Kalunga kange, oshike wa efa nge?
Epsalme laDavid, la pewa enyakwa lolwiimbo mongovela yeimbilo eli: ‘Ngaashi oholongo yeluwa’.
1 Kalunga kange, Kalunga kange,
oshike wa efa nge?
Molwashike u li kokule nokukwafa nge,
kokule neendjovo dekemo lange?
2 Kalunga kange, omutenya ohandi kuu onghuwo,
ndele Ove ito i nyamukula,
nomoufiku ihandi mono elotifo!
3 Nande ope li ngaha, Oove Omuyapuki
ou ho kala momaimbilohambelelo Ovaisraeli.
4 Ootatekulu vonale okwa li ve ku lineekela,
ve litula melineekelo,
ndele Ove we va xupifa,
5 ova li ve ku ifana, nova mona exupifo;
nove ku lineekela ndele inava fifwa ohoni.
6 Ndelenee ame ondi li oshilikoki shongaho
nghi fi omunhu,
nda ninga oshiyolifa kovanhu,
nda dinika kuvo.
7 Aveshe, ava tava mono nge,
otava yeele nge,
otava leve nge nomulungu
nokupukapukila nge komitwe, tava ti:
8 “Okwe lineekela Omwene,
Oye ne mu xupife, Ye e mu kufe ko;
osheshi Ye e mu hokwa, vati.”
9 Heeno, Ove ou wa pitifa nge medimo lameme
ndele wa itavelela nge
ndi tulumukwe nawa ponhulo yameme.
10 Nghee nda dalwa, okukalamwenyo kwange
okwa tulwa mwoove;
nghee nda dja moshidalelo shameme,
Oove u li Kalunga kange.
11 Ino kala nge kokule,
osheshi oudjuu u li nge popepi,
ndele nghi na omukwafi.
12 Onda kondekelwa keengobe deemhedi dihapu,
eengobenghono domuBasan da shakena nge;
13 otadi ulile nge unene
ngaashi eenghoshi da pepula okulyana.
14 Onda fa omeva a tilwashi,
omakipa ange aeshe a damuka;
omutima wange owa ninga ngaashi edi,
wa dilukila meni lange.
15 Eenghono dange oda kukutila mo
da fa oshikangwa,
nelaka lange ola kanyatela moshihokohoko;
Ove to nangeke nge mondwi yefyo.
16 Akutu, eembwa da dingilila nge,
etanga lovanawii ola fitikinina nge mo;
ova tyuula omake neemhadi dange;
17 Omakipa ange aeshe ohandi shiiva oku a vala,
ovo tava tale nge noku shi hafela.
18 Omidjalo dange otave di litukulile,
notava umbile elwakani lange oshihoololifo.
19 Ndelenee Omwene,
Ove ino kala kokule naame!
Oove eenghonopamo dange,
endelela u kwafe nge!
20 Xupifa omwenyo wange keongamukonda,
nokomakanya eembwa edi.
21 Xupife nge mokanya konghoshi,
u amene nge keembinga deemhuulu.
22 Edina loye onda hala
oku li shiivifila oovakwetu,
nomokati keongalo ohandi ku hambelele.
23 Nye ava hamu tila Omwene, mu hambeleleni.
Amushe nye vomeumbo laJakob,
mu fimanekeni.
Heeno, nye vomodikwa yaIsrael,
amushe mu tileni.
24 Osheshi Ye ina dina oudjuu womuhepekwa,
Ye ine mu tunyukwa,
noshipala shaye ine shi mu holeka,
naashi a kuwa onghuwo, okwe i tondoka.
25 Ehambelelo lange nali dje kwoove
meongalo linene,
ame ndi wanife omaudaneko ange
monhanaisho yaava tave ku tila.
26 Ovanambili tava ka lya va kute;
naava tava kongo Omwene,
tave mu hambelele.
Omitima deni nadi kale nomwenyo fiyo alushe.
27 Fiyo okominghulo dounyuni
otave ke shi shipulula,
ve lialulukile kOmwene,
noiwana aishe yovapaani
otai ke linyongamena koshipala shoye,
28 osheshi ouhambapangelo owo owOmwene,
Oye omutekuli woilongo aishe.
29 Ovanenenhu aveshe vokombada yedu
otava ka lya nokulinyongamena,
oonakufya novanyengwi vokulixupifila omwenyo,
aveshe otave ke mu twila eengolo.
30 Omapupi aa tae uya, otae ke mu longela,
oludalo eli tali holoka komesho,
otali ka hepaululilwa Omwene.
31 Mokuuya kwavo otava ka vilikilila ouyuki waye
kovanhu ava tava ka dalwa komesho,
va shiive, nokutya Oye e shi wanifa.
Kalunga kange, oshike wa efa nge?
Epsalme laDavid, la pewa enyakwa lolwiimbo mongovela yeimbilo eli: ‘Ngaashi oholongo yeluwa’.
1 Kalunga kange, Kalunga kange,
oshike wa efa nge?
Molwashike u li kokule nokukwafa nge,
kokule neendjovo dekemo lange?
2 Kalunga kange, omutenya ohandi kuu onghuwo,
ndele Ove ito i nyamukula,
nomoufiku ihandi mono elotifo!
3 Nande ope li ngaha, Oove Omuyapuki
ou ho kala momaimbilohambelelo Ovaisraeli.
4 Ootatekulu vonale okwa li ve ku lineekela,
ve litula melineekelo,
ndele Ove we va xupifa,
5 ova li ve ku ifana, nova mona exupifo;
nove ku lineekela ndele inava fifwa ohoni.
6 Ndelenee ame ondi li oshilikoki shongaho
nghi fi omunhu,
nda ninga oshiyolifa kovanhu,
nda dinika kuvo.
7 Aveshe, ava tava mono nge,
otava yeele nge,
otava leve nge nomulungu
nokupukapukila nge komitwe, tava ti:
8 “Okwe lineekela Omwene,
Oye ne mu xupife, Ye e mu kufe ko;
osheshi Ye e mu hokwa, vati.”
9 Heeno, Ove ou wa pitifa nge medimo lameme
ndele wa itavelela nge
ndi tulumukwe nawa ponhulo yameme.
10 Nghee nda dalwa, okukalamwenyo kwange
okwa tulwa mwoove;
nghee nda dja moshidalelo shameme,
Oove u li Kalunga kange.
11 Ino kala nge kokule,
osheshi oudjuu u li nge popepi,
ndele nghi na omukwafi.
12 Onda kondekelwa keengobe deemhedi dihapu,
eengobenghono domuBasan da shakena nge;
13 otadi ulile nge unene
ngaashi eenghoshi da pepula okulyana.
14 Onda fa omeva a tilwashi,
omakipa ange aeshe a damuka;
omutima wange owa ninga ngaashi edi,
wa dilukila meni lange.
15 Eenghono dange oda kukutila mo
da fa oshikangwa,
nelaka lange ola kanyatela moshihokohoko;
Ove to nangeke nge mondwi yefyo.
16 Akutu, eembwa da dingilila nge,
etanga lovanawii ola fitikinina nge mo;
ova tyuula omake neemhadi dange;
17 Omakipa ange aeshe ohandi shiiva oku a vala,
ovo tava tale nge noku shi hafela.
18 Omidjalo dange otave di litukulile,
notava umbile elwakani lange oshihoololifo.
19 Ndelenee Omwene,
Ove ino kala kokule naame!
Oove eenghonopamo dange,
endelela u kwafe nge!
20 Xupifa omwenyo wange keongamukonda,
nokomakanya eembwa edi.
21 Xupife nge mokanya konghoshi,
u amene nge keembinga deemhuulu.
22 Edina loye onda hala
oku li shiivifila oovakwetu,
nomokati keongalo ohandi ku hambelele.
23 Nye ava hamu tila Omwene, mu hambeleleni.
Amushe nye vomeumbo laJakob,
mu fimanekeni.
Heeno, nye vomodikwa yaIsrael,
amushe mu tileni.
24 Osheshi Ye ina dina oudjuu womuhepekwa,
Ye ine mu tunyukwa,
noshipala shaye ine shi mu holeka,
naashi a kuwa onghuwo, okwe i tondoka.
25 Ehambelelo lange nali dje kwoove
meongalo linene,
ame ndi wanife omaudaneko ange
monhanaisho yaava tave ku tila.
26 Ovanambili tava ka lya va kute;
naava tava kongo Omwene,
tave mu hambelele.
Omitima deni nadi kale nomwenyo fiyo alushe.
27 Fiyo okominghulo dounyuni
otave ke shi shipulula,
ve lialulukile kOmwene,
noiwana aishe yovapaani
otai ke linyongamena koshipala shoye,
28 osheshi ouhambapangelo owo owOmwene,
Oye omutekuli woilongo aishe.
29 Ovanenenhu aveshe vokombada yedu
otava ka lya nokulinyongamena,
oonakufya novanyengwi vokulixupifila omwenyo,
aveshe otave ke mu twila eengolo.
30 Omapupi aa tae uya, otae ke mu longela,
oludalo eli tali holoka komesho,
otali ka hepaululilwa Omwene.
31 Mokuuya kwavo otava ka vilikilila ouyuki waye
kovanhu ava tava ka dalwa komesho,
va shiive, nokutya Oye e shi wanifa.
