Ehandukilo etivali: Omafuma
1 Omwene okwa lombwela Moses a ye kuFarao e mu lombwele: “Omwene osho ta ti: ‘Lekela ovanhu vange va shiive okulongela nge. 2 Ndele ove ngeenge to anye oku va lekela, tala, oshilongo shoye ashishe ohandi ke shi yadifa omafuma, 3 Nil otau ka myakatala omafuma. Ndele oo taa ka djuuka mo nokuya meumbo loye nomonduda yoye yokunangala nomombete yoye; nomomaumbo ovapiya voye yo nomokati kovanhu voye oo tae uya, nomoikololo yomafiya nomoiyaxa yokulungila olumbololo lomungome, 4 nomafuma otaa ka nhukila kombada yovanhu voye nokombada yovapiya voye aveshe.’ ” 5 Natango Omwene okwa tya kuMoses: “Lombwela Aron: ‘Yelula eke loye li nonhaili kombada yomilonga adishe nomixupwalonga nomatale, opo omafuma a djuuke mo, edu alishe laEgipiti li yade omafuma.’ ” 6 NaAron okwa yelula eke laye kombada yomeva omuEgipiti, nomafuma a djuuka mo noa tuvika edu alishe laEgipiti. 7 Ndelenee eemhule osho yo da ninga noupule wado noda djuukifila edu laEgipiti omafuma. 8 Opo nee Farao okwa ifana Moses naAron ndele te va lombwele: “Indileni kOmwene, a kufe po omafuma pwaame nopovanhu vange. Opo nee ame handi lekele ovanhu va dje mo va ka ningile Omwene exwikilo.” 9 Ndelenee Moses okwa lombwela Farao ta ti: “Lombwele nge onaini ndi ku ilikanene, onye novapiya voye novanhu voye, opo omafuma a kufwe po pwoove nopomaumbo, a kale mo ashike muNil.” 10 Ndele ye okwa nyamukula: “Ongula.” Opo ye ta ti: “Heeno, otashi ka ningwa paendjovo doye, opo u shiive nokutya, kape na kalunga nande kamwe ngaashi Omwene Kalunga ketu. 11 Nomafuma taa ka dja po pwoove nopeumbo loye nopovapiya voye nopovanhu voye. Ashike omuNil otaa ka kala.” 12 Opo nee Moses naAron ova dja po puFarao. Ndele Moses okwa kuwa kOmwene molwomafuma aa ye a undulilwa oku mu hepeka. 13 Ndele Omwene okwa ninga paendjovo daMoses; omafuma a fya mo momaumbo nomomaluumbo nomomapya. 14 Oo a ndubilwa eenduba, nedu ola nyika nai. 15 Farao eshi a mona ehepuluko le uya, ye okwa kukutika omutima waye ndele ine va pwilikina, ngaashi Omwene a popya.
Ehandukilo etitatu: Eemwe
16 Omwene okwa popya vali naMoses ta ti: “Lombwela Aron: ‘Yelula onhaili yoye u denge ondwi yedu, ndele yo otai ningi eemwe moshilongo ashishe shaEgipiti.’ ” 17 Ndele vo osho va ninga; Aron okwa yelula eke li nonhaili yaye nokwa denga ondwi yedu, opo nee eemwe da holokela ovanhu noimuna. Ondwi aishe yedu ya ninga eemwe moshilongo ashishe shaEgipiti. 18 Neemhule da kendabala okweeta po eemwe noupule wavo, ndelenee va nyengwa. Osho hano eemwe da li kovanhu nokoimuna. 19 Opo nee eemhule da lombwela Farao: “Eshi omunwe waKalunga!” Ndelenee omutima waFarao wa li wa kukuta opo ye ine va pwilikina ngaashi Omwene a tile.
Ehandukilo etine: Omawashe
20 Omwene okwa lombwela vali Moses ta ti: “Meneka mongula u lilongekide okuholoka koshipala shaFarao, tala, ye ota ka ya komeva, ndele mu lombwela kutya Omwene osho ta ti: ‘Lekela ovanhu vange, va shiive okulongela nge. 21 Ndelenee ngeenge ito lekele ovanhu vange va dje po, opo nee tala, Ame ohandi mu tumine ove novapiya voye novanhu voye nomaumbo eni omawashe opo omaumbo aeshe Ovaegipiti taa kala e yadi omawashe nedu lo vene oku e li ofika. 22 Ndelenee mefiku tuu olo Ame ohandi tongola mo Gosen, omo ovanhu vange hava kala, opo muha kale omawashe, opo ove u shiive nokutya, Ame ndi li Omwene moshilongo. 23 Ndele Ame ohandi tula etongoko pokati koshiwana shange noshiwana shoye. Omadidiliko aa otaa ningwa mongula.’ ” 24 NOmwene osho a ninga: omawashe mahapu mahapu e uya meumbo laFarao nomomaumbo ovapiya vaye nomoshilongo ashishe shaEgipiti. Oshilongo sha hepekwa shili komawashe. 25 Opo nee Farao okwa ifana Moses naAron ndele okwa tya: “Indeni mu ka ningile Kalunga omaxwikilo moshilongo eshi.” 26 Ndelenee Moses a nyamukula: “Inashi yuka oku shi ninga, osheshi eshi hatu shi yandjele Omwene Kalunga ketu, osho oixuna kOvaegipiti. Ngeenge hatu yambe eshi shoixuna momesho Ovaegipiti, vo itave tu dipaa nomamanya? 27 Tu lekela tu ka ende ondjila yomafiku atatu mombuwa, tu shiive okuyambela Omwene Kalunga ketu, ngaashi e tu lombwela.” 28 Opo nee Farao okwa tya: “Ame ohandi mu lekele, mu ye, opo mu shiive okuningila Omwene Kalunga keni exwikilo mombuwa. Ndelenee inamu ya kokule. Ilikanenei nge.” 29 Ndele Moses okwa nyamukula ta ti: “Tala, ame ohandi di pwoove, opo ndi indile Omwene, Ye a ninge nokutya omawashe a efe mongula Farao novapiya voye novanhu voye. Ashike Farao ehe tu kengelele vali oshiwana shiha dje mo okuyandjela Omwene omayambo.” 30 Opo nee Moses naAron va dja po puFarao ndele va indila kOmwene. 31 Ndele Omwene a ninga paendjovo daMoses; okwa kufa mo omawashe kuFarao nokovapiya vaye nokovanhu vaye. Inapa fyaala nande limwe. 32 Nopaife yo Farao okwa kukutika omutima waye, ndele ina lekela ovanhu, va dje mo.
Ehandukilo etivali: Omafuma
1 Omwene okwa lombwela Moses a ye kuFarao e mu lombwele: “Omwene osho ta ti: ‘Lekela ovanhu vange va shiive okulongela nge. 2 Ndele ove ngeenge to anye oku va lekela, tala, oshilongo shoye ashishe ohandi ke shi yadifa omafuma, 3 Nil otau ka myakatala omafuma. Ndele oo taa ka djuuka mo nokuya meumbo loye nomonduda yoye yokunangala nomombete yoye; nomomaumbo ovapiya voye yo nomokati kovanhu voye oo tae uya, nomoikololo yomafiya nomoiyaxa yokulungila olumbololo lomungome, 4 nomafuma otaa ka nhukila kombada yovanhu voye nokombada yovapiya voye aveshe.’ ” 5 Natango Omwene okwa tya kuMoses: “Lombwela Aron: ‘Yelula eke loye li nonhaili kombada yomilonga adishe nomixupwalonga nomatale, opo omafuma a djuuke mo, edu alishe laEgipiti li yade omafuma.’ ” 6 NaAron okwa yelula eke laye kombada yomeva omuEgipiti, nomafuma a djuuka mo noa tuvika edu alishe laEgipiti. 7 Ndelenee eemhule osho yo da ninga noupule wado noda djuukifila edu laEgipiti omafuma. 8 Opo nee Farao okwa ifana Moses naAron ndele te va lombwele: “Indileni kOmwene, a kufe po omafuma pwaame nopovanhu vange. Opo nee ame handi lekele ovanhu va dje mo va ka ningile Omwene exwikilo.” 9 Ndelenee Moses okwa lombwela Farao ta ti: “Lombwele nge onaini ndi ku ilikanene, onye novapiya voye novanhu voye, opo omafuma a kufwe po pwoove nopomaumbo, a kale mo ashike muNil.” 10 Ndele ye okwa nyamukula: “Ongula.” Opo ye ta ti: “Heeno, otashi ka ningwa paendjovo doye, opo u shiive nokutya, kape na kalunga nande kamwe ngaashi Omwene Kalunga ketu. 11 Nomafuma taa ka dja po pwoove nopeumbo loye nopovapiya voye nopovanhu voye. Ashike omuNil otaa ka kala.” 12 Opo nee Moses naAron ova dja po puFarao. Ndele Moses okwa kuwa kOmwene molwomafuma aa ye a undulilwa oku mu hepeka. 13 Ndele Omwene okwa ninga paendjovo daMoses; omafuma a fya mo momaumbo nomomaluumbo nomomapya. 14 Oo a ndubilwa eenduba, nedu ola nyika nai. 15 Farao eshi a mona ehepuluko le uya, ye okwa kukutika omutima waye ndele ine va pwilikina, ngaashi Omwene a popya.
Ehandukilo etitatu: Eemwe
16 Omwene okwa popya vali naMoses ta ti: “Lombwela Aron: ‘Yelula onhaili yoye u denge ondwi yedu, ndele yo otai ningi eemwe moshilongo ashishe shaEgipiti.’ ” 17 Ndele vo osho va ninga; Aron okwa yelula eke li nonhaili yaye nokwa denga ondwi yedu, opo nee eemwe da holokela ovanhu noimuna. Ondwi aishe yedu ya ninga eemwe moshilongo ashishe shaEgipiti. 18 Neemhule da kendabala okweeta po eemwe noupule wavo, ndelenee va nyengwa. Osho hano eemwe da li kovanhu nokoimuna. 19 Opo nee eemhule da lombwela Farao: “Eshi omunwe waKalunga!” Ndelenee omutima waFarao wa li wa kukuta opo ye ine va pwilikina ngaashi Omwene a tile.
Ehandukilo etine: Omawashe
20 Omwene okwa lombwela vali Moses ta ti: “Meneka mongula u lilongekide okuholoka koshipala shaFarao, tala, ye ota ka ya komeva, ndele mu lombwela kutya Omwene osho ta ti: ‘Lekela ovanhu vange, va shiive okulongela nge. 21 Ndelenee ngeenge ito lekele ovanhu vange va dje po, opo nee tala, Ame ohandi mu tumine ove novapiya voye novanhu voye nomaumbo eni omawashe opo omaumbo aeshe Ovaegipiti taa kala e yadi omawashe nedu lo vene oku e li ofika. 22 Ndelenee mefiku tuu olo Ame ohandi tongola mo Gosen, omo ovanhu vange hava kala, opo muha kale omawashe, opo ove u shiive nokutya, Ame ndi li Omwene moshilongo. 23 Ndele Ame ohandi tula etongoko pokati koshiwana shange noshiwana shoye. Omadidiliko aa otaa ningwa mongula.’ ” 24 NOmwene osho a ninga: omawashe mahapu mahapu e uya meumbo laFarao nomomaumbo ovapiya vaye nomoshilongo ashishe shaEgipiti. Oshilongo sha hepekwa shili komawashe. 25 Opo nee Farao okwa ifana Moses naAron ndele okwa tya: “Indeni mu ka ningile Kalunga omaxwikilo moshilongo eshi.” 26 Ndelenee Moses a nyamukula: “Inashi yuka oku shi ninga, osheshi eshi hatu shi yandjele Omwene Kalunga ketu, osho oixuna kOvaegipiti. Ngeenge hatu yambe eshi shoixuna momesho Ovaegipiti, vo itave tu dipaa nomamanya? 27 Tu lekela tu ka ende ondjila yomafiku atatu mombuwa, tu shiive okuyambela Omwene Kalunga ketu, ngaashi e tu lombwela.” 28 Opo nee Farao okwa tya: “Ame ohandi mu lekele, mu ye, opo mu shiive okuningila Omwene Kalunga keni exwikilo mombuwa. Ndelenee inamu ya kokule. Ilikanenei nge.” 29 Ndele Moses okwa nyamukula ta ti: “Tala, ame ohandi di pwoove, opo ndi indile Omwene, Ye a ninge nokutya omawashe a efe mongula Farao novapiya voye novanhu voye. Ashike Farao ehe tu kengelele vali oshiwana shiha dje mo okuyandjela Omwene omayambo.” 30 Opo nee Moses naAron va dja po puFarao ndele va indila kOmwene. 31 Ndele Omwene a ninga paendjovo daMoses; okwa kufa mo omawashe kuFarao nokovapiya vaye nokovanhu vaye. Inapa fyaala nande limwe. 32 Nopaife yo Farao okwa kukutika omutima waye, ndele ina lekela ovanhu, va dje mo.
