laye nefulalalo laye nelundalalo lomutima waye. 30 Oupyuhandu waye Ame ondi u shii, Omwene osho ta ti, neendjovo daye oda ngolyoka. Vo inava ninga eshi sha yuka. 31 Onghee hano ohandi ka kemena Moab, nomolwaMoab ashishe Ame ohandi ingida. Omolwovalumenhu vomuKir-Heres tapa udilwa oudjuu. 32 Ohandi ku lilile, oove omuviinyu waSibma nelilo li dule okulila kwaJaeser. Heeno, omashila oye e litwala kombada yefuta fiyo okefuta laJaeser. Mekolelo loiimati yoye nomekolelo leeviinyu doye omwa pumina omuhanauni. 33 Ehafo nekuwililo la mwena moikunino yoiimati nomoshilongo shaMoab. Omaviinyu onde a mana mo moikolelo. Eeviinyu itadi lyatelwa vali nokukuwilila, e kuwililo lihe fi vali ekuwililo lehafo.
34 Onghuwo ei yomuHesbon otai udika fiyo okuEleale nofiyo okuJahas. Otava yelula ondaka yavo tai udika muSoar fiyo okuHoronaim, fiyo okuEglat-Selisija, osheshi nomeva enya omuNimrim otaa shituka ombuwa. 35 Ndele ohandi ka mana mo muMoab, Omwene osho ta ti, ava tava yambe omayambo keealtarimanya, ndele tava xwikile oikalunga yavo omayambo. 36 Onghee hano omutima wange tau lilile Moab ngaashi onyalilo, heeno, omutima wange otau lilile ovalumenhu vomuKir-Heres, ngaashi onyalilo, osheshi omaliko avo ve e lilikolela, a kana. 37 Osheshi omitwe adishe oda kululwa ongwala, neendjedi adishe da kululwa, nomake aeshe a shatwa nomoiya mwa djalwa eeshako. 38 Kombada yeenduda deengulu adishe daMoab nomoilandelo otamu udika ashike ekemo, osheshi Ame onda tatula Moab, ngaashi oshitoo kashi noshilonga, Omwene osho ta ti. 39 Osha haluka ngahelipi! Ohava kwena! Moab okwa piluka nohoni! Moab osho ngaha ta ka ninga oshiyolifa noihalukifo kovashiinda vasho aveshe.
40 Osheshi Omwene osho ta ti ngaha: Tala, ye ota ka tuka ngaashi onhwa tai tengelele kombada yaMoab. 41 Oilando oya tewa nomapopilongulu a nangalwa, nomitima dovaladi vaMoab otadi ka kala mefiku tuu olo ngaashi omutima womwalikadi ta fetelwa okudala. 42 Ndele Moab otashi ka kombwa po, shiha kale vali oshiwana, osheshi she linenepeka nokutwa ondubo nOmwene. 43 Ehalwifo, nelambo nomwiyo tau ku hange, oove onakukalamo muMoab, Omwene osho ta ti. 44 Ou ta faduka po ehalwifo ota wile melambo, ndele ou ta di mo melambo ota yulwa komwiyo. Osheshi ohandi etele Moab omudo washo wehandukilo, Omwene osho ta ti.
45 Momudile waHesbon omu novainhapo va loloka. Osheshi omundilo wa dja muHesbon nomuSihon mwa dja elaka lomundilo, lo ola lungwinifa ombadu yaMoab noluwewe lovalumenhu va weelela. 46 Woo oove Moab! Oshiwana shomuKemosh sha teka po, osheshi ovana voye ovamati ova ninga eenghwate novana voye oukadona ova twalwa moupika. 47 Ndelenee pomafiku axuuninwa Ame ohandi ka lundulula okukala kwaMoab, Omwene osho ta ti. Omaxunganeko etokolo laMoab taa xulile apa.
Moab tashi xunganekwa
1 Moab tashi popiwa: Omwene womatanga ovakwaita, Kalunga kaIsrael, ota ti ngaha: Woo Nebo, osheshi osha nyonaunwa po. Kiriataim sha tewa po, sha fifwa ohoni. Epopilongulu la lengaifwa ndele la haluka. 2 Etumbalo laMoab la xula po. Otashi diladililwa omupya muHesbon ndele tava ti: “Tu yeni tu ke shi ngumauneni po filufilu, shiha kale vali oshiwana.” Naave yo Madmena, oto ka hanaunwa po. Eongamukonda tali ke ku shikula. 3 Pwilikina! MuHoronaim tamu kuwa onghuwo: “Ehanauno nedipao lidjuu!” 4 Moab osha hanaunwa po. Elilaano lounona otali udika. 5 Osheshi omalila aLuhit taa londwa nokuli, osheshi kolwamhati lomhunda yaHoronaim taku udika elilaano lomadipaelo. 6 Fadukeni po! Lixupifeni, ndele kaleni ngaashi ongolo yomombuwa! 7 Osheshi ove eshi ho lineekele oilonga yoye mwene nomamona oye, naave yo oto ka tewa. Ndele Kemosh otashi ka ya moupika novapristeli vasho pamwe novakulunhu vasho. 8 Ndele omuhanauni ote ke uya koshilando keshe, pu ha kale nande oshilando shimwe tashi ka xupa. Ndele efilu otali ka nyonaunwa po nehenene tali ka hanaunwa po, ngaashi Omwene a tonga.
9 Peni Moab omavava, osheshi e nokutuka po. Ndele oilando yasho otai ka ninga ofuka itamu kala nande omunhu. 10 Na fingwe ou ta longo noundede oshilonga shOmwene! Heeno, omufingwa oye ou ta kelele eongamukonda laye mohonde!
11 Okounyasha washo Moab sha kala shihe noshisho nokutulumukwa nombili kombada yehete lasho inashi pimhululilwa moshitoo noshitoo nongaashi inashi ya moupika. Onghee hano musho omwa kala omulyo washo vene nedimba lasho inali lunduluka. 12 Onghee hano tala, omafiku otae uya, Omwene osho ta ti, Ame ohandi mu tumine ovapimhululi, ndele tave shi pimhi notava mane oitoo aishe ndele tava tatula oiyuma yasho. 13 Ndele Moab ota ka fifwa ohoni omolwaKemosh, ngaashi epata laIsrael la fifwa ohoni omolwaBetel la li le shi lineekela.
14 Nye otamu dulu ngahelipi okupopya tamu ti: Fye ovaladi ovalumenhwelela mokulwa? 15 Moab otashi ka hanaunwa po, noilando yasho tai ka tondokelwa, novamati vasho ovahoololwa tava i va ka dipawe po, ohamba osho ta ti, edina layo Omwene womatanga ovakwaita.
16 Okuhanaunwa po kwaMoab ku li popepi okufika nomupya washo tau endelele okuuya. 17 Mu ke mu pendule onye amushe ovashiinda vaye, nanye amushe ava mwa shiiva edina laye, tyeni: Woo, epangelodibo leenghono ola hanaunwa po ngahelipi? Odibo youlenga! 18 Londoloka ko koule wefimbo loye, oove onakukalamo, oove omona okakadona Dibon, ove u kale omutumba medu li nonghange! Osheshi omuhanauni waMoab ote uya oku ku lwifa, ye ta hanauna po eehotengulu doye da pama. 19 Inda u kale ofika pondjila, ove u liamene ko, oove onakukalamo muAroer. Pula koonakufaduka po noonakulixupifa u tye: Oshike sha ningwa ko? 20 Moab osha fifwa ohoni, osheshi sha teka po. Lileni nokukema. Vilikileni pomakuma aArnon: Moab sha tewa! 21 Heeno, etokolo ola hanga oshilongo shomefilu, le uya kombada yaHolon naJahas naMefat 22 nokombada yaDibon naNebo naBet-Diblataim 23 nokombada yaKiriataim, Bet-Gamul naBet-Meon 24 nokombada yaKeriot naBosra, nokombada yoilando aishe yaMoab yokokule naai yopopepi. 25 Oluvinga laMoab la tetwa po nokwooko kwaye okwa teywa po, Omwene osho ta ti.
26 Mu kolwifeni, ye a kolwe, osheshi ye okwe linenepekela Omwene, opo Moab a alangatele meenghungo daye mwene, naye yo a ninge oiyolifa. 27 Ile ove ino yola Israel? Ile okwa hangikile vati mokati kovalunga, eshi ho mu popi keshe efiku, ndele to mu pukapukile komutwe ndele to mu dini?
28 Fiyeni po oilando, nye mu ka kale keemhunda domamanya, onye Ovamoab, kaleni ngaashi onghuti tai litungile oshihadi shayo komunghulo wombwili. 29 Fye otwa uda ounhwa waMoab. Ye e linenepeka unene. Twa uda elitumbo laye, elitango laye nefulalalo laye nelundalalo lomutima waye. 30 Oupyuhandu waye Ame ondi u shii, Omwene osho ta ti, neendjovo daye oda ngolyoka. Vo inava ninga eshi sha yuka. 31 Onghee hano ohandi ka kemena Moab, nomolwaMoab ashishe Ame ohandi ingida. Omolwovalumenhu vomuKir-Heres tapa udilwa oudjuu. 32 Ohandi ku lilile, oove omuviinyu waSibma nelilo li dule okulila kwaJaeser. Heeno, omashila oye e litwala kombada yefuta fiyo okefuta laJaeser. Mekolelo loiimati yoye nomekolelo leeviinyu doye omwa pumina omuhanauni. 33 Ehafo nekuwililo la mwena moikunino yoiimati nomoshilongo shaMoab. Omaviinyu onde a mana mo moikolelo. Eeviinyu itadi lyatelwa vali nokukuwilila, e kuwililo lihe fi vali ekuwililo lehafo.
34 Onghuwo ei yomuHesbon otai udika fiyo okuEleale nofiyo okuJahas. Otava yelula ondaka yavo tai udika muSoar fiyo okuHoronaim, fiyo okuEglat-Selisija, osheshi nomeva enya omuNimrim otaa shituka ombuwa. 35 Ndele ohandi ka mana mo muMoab, Omwene osho ta ti, ava tava yambe omayambo keealtarimanya, ndele tava xwikile oikalunga yavo omayambo. 36 Onghee hano omutima wange tau lilile Moab ngaashi onyalilo, heeno, omutima wange otau lilile ovalumenhu vomuKir-Heres, ngaashi onyalilo, osheshi omaliko avo ve e lilikolela, a kana. 37 Osheshi omitwe adishe oda kululwa ongwala, neendjedi adishe da kululwa, nomake aeshe a shatwa nomoiya mwa djalwa eeshako. 38 Kombada yeenduda deengulu adishe daMoab nomoilandelo otamu udika ashike ekemo, osheshi Ame onda tatula Moab, ngaashi oshitoo kashi noshilonga, Omwene osho ta ti. 39 Osha haluka ngahelipi! Ohava kwena! Moab okwa piluka nohoni! Moab osho ngaha ta ka ninga oshiyolifa noihalukifo kovashiinda vasho aveshe.
40 Osheshi Omwene osho ta ti ngaha: Tala, ye ota ka tuka ngaashi onhwa tai tengelele kombada yaMoab. 41 Oilando oya tewa nomapopilongulu a nangalwa, nomitima dovaladi vaMoab otadi ka kala mefiku tuu olo ngaashi omutima womwalikadi ta fetelwa okudala. 42 Ndele Moab otashi ka kombwa po, shiha kale vali oshiwana, osheshi she linenepeka nokutwa ondubo nOmwene. 43 Ehalwifo, nelambo nomwiyo tau ku hange, oove onakukalamo muMoab, Omwene osho ta ti. 44 Ou ta faduka po ehalwifo ota wile melambo, ndele ou ta di mo melambo ota yulwa komwiyo. Osheshi ohandi etele Moab omudo washo wehandukilo, Omwene osho ta ti.
45 Momudile waHesbon omu novainhapo va loloka. Osheshi omundilo wa dja muHesbon nomuSihon mwa dja elaka lomundilo, lo ola lungwinifa ombadu yaMoab noluwewe lovalumenhu va weelela. 46 Woo oove Moab! Oshiwana shomuKemosh sha teka po, osheshi ovana voye ovamati ova ninga eenghwate novana voye oukadona ova twalwa moupika. 47 Ndelenee pomafiku axuuninwa Ame ohandi ka lundulula okukala kwaMoab, Omwene osho ta ti. Omaxunganeko etokolo laMoab taa xulile apa.
