Omayeletumbulo taa tongo oinima i lili nai lili
1 Ounongo wovalikadi tau diki eumbo, ndele oulai tau li hanauna po nomake ao vene. 2 Ou ta ende moshili, ye ota tila Omwene. Ndelenee ou e neendjila da penga ote mu dini. 3 Mokanya kelai omu noshitetati shelinenepeko lalo, ndelenee omilungu dovanongo tadi va amene. 4 Apa pehe neengobe, metemba lokulila kamu na sha. Ndelenee molweenghono donhani eliko tali hapupala. 5 Ondobwedi i shii kulineekelwa itai fufya, ndelenee ondobwedi yoipupulu tai kunu oipupulu. 6 Omusheki ta kongo ounongo, ite u mono; ndelenee omunaendunge ta mono eshiivo noupu. 7 Dja po pomulumenhu elai, osheshi ino dimbulukwa eshiivo lasha komilungu daye. 8 Ounongo womunaendunge oo okushiiva ondjila yaye, ndelenee oulai wovashima oo ekengelelo. 9 Etimbayambo tali shekifa omalai, ndelenee mokati kovayuki omu nokuhokwafana. 10 Omutima tau shiiva oluhodi lao vene, ndele mehafo lao omukwao ita dulu okunyakukwa. 11 Eumbo lovahenakalunga tali ka hanaunwa po, ndelenee etwali lovayuki tali nenepala. 12 Oku nondjila ya yuka momesho omunhu, ndelenee exulilo layo oleendjila defyo. 13 Mokuyola yo omutima tau dulu okuyehama, nexulilo lehafo lao olo oluhodi. 14 Omutima womuliteeki otau kutifwa kokweenda kwaye mwene, nosho yo omulumenhu muwa muye mwene. 15 Omushima ta itavele ondjovo keshe, ndelenee omunamayele ta diinine eenghatu daye. 16 Omunongo ha tila ndele ta yepa omunawii, ndelenee omushima ta duduluka e yadi elineekelo lokulineekela ye mwene. 17 Omuhandunhu ta longo oulai. Omunambudi ota ka tondwa. 18 Ovashima tava fyuulula oulai, ndelenee eshiivo olo oshishani shovanamayele. 19 Ovanawii ve nokulinyongamena koshipala shaava vawa, novahenakalunga poivelo yovayuki. 20 Omukwanaluhepo ota tondwa komushiinda shaye nokuli, ndelenee ookaume voshipuna ovahapu. 21 Ou ta dini omukwao, ota nyono. Ndelenee ou ta filonghenda eehepele ye omunelao. 22 Ihava puka mbela ava hava diladila owii? Ndelenee ava hava diladila ouwa tava ka mona ohole nelineekelo. 23 Oilonga aishe idjuu otai likolifa, nokupopyaana ashike otaku eta oluhepo. 24 Oupuna wavo oo oshishani shovanongo, ndelenee oulai womalai tau kala oulai. 25 Ondobwedi i shii kulineekelwa otai xupifa omwenyo, ndelenee ou ta kunu oipupulu, ye omukengeleli. 26 Metilo lOmwene omu nelineekelo la pama, heeno, ehondameno nokuli lovana. 27 Etilo lOmwene olo ofifiya yomwenyo okukandula po eemwiyo defyo. 28 Ouhapu wovanhu oo efimano lohamba, ndelenee eninipalo lovanhu, olo exutuko lomupangeli. 29 Omutalanheni ye e neendunge dihapu, ndelenee omuhandunhu te likongele oulai. 30 Omutima u nombili, oo omwenyo wombelela, efupandubo olo eolelo lomomakipa. 31 Ou ta fininike omukwanaluhepo, ota sheke Omushiti waye, ndelenee ou ta filonghenda ohepele, ote mu fimaneke. 32 Omuhenakalunga ta dengwa poshi kowii waye mwene, ndelenee omuyuki ta mono pefyo laye ehondameno. 33 Ounongo tau tulumukwa momutima womunaendunge, ndele tau li holola mokati komalai. 34 Ouyuki tau tumbu ovanhu, ndelenee oulunde oo elopyolopyo lohoni yoiwana. 35 Omupiya e nomayele ta hokiwa kohamba, ndelenee ou ta fifa ohoni, ota handukilwa.
Omayeletumbulo taa tongo oinima i lili nai lili
1 Ounongo wovalikadi tau diki eumbo, ndele oulai tau li hanauna po nomake ao vene. 2 Ou ta ende moshili, ye ota tila Omwene. Ndelenee ou e neendjila da penga ote mu dini. 3 Mokanya kelai omu noshitetati shelinenepeko lalo, ndelenee omilungu dovanongo tadi va amene. 4 Apa pehe neengobe, metemba lokulila kamu na sha. Ndelenee molweenghono donhani eliko tali hapupala. 5 Ondobwedi i shii kulineekelwa itai fufya, ndelenee ondobwedi yoipupulu tai kunu oipupulu. 6 Omusheki ta kongo ounongo, ite u mono; ndelenee omunaendunge ta mono eshiivo noupu. 7 Dja po pomulumenhu elai, osheshi ino dimbulukwa eshiivo lasha komilungu daye. 8 Ounongo womunaendunge oo okushiiva ondjila yaye, ndelenee oulai wovashima oo ekengelelo. 9 Etimbayambo tali shekifa omalai, ndelenee mokati kovayuki omu nokuhokwafana. 10 Omutima tau shiiva oluhodi lao vene, ndele mehafo lao omukwao ita dulu okunyakukwa. 11 Eumbo lovahenakalunga tali ka hanaunwa po, ndelenee etwali lovayuki tali nenepala. 12 Oku nondjila ya yuka momesho omunhu, ndelenee exulilo layo oleendjila defyo. 13 Mokuyola yo omutima tau dulu okuyehama, nexulilo lehafo lao olo oluhodi. 14 Omutima womuliteeki otau kutifwa kokweenda kwaye mwene, nosho yo omulumenhu muwa muye mwene. 15 Omushima ta itavele ondjovo keshe, ndelenee omunamayele ta diinine eenghatu daye. 16 Omunongo ha tila ndele ta yepa omunawii, ndelenee omushima ta duduluka e yadi elineekelo lokulineekela ye mwene. 17 Omuhandunhu ta longo oulai. Omunambudi ota ka tondwa. 18 Ovashima tava fyuulula oulai, ndelenee eshiivo olo oshishani shovanamayele. 19 Ovanawii ve nokulinyongamena koshipala shaava vawa, novahenakalunga poivelo yovayuki. 20 Omukwanaluhepo ota tondwa komushiinda shaye nokuli, ndelenee ookaume voshipuna ovahapu. 21 Ou ta dini omukwao, ota nyono. Ndelenee ou ta filonghenda eehepele ye omunelao. 22 Ihava puka mbela ava hava diladila owii? Ndelenee ava hava diladila ouwa tava ka mona ohole nelineekelo. 23 Oilonga aishe idjuu otai likolifa, nokupopyaana ashike otaku eta oluhepo. 24 Oupuna wavo oo oshishani shovanongo, ndelenee oulai womalai tau kala oulai. 25 Ondobwedi i shii kulineekelwa otai xupifa omwenyo, ndelenee ou ta kunu oipupulu, ye omukengeleli. 26 Metilo lOmwene omu nelineekelo la pama, heeno, ehondameno nokuli lovana. 27 Etilo lOmwene olo ofifiya yomwenyo okukandula po eemwiyo defyo. 28 Ouhapu wovanhu oo efimano lohamba, ndelenee eninipalo lovanhu, olo exutuko lomupangeli. 29 Omutalanheni ye e neendunge dihapu, ndelenee omuhandunhu te likongele oulai. 30 Omutima u nombili, oo omwenyo wombelela, efupandubo olo eolelo lomomakipa. 31 Ou ta fininike omukwanaluhepo, ota sheke Omushiti waye, ndelenee ou ta filonghenda ohepele, ote mu fimaneke. 32 Omuhenakalunga ta dengwa poshi kowii waye mwene, ndelenee omuyuki ta mono pefyo laye ehondameno. 33 Ounongo tau tulumukwa momutima womunaendunge, ndele tau li holola mokati komalai. 34 Ouyuki tau tumbu ovanhu, ndelenee oulunde oo elopyolopyo lohoni yoiwana. 35 Omupiya e nomayele ta hokiwa kohamba, ndelenee ou ta fifa ohoni, ota handukilwa.
