Yepeni ouhalu noukaume wounyuni
1 Omalwoodi nomashilafano mokati keni otaa di peni? Hamouhalu weni ou hau kondjo moinhimbu yeni? 2 Nye ohamu haluka, ndelenee kamu na sha, hamu dipaa nomu nefupa, ndele ihamu dulu okumona sha; ohamu shilafana ndele tamu lu, ndelenee kamu na eshi mu kwete, osheshi nye ihamu indile. 3 Nande hamu indile, ihamu mono sha, shaashi ohamu indile nai, mu i longife mouhalu weni. 4 Ovanyoni vohombo nye, kamu shi shii hamba nokutya, oukaume wounyuni ou owo okutonda Kalunga? Hano ou a hala okukala kaume kounyuni, ota ningi omutondi waKalunga. 5 Ile omu shii omushangwa otau popi dongaho: “Omhepo ei i li mufye okwe i twila olwisho noku i kodilila?” 6 Ndelenee ye ota yandje efilonghenda linene unene. Onghee tapa tiwa: “Kalunga oku tonde ovalinenepeki, ndelenee ovalininipiki te va file onghenda.”
Lininipikeni
7 Dulikeni hano kuKalunga, kondjifeni Satana, ndele ye te mu i onhapo. 8 Eheneni kuKalunga, opo nee Ye ta ehene kunye. Yelifeni omake eni, nye ovalunde, yelifeni omitima deni, nye ovanamitimambali. 9 Shiiveni oluhepo leni, nyikeni oluhodi nokulila; okuyola kweni naku shituke oluhodi, nehafo leni nali shituke oufiye. 10 Lininipikeni koshipala shOmwene, ndele Ye ote mu nenepeke.
Inamu ambafana nye inamu tokolafana
11 Ovamwatate, inamu ambafana. Ou ta ambe mukwao ile ta tokola mukwao, ota ambe omhango ndele ta tokola omhango; ndelenee ngeenge to tokola omhango, opo nee ove ku fi omuwanifi womhango, ndelenee omutokoli wayo. 12 Omuyandjimhango nomutokoli umwe aeke, Oye ou e neenghono okuxupifa nokukanifa; ndelenee ove, oove lyelye eshi to tokola mukweni?
Inamu kala nokulilineekela nye vene
13 Pwilikineni nye ava hamu ti: “Nena ile mongula otwa hala tu ye koshilando shonhumba noshongadi, tu kale ko omudo umwe, tu shingife fye tu likole,” 14 nye ava muhe nowino waashi tashi ningwa komongula; osheshi okukala kweni okwa tya ngahelipi? Oko omwifi, ou hau monika okafimbo kanini ndele tau lihane po. 15 Ponhele yasho ngeno ohamu ti: “Omwene ngeenge e shi hala ndele tu nomwenyo, ohatu ka ninga eshi ile shinya.” 16 Ndelenee paife nye ohamu litangele nokulinenepeka. Elitangelo alishe la tya ngaha olii. 17 Hano, ou e shii okulonga ouwa, ndele ye ite shi ningi, oye e netimba.
Yepeni ouhalu noukaume wounyuni
1 Omalwoodi nomashilafano mokati keni otaa di peni? Hamouhalu weni ou hau kondjo moinhimbu yeni? 2 Nye ohamu haluka, ndelenee kamu na sha, hamu dipaa nomu nefupa, ndele ihamu dulu okumona sha; ohamu shilafana ndele tamu lu, ndelenee kamu na eshi mu kwete, osheshi nye ihamu indile. 3 Nande hamu indile, ihamu mono sha, shaashi ohamu indile nai, mu i longife mouhalu weni. 4 Ovanyoni vohombo nye, kamu shi shii hamba nokutya, oukaume wounyuni ou owo okutonda Kalunga? Hano ou a hala okukala kaume kounyuni, ota ningi omutondi waKalunga. 5 Ile omu shii omushangwa otau popi dongaho: “Omhepo ei i li mufye okwe i twila olwisho noku i kodilila?” 6 Ndelenee ye ota yandje efilonghenda linene unene. Onghee tapa tiwa: “Kalunga oku tonde ovalinenepeki, ndelenee ovalininipiki te va file onghenda.”
Lininipikeni
7 Dulikeni hano kuKalunga, kondjifeni Satana, ndele ye te mu i onhapo. 8 Eheneni kuKalunga, opo nee Ye ta ehene kunye. Yelifeni omake eni, nye ovalunde, yelifeni omitima deni, nye ovanamitimambali. 9 Shiiveni oluhepo leni, nyikeni oluhodi nokulila; okuyola kweni naku shituke oluhodi, nehafo leni nali shituke oufiye. 10 Lininipikeni koshipala shOmwene, ndele Ye ote mu nenepeke.
Inamu ambafana nye inamu tokolafana
11 Ovamwatate, inamu ambafana. Ou ta ambe mukwao ile ta tokola mukwao, ota ambe omhango ndele ta tokola omhango; ndelenee ngeenge to tokola omhango, opo nee ove ku fi omuwanifi womhango, ndelenee omutokoli wayo. 12 Omuyandjimhango nomutokoli umwe aeke, Oye ou e neenghono okuxupifa nokukanifa; ndelenee ove, oove lyelye eshi to tokola mukweni?
Inamu kala nokulilineekela nye vene
13 Pwilikineni nye ava hamu ti: “Nena ile mongula otwa hala tu ye koshilando shonhumba noshongadi, tu kale ko omudo umwe, tu shingife fye tu likole,” 14 nye ava muhe nowino waashi tashi ningwa komongula; osheshi okukala kweni okwa tya ngahelipi? Oko omwifi, ou hau monika okafimbo kanini ndele tau lihane po. 15 Ponhele yasho ngeno ohamu ti: “Omwene ngeenge e shi hala ndele tu nomwenyo, ohatu ka ninga eshi ile shinya.” 16 Ndelenee paife nye ohamu litangele nokulinenepeka. Elitangelo alishe la tya ngaha olii. 17 Hano, ou e shii okulonga ouwa, ndele ye ite shi ningi, oye e netimba.
