Ehanauko laBabilon
1 Okuxunganekwa kombuwa yopefuta. Ngaashi oshikungulu tashi koyelele medu lokoumbuwanhu, otashi di kombuwa medu la tilika. 2 Ame onda talifwa emoniko lidjuu. Omutinhi ota tinhi nomuhanauni ta hanauna. Fikama, Elam! Media, kondeka! Enyemato keshe ohandi li xulifa po! 3 Oshiya shange onghee tashi kakama unene, onda hangika kouyehame, handi fetwa ngaashi omudali; eshi nde shi uda, sha petameka nge, nda haluka, ndele nghi wete ko. 4 Omutima wange tau lomhauka, noutile wa hangelela nge. Onguloshi yehafo lange otai shitukifwa ehaluko.
5 Otava yale oshililo, tava yale oiinda. Tapa liwa ndele tapa nuwa. Fikameni, onye eehamba! Vaekeni oikelelifo! 6 Osheshi Omwene osho a lombwela nge a tya: “Inda ko, nangeka ko omunangeli; na shiivife eshi te shi mono. 7 Nongeenge ta mono ovalondi veenghambe ve li momusholondodo woovavali noovavali, ovalondi voimbulu, ovalondi veengamelo, opo nee na pwilikine shili, te va pwilikine noukeka.” 8 Ndele ye okwa ingida ngaashi onghoshi tai kumbu ta ti: “Ame nda kala ofika, ndi li moshungo yenangelo, Omwene, omutenya aushe inandi linyenga, noufiku aushe onda pashuka, nda kala mokunangela kwange.” 9 Ndele tala, otaku di omusholondodo wovalondi veenghambe ve li oovavali noovavali. Opo nee ye okwa popya ndele ta ti: “Babilon osha teka po, sha teka po, noifefa yoikalunga yasho aishe oya kumauninwa poshi noya teyaulwa po.” 10 Akutu ovanhu vange va xuwa ngaashi oilya, va lyatelwa poshi. Eshi nde shi uda kOmwene womatanga ovakwaita, kuKalunga kaIsrael, onde shi mu hololela!
Edom tashi xunganekwa
11 Okuxunganekwa kwaEdom. Ame onda lalekidwa kuumwe womuSeir, ta ti: “Omunangeli, otundi onhingapi oufiku? Omunangeli, otundi onhingapi oufiku?” 12 Omunangeli okwa tya: “Okusha oku li popepi ndele oufiku natango. Ngeenge omwa hala okupula, puleni, alukeni, ileni!”
Arabia tashi xunganekwa
13 Arabia tashi xunganekwa. Oyeendo yokuDedan nye, ongeni eenhanda onguloshi mofuka yaArabia! 14 Ka shakenekeni ovanotelwa nye, mu va twalele omeva! Oonakukala nye moshilongo shaTema, shakenekeni nomungome ovainhapo. 15 Osheshi vo ova ya onhapo eongamukonda, va faduka po eongamukonda la tanganana, nomauta a lukilwa nefininiko loita. 16 Osheshi Omwene okwa lombwela nge, ta ti: “Mokati komudo, ngaashi omudo womulongeli wondjabi, etumbalo alishe laKedar otali ka xula po, 17 ndele oshixupe shomauta ovakwataiti Ovakedari otashi ka kala shinini, osheshi Omwene Kalunga kaIsrael osho a popya.”
Ehanauko laBabilon
1 Okuxunganekwa kombuwa yopefuta. Ngaashi oshikungulu tashi koyelele medu lokoumbuwanhu, otashi di kombuwa medu la tilika. 2 Ame onda talifwa emoniko lidjuu. Omutinhi ota tinhi nomuhanauni ta hanauna. Fikama, Elam! Media, kondeka! Enyemato keshe ohandi li xulifa po! 3 Oshiya shange onghee tashi kakama unene, onda hangika kouyehame, handi fetwa ngaashi omudali; eshi nde shi uda, sha petameka nge, nda haluka, ndele nghi wete ko. 4 Omutima wange tau lomhauka, noutile wa hangelela nge. Onguloshi yehafo lange otai shitukifwa ehaluko.
5 Otava yale oshililo, tava yale oiinda. Tapa liwa ndele tapa nuwa. Fikameni, onye eehamba! Vaekeni oikelelifo! 6 Osheshi Omwene osho a lombwela nge a tya: “Inda ko, nangeka ko omunangeli; na shiivife eshi te shi mono. 7 Nongeenge ta mono ovalondi veenghambe ve li momusholondodo woovavali noovavali, ovalondi voimbulu, ovalondi veengamelo, opo nee na pwilikine shili, te va pwilikine noukeka.” 8 Ndele ye okwa ingida ngaashi onghoshi tai kumbu ta ti: “Ame nda kala ofika, ndi li moshungo yenangelo, Omwene, omutenya aushe inandi linyenga, noufiku aushe onda pashuka, nda kala mokunangela kwange.” 9 Ndele tala, otaku di omusholondodo wovalondi veenghambe ve li oovavali noovavali. Opo nee ye okwa popya ndele ta ti: “Babilon osha teka po, sha teka po, noifefa yoikalunga yasho aishe oya kumauninwa poshi noya teyaulwa po.” 10 Akutu ovanhu vange va xuwa ngaashi oilya, va lyatelwa poshi. Eshi nde shi uda kOmwene womatanga ovakwaita, kuKalunga kaIsrael, onde shi mu hololela!
Edom tashi xunganekwa
11 Okuxunganekwa kwaEdom. Ame onda lalekidwa kuumwe womuSeir, ta ti: “Omunangeli, otundi onhingapi oufiku? Omunangeli, otundi onhingapi oufiku?” 12 Omunangeli okwa tya: “Okusha oku li popepi ndele oufiku natango. Ngeenge omwa hala okupula, puleni, alukeni, ileni!”
Arabia tashi xunganekwa
13 Arabia tashi xunganekwa. Oyeendo yokuDedan nye, ongeni eenhanda onguloshi mofuka yaArabia! 14 Ka shakenekeni ovanotelwa nye, mu va twalele omeva! Oonakukala nye moshilongo shaTema, shakenekeni nomungome ovainhapo. 15 Osheshi vo ova ya onhapo eongamukonda, va faduka po eongamukonda la tanganana, nomauta a lukilwa nefininiko loita. 16 Osheshi Omwene okwa lombwela nge, ta ti: “Mokati komudo, ngaashi omudo womulongeli wondjabi, etumbalo alishe laKedar otali ka xula po, 17 ndele oshixupe shomauta ovakwataiti Ovakedari otashi ka kala shinini, osheshi Omwene Kalunga kaIsrael osho a popya.”
