Omwene omufilishisho womwiitaveli
Epsalme laDavid, eshi e lipwidula meendunge daye, ndee ta tewatewa kuAbimelek, ndee ta i.
1 Onda hala okufimaneka Omwene alushe,
ehambelelo laye inali pwa mo
mokanya kange nande.
2 Omwene Oye elitango lomwenyo wange;
ovalininipiki nave shi ude nokunyakukwa.
3 Hambeleleni Omwene pamwe naame;
fye atusheni tu panduleni edina laye.
4 Ame nda konga Omwene,
ndele Ye okwa nyamukula nge
nokwa xupifa nge metilo alishe.
5 Ava hava tale kuye, tava eta eenhe dehafo,
noipala yavo itai pembifwa kohoni.
6 Apa pa li omukwanaluhepo a kwena,
Omwene okwe mu uda,
okwe mu xupifa momaluhepo aye aeshe.
7 Omweengeli wOmwene ota ongo
nokudingilila onhanda yaava have mu tila,
ndele te va xupifa.
8 Makeleni, nye mu tale ouwa wOmwene apa u fike;
keshe tuu ou te mu lineekele, oye e nelao.
9 Tileni Omwene, ovayapuki vaye nye,
osheshi ava, have mu tila,
itava pumbwa sha nande.
10 Eenghoshona odi udite oluhepo
noda fya ondjala,
ndelenee ou ta kongo Omwene,
ye ita hepa sha shiwa nande.
11 Ileni nye ounona, mu pwilikine nge:
onda hala oku mu longa okutila Kalunga.
12 Omulumenhu olyelye,
ou ehe nohokwe nokukalamwenyo
nokuhola omafiku opo a mone ouwa?
13 Hano kelela elaka loye, liha popye owii,
nomilungu doye diha popye oipupulu.
14 Kala kokule nowii, ove u longe ouwa;
konga ombili, u i hokele.
15 Omesho Omwene okwe a talifila ovayuki,
nomatwi aye okwe a ameka kekwenauko lavo.
16 Oshipala shOmwene otashi nyonyodola ovanawii,
a kombe po edimbulukifo lavo kombada yedu.
17 Ngee ovayuki otava kuwile ekwafo,
Omwene ote va udu,
ndele te va xupifa momaudjuu avo aeshe.
18 Omwene oku li popepi nomitima da teyauka,
Ye oha xupifa ava ve nomhepo ya nyanyauka.
19 Omaudjuu omuyuki oku li mahapu,
ndelenee Omwene ote mu xupifa mwaaeshe.
20 Ote mu diininine omakipa aye aeshe,
paha teke nande limwe.
21 Omulunde ota dipaifwa kowii,
nomutondi womuyuki ote lilongele oushimatimba.
22 Omwene ota kulile eemwenyo dovapiya vaye,
kaku na ou ta kongo ekwafo kuye, ta tokolwa.
Omwene omufilishisho womwiitaveli
Epsalme laDavid, eshi e lipwidula meendunge daye, ndee ta tewatewa kuAbimelek, ndee ta i.
1 Onda hala okufimaneka Omwene alushe,
ehambelelo laye inali pwa mo
mokanya kange nande.
2 Omwene Oye elitango lomwenyo wange;
ovalininipiki nave shi ude nokunyakukwa.
3 Hambeleleni Omwene pamwe naame;
fye atusheni tu panduleni edina laye.
4 Ame nda konga Omwene,
ndele Ye okwa nyamukula nge
nokwa xupifa nge metilo alishe.
5 Ava hava tale kuye, tava eta eenhe dehafo,
noipala yavo itai pembifwa kohoni.
6 Apa pa li omukwanaluhepo a kwena,
Omwene okwe mu uda,
okwe mu xupifa momaluhepo aye aeshe.
7 Omweengeli wOmwene ota ongo
nokudingilila onhanda yaava have mu tila,
ndele te va xupifa.
8 Makeleni, nye mu tale ouwa wOmwene apa u fike;
keshe tuu ou te mu lineekele, oye e nelao.
9 Tileni Omwene, ovayapuki vaye nye,
osheshi ava, have mu tila,
itava pumbwa sha nande.
10 Eenghoshona odi udite oluhepo
noda fya ondjala,
ndelenee ou ta kongo Omwene,
ye ita hepa sha shiwa nande.
11 Ileni nye ounona, mu pwilikine nge:
onda hala oku mu longa okutila Kalunga.
12 Omulumenhu olyelye,
ou ehe nohokwe nokukalamwenyo
nokuhola omafiku opo a mone ouwa?
13 Hano kelela elaka loye, liha popye owii,
nomilungu doye diha popye oipupulu.
14 Kala kokule nowii, ove u longe ouwa;
konga ombili, u i hokele.
15 Omesho Omwene okwe a talifila ovayuki,
nomatwi aye okwe a ameka kekwenauko lavo.
16 Oshipala shOmwene otashi nyonyodola ovanawii,
a kombe po edimbulukifo lavo kombada yedu.
17 Ngee ovayuki otava kuwile ekwafo,
Omwene ote va udu,
ndele te va xupifa momaudjuu avo aeshe.
18 Omwene oku li popepi nomitima da teyauka,
Ye oha xupifa ava ve nomhepo ya nyanyauka.
19 Omaudjuu omuyuki oku li mahapu,
ndelenee Omwene ote mu xupifa mwaaeshe.
20 Ote mu diininine omakipa aye aeshe,
paha teke nande limwe.
21 Omulunde ota dipaifwa kowii,
nomutondi womuyuki ote lilongele oushimatimba.
22 Omwene ota kulile eemwenyo dovapiya vaye,
kaku na ou ta kongo ekwafo kuye, ta tokolwa.
