Ehandu laJona nokupukululwa kwaye
1 Ndele Jona okwa ninga omwenyo mwii unene, ndele ta handuka. 2 Opo ye a ilikana Kalunga ndele ta ti: “Akutu Omwene! Hasho nda diladila, fimbo nda li moshilongo shetu? Onghee hano nda li nda hala okuya onhapo kuTarsis. Osheshi ondi shi shii, Oove Kalunga omunanghenda nomunalukeno nomutalanheni, nouwanghenda woye munene, ndele Ove ou ku kwete okulialuluka. 3 Akutu Omwene, paife, kufe nge omwenyo wange, osheshi okufya kwange ku dule okukala ndi nomwenyo.” 4 Opo Omwene ta ti: “Ou shii okuhanduka kwoye okwa yuka?” 5 Ndele Jona okwa dja mo moshilando, ndele ta i kombinga yokoushilo woshilando. Oko ye e lidikila etwali ndele ta kala omutumba momudile walo, opo a mone nhumbi oshilando tashi ningilwa. 6 Opo Omwene Kalunga okwa menifa omuti warisin tau kulilile kombada yaJona, nomudile wao wa tuvikila omutwe waJona, opo a mangululwe mokutikuka kwomwenyo waye. Jona okwa hafela shili omuti warisin. 7 Ndelenee mefiku lomongula, eluwa opo la tende, Omwene okwa eta eshila, ndele tali li omuti warisin, ndele tau fi. 8 Ndele etango eshi la pita Omwene okwa pepifa omhepo ipyu yokoushilo. Netango tali xwike omutwe waJona, ndele ye okwa alama. Ndele ye e lihalela efyo ndele ta ti: “Okufya kwange ku dule okukala ndi nomwenyo.” 9 Opo nee Kalunga ta ti kuJona: “Okuhanduka kwoye okwa yuka tuu, eshi wa handukila omuti warisin ou?” Ndele ye okwa nyamukula: “Heeno, okuhanduka kwange okwa yuka fiyo okufya.” 10 Omwene ota ti natango: “Ove wa yehamenwa omuti warisin ou, ove ino u kuna noino u menifa, ou wakula oufiku umwe auke nowa fya oufiku umwe.” 11 Ndelenee Ame ohandi kala ngahelipi ngeno, ndiha yehamene Ninive, oshilando shinene shi novanhu ve dule omayovi efele nomafele omilongo mbali vehe shii okutongola eke lolulyo nolumosho, nomu na yo oimuna ihapu?
Ehandu laJona nokupukululwa kwaye
1 Ndele Jona okwa ninga omwenyo mwii unene, ndele ta handuka. 2 Opo ye a ilikana Kalunga ndele ta ti: “Akutu Omwene! Hasho nda diladila, fimbo nda li moshilongo shetu? Onghee hano nda li nda hala okuya onhapo kuTarsis. Osheshi ondi shi shii, Oove Kalunga omunanghenda nomunalukeno nomutalanheni, nouwanghenda woye munene, ndele Ove ou ku kwete okulialuluka. 3 Akutu Omwene, paife, kufe nge omwenyo wange, osheshi okufya kwange ku dule okukala ndi nomwenyo.” 4 Opo Omwene ta ti: “Ou shii okuhanduka kwoye okwa yuka?” 5 Ndele Jona okwa dja mo moshilando, ndele ta i kombinga yokoushilo woshilando. Oko ye e lidikila etwali ndele ta kala omutumba momudile walo, opo a mone nhumbi oshilando tashi ningilwa. 6 Opo Omwene Kalunga okwa menifa omuti warisin tau kulilile kombada yaJona, nomudile wao wa tuvikila omutwe waJona, opo a mangululwe mokutikuka kwomwenyo waye. Jona okwa hafela shili omuti warisin. 7 Ndelenee mefiku lomongula, eluwa opo la tende, Omwene okwa eta eshila, ndele tali li omuti warisin, ndele tau fi. 8 Ndele etango eshi la pita Omwene okwa pepifa omhepo ipyu yokoushilo. Netango tali xwike omutwe waJona, ndele ye okwa alama. Ndele ye e lihalela efyo ndele ta ti: “Okufya kwange ku dule okukala ndi nomwenyo.” 9 Opo nee Kalunga ta ti kuJona: “Okuhanduka kwoye okwa yuka tuu, eshi wa handukila omuti warisin ou?” Ndele ye okwa nyamukula: “Heeno, okuhanduka kwange okwa yuka fiyo okufya.” 10 Omwene ota ti natango: “Ove wa yehamenwa omuti warisin ou, ove ino u kuna noino u menifa, ou wakula oufiku umwe auke nowa fya oufiku umwe.” 11 Ndelenee Ame ohandi kala ngahelipi ngeno, ndiha yehamene Ninive, oshilando shinene shi novanhu ve dule omayovi efele nomafele omilongo mbali vehe shii okutongola eke lolulyo nolumosho, nomu na yo oimuna ihapu?
