Eimbilo lehambelelo nolepandulo laDavid
1 Ndele David okwa lombwela Omwene eendjovo deimbilo eli mefiku tuu olo Omwene e mu xupifa mo momake ovatondadi vaye aveshe nomeke laSaul 2 ndele ta ti:
“Omwene Oye emanya lange
nohotengulu yange nomuxupifi wange.
3 Kalunga, emanya lange, Oye handi mu lineekele;
oshikelelifo shange noluvinga lexupifo lange,
ohotemanya yange, nehondameno lange, omuxupifi wange.
Ove wa xupifa nge mo moukolokoshi.
4 Ohandi ifana Omwene,
nokovatondi vange ota xupifa nge;
Omwene na hambelelwe.
5 Osheshi omakufikufi efyo a dingilila nge
nomakufikufi ehanauno a tuvika nge.
6 Omalulo oshovafi a dingilila nge
nomapando efyo a hanga nge.
7 “Moudjuu wange nda ifana Omwene,
nda kuwila Kalunga kange onghuwo.
Ye okwa uda ondaka yange motembeli yaye,
nonghuwo yange ya fika momatwi aye.
8 Opo nee edu la yakita nokukakama,
nomakanghameno eulu a dekweta nokuyakita,
shaashi Ye a li a handuka.
9 Omwifi wa lundumuka meyulu laye,
nomundilo womokanya kaye wa lungwinifa po;
nomutemo womakala owa ndwafuka muye.
10 Ye a nyongameka eulu nokwa kolokela poshi,
nomulaulu woilemo wa li koshi yeemhadi daye.
11 Okwa enda kombada yomukerubi
nokwa tukifwa nomavava omhepo.
12 Nomulaulu okwe u ninga oshuuviko shaye,
omeva oilemo ilaula, e e lidingililifa.
13 Moshinge shokomesho yaye
omulemo womakala owa ndwafuka.
14 Opo Omwene okwa ndunduma meulu,
nondaka yaau wOkombadambada ya udika.
15 Nokwa umba oikuti ndele e va halakanifa,
heeno, omaluvadi, ndele e va halukifa.
16 Noukukutu woposhi womefuta wa monika,
omakanghameno ounyuni a holoka poluhaela
omolwomahanyeno Omwene,
okefudaano lomhepo yeyulu laye.
17 Okwa vakula nge
meke lomuyelani wange omunaenghono
nomovatondi vange,
ava va li ve dule nge eenghono unene.
18 Ye okwa xupifa nge movatondadi vange ovanaenghono,
ovo va tonda nge,
osheshi vo ova li ve dule nge eenghono.
19 Vo ova homona nge mefiku lomupya wange,
ndelenee Omwene okwa ninga omuyambididi wange.
20 Ye okwa twala nge poluhaela.
Nokwa xupifa nge, shaashi a hokwa nge.
21 Omwene okwa pa nge pauyuki wange,
ndele ta punike nge paukoshoki womutima wange.
22 Osheshi nda diinina eendjila dOmwene
ndele inandi dja po puKalunga kange
ndi ye moukolokoshi.
23 Osheshi ame nda konenena oipango yOmwene;
noinandi twa omhata nomalombwelo aye.
24 Ndelenee ame nda li ndimuyuki moipafi yaye.
Ndele nda lungama ndiha nyone.
25 Onghee nee Omwene a alulila nge pauyuki wange,
nopaukoshoki womutima wange.
26 Omunamutimanghenda to mu file onghenda
nokomuyuki to kala omuyuki,
27 kovalininipiki oove omuxupifi,
ndelenee kovalinenepeki oove omufifimani.
28 Ndele ove ho xupifa ovanhu ve lininipika
ndelenee omesho oye e nondubo novalinenepeki;
oto va xutula.
29 Osheshi Omwene Oove olamba yange!
Omwene ta minikile omilaulu dange.
30 Osheshi pamwe naave ame handi homona ongudu yovakolokoshi,
pamwe naKalunga ame handi nhuka kombada yekuma.
31 Oilonga yaKalunga ya wanenena!
Eendjovo daye oda yela.
Ye oshikelelifo shaaveshe
ava hava kongo eameno muye.
32 “Osheshi olyelye Kalunga ponho yOmwene?
Olyelye emanya ponho yaKalunga ketu?
33 Kalunga ou a ninga ehondameno lange la pama,
ndele ta endifa omuhenashipo nondjila yaye.
34 Ye ta pameke eemhadi dange ngaashi oholongo
ndele ta kaleke nge koikulundudu.
35 Ye ta longo omake ange okulwa,
onghee omake ange taa lukile outa woshikushu.
36 Omwene owa amena nge nowa xupifa nge;
ekwafo loye ola nenepeka nge.
37 Ove wa mbwalangadjifa onhele koshi yeenghatu dange,
eemhadi dange inadi tengauka.
38 Ame nda taataa ovatondadi vange, ndele nde va ta,
ndele inandi va aluka fiyo nde va mana po.
39 Heeno, nde va mana po noku va teyaula,
onghee inava penduka vali,
ndelenee va wila koshi yeemhadi dange.
40 Ove wa dika nge eenghono dolwoodi,
okufinda ovatondadi vange.
41 Ndele Ove wa taataa ovatondadi vange komesho yange.
Ava va tonda nge, nde va mana po.
42 Ova konga ekwafo, ndele inave li mona;
ova ifana Omwene, ndele ine va nyamukula.
43 Opo nee ame nde va nyanyaula ngaashi ondwi yedu,
ngaashi ondova yomomapandavanda nde va lyataula,
nde va nyanyaula.
44 “Ndele Ove wa xupifa nge mo meemhata dovanhu vange.
Ove wa ninga nge omupangeli woiwana.
Ovo inandi shiiva va ninga ovapangelwa vange.
45 Ovanailongo tava komonene nge omitwe.
Mokuuda ondaka yange, ova dulika kwaame.
46 Novanailongo va kanifa eenghono davo
ndele ve uya nokukakama va dja meehotengulu davo.
47 “Omwene Oye omunamwenyo! Emanya lange nali fimanekwe.
Udifeni pombada ounene waKalunga, omuxupifi wange!
48 Kalunga okwa pa nge okufinda ovatondadi vange
a tula oiwana koshi yange,
49 oove ou to xupifa nge mo movatondadi vange.
Heeno, Ove to nenepekifa nge kombada yovanandubo vange.
Ove ho mangulula nge momulumenhu omupwidi.
50 Omwene, handi ku fimaneke mokati koiwana,
ohandi imbi etumbalo loye.
51 Oye ta pe ohamba yaye ekwafo linene,
ndele ta monifa omuvaekwa waye David,
noludalo laye ouwanghenda fiyo alushe.”
Eimbilo lehambelelo nolepandulo laDavid
1 Ndele David okwa lombwela Omwene eendjovo deimbilo eli mefiku tuu olo Omwene e mu xupifa mo momake ovatondadi vaye aveshe nomeke laSaul 2 ndele ta ti:
“Omwene Oye emanya lange
nohotengulu yange nomuxupifi wange.
3 Kalunga, emanya lange, Oye handi mu lineekele;
oshikelelifo shange noluvinga lexupifo lange,
ohotemanya yange, nehondameno lange, omuxupifi wange.
Ove wa xupifa nge mo moukolokoshi.
4 Ohandi ifana Omwene,
nokovatondi vange ota xupifa nge;
Omwene na hambelelwe.
5 Osheshi omakufikufi efyo a dingilila nge
nomakufikufi ehanauno a tuvika nge.
6 Omalulo oshovafi a dingilila nge
nomapando efyo a hanga nge.
7 “Moudjuu wange nda ifana Omwene,
nda kuwila Kalunga kange onghuwo.
Ye okwa uda ondaka yange motembeli yaye,
nonghuwo yange ya fika momatwi aye.
8 Opo nee edu la yakita nokukakama,
nomakanghameno eulu a dekweta nokuyakita,
shaashi Ye a li a handuka.
9 Omwifi wa lundumuka meyulu laye,
nomundilo womokanya kaye wa lungwinifa po;
nomutemo womakala owa ndwafuka muye.
10 Ye a nyongameka eulu nokwa kolokela poshi,
nomulaulu woilemo wa li koshi yeemhadi daye.
11 Okwa enda kombada yomukerubi
nokwa tukifwa nomavava omhepo.
12 Nomulaulu okwe u ninga oshuuviko shaye,
omeva oilemo ilaula, e e lidingililifa.
13 Moshinge shokomesho yaye
omulemo womakala owa ndwafuka.
14 Opo Omwene okwa ndunduma meulu,
nondaka yaau wOkombadambada ya udika.
15 Nokwa umba oikuti ndele e va halakanifa,
heeno, omaluvadi, ndele e va halukifa.
16 Noukukutu woposhi womefuta wa monika,
omakanghameno ounyuni a holoka poluhaela
omolwomahanyeno Omwene,
okefudaano lomhepo yeyulu laye.
17 Okwa vakula nge
meke lomuyelani wange omunaenghono
nomovatondi vange,
ava va li ve dule nge eenghono unene.
18 Ye okwa xupifa nge movatondadi vange ovanaenghono,
ovo va tonda nge,
osheshi vo ova li ve dule nge eenghono.
19 Vo ova homona nge mefiku lomupya wange,
ndelenee Omwene okwa ninga omuyambididi wange.
20 Ye okwa twala nge poluhaela.
Nokwa xupifa nge, shaashi a hokwa nge.
21 Omwene okwa pa nge pauyuki wange,
ndele ta punike nge paukoshoki womutima wange.
22 Osheshi nda diinina eendjila dOmwene
ndele inandi dja po puKalunga kange
ndi ye moukolokoshi.
23 Osheshi ame nda konenena oipango yOmwene;
noinandi twa omhata nomalombwelo aye.
24 Ndelenee ame nda li ndimuyuki moipafi yaye.
Ndele nda lungama ndiha nyone.
25 Onghee nee Omwene a alulila nge pauyuki wange,
nopaukoshoki womutima wange.
26 Omunamutimanghenda to mu file onghenda
nokomuyuki to kala omuyuki,
27 kovalininipiki oove omuxupifi,
ndelenee kovalinenepeki oove omufifimani.
28 Ndele ove ho xupifa ovanhu ve lininipika
ndelenee omesho oye e nondubo novalinenepeki;
oto va xutula.
29 Osheshi Omwene Oove olamba yange!
Omwene ta minikile omilaulu dange.
30 Osheshi pamwe naave ame handi homona ongudu yovakolokoshi,
pamwe naKalunga ame handi nhuka kombada yekuma.
31 Oilonga yaKalunga ya wanenena!
Eendjovo daye oda yela.
Ye oshikelelifo shaaveshe
ava hava kongo eameno muye.
32 “Osheshi olyelye Kalunga ponho yOmwene?
Olyelye emanya ponho yaKalunga ketu?
33 Kalunga ou a ninga ehondameno lange la pama,
ndele ta endifa omuhenashipo nondjila yaye.
34 Ye ta pameke eemhadi dange ngaashi oholongo
ndele ta kaleke nge koikulundudu.
35 Ye ta longo omake ange okulwa,
onghee omake ange taa lukile outa woshikushu.
36 Omwene owa amena nge nowa xupifa nge;
ekwafo loye ola nenepeka nge.
37 Ove wa mbwalangadjifa onhele koshi yeenghatu dange,
eemhadi dange inadi tengauka.
38 Ame nda taataa ovatondadi vange, ndele nde va ta,
ndele inandi va aluka fiyo nde va mana po.
39 Heeno, nde va mana po noku va teyaula,
onghee inava penduka vali,
ndelenee va wila koshi yeemhadi dange.
40 Ove wa dika nge eenghono dolwoodi,
okufinda ovatondadi vange.
41 Ndele Ove wa taataa ovatondadi vange komesho yange.
Ava va tonda nge, nde va mana po.
42 Ova konga ekwafo, ndele inave li mona;
ova ifana Omwene, ndele ine va nyamukula.
43 Opo nee ame nde va nyanyaula ngaashi ondwi yedu,
ngaashi ondova yomomapandavanda nde va lyataula,
nde va nyanyaula.
44 “Ndele Ove wa xupifa nge mo meemhata dovanhu vange.
Ove wa ninga nge omupangeli woiwana.
Ovo inandi shiiva va ninga ovapangelwa vange.
45 Ovanailongo tava komonene nge omitwe.
Mokuuda ondaka yange, ova dulika kwaame.
46 Novanailongo va kanifa eenghono davo
ndele ve uya nokukakama va dja meehotengulu davo.
47 “Omwene Oye omunamwenyo! Emanya lange nali fimanekwe.
Udifeni pombada ounene waKalunga, omuxupifi wange!
48 Kalunga okwa pa nge okufinda ovatondadi vange
a tula oiwana koshi yange,
49 oove ou to xupifa nge mo movatondadi vange.
Heeno, Ove to nenepekifa nge kombada yovanandubo vange.
Ove ho mangulula nge momulumenhu omupwidi.
50 Omwene, handi ku fimaneke mokati koiwana,
ohandi imbi etumbalo loye.
51 Oye ta pe ohamba yaye ekwafo linene,
ndele ta monifa omuvaekwa waye David,
noludalo laye ouwanghenda fiyo alushe.”
