Daniel ta mono memoniko oinamwenyo ine tai djuuka mefuta
1 Momudo wotete waBelsassar, ohamba yaBabilon, Daniel okwa mona emoniko mondjodi, omamoniko omomutwe waye, momutala waye. Opo nee ye a shanga ondjodi nokwa hepaulula efina layo. 2 Daniel okwa popya ndele ta ti: “Oufiku ame onda mona memoniko, ndele tala, eemhepo nhee dokeulu oda tukulula Efuta Lopokati. 3 Ndele oilyani ine inene i lili noi lili inai faafana oya djuuka mefuta. 4 Ndele shotete osha li sha fonghoshi ya li i nomavava onhwa. Fimbo ame handi shi tale, omavava asho okwa dudwa mo, ndele osha kufwa pedu, ndele sha kalekwa ofika komaulu avali ngaashi omunhu, ndele osha pewa omutima womunhu. 5 Ndele tala, okwa li oshilyani shimwe oshitivali, osha li sha fa emwangha, ndele sha kalekwa ofika kolupati lasho, shi kwete eemhati nhatu mokanya kasho pokati komayoo asho. Ndele osha lombwelwa: ‘Fikama, lya ombelela ihapu!’ 6 Konima onda mona, ndele tala, okwa li vali shimwe sha fongwe, sha li shi nomavava ane odila kombuda yasho. Oshilyani eshi osha li yo nomitwe nhee, ndele osha pewa eenghonopangelo. 7 Opo nda mona memoniko oufiku, ndele tala, okwa kala oshilyani oshitine, sha tilika, tashi pendula omaxwilili, ndele oshi neenghono dihapu sho sha li shi nomayoo manene oivela, ndele osho sha hakana nokunyanyaula, ndele eshi sha xupa, oshe shi lyata nomakasha asho. Sho osha li shi lili inashi fa ikwao inya ye shi tetekela, ndele osha li shi neembinga omulongo. 8 Fimbo ame handi tale nawa eembinga odo, tala, pokati kado pa mbaduka oluvinga linini, neembinga nhatu domudikwao oda dudwa mo. Ndele tala, moluvinga eli omwa li mu nomesho, a fomesho omunhu, nokanya taka popi oinima inene.
9 Ndele fimbo handi shi tale,
okwa dikwa omalukalwapangelo,
ndele Omuxungu ta kala omutumba.
Oikutu yaye oitoka ya fa eemhawe,
neexwiki dokomutwe waye oditoka
ngaashi olududi leedi li yela.
Olukalwapangelo laye la li omalaka omundilo,
ndele omaulu alo a fomundilo wa tema;
10 eenghungulukilo domundilo oda tondoka,
da dja koshipala shaye,
eyovi lwomayovi ove mu longela,
nomayovi omulongo lwomayovi omulongo
ova kala ofika koshipala shaye.
Ovatokoli va kala omutumba,
omambo a nyanunwa.
11 “Ndele ame onda kala nokutala ndele fimbo handi tale, opo oshilyani osho sha dipawa molweendjovo desheko da popiwa koluvinga linya, noshimhu shasho sha nyanyaulwa nosha ekelwa momundilo wa tema, shi pile mo. 12 Noilyani ikwao yo oya nyekwa eenghono dayo. Oule wokukala kwayo wa yelekwa efimbo notundi. 13 Ame onda mona momamoniko oufiku, ndele tala, Umwe a fa omona womunhu e uya moilemo yokeulu, ndele ye okwe uya kOmuxungu ndele ve mu ehenifa koshipala shaye. 14 Ndele ye okwa pewa eenghono nefimano noshilongo. Noiwana aishe omaludi nomalaka tae mu longele. Eenghonopangelo daye odo eenghonopangelo daalushe, kadi na apa tadi xulu po. Ndele oshilongo shaye osho oshilongo itashi ka teywa po.
15 “Ame, Daniel, nda li ndi udite omhepo yange oya nyika oluhodi mwaame, nomamoniko nde a mona okwa halula nge. 16 Ndele ame onda ehena popepi naumwe wa venya va kala ofika penya, ndele nde mu pula ndi shiive oshili yoinima aishe ei. Ndele ye okwe i lombwela nge ndele a tomonena nge oinima inya. 17 ‘Oilyani ei ine inene, oyo eehamba nhee, tadi ka mbaduka medu. 18 Ndele ovayapuki vaau wOkombadambada tava ka pewa oshilongo, ndele tava ka kala nasho fiyo alushe, heeno, fiyo alushelushe.’
19 “Opo ame nda li nda hala okushiiva shili oshilyani eshi oshitine, sha li shi lili, inashi fa ikwao, ndele osha tilika unene shili, sha li shi nomayoo oivela neenyala doshikushu, tashi hakana nokunyanyaula, ndele eshi sha xupa po, oshe shi lyata nomakasha asho. 20 Ndele nda hala okushiiva eembinga edi omulongo da kala komutwe washo, noluvinga linya likwao la mbaduka mo nomoitanaisho eembinga nhatu da wa mo, nokutya oluvinga linya la li li nomesho nokanya ka popya oinima inene ndele olo la li linene li dule dikwao. 21 Ame onda mona, nokutya oluvinga eli ola lwifa ovayapuki ndele le va taataa, 22 fiyo Omuxungu e uya ndele a yukifila ovayapuki vaau wOkombadambada fiyo efimbo la fika ovayapuki va pewa oshilongo. 23 Ndele ye okwa tya ngaha: ‘Oshilyani oshitine osho oshilongo oshitine, tashi ka kala kombada yedu, oshi lili, itashi fe oilongo ikwao. Osho tashi ka hakana po edu alishe, ndele tashi ke li lyataula ndele tashi ke li nyanyaula. 24 Neembinga odo omulongo, odo eehamba omulongo, tadi ka holoka moshilongo osho. Ndele imwe i lili tai ka holoka konima yado, ndele yo inai fa dikwao, ndele tai ka nata po eehamba nhatu. 25 Ndele yo otai sheke ou wOkombadambada ndele yo tai hanauna po ovayapuki vaau wOkombadambada. Ndele yo otai kendabala okulundulula omafimbo nomhango, ndele vo otava ka yandjwa momake ayo efimbo nomafimbo avali netatakati lefimbo. 26 Ndelenee ovatokoli tava ka kala omutumba, ndele vo otave i kufa eenghonopangelo dayo, tadi hanaunwa po ndele tadi dimwa po filu. 27 Opo nee oshiwana shovayapuki vaau wOkombadambada tashi pewa ouhamba neenghonopangelo netumbalo loilongo aishe yokoshi yeulu alishe. Oshilongo shavo osho oshilongo shaalushe, ndele omapangelo aeshe otae va fimaneke, ndele taa dulika kuvo.’
28 “Oshinima eshi sha xulila apa. Ame, Daniel, onda halukifwa unene komadiladilo ange, noshipala shange osha shituka, ndelenee oshinima eshi onde shi tuvikila momutima wange.”
Daniel ta mono memoniko oinamwenyo ine tai djuuka mefuta
1 Momudo wotete waBelsassar, ohamba yaBabilon, Daniel okwa mona emoniko mondjodi, omamoniko omomutwe waye, momutala waye. Opo nee ye a shanga ondjodi nokwa hepaulula efina layo. 2 Daniel okwa popya ndele ta ti: “Oufiku ame onda mona memoniko, ndele tala, eemhepo nhee dokeulu oda tukulula Efuta Lopokati. 3 Ndele oilyani ine inene i lili noi lili inai faafana oya djuuka mefuta. 4 Ndele shotete osha li sha fonghoshi ya li i nomavava onhwa. Fimbo ame handi shi tale, omavava asho okwa dudwa mo, ndele osha kufwa pedu, ndele sha kalekwa ofika komaulu avali ngaashi omunhu, ndele osha pewa omutima womunhu. 5 Ndele tala, okwa li oshilyani shimwe oshitivali, osha li sha fa emwangha, ndele sha kalekwa ofika kolupati lasho, shi kwete eemhati nhatu mokanya kasho pokati komayoo asho. Ndele osha lombwelwa: ‘Fikama, lya ombelela ihapu!’ 6 Konima onda mona, ndele tala, okwa li vali shimwe sha fongwe, sha li shi nomavava ane odila kombuda yasho. Oshilyani eshi osha li yo nomitwe nhee, ndele osha pewa eenghonopangelo. 7 Opo nda mona memoniko oufiku, ndele tala, okwa kala oshilyani oshitine, sha tilika, tashi pendula omaxwilili, ndele oshi neenghono dihapu sho sha li shi nomayoo manene oivela, ndele osho sha hakana nokunyanyaula, ndele eshi sha xupa, oshe shi lyata nomakasha asho. Sho osha li shi lili inashi fa ikwao inya ye shi tetekela, ndele osha li shi neembinga omulongo. 8 Fimbo ame handi tale nawa eembinga odo, tala, pokati kado pa mbaduka oluvinga linini, neembinga nhatu domudikwao oda dudwa mo. Ndele tala, moluvinga eli omwa li mu nomesho, a fomesho omunhu, nokanya taka popi oinima inene.
9 Ndele fimbo handi shi tale,
okwa dikwa omalukalwapangelo,
ndele Omuxungu ta kala omutumba.
Oikutu yaye oitoka ya fa eemhawe,
neexwiki dokomutwe waye oditoka
ngaashi olududi leedi li yela.
Olukalwapangelo laye la li omalaka omundilo,
ndele omaulu alo a fomundilo wa tema;
10 eenghungulukilo domundilo oda tondoka,
da dja koshipala shaye,
eyovi lwomayovi ove mu longela,
nomayovi omulongo lwomayovi omulongo
ova kala ofika koshipala shaye.
Ovatokoli va kala omutumba,
omambo a nyanunwa.
11 “Ndele ame onda kala nokutala ndele fimbo handi tale, opo oshilyani osho sha dipawa molweendjovo desheko da popiwa koluvinga linya, noshimhu shasho sha nyanyaulwa nosha ekelwa momundilo wa tema, shi pile mo. 12 Noilyani ikwao yo oya nyekwa eenghono dayo. Oule wokukala kwayo wa yelekwa efimbo notundi. 13 Ame onda mona momamoniko oufiku, ndele tala, Umwe a fa omona womunhu e uya moilemo yokeulu, ndele ye okwe uya kOmuxungu ndele ve mu ehenifa koshipala shaye. 14 Ndele ye okwa pewa eenghono nefimano noshilongo. Noiwana aishe omaludi nomalaka tae mu longele. Eenghonopangelo daye odo eenghonopangelo daalushe, kadi na apa tadi xulu po. Ndele oshilongo shaye osho oshilongo itashi ka teywa po.
15 “Ame, Daniel, nda li ndi udite omhepo yange oya nyika oluhodi mwaame, nomamoniko nde a mona okwa halula nge. 16 Ndele ame onda ehena popepi naumwe wa venya va kala ofika penya, ndele nde mu pula ndi shiive oshili yoinima aishe ei. Ndele ye okwe i lombwela nge ndele a tomonena nge oinima inya. 17 ‘Oilyani ei ine inene, oyo eehamba nhee, tadi ka mbaduka medu. 18 Ndele ovayapuki vaau wOkombadambada tava ka pewa oshilongo, ndele tava ka kala nasho fiyo alushe, heeno, fiyo alushelushe.’
19 “Opo ame nda li nda hala okushiiva shili oshilyani eshi oshitine, sha li shi lili, inashi fa ikwao, ndele osha tilika unene shili, sha li shi nomayoo oivela neenyala doshikushu, tashi hakana nokunyanyaula, ndele eshi sha xupa po, oshe shi lyata nomakasha asho. 20 Ndele nda hala okushiiva eembinga edi omulongo da kala komutwe washo, noluvinga linya likwao la mbaduka mo nomoitanaisho eembinga nhatu da wa mo, nokutya oluvinga linya la li li nomesho nokanya ka popya oinima inene ndele olo la li linene li dule dikwao. 21 Ame onda mona, nokutya oluvinga eli ola lwifa ovayapuki ndele le va taataa, 22 fiyo Omuxungu e uya ndele a yukifila ovayapuki vaau wOkombadambada fiyo efimbo la fika ovayapuki va pewa oshilongo. 23 Ndele ye okwa tya ngaha: ‘Oshilyani oshitine osho oshilongo oshitine, tashi ka kala kombada yedu, oshi lili, itashi fe oilongo ikwao. Osho tashi ka hakana po edu alishe, ndele tashi ke li lyataula ndele tashi ke li nyanyaula. 24 Neembinga odo omulongo, odo eehamba omulongo, tadi ka holoka moshilongo osho. Ndele imwe i lili tai ka holoka konima yado, ndele yo inai fa dikwao, ndele tai ka nata po eehamba nhatu. 25 Ndele yo otai sheke ou wOkombadambada ndele yo tai hanauna po ovayapuki vaau wOkombadambada. Ndele yo otai kendabala okulundulula omafimbo nomhango, ndele vo otava ka yandjwa momake ayo efimbo nomafimbo avali netatakati lefimbo. 26 Ndelenee ovatokoli tava ka kala omutumba, ndele vo otave i kufa eenghonopangelo dayo, tadi hanaunwa po ndele tadi dimwa po filu. 27 Opo nee oshiwana shovayapuki vaau wOkombadambada tashi pewa ouhamba neenghonopangelo netumbalo loilongo aishe yokoshi yeulu alishe. Oshilongo shavo osho oshilongo shaalushe, ndele omapangelo aeshe otae va fimaneke, ndele taa dulika kuvo.’
28 “Oshinima eshi sha xulila apa. Ame, Daniel, onda halukifwa unene komadiladilo ange, noshipala shange osha shituka, ndelenee oshinima eshi onde shi tuvikila momutima wange.”
