Kongeni inya yokombada
1 Hano ngeenge mwa nyumunwa pamwe naKristus, kongeni inya yokombada, oko Kristus e li omutumba kolulyo laKalunga. 2 Omadiladilo eni naa dame oinima yopombada, hainima ei yokombada yedu. 3 Osheshi nye omwa fya, nomwenyo weni owa holekwa pamwe naKristus omuKalunga; 4 Kristus, omwenyo wetu, fiku ta holoka, nanye yo otamu ka holoka pamwe naye mefimano.
5 Dipaeni hano oinhimbu yeni yopadu: oluhaelo, onyata, olwisho loipala, okahalu kai, nolwisho leliko olo elongelo loikalunga, 6 osheshi ei hai etele ovana vokuhadulika ehandu laKalunga. 7 Nanye yo mwa li mwa endaenda nale muyo, eshi mwa kala muyo.
8 Ndelenee efeni paife ei aishe: ehandu nepiyaano nowii nesheko neendjovo dohoni tadi piti momakanya eni. 9 Inamu lombwelafana oipupulu, osheshi nye omwe lidula omunhu mukulu pamwe noilonga yaye, 10 nomwa djala omunhu mupe, ou ta shitilwa mokushiiva, pafano lOmushiti waye; 11 nande kape na vali Omugreka nOmujuda, epitotanda nokuhapitatanda, omupaani nOmuskiti, omupika nomudalwa, ndelenee aishe nomwaaveshe oKristus.
12 Onghee hano ovahoololwa nye vaKalunga, ovayapuki novaholike, djaleni efilonghenda lomomutima, ombili, elininipiko, engungumano noutalanheni, 13 lididimikilafaneni, diminafaneni po omanyono, ngeenge mwa ningafana nomukweni, ngaashi Kristus e mu dimina po, osho nanye yo mu ninge; 14 ndele kombada yaaishe djaleni ohole, oyo oshimangifo sha wana shoku mu manga kumwe. 15 Nombili yaKristus nai pangele momitima deni, oyo ei mwe i ifanenwa omolutu limwe, ndele kaleni mu shii okupandula. 16 Eendjovo daKristus nadi kale da yadelela munye; longafaneni, pukululafaneni neendunge adishe, nomapsalome nomaimbilopandulo, nomalwiimbo opamhepo nokwiimbila Kalunga nokupandula momitima deni. 17 Nakeshe eshi tamu shi ningi neendjovo ile noilonga, shi longeni ashishe medina lOmwene Jesus nokupandula Kalunga Xe molwaye.
Oinakuwanifwa yomeumbo
18 Ovakainhu nye, dulikeni kovalumenhu veni, ngaashi sha wapalela mOmwene.
19 Ovalumenhu nye, holeni ovakainhu veni, nye inamu va ningila onyanya.
20 Ounona nye, dulikeni kovakulunhu veni moinima aishe, Osheshi osho sha wapalela mOmwene.
21 Ooxe nye, inamu shinda ovana veni, vehe mu livangeke.
22 Ovapiya nye, dulikeni moinima aishe koovene veni vomounyuni, hanokulongela omesho mu hokuwe kovanhu, ndelenee omouyuki wokomutima nokutila Omwene. 23 Keshe eshi tamu shi ningi, shi ningeni komitima deni nokulongela Omwene, hamunhu, 24 nye mu kale mu shi shii otamu ka pewa kOmwene ondjabi yefyuululo; osheshi nye ohamu longele Omwene Kristus. 25 Osheshi ou ta longo owii, ota ka alulilwa osho e shi nyona ndele itapu talwa oshipala shomunhu.
Kongeni inya yokombada
1 Hano ngeenge mwa nyumunwa pamwe naKristus, kongeni inya yokombada, oko Kristus e li omutumba kolulyo laKalunga. 2 Omadiladilo eni naa dame oinima yopombada, hainima ei yokombada yedu. 3 Osheshi nye omwa fya, nomwenyo weni owa holekwa pamwe naKristus omuKalunga; 4 Kristus, omwenyo wetu, fiku ta holoka, nanye yo otamu ka holoka pamwe naye mefimano.
5 Dipaeni hano oinhimbu yeni yopadu: oluhaelo, onyata, olwisho loipala, okahalu kai, nolwisho leliko olo elongelo loikalunga, 6 osheshi ei hai etele ovana vokuhadulika ehandu laKalunga. 7 Nanye yo mwa li mwa endaenda nale muyo, eshi mwa kala muyo.
8 Ndelenee efeni paife ei aishe: ehandu nepiyaano nowii nesheko neendjovo dohoni tadi piti momakanya eni. 9 Inamu lombwelafana oipupulu, osheshi nye omwe lidula omunhu mukulu pamwe noilonga yaye, 10 nomwa djala omunhu mupe, ou ta shitilwa mokushiiva, pafano lOmushiti waye; 11 nande kape na vali Omugreka nOmujuda, epitotanda nokuhapitatanda, omupaani nOmuskiti, omupika nomudalwa, ndelenee aishe nomwaaveshe oKristus.
12 Onghee hano ovahoololwa nye vaKalunga, ovayapuki novaholike, djaleni efilonghenda lomomutima, ombili, elininipiko, engungumano noutalanheni, 13 lididimikilafaneni, diminafaneni po omanyono, ngeenge mwa ningafana nomukweni, ngaashi Kristus e mu dimina po, osho nanye yo mu ninge; 14 ndele kombada yaaishe djaleni ohole, oyo oshimangifo sha wana shoku mu manga kumwe. 15 Nombili yaKristus nai pangele momitima deni, oyo ei mwe i ifanenwa omolutu limwe, ndele kaleni mu shii okupandula. 16 Eendjovo daKristus nadi kale da yadelela munye; longafaneni, pukululafaneni neendunge adishe, nomapsalome nomaimbilopandulo, nomalwiimbo opamhepo nokwiimbila Kalunga nokupandula momitima deni. 17 Nakeshe eshi tamu shi ningi neendjovo ile noilonga, shi longeni ashishe medina lOmwene Jesus nokupandula Kalunga Xe molwaye.
Oinakuwanifwa yomeumbo
18 Ovakainhu nye, dulikeni kovalumenhu veni, ngaashi sha wapalela mOmwene.
19 Ovalumenhu nye, holeni ovakainhu veni, nye inamu va ningila onyanya.
20 Ounona nye, dulikeni kovakulunhu veni moinima aishe, Osheshi osho sha wapalela mOmwene.
21 Ooxe nye, inamu shinda ovana veni, vehe mu livangeke.
22 Ovapiya nye, dulikeni moinima aishe koovene veni vomounyuni, hanokulongela omesho mu hokuwe kovanhu, ndelenee omouyuki wokomutima nokutila Omwene. 23 Keshe eshi tamu shi ningi, shi ningeni komitima deni nokulongela Omwene, hamunhu, 24 nye mu kale mu shi shii otamu ka pewa kOmwene ondjabi yefyuululo; osheshi nye ohamu longele Omwene Kristus. 25 Osheshi ou ta longo owii, ota ka alulilwa osho e shi nyona ndele itapu talwa oshipala shomunhu.
