1 Omayeletumbulo aSalomo yaDavid, ohamba yaIsrael, 2 ovanhu va shiive ounongo noutekuduliko, va ude ko eendjovo domayele, 3 va tambule outekuduliko wefiku keshe ou tau eta eendunge, ouyuki, neyukifo noshili, 4 nokweetela ovashima eshiivo nomunyasha okushiiva nokunongela. 5 Omunongo na pwilikine opo a hapupalife eendunge, nomunaendunge ta ka pewa omadiladilo e neendunge, 6 opo a shiive eyeletumbulo neendjovo dekumbiko, eendjovo dovalumenhu ovanongo noitevo yavo.
Etilokalunga olo efina lounongo
7 Okutila Omwene oko efina leshiivo. Omalai taa dini ounongo noutekuduliko. 8 Omumwange, pwilikina outekuduliko waxo, ndele ino ekelashi elongo lanyoko. 9 Osheshi lo oshidingo sha wapala komutwe woye noulyenge va wapala mofingo yoye.
10 Omumwange, ovalunde ngeenge tave ku hongaula, ino shi itavela. 11 Vo eshi tava ti: “Ila, tu endeni pamwe, natu nangele ohonde, natu nangele ngaho omuhenashipo, 12 natu va pone po ve nomwenyo ngaashi oshovafi, hamudilu ngaashi ovo hava kulukile melambo. 13 Oinima i lili nai lili i nondilo, ohatu ke i mona, omaumbo etu hatu ke a yadifa noixuulwa. 14 Oshihoololifo shoye shi umba pamwe nafye, fye atushe tu kaleni tu nokakutu kamwe akeke koimaliwa.” 15 Omumwange, ino enda nondjila pamwe navo, omhadi yoye i kelela kelila lavo. 16 Osheshi eemhadi davo tadi tondokele owii ndele tadi endelele okutilashi ohonde. 17 Osheshi eemwiyo tadi telwa epwanga moipafi yeedila di lili nodi lili.
18 Osho ngaha vo ohava nangele ohonde yavo vene, vo hava holamene omwenyo wavo vene. 19 Osho ngaha tashi ningilwa aveshe ava have likongele omamona oulunde: Oo otae va kufa omwenyo.
Okuhandukilwa kwaava ihava dulika
20 Ounongo tau ingida pondje mokule, tau yelula ondaka yao meendabo, 21 meekolonela domapandavanda tamu mbuyaana, oo tau ingida, peembululu doivelo moshilando, oo tau popi eendjovo dao: 22 “Fiyo onaini nye ovashima mu hole oushima, novasheki mwa hala okusheka, nomalai okutonda eshiivo? 23 Alukileni omakumaido ange, opo nee Ame ohandi mu tondokifile omhepo yange, handi mu shiivifile eendjovo dange. 24 Ame eshi nda ifana nye mwa anya, eshi nda nana eke lange ndelenee nande umwe a pwilikina, 25 ndelenee inamu shikula epukululo lange, nomakumaido ange inamu a itavela, 26 onghee hano naame yo ohandi ka yola ehanauno leni, Ame ohandi ka sheka etilifo leni eshi tali uya. 27 Ehaluko leni eshi tali uya ngaashi oshikungulu, nehanauno leni ngaashi omhepo yokafudaela ndele tamu wilwa koluhepo noketilo. 28 Opo nee tava ka ifana nge, ndelenee itandi ka nyamukula. Vo otava ka konga nge, ndelenee itava mono nge. 29 Shaashi vo tava tondo eshiivo ndele inava hoolola etilo lokutila Omwene, 30 inava hala okushiiva epukululo lange, ndele va dina omakumaido aeshe ange. 31 Onghee hano vo otava ka lya koiimati yokweenda kwavo nokukuta keemhangela davo. 32 Osheshi ovashima tava dipawa kokuliteeka kwavo, nokukala kwavo kuhe noshisho taku nyono po omalai. 33 Ndelenee ovo hava pwilikine nge tava ka kala nombili netulumuko, itava tilifwa komupya.”
1 Omayeletumbulo aSalomo yaDavid, ohamba yaIsrael, 2 ovanhu va shiive ounongo noutekuduliko, va ude ko eendjovo domayele, 3 va tambule outekuduliko wefiku keshe ou tau eta eendunge, ouyuki, neyukifo noshili, 4 nokweetela ovashima eshiivo nomunyasha okushiiva nokunongela. 5 Omunongo na pwilikine opo a hapupalife eendunge, nomunaendunge ta ka pewa omadiladilo e neendunge, 6 opo a shiive eyeletumbulo neendjovo dekumbiko, eendjovo dovalumenhu ovanongo noitevo yavo.
Etilokalunga olo efina lounongo
7 Okutila Omwene oko efina leshiivo. Omalai taa dini ounongo noutekuduliko. 8 Omumwange, pwilikina outekuduliko waxo, ndele ino ekelashi elongo lanyoko. 9 Osheshi lo oshidingo sha wapala komutwe woye noulyenge va wapala mofingo yoye.
10 Omumwange, ovalunde ngeenge tave ku hongaula, ino shi itavela. 11 Vo eshi tava ti: “Ila, tu endeni pamwe, natu nangele ohonde, natu nangele ngaho omuhenashipo, 12 natu va pone po ve nomwenyo ngaashi oshovafi, hamudilu ngaashi ovo hava kulukile melambo. 13 Oinima i lili nai lili i nondilo, ohatu ke i mona, omaumbo etu hatu ke a yadifa noixuulwa. 14 Oshihoololifo shoye shi umba pamwe nafye, fye atushe tu kaleni tu nokakutu kamwe akeke koimaliwa.” 15 Omumwange, ino enda nondjila pamwe navo, omhadi yoye i kelela kelila lavo. 16 Osheshi eemhadi davo tadi tondokele owii ndele tadi endelele okutilashi ohonde. 17 Osheshi eemwiyo tadi telwa epwanga moipafi yeedila di lili nodi lili.
18 Osho ngaha vo ohava nangele ohonde yavo vene, vo hava holamene omwenyo wavo vene. 19 Osho ngaha tashi ningilwa aveshe ava have likongele omamona oulunde: Oo otae va kufa omwenyo.
Okuhandukilwa kwaava ihava dulika
20 Ounongo tau ingida pondje mokule, tau yelula ondaka yao meendabo, 21 meekolonela domapandavanda tamu mbuyaana, oo tau ingida, peembululu doivelo moshilando, oo tau popi eendjovo dao: 22 “Fiyo onaini nye ovashima mu hole oushima, novasheki mwa hala okusheka, nomalai okutonda eshiivo? 23 Alukileni omakumaido ange, opo nee Ame ohandi mu tondokifile omhepo yange, handi mu shiivifile eendjovo dange. 24 Ame eshi nda ifana nye mwa anya, eshi nda nana eke lange ndelenee nande umwe a pwilikina, 25 ndelenee inamu shikula epukululo lange, nomakumaido ange inamu a itavela, 26 onghee hano naame yo ohandi ka yola ehanauno leni, Ame ohandi ka sheka etilifo leni eshi tali uya. 27 Ehaluko leni eshi tali uya ngaashi oshikungulu, nehanauno leni ngaashi omhepo yokafudaela ndele tamu wilwa koluhepo noketilo. 28 Opo nee tava ka ifana nge, ndelenee itandi ka nyamukula. Vo otava ka konga nge, ndelenee itava mono nge. 29 Shaashi vo tava tondo eshiivo ndele inava hoolola etilo lokutila Omwene, 30 inava hala okushiiva epukululo lange, ndele va dina omakumaido aeshe ange. 31 Onghee hano vo otava ka lya koiimati yokweenda kwavo nokukuta keemhangela davo. 32 Osheshi ovashima tava dipawa kokuliteeka kwavo, nokukala kwavo kuhe noshisho taku nyono po omalai. 33 Ndelenee ovo hava pwilikine nge tava ka kala nombili netulumuko, itava tilifwa komupya.”
