Damaskus naEfraim tai xunganekwa
1 Okuxunganekwa kwaDamaskus taku ti: “Tala, Damaskus otashi ka ekelwashi, kashi fi vali oshilando, otashi ningi oikulukuma, oshilando sha teka po. 2 Oilando yaAroer otai efiwa ndele tai ningi oulifilo woimuna, omo tai ombo, itai tewa mo. 3 Ndele Efraim ota kanifa ohotekuma yaye naDamaskus ouhamba waye, naAram noshixupe shaye yo otashi ka ningwa ngaashi etumbalo lovana vaIsrael, Omwene womatanga ovakwaita osho ta ti.”
4 “Ndele mefiku tuu olo etumbalo laJakob otali ka xutulwa neondoko lombelela yaye otali ka ngona. 5 Ndele tapa ka kala ngaashi oilya tai kwatwa komutei, neke laye ngeenge tali kwata omitwe doilya, heeno, otapa ka kala ngaashi omitwe doilya tadi toolwa mefilu laRefaim. 6 Ndelenee epupudululo tali ka kala mo, ngaashi olumono tali nyemwa; eengongo mbali ile nhatu moxulo, nhee, nhano, moitai yomuti omukadi. Omwene Kalunga kaIsrael osho ta ti.”
7 Mefiku tuu olo omunhu ota ka tala Omushiti waye nomesho aye taa ka tala Omuyapuki waIsrael, 8 ndele ita kala vali nokutalatala eealtari, oshilonga shomake aye; noita tale vali odo da hongwa kominwe daye nokutya, komiti domalupwelele daAsera nokeengudi detango. 9 Mefiku tuu olo oilando yaye ya pama otai ka fa omaputu aHevi naAmori, oya efiwa mokufaduka po kwOvaisraeli noya ninga ofuka. 10 Osheshi ove wa dimbwa Kalunga kexupifo loye, nowa li ino dimbulukwa emanya lehondamo loye. Onghee oto ka kuna oikunwa iwa, ndele to ka twika omiviinyu dokoilongo; 11 mefiku olo oto kunu, oto di kulifa, nomongula taku shi, oto dalifa ombuto yayo; ndelenee mefiku loudu oiteywa otai ningi okanduba kongaho, nouyehame itau veluka.
Euyaano loiwana
12 Woo euyaano loiwana ihapu, ngaashi engungumo lefuta, osho hava uyaana! Neweelelo loiwana ngaashi engungumo lomeva manenenene, osho hava uyaana! 13 Oiwana tai ngungutula ngaashi engungumo lomeva manene, ndele Ye ote i aneke, ndele tai i onhapo kokulekule; ndele tai halakanifwa ngaashi olungu tali i omhepo keemhunda, ngaashi omafo taa twalwa kokafudaela. 14 Tala, onguloshi oixuna yongaho! Ongula manga inaku sha, kave po vali. Eshi osho oshipewa shovahanauni vetu noshitukulwa shovatinhi vetu.
Damaskus naEfraim tai xunganekwa
1 Okuxunganekwa kwaDamaskus taku ti: “Tala, Damaskus otashi ka ekelwashi, kashi fi vali oshilando, otashi ningi oikulukuma, oshilando sha teka po. 2 Oilando yaAroer otai efiwa ndele tai ningi oulifilo woimuna, omo tai ombo, itai tewa mo. 3 Ndele Efraim ota kanifa ohotekuma yaye naDamaskus ouhamba waye, naAram noshixupe shaye yo otashi ka ningwa ngaashi etumbalo lovana vaIsrael, Omwene womatanga ovakwaita osho ta ti.”
4 “Ndele mefiku tuu olo etumbalo laJakob otali ka xutulwa neondoko lombelela yaye otali ka ngona. 5 Ndele tapa ka kala ngaashi oilya tai kwatwa komutei, neke laye ngeenge tali kwata omitwe doilya, heeno, otapa ka kala ngaashi omitwe doilya tadi toolwa mefilu laRefaim. 6 Ndelenee epupudululo tali ka kala mo, ngaashi olumono tali nyemwa; eengongo mbali ile nhatu moxulo, nhee, nhano, moitai yomuti omukadi. Omwene Kalunga kaIsrael osho ta ti.”
7 Mefiku tuu olo omunhu ota ka tala Omushiti waye nomesho aye taa ka tala Omuyapuki waIsrael, 8 ndele ita kala vali nokutalatala eealtari, oshilonga shomake aye; noita tale vali odo da hongwa kominwe daye nokutya, komiti domalupwelele daAsera nokeengudi detango. 9 Mefiku tuu olo oilando yaye ya pama otai ka fa omaputu aHevi naAmori, oya efiwa mokufaduka po kwOvaisraeli noya ninga ofuka. 10 Osheshi ove wa dimbwa Kalunga kexupifo loye, nowa li ino dimbulukwa emanya lehondamo loye. Onghee oto ka kuna oikunwa iwa, ndele to ka twika omiviinyu dokoilongo; 11 mefiku olo oto kunu, oto di kulifa, nomongula taku shi, oto dalifa ombuto yayo; ndelenee mefiku loudu oiteywa otai ningi okanduba kongaho, nouyehame itau veluka.
Euyaano loiwana
12 Woo euyaano loiwana ihapu, ngaashi engungumo lefuta, osho hava uyaana! Neweelelo loiwana ngaashi engungumo lomeva manenenene, osho hava uyaana! 13 Oiwana tai ngungutula ngaashi engungumo lomeva manene, ndele Ye ote i aneke, ndele tai i onhapo kokulekule; ndele tai halakanifwa ngaashi olungu tali i omhepo keemhunda, ngaashi omafo taa twalwa kokafudaela. 14 Tala, onguloshi oixuna yongaho! Ongula manga inaku sha, kave po vali. Eshi osho oshipewa shovahanauni vetu noshitukulwa shovatinhi vetu.
