Joahas, Jehoiakim naJehoiakin eehamba daJuda
1 Novanhu vomoshilongo va kufa Joahas yaJosia, ndele ve mu ninga ohamba ponhele yaxe muJerusalem. 2 Omido daJoahas da li omilongo mbali nanhatu, ye eshi a ninga ohamba, nokwa pangela eehani nhatu muJerusalem. 3 Nohamba yaEgipiti ye mu kufa mo mepangelo muJerusalem, ndele ya futifa oshilongo eekilograma omayovi atatu nomafele ane doisiliveli, neekilograma omilongo nhatu nanhee doshingoldo. 4 Opo nee ohamba yaEgipiti ya ninga Eliakim, omumwaina, ohamba yaJuda noyaJerusalem, ndele ye mu lukulula Jehoiakim. Ndelenee Neko okwa kufa omumwaina Joahas nokwe mu twala kuEgipiti. 5 Omido daJehoiakim da li omilongo mbali nanhano, ye eshi a ninga ohamba, nokwa pangela omido omulongo naumwe muJerusalem. Nokwa ninga osho inashi wapala momesho Omwene Kalunga kaye. 6 Nebukadnesar, ohamba yaBabilon, oye mu homona ndele tai mu mange nelyenge loshikushu nokwe mu twala kuBabilon. 7 Nebukadnesar okwa twala yo kuBabilon oinima imwe yomongulu yOmwene ndele ye i tula motembeli yaye muBabilon. 8 Oinima imwe tai hepaulula Jehoiakim noixuna yaye e i ninga, naayo ya monika muye, tala, oyo ya shangwa membo leehamba daIsrael nodaJuda. Nomona waye Jehoiakin ya ninga ohamba ponhele yaye.
9 Omido daJehoiakin da li omulongo nahetatu, ye eshi a ninga ohamba, nokwa pangela eehani nhatu nomafiku omulongo muJerusalem. Ndele ye okwa ninga osho inashi yuka momesho Omwene. 10 Pexulilo lomudo ohamba Nebukadnesar ya tuma ko ndele ve mu twala kuBabilon pamwe noinima i nondilo yomongulu yOmwene. Nomumwaina Sedekia okwa ninga ohamba yaJuda noyaJerusalem.
Sedekia, ohamba yaxuuninwa yaJuda
11 Omido daSedekia da li omilongo mbali naumwe, ye eshi a ninga ohamba, nokwa pangela omido omulongo naumwe muJerusalem. 12 Nokwa ninga osho inashi yuka momesho Omwene Kalunga kaye. Ndele ye ine lininipika koshipala shomuxunganeki Jeremia, ou e mu lombwela odo da dja mokanya kOmwene.
Nebukadnesar ta hanauna po Jerusalem
13 Ye okwe liteeka yo ohamba Nebukadnesar, nande yo oye mu anifa puKalunga. Ndelenee ye okwa li e nofingo ikukutu nokwa kukutika omutima waye, onghee hano ina ama kOmwene Kalunga kaIsrael. 14 Novakulunhu yo vomovapristeli novanhu ve liteeka, ndele va longa paixuna aishe yovapaani, ndele va nyateka ongulu yOmwene oyo ye e i yapula muJerusalem. 15 NOmwene Kalunga kooxe ina loloka oku va tumina ovatumwa vaye. Osheshi Ye okwa li e nolune omolwovanhu vaye nongulu yaye. 16 Ndelenee va yola ovatumwa vaKalunga, ndele va dina eendjovo daye, ndele va sheka ovaxunganeki vaye, fiyo oupyuhandu wOmwene wa xwamena ovanhu vaye ndele inapa monika vali eveluko. 17 Onghee hano Ye okwa fikamifa ohamba yOvakaldea i va homone, ndele yo oya dipaa neongamukonda ovalumenhu ovanyasha mongulu yotembeli yavo, ndele inai uditila nande omunyasha omumati ile okakadona, ovakulunhu ile ovakulupe olukeno: Ye okwa yandja aveshe meke layo. 18 Noinima aishe yongulu yaKalunga, inene noinini, nomamona omongulu yOmwene nomamona ohamba, naa omalenga, aishe yo ye i twala kuBabilon. 19 Ndele va xwika po ongulu yaKalunga ndele va ngumauna po ohotekuma yaJerusalem neengulu adishe doipuna domusho ve di xwika po nomundilo, noinima aishe iwa i nondilo ya hanaunwa po. 20 Ndele ava va xupa keongamukonda oye va twala kuBabilon moukwatwa ndele va ninga ovapiya vayo novovana vayo, fiyo oshilongo sha nangalwa kOvapersia. 21 Opo ondjovo yOmwene e i lombwela Jeremia, i wanifwe nokutya: “Fiyo oshilongo sha mona eshakenifo molwomashabata asho. Osha tulumukwa omafiku aeshe etokeko, opo omido omilongo heyali di wanifwe.”
Kores ta itavele Ovajuda va shune koshilongo shavo
22 Ndele momudo wotete waKores, ohamba yaPersia, opo ondjovo yOmwene e i lombwela Jeremia, i wanifwe, Omwene okwa pendula omhepo yaKores, ohamba yaPersia, i shiivifile oshilongo shaye ashishe ndele ye shi shange yo monhumwafo nokutya: 23 “Kores, ohamba yaPersia, tai ti ngaha: ‘Omwene, Kalunga komeulu, okwa yandja mepangelo lange oilongo aishe yokombada yedu, nokwa lombwela nge ndi mu tungile ongulu muJerusalem osho shi li muJuda. Keshe umwe womoshiwana shaye, Omwene Kalunga kaye na kale naye, ndele na ye ko.’ ”
Joahas, Jehoiakim naJehoiakin eehamba daJuda
1 Novanhu vomoshilongo va kufa Joahas yaJosia, ndele ve mu ninga ohamba ponhele yaxe muJerusalem. 2 Omido daJoahas da li omilongo mbali nanhatu, ye eshi a ninga ohamba, nokwa pangela eehani nhatu muJerusalem. 3 Nohamba yaEgipiti ye mu kufa mo mepangelo muJerusalem, ndele ya futifa oshilongo eekilograma omayovi atatu nomafele ane doisiliveli, neekilograma omilongo nhatu nanhee doshingoldo. 4 Opo nee ohamba yaEgipiti ya ninga Eliakim, omumwaina, ohamba yaJuda noyaJerusalem, ndele ye mu lukulula Jehoiakim. Ndelenee Neko okwa kufa omumwaina Joahas nokwe mu twala kuEgipiti. 5 Omido daJehoiakim da li omilongo mbali nanhano, ye eshi a ninga ohamba, nokwa pangela omido omulongo naumwe muJerusalem. Nokwa ninga osho inashi wapala momesho Omwene Kalunga kaye. 6 Nebukadnesar, ohamba yaBabilon, oye mu homona ndele tai mu mange nelyenge loshikushu nokwe mu twala kuBabilon. 7 Nebukadnesar okwa twala yo kuBabilon oinima imwe yomongulu yOmwene ndele ye i tula motembeli yaye muBabilon. 8 Oinima imwe tai hepaulula Jehoiakim noixuna yaye e i ninga, naayo ya monika muye, tala, oyo ya shangwa membo leehamba daIsrael nodaJuda. Nomona waye Jehoiakin ya ninga ohamba ponhele yaye.
9 Omido daJehoiakin da li omulongo nahetatu, ye eshi a ninga ohamba, nokwa pangela eehani nhatu nomafiku omulongo muJerusalem. Ndele ye okwa ninga osho inashi yuka momesho Omwene. 10 Pexulilo lomudo ohamba Nebukadnesar ya tuma ko ndele ve mu twala kuBabilon pamwe noinima i nondilo yomongulu yOmwene. Nomumwaina Sedekia okwa ninga ohamba yaJuda noyaJerusalem.
Sedekia, ohamba yaxuuninwa yaJuda
11 Omido daSedekia da li omilongo mbali naumwe, ye eshi a ninga ohamba, nokwa pangela omido omulongo naumwe muJerusalem. 12 Nokwa ninga osho inashi yuka momesho Omwene Kalunga kaye. Ndele ye ine lininipika koshipala shomuxunganeki Jeremia, ou e mu lombwela odo da dja mokanya kOmwene.
Nebukadnesar ta hanauna po Jerusalem
13 Ye okwe liteeka yo ohamba Nebukadnesar, nande yo oye mu anifa puKalunga. Ndelenee ye okwa li e nofingo ikukutu nokwa kukutika omutima waye, onghee hano ina ama kOmwene Kalunga kaIsrael. 14 Novakulunhu yo vomovapristeli novanhu ve liteeka, ndele va longa paixuna aishe yovapaani, ndele va nyateka ongulu yOmwene oyo ye e i yapula muJerusalem. 15 NOmwene Kalunga kooxe ina loloka oku va tumina ovatumwa vaye. Osheshi Ye okwa li e nolune omolwovanhu vaye nongulu yaye. 16 Ndelenee va yola ovatumwa vaKalunga, ndele va dina eendjovo daye, ndele va sheka ovaxunganeki vaye, fiyo oupyuhandu wOmwene wa xwamena ovanhu vaye ndele inapa monika vali eveluko. 17 Onghee hano Ye okwa fikamifa ohamba yOvakaldea i va homone, ndele yo oya dipaa neongamukonda ovalumenhu ovanyasha mongulu yotembeli yavo, ndele inai uditila nande omunyasha omumati ile okakadona, ovakulunhu ile ovakulupe olukeno: Ye okwa yandja aveshe meke layo. 18 Noinima aishe yongulu yaKalunga, inene noinini, nomamona omongulu yOmwene nomamona ohamba, naa omalenga, aishe yo ye i twala kuBabilon. 19 Ndele va xwika po ongulu yaKalunga ndele va ngumauna po ohotekuma yaJerusalem neengulu adishe doipuna domusho ve di xwika po nomundilo, noinima aishe iwa i nondilo ya hanaunwa po. 20 Ndele ava va xupa keongamukonda oye va twala kuBabilon moukwatwa ndele va ninga ovapiya vayo novovana vayo, fiyo oshilongo sha nangalwa kOvapersia. 21 Opo ondjovo yOmwene e i lombwela Jeremia, i wanifwe nokutya: “Fiyo oshilongo sha mona eshakenifo molwomashabata asho. Osha tulumukwa omafiku aeshe etokeko, opo omido omilongo heyali di wanifwe.”
Kores ta itavele Ovajuda va shune koshilongo shavo
22 Ndele momudo wotete waKores, ohamba yaPersia, opo ondjovo yOmwene e i lombwela Jeremia, i wanifwe, Omwene okwa pendula omhepo yaKores, ohamba yaPersia, i shiivifile oshilongo shaye ashishe ndele ye shi shange yo monhumwafo nokutya: 23 “Kores, ohamba yaPersia, tai ti ngaha: ‘Omwene, Kalunga komeulu, okwa yandja mepangelo lange oilongo aishe yokombada yedu, nokwa lombwela nge ndi mu tungile ongulu muJerusalem osho shi li muJuda. Keshe umwe womoshiwana shaye, Omwene Kalunga kaye na kale naye, ndele na ye ko.’ ”
