Okutila kwOvakaanan
1 Ndele eehamba adishe dOvaamori, odo da li kombinga inya yokouninginino waJordan, neehamba adishe dOvakaanan, edi da kala pEfuta Lopokati, eshi da uda nokutya, Omwene okwa pwiininifa omeva aJordan komesho yovana vaIsrael, fiyo va taulula, omitima dado da tila nokutililila, ndele mudo inamu kala vali onyati omolwovana vaIsrael.
Oshiwana tashi pitifwa etanda muGilgal
2 Mefimbo tuu olo Omwene okwa lombwela Josua ndele ta ti: “Lihongela eembele domamanya ndele pitifa vali ovana vaIsrael etanda.” 3 Opo nee Josua okwe liningila eembele domamanya nokwa pitifa ovana vaIsrael etanda pOshikulundu shetanda. 4 Efina loshinima molwaashi Josua okwe va pitifa etanda oleli: Ovanhu aveshe ava va dja muEgipiti, ovalumenhu, ovakwaita aveshe, ova fila mondjila mombuwa mokudja ko kwavo kuEgipiti. 5 Osheshi ovanhu aveshe venya va dja mo, ova li va pita etanda. Ndelenee ovanhu aveshe ava va dalelwa mondjila mombuwa mokudja kwavo muEgipiti, inava pita etanda. 6 Osheshi ovana vaIsrael va endaenda mombuwa omido omilongo nhee, fiyo ovanhu aveshe, tashi ti, ovakwaita venya va dja muEgipiti, venya inava dulika kondaka yOmwene ova fya, ovo va anenwa kOmwene, nokutya ite ke va monifa edu olo Omwene a udanekela ooxe nokwaana, Ye e li tu pe, oshilongo tashi kunguluka omashini nomaadi eenyiki. 7 Ndelenee Ye okwa tula ovana vavo ovamati ponhele yavo. Ovo va pitifwa etanda kuJosua. Osheshi vo inava pitifwa etanda shaashi mondjila inava pita etanda. 8 Novanhu aveshe eshi va pitifwa etanda ova kala mo monhanda, monhele yavo, fiyo va veluka. 9 Opo nee Omwene okwa lombwela Josua ndele ta ti: “Nena eli Ame nda kandula po punye okushekwa kwaEgipiti.” Onghee hano va luka onhele oyo Gilgal fiyo onena eli.
Eendja domanna da xula po
10 Ovana vaIsrael fimbo va kala monhanda puGilgal, ova dana Opaasa mefiku etimulongo netine lohani onguloshi, momaluhaela aJeriko. 11 Ndele mefiku la shikula Opaasa, vo ova lya oilya yoshilongo osho: omingome dihe nonhafi, nomasha a vavwa mefiku tuu olo. 12 Ndele mefiku tuu olo eshi va lya oilya yoshilongo, omanna okwa xula po, onghee hano ovana vaIsrael inava mona vali omanna. Ndelenee va lya moilya yoshilongo shaKaanan momudo ou.
Ondjai yomatanga ovakwaita vOmwene tai lihololele Josua
13 Ndele Josua fimbo a kala puJeriko, okwa yelula omesho aye, ndele tala, moipafi yaye pa kala ofika omulumenhu e neongamukonda la pweywa mo meke laye; ndele Josua okwa ya kuye ndele te mu pula: “Ove wa ama kufye ile okovatondadi vetu?” 14 Ndele ye ta ti: “Ahowe, ame ondjai yomatanga ovakwaita vOmwene.” Paife onde uya. Opo nee Josua okwa wila eombe nokwe linyongamena ndele te mu pula: “Omwene wange okwa hala okulombwela omupiya waye shike?” 15 Opo nee ondjai yomatanga ovakwaita vOmwene otai ti kuJosua: “Dula ko eenghaku doye keemhadi doye, osheshi onhele apa u li ofika, yo oiyapuki.” Ndele Josua osho a ninga.
Okutila kwOvakaanan
1 Ndele eehamba adishe dOvaamori, odo da li kombinga inya yokouninginino waJordan, neehamba adishe dOvakaanan, edi da kala pEfuta Lopokati, eshi da uda nokutya, Omwene okwa pwiininifa omeva aJordan komesho yovana vaIsrael, fiyo va taulula, omitima dado da tila nokutililila, ndele mudo inamu kala vali onyati omolwovana vaIsrael.
Oshiwana tashi pitifwa etanda muGilgal
2 Mefimbo tuu olo Omwene okwa lombwela Josua ndele ta ti: “Lihongela eembele domamanya ndele pitifa vali ovana vaIsrael etanda.” 3 Opo nee Josua okwe liningila eembele domamanya nokwa pitifa ovana vaIsrael etanda pOshikulundu shetanda. 4 Efina loshinima molwaashi Josua okwe va pitifa etanda oleli: Ovanhu aveshe ava va dja muEgipiti, ovalumenhu, ovakwaita aveshe, ova fila mondjila mombuwa mokudja ko kwavo kuEgipiti. 5 Osheshi ovanhu aveshe venya va dja mo, ova li va pita etanda. Ndelenee ovanhu aveshe ava va dalelwa mondjila mombuwa mokudja kwavo muEgipiti, inava pita etanda. 6 Osheshi ovana vaIsrael va endaenda mombuwa omido omilongo nhee, fiyo ovanhu aveshe, tashi ti, ovakwaita venya va dja muEgipiti, venya inava dulika kondaka yOmwene ova fya, ovo va anenwa kOmwene, nokutya ite ke va monifa edu olo Omwene a udanekela ooxe nokwaana, Ye e li tu pe, oshilongo tashi kunguluka omashini nomaadi eenyiki. 7 Ndelenee Ye okwa tula ovana vavo ovamati ponhele yavo. Ovo va pitifwa etanda kuJosua. Osheshi vo inava pitifwa etanda shaashi mondjila inava pita etanda. 8 Novanhu aveshe eshi va pitifwa etanda ova kala mo monhanda, monhele yavo, fiyo va veluka. 9 Opo nee Omwene okwa lombwela Josua ndele ta ti: “Nena eli Ame nda kandula po punye okushekwa kwaEgipiti.” Onghee hano va luka onhele oyo Gilgal fiyo onena eli.
Eendja domanna da xula po
10 Ovana vaIsrael fimbo va kala monhanda puGilgal, ova dana Opaasa mefiku etimulongo netine lohani onguloshi, momaluhaela aJeriko. 11 Ndele mefiku la shikula Opaasa, vo ova lya oilya yoshilongo osho: omingome dihe nonhafi, nomasha a vavwa mefiku tuu olo. 12 Ndele mefiku tuu olo eshi va lya oilya yoshilongo, omanna okwa xula po, onghee hano ovana vaIsrael inava mona vali omanna. Ndelenee va lya moilya yoshilongo shaKaanan momudo ou.
Ondjai yomatanga ovakwaita vOmwene tai lihololele Josua
13 Ndele Josua fimbo a kala puJeriko, okwa yelula omesho aye, ndele tala, moipafi yaye pa kala ofika omulumenhu e neongamukonda la pweywa mo meke laye; ndele Josua okwa ya kuye ndele te mu pula: “Ove wa ama kufye ile okovatondadi vetu?” 14 Ndele ye ta ti: “Ahowe, ame ondjai yomatanga ovakwaita vOmwene.” Paife onde uya. Opo nee Josua okwa wila eombe nokwe linyongamena ndele te mu pula: “Omwene wange okwa hala okulombwela omupiya waye shike?” 15 Opo nee ondjai yomatanga ovakwaita vOmwene otai ti kuJosua: “Dula ko eenghaku doye keemhadi doye, osheshi onhele apa u li ofika, yo oiyapuki.” Ndele Josua osho a ninga.
