Omafindano aDavid nomalenga aye
1 Ndelenee konima yoinima ei, David okwa ta Ovafilisti ndele e va tula koshi yepangelo laye. Osho ngaha okwa kufa Gat nomikunda dasho momake Ovafilisti. 2 Ye okwa ta yo Ovamoab, onghee hano Ovamoab va ninga ovapiya vaDavid, ndele ve mu yandjela oifendela. 3 David okwa ta yo Hadadeser, ohamba yaSoba, sha ama kuHamat, yo eshi ya fikama i ka pameke epangelo layo pomulonga waEufrat. 4 Ndele David okwa kufa kuyo omatemba oita eyovi novalondi omayovi aheyali veenghambe novakwaita vokolupadi omayovi omilongo mbali. Ndele David okwa teta omifipa deemhando deenghambe adishe dokomatemba, ndelenee okwa xupifa eenghambe efele dokomatemba. 5 NOvaarami vokuDamaskus ve uya okupopila Hadadeser, ohamba yaSoba. Ndelenee David okwa ta ovalumenhu omayovi omilongo mbali naavali vomOvaarami. 6 Ndele David okwa nangeka omatanga ovakwaita muAram shaDamaskus, onghee Ovaarami va ninga ovapangelwa vaye ndele tava yandje oifendela. NOmwene okwa yandja kuDavid omafindano keshe apa a homona. 7 Ndele David okwa kufa oikelelifo yoshingoldo, oyo ya li hai longifwa kovapiya vaHadadeser, nokwe i twala kuJerusalem. 8 Ndele David okwa kufa muTibhat nomuKun, oilando yaHadadeser, oshikushu shihapu unene kai shii kutumbulwa. Salomo okwa ninga nayo efuta loshikushu neengudi noinima yoshikushu.
9 Tou, ohamba yaHamat, eshi ya uda nokutya, David a taataa omatanga aeshe ovakwaita vaHadadeser, ohamba yaSoba, 10 Okwa tuma omona waye omumati Hadoram, kohamba David, e mu pule nhumbi e li noku mu halela elao, ye eshi a lwifa Hadadeser nokwe mu taataa, osheshi Hadadeser okwa li omutondadi waTou. Nokwa eta oinima yoingoldo noyoisiliveli noyoshikushu i lili nai lili. 11 Ohamba David okwe i yapulila Omwene, pamwe noshisiliveli noshingoldo osho ye a kufa koiwana aishe nokutya kOvaedom nokOvamoab nokovana vaAmmoni nokOvafilisti nokOvaamaleki.
12 Ndele naAbisai yaSeruja yo okwa taataa Ovaedom, ovalumenhu omayovi omulongo naahetatu mEfilu lomongwa. 13 Nokwa tula muEdom omatanga ovakwaita, onghee hano Ovaedom aveshe va ninga ovapangelwa vaDavid. NOmwene okwa yandja kuDavid omafindano keshe apa a homona.
14 Ndele David okwa pangela Israel alishe, nokwa ningila oshiwana shaye ashishe osho sha yuka nosha wapala. 15 Ndele Joab yaSeruja okwa li ondjai yomatanga ovakwaita. Ndele Josafat yaAhilud okwa li elenga ekulunhu. 16 Ndele Sadok yaAhitub naAhimelek yaAbjatar va li ovapristeli, ndele Sausa okwa li omushangi. 17 Ndele Benaja yaJehoiada okwa li omukulunhu wOvakereti nowOvapleti, novana vaDavid ovamati va li tava pitapita ohamba.
Omafindano aDavid nomalenga aye
1 Ndelenee konima yoinima ei, David okwa ta Ovafilisti ndele e va tula koshi yepangelo laye. Osho ngaha okwa kufa Gat nomikunda dasho momake Ovafilisti. 2 Ye okwa ta yo Ovamoab, onghee hano Ovamoab va ninga ovapiya vaDavid, ndele ve mu yandjela oifendela. 3 David okwa ta yo Hadadeser, ohamba yaSoba, sha ama kuHamat, yo eshi ya fikama i ka pameke epangelo layo pomulonga waEufrat. 4 Ndele David okwa kufa kuyo omatemba oita eyovi novalondi omayovi aheyali veenghambe novakwaita vokolupadi omayovi omilongo mbali. Ndele David okwa teta omifipa deemhando deenghambe adishe dokomatemba, ndelenee okwa xupifa eenghambe efele dokomatemba. 5 NOvaarami vokuDamaskus ve uya okupopila Hadadeser, ohamba yaSoba. Ndelenee David okwa ta ovalumenhu omayovi omilongo mbali naavali vomOvaarami. 6 Ndele David okwa nangeka omatanga ovakwaita muAram shaDamaskus, onghee Ovaarami va ninga ovapangelwa vaye ndele tava yandje oifendela. NOmwene okwa yandja kuDavid omafindano keshe apa a homona. 7 Ndele David okwa kufa oikelelifo yoshingoldo, oyo ya li hai longifwa kovapiya vaHadadeser, nokwe i twala kuJerusalem. 8 Ndele David okwa kufa muTibhat nomuKun, oilando yaHadadeser, oshikushu shihapu unene kai shii kutumbulwa. Salomo okwa ninga nayo efuta loshikushu neengudi noinima yoshikushu.
9 Tou, ohamba yaHamat, eshi ya uda nokutya, David a taataa omatanga aeshe ovakwaita vaHadadeser, ohamba yaSoba, 10 Okwa tuma omona waye omumati Hadoram, kohamba David, e mu pule nhumbi e li noku mu halela elao, ye eshi a lwifa Hadadeser nokwe mu taataa, osheshi Hadadeser okwa li omutondadi waTou. Nokwa eta oinima yoingoldo noyoisiliveli noyoshikushu i lili nai lili. 11 Ohamba David okwe i yapulila Omwene, pamwe noshisiliveli noshingoldo osho ye a kufa koiwana aishe nokutya kOvaedom nokOvamoab nokovana vaAmmoni nokOvafilisti nokOvaamaleki.
12 Ndele naAbisai yaSeruja yo okwa taataa Ovaedom, ovalumenhu omayovi omulongo naahetatu mEfilu lomongwa. 13 Nokwa tula muEdom omatanga ovakwaita, onghee hano Ovaedom aveshe va ninga ovapangelwa vaDavid. NOmwene okwa yandja kuDavid omafindano keshe apa a homona.
14 Ndele David okwa pangela Israel alishe, nokwa ningila oshiwana shaye ashishe osho sha yuka nosha wapala. 15 Ndele Joab yaSeruja okwa li ondjai yomatanga ovakwaita. Ndele Josafat yaAhilud okwa li elenga ekulunhu. 16 Ndele Sadok yaAhitub naAhimelek yaAbjatar va li ovapristeli, ndele Sausa okwa li omushangi. 17 Ndele Benaja yaJehoiada okwa li omukulunhu wOvakereti nowOvapleti, novana vaDavid ovamati va li tava pitapita ohamba.
